هــــــــام جــــدا !! لكل الي بيشربوا حاجة ساقغة !!

[CryptonX]

بايوو ... شكرا للتأكيد !!

الغرامة للحكومة ؟؟
ليه ؟

يا جدعان... ما علينا !!!
!!!

المهم قولي عملت ايه يا بايو , و ياريت باقي الناس ينشروا الخبر و الصور

[اسلام المصرى]

شكرا يا أخ CryptonX على نشر الموضوع و التحذير , أعوذ بالله و حسبى الله ونعم الوكيل , أحسن حاجة بلاش شرب من الزجاجات و أحسن و أصح حاجة بلاش شرب مياه غازية من أصله! :)

[Nader]

والله مستبعدش حاجة زي دي انا نفسي شفت ازازة فيها كبل كهربة مصدي عادي يبقي انت اكيد في مصر. :?

[جندى مجند]

من أكتر من 10 سنين كان فى تحقيق فى الوفد أو الأهرام مش فاكر عن شركة مياه غازية لم يتم ذكر اسمها كان فى احدى زجاجتها موس حلاقة!! و كانت الصورة مش واضح فيها ماركة الزجاجة لكن كان نفس شكل الكوكاكولا ... واضح انهم تطوروا من الأمواس الى الصراصير الى كابلات الكهربا الى الفئران!!! أو يمكن دة كان عرض خاص فار هدية مع كل زجاجة!!!

الحقيقة أنا بقالى مدة كبيرة جداً جداً مبشربش مياه غازية الا بس بين الحين و الآخر لو معزوم عند حد و ألح انى أشرب ... و مش حاسس بأى نوع من الحرمان أو الاشتياق ليها خالص بل بالعكس ... كدة كمان بنتى الصغيرة و الحمد لله مش بتتقبل طعمها أصلاً لو حاولت تشربها فى أى حتة ... العصائر الطبيعية أحلى و أفيد بكتيييير

[Ashraf A.Kader]

الحمد لله مليش في الحاجة الساقعة

[Karim_Monir]

كان معايا زجاجة سفن اب فيها بض صراصير كتير
وصلتني من ست غلبانة
وكنت هارفع بيها قضية عليهم وبعتولي ناس يدوني فلوس وكروت شحن(شوفتوا السذاجة)
بس قدرا اتكسرت قبل ماعمل بيها حاجة

المهم نصيحة لو مش قادر تبطل الزفت اللي اسمه مشروبات غازية بكل اضرارة
حاول ماتشربش اي حاجة في اعادة تعبئة في مصر
نهائي
لو ماخلصتش من الفيران هاتلاقي صراصير او فيروس سي كبد وبائي
ان ماكنش امراض تانية كتييييييييييييييييييييييييييييييييييير

يبقي انت اكيد اكيد في مصر


علي الهامش
زوجتي لا تسمح مطلقا بدخول تلك المشروبات الي المنزل وطبعا معاها حق عشان الاطفال ما يتعودوش عليها
ولو في زيارة خارجية لاحد ترفض تماما انها تشربها او تشربهالهم مهما تسبب ذلك من احراجي او احراج المضيف

اما لو نسيت وجبتهم البيت ونسي اخليهم في شنطة العربية بيكون مصيرهم تنظيف التواليت بيهم او حوض المطبخ

[CryptonX]

طب والله هايل !!

يا ريت بيوت مصر كلها تعمل كدة !

انا بصراحة مدمن مشروبات غازية من الصغر , بس نفسي اتغمت دلوقتي و مش عارف بقى اخليني في الفيروز و لا كفاية كباية المياة مع القهوة الزيادة عللا القهوة ! :)

واذا كان ده حال مصنع من المصانع امال الزفت الشيشة الي بنشمها محطوط فيها ايه ؟؟؟

[أبو عبدالله]

المهم يا بايوا انك متنرفزشي نفسك وتشد شعرك يا راجل بالمنظر ده كده علشان زجاجة الكاكولا دي وربنا هيكرمك ان شاء الله واحنا معاك يا باشا في قضاياك اذا كانت مع كوكاكولا او شيري ويا قلبي لا تحزن

بيب بيب بايـــوووووووووووو :mrgreen: :mrgreen: :mrgreen:

[amir]

بجد دي قوانين غريبه, اذاي لما واحد يقتل او يسرق تكون صورته و اسمه في واجهه الجرائد و المجلات و ده قتل او سرق واحد بس!!!!!
لكن القتل العمد للجمهور متمثل في اكل منتهي الصلاحيه او تكرار حدوث نزله معويه من اكل محل معين فا ده ممنوع نشر اسمه !!! , بحجه ان دي حادثه عرضيه او حرام نقطع اكل عيشه فا ده كلام عقيم لان الرزق من عند ربنا و لازم الواحد يراعي ربنا في اكل عيشه, مش يبقي معندوش ذمه و لا ضمير و نحميه باحجج الواهيه دي
امال تهم ذي القتل العمد مع سبق الاصرار و الترصد تليق بمين؟!!!!
انا بجد قرفان من كل اللي بيحصل ده و مستغرب علي اللي بيعملو كده او بيسهلو الهروب من العقاب للناس دي, اقل حاجه ممكن حد من اهله و احبابه يتعامل مع نفس المحلات او المنتجات ولا هما بياكلو و يشربو من بلاد بره هما و اهلهم؟!!!
و ربنا يعفينا من البلاوي اللي بقت اكتر من المطبات في الشوارع

[sokasoon]

• حسبى الله ونعمة الوكيل فى كوكاكولا وبيبسى وكل شركات المياه الغازية
  
  وبعدين كنت قولت ان الكشك اللى اشترى منو بيقول ان ديه مش اول مرة
  
  وحصلت قبل كده كتير الراجل ده على فكرة شكلو هو اللى بيحط الفيران ديه
  
  علشان يدولو صناديق كتييييييير وبكره نشوف قطط فى الازايز مش فيران
  

[oshy]

يا جماعه أنا من فتره جامده قرأت فى جرنان الجمهوريه ( أيام ما كنت بقرأ جرايد ) إن فى واحده ست اشترت لتر بيبسى من السوبر ماركت و تخيلوا لقت أيه جوا ؟؟؟ لقيت تعبـــــــــــــان كامـــل لافف نفسه فى اللتر من تحت .. الموضوع ده كان مكتوب في الجرنان انه حصل فى بولاق الدكرور .. المهم الست راحت فرع الشركه فى مصر عشان تشتكى راحوا عرضوا عليها 100 ألف جنيه عشان ما ترفعش قضيه على الشركه الست رفضت الفلوس و راحت لجرنان الجمهوريه اشتكت ....
لا تعليـــــــــــــــــــــــق

[sokasoon]

يا جماعه أنا من فتره جامده قرأت فى جرنان الجمهوريه ( أيام ما كنت بقرأ جرايد ) إن فى واحده ست اشترت لتر بيبسى من السوبر ماركت و تخيلوا لقت أيه جوا ؟؟؟ لقيت تعبـــــــــــــان كامـــل لافف نفسه فى اللتر من تحت .. الموضوع ده كان مكتوب في الجرنان انه حصل فى بولاق الدكرور .. المهم الست راحت فرع الشركه فى مصر عشان تشتكى راحوا عرضوا عليها 100 ألف جنيه عشان ما ترفعش قضيه على الشركه الست رفضت الفلوس و راحت لجرنان الجمهوريه اشتكت ....
لا تعليـــــــــــــــــــــــق

• مهما ترفع قضايا مهما تعمل مش هتاخد حق ولا باطل فى البلد ديه
  صحيح انا سمعت اخبار كده ان ابو الهول مات
  

[abo3bdolrahman]

إنت متأكد يا سوكاسون من موضوع موت أبو الهول ده :?:
ياريت تبعتى على الخاص لو متأكد علشان أروح أعزى فيه :twisted:
:lol: 8) :lol:

[MohabSaeed]

:mrgreen: عادى يا جدعان واية المشكلة فار هو الازازة ... دة علاشان يحلى النكهة .. وتبقى مظبوطة ..... من اكتر من 10 سنين والدى كان لسة حيشرب بيبسى .. لقى فى قعر الازاى قرص كيتو بتاع النامووووس . :shock:


..

الفكرة يا جماعة محدش نهائى يشرب حاجة سقعة فى العبوات الزجاج الى بتعاد تعبأتها ( الصاروخ , او اللتر ) .. لانها مش بتبقى معقمة كويس .. بعيد بقى عن موضوع الفران والحشرات والكلام دة .. يعنى حتى لو شكل الازازة .. فأنتا ماتضمنش انها اتعقمت قبل ماتتعبأ



مع التحذير ان المشروبات الغازية مضرة بالصحة ... بس انا بقول للناس الى ماتقدرش تستغنى عن المشروبات الغازية ( انا من الناس دية ) .. خليك فى احسن الوحشين .. الكانز او العبوات البلاستك ...

[محمد ابراهيم 1]

انا حرجع من قرايه الموضوع
لك الله يا مصر