إعـــــــلان

**analyzer** · 21-01-2009, 09:23 PM

اه الموضوع ده حقيقى
لانى انا شخصيا شوفته بعينى بيت اتنين واحد اخد فلوس من واحد بالربا
ولكن اعاذنا الله واياكم من الربا الاخ الفاضل صاحب الموضوع اذا كنت بتسئل لانك ناوى عليه فرجاء بلاش وشوف اى طريق اخرى لان اخرته مش حلوة وبكدا بتخسر دنيا واخرة كمان

**kliken** · 21-01-2009, 09:32 PM

اعوذ بالله ده ربا صريح
ربنا يحفظنا و يبعدنا عنه

**michola** · 21-01-2009, 09:40 PM

شكرا جدا لرد حضرتك
بس لو فى شغل لا يحتمل اى تأخير لازم يخلص و فى ازمه جامده فى الفلوس, يبقى الحل ايه ؟
و بعدين الحل الامثل على ما اعتقد انى ادخل الشخص ده فى الشغل نفسه و اديله نسبه من الارباح

يا ريت بقى لو تعرفوا حد يقدر يساعد فى الموضوع ده و المبلغ المطلوب مش كبير الى حد ما

**SHNORY** · 21-01-2009, 10:13 PM

فيه مرابيين طبعا يا باشا وكتير
بس سيادتك بتاخد منهم مثلا 400 الف جنيه وترجعهم 600 الف جنيه خلال شهرين
انت واتفاقك مع المرابي
وطبعا كلامي واضح وانا بقول مرابي
ومش حقولك الاديان بتقول كذا والقرئان قال ايه عن المواضيع دي لاننا كلنا عارفينها من صغرنا
بس الموضوع واضح وصريح قدام حضرتك 400 بيرجعوا 600 خلال شهرين
وانت لو مدفعتش هو بيعرف يجيب فلوسه منك وبطرق لا تتخيلها اكتر واقوي من اللي بتشوفه في افلام المافيا
ولو عاوز تستلف منه 600 الف علشان تسد القرض القديم ليه حيديك مش حيقولك لاء
لاني زي ما قولتلك هو بيعرف يجيب فلوسه منك حتي لو حيبيع اعضائك بالحته
راجع نفسك وضميرك
لو نويت تستلف منه فدي حاجه كويسه لانك حتكون عبره للناس وجيل كامل بعد منك مش حيعمل زيك
لو رجعت لطريق الحق يبقي ربنا يباركلك ولو فيه صفقه معينه مكتوبلك انك تنولها فاكيد حتنولها لو مليكش نصيب فيها فاكيد مهما عملت مش حتنولها
وربنا يوفقك

**eng.octooo** · 21-01-2009, 10:50 PM

اسالو اهل الذكر ان كنتم لا تعلمون

يا جماعة الراجل يمكن هاياخد فلوس من واحد وهايدخل معاة فى شركة ودى بيبقى ليها حساب تانى

اسالو واحد عندة معرفة كفاية

**michola** · 21-01-2009, 10:51 PM

المشاركة الأصلية كتبت بواسطة shnory مشاهدة المشاركة

راجع نفسك وضميرك
لو نويت تستلف منه فدي حاجه كويسه لانك حتكون عبره للناس وجيل كامل بعد منك مش حيعمل زيك
لو رجعت لطريق الحق يبقي ربنا يباركلك ولو فيه صفقه معينه مكتوبلك انك تنولها فاكيد حتنولها لو مليكش نصيب فيها فاكيد مهما عملت مش حتنولها
وربنا يوفقك

انا ليا لوم على حضرتك على الكلمه دى لأنى انا منحرفتش عن طريق الحق و انا كل اللى طلبه شريك (ممول) ليس اكثر

**SHNORY** · 21-01-2009, 10:54 PM

المشاركة الأصلية كتبت بواسطة michola مشاهدة المشاركة

انا ليا لوم على حضرتك على الكلمه دى لأنى انا منحرفتش عن طريق الحق و انا كل اللى طلبه شريك (ممول) ليس اكثر

يا سيدي حقك عليا لو كلامي زعلك واجيلك لحد بيتك واعتذرلك
بس منطلق كلامي ان محدش بيسلف حد ميعرفهوش غير النوعيه اللي انا اتكلمت عليها
وبكرر اعتذاري لحضرتك واللي خلاني اتكلم كده اني شوفت الموقف ده بيحصل لناس اعرفهم واللي حصل الواحد ميتمناهوش لحد

**SHNORY** · 21-01-2009, 11:06 PM

المشكله تتوقف علي الفايده اللي حياخدوها
ماهو الربا حرام علشان فوايده عاليه انا مش عاوز افتي واقول الفايده الشرعيه كذا
علشان مش متذكر قيمتها بالظبط
بس احب اقولك واسف اني حقولها انك مش حتلاقي
اي رجل اعمال حتعرض عليه الموضوع حيحاول ياخد الصفقه منك
الا لو الموضوع محتاج خبره اكتر من الفلوس
وانصحك واكيد انت عملت بالنصيحه قبل ما انا اقولها انك تشوف حد تعرفه كويس
وتشارك معاه في الموضوع ده وفيه طرق كتير لسييل الفلوس بس مش محبوبه لانها ساعه الخساره محدش بيسمي عليك ومنها انك تشتري بضاعه بالتقسيط وتبيعها باقل من تمنها او في عرف السوق اسمها بضاعه محروقه وتسيل فلوسها وتشتغل بيها في حاجه دوره راس المال فيها سريعه
وبرضه الموضوع مش مامون العواقب

**د./اليشع ثابت** · 21-01-2009, 11:11 PM

المشاركة الأصلية كتبت بواسطة michola مشاهدة المشاركة

شكرا لأعتذار حضرتك و محصلش حاجه
بس انا سؤالى دلوقتى لو انا اتعاملت مع الناس دى و ساعدونى و الفلوس هترجعلهم بالظبط فى اسبوع مش اكتر هل كده فى مشكله ولا لأ ؟؟؟

بص يا حبيبى
لو هيرجع المبلغ بنفس قيمتة يبقى دة سلف عادى جدااا مافيهوش مشكلة ولا حرمانية
اما لو هيرجع مضافا الية اى زيادة فدة بالفعل ربا و هو فعلا محرم و حرمانيتة بالاكثر على المرابى لان بعض المحتاجين قد يكون محتاج هذا المال لعلاج ابن لة او ابنة او حتى لقوت يومة فكان الله فى عون المحتاجين
او ان يدخل شريك ولة نسبة مقابل رأس المال بتاعة فهذا عادى جداااا و هى شراكة مشروعة
و تقبل منى كل الحب و الاحترام

**michola** · 21-01-2009, 11:46 PM

المشاركة الأصلية كتبت بواسطة aleshath مشاهدة المشاركة

بص يا حبيبى
لو هيرجع المبلغ بنفس قيمتة يبقى دة سلف عادى جدااا مافيهوش مشكلة ولا حرمانية
اما لو هيرجع مضافا الية اى زيادة فدة بالفعل ربا و هو فعلا محرم و حرمانيتة بالاكثر على المرابى لان بعض المحتاجين قد يكون محتاج هذا المال لعلاج ابن لة او ابنة او حتى لقوت يومة فكان الله فى عون المحتاجين
او ان يدخل شريك ولة نسبة مقابل رأس المال بتاعة فهذا عادى جداااا و هى شراكة مشروعة
و تقبل منى كل الحب و الاحترام

ميييين يرضى يسلف حد فلوس ساعه و يرضى ياخدها بنفس قيمتها....... حاجه صعبه جدا جدا فى الزمن **** اللى احنا فيه ده
و بعدين فى نقطه مهمه عايز اتكلم فيها
انا هحط مثالين:
اول مثال: لو انا واخد الفلوس علشان اعالج حد و الراجل اللى انا واخد منه الفلوس قطم وسطى و قالى انا هخدها بزياده 25% يبقى ده حرام طبعا علشان انا مستدفتش من الفلوس دى بحاجه (مكسب مادى يعنى), علشان انا واخدها علشان اعالج حد (الحاله دى ربا طبعا)

تانى مثال: لو انا واخد الفلوس علشان شغل, يعنى هستفيد من فلوس الراجل ده, ينفع ارجعها هى هى منغير ولا مليم زياده ( يبقى حرام عليا خدت فلوس الراجل و منفعتوش ) و بعدين هو هيبقى عارف انى واخد الفلوس علشان شغل يعنى هيبقى عارف انى هستفيد, يعنى هو طبيعى جدا يقولى هتدينى كام. (الحاله دى حالة شغل كل يوم بتحصل)

ده رأى الشخصى
و رجاء محبه منكوا , اللى يعرف حد يقولى علشان انا الناس دى مش عارف سكتها فين.
و شكراااا

**KarimAbulEla** · 22-01-2009, 05:33 AM

رجاءا اذا تعمل موضوع باسم مطلوب شريك ممول حيث ان عنوان الموضوع الحالى يستفز اى شخص لان عنوان الموضوع منافى لتعاليم للدين الاسلامى ، و عذرا اذا اخذ موضوع اتجاه اخر غير ما انتظرته

Comment

Comment

Comment

إعـــــــلان

.

مطلوب ممول او شريك

مطلوب ممول او شريك

Comment

Comment

Comment

Comment

Comment

Comment

Comment

Comment

Comment

Comment

Comment