برجك إيه ...تعالوا نسبح في عالم الأبراج

[Ahmed Samy]

انا وبلافخر من مواليد سيد الأبراج وفخر المجموعة الفلكية
برج القادة و حماة البشرية
وبرج الطغاة و الأباطرة

الأسد

و للأسف انا أسد كما يقول الكتاب بالحرف

[نور العمر]

تعرفى يانور انا مش زعلان من كلامك عشان سمعت كتير كلام زيو .بس بالنسبة لرجل العقرب ومرأة القوس انا خطيبتى قوس وفى بينا كميا غريبة ومتفاهمين جدااا جدااا وبنحب بعض من 8 سنين .اتخطبنا يوم 7/1 /2009 اللى كان ذكرى حبنا الثامنة (7/1/2001) اة صحيح فى الاول كان بينا مشاكل الدنيا بس الحمد لله نجحت انى اجننها زيى.وهيا بالنسبالى المرأة الوحيدة فى العالم .وكمان كان ليااا صداقات كتير قوية وجميلة بالبرج دة
المهم فى الاخر برج العقرب دة برج كويس قوى بس لو فهمتى صاحبو .عشان غالبااا احنااا طباعنا حادة جدااااومعظم تصرفاتنا فيها حدة بس دة نابع ان جوانا مفيش لون رمادى ياابيض يااسود يابحبك قوى قوى يابكرهك ومش عاوز اشوف خلقتك.فدة بيخلى معظم الناس مش عارفة تتعامل معانا ودة اللى بحسو فعلا
ياريت تناقشينى وتقوليلى رأيك
خالص تحياتى

شكرأ على أسلوبك الراقي وطلبك لسماع رأيي
في البداية آسفة ... أنا مش عاوزة أزعل العقرب برأيي فيه
بس القوس والعقرب ( لا لا لا لا لا لا لا لا الا لا لا:k26: ) عن تجربة والله بلاش.......وكمان الزواج المتوقع نجاحه على أساس قصة حب يبقى معرض للانهيار بسرعة ... الحب بيكون سبب للاستمرار والضغط على النفس ... بس مشاكل البرجين دول مع بعض تفسد أي قصة حب وتدمرها ... العقرب ما بيتغيرش ( ولسعته والعقرب بجد ) وقلبته وحشة لإنه من طباعه القسوة والشدة ( طيب .. حنين ... وخصوصا لو اصبح أب ) لكن قاسي وشديد ونقده لاذع...
المرأة القوس قيادية ... والعقرب بيحب يكون هو الكل في الكل ... وهي بتحب احترام وتقدير شخصيتها .. وده صعب يعملوا العقرب ...عشان بتحبك حتفوتلك كتييير في الأول ... بس بعد كده لو قلبت إنسى
هي حماسية للأمور قوي وطبعها ناري وعصبي وهو ( بارد شوية ورزين وده يعصب القوس قوي ) وكمان هو هوائي والهوا يزود النار .... الحب مش مشاعر وخلاص الحب حاجات تانية كتيير .. والمرأة القوس رومانسية العقرب مش رومانسي بالمرة ( بيحب من قلبه ) بس طرق العقرب في التعبير عن الحب لن ترضي المرأة القوس ... ولو حاول ارضاءها في البداية سرعان ما حيبطل للأبد ... وده حيعصبها ويحزنها... الكلام في الموضوع ده مالوش آخر ونصيحتي بلاش
خاليكو اصحاب افضل ( أنسب إمرأة لك ) المرأة العقرب نفس النوع والطبع
القوس إللي يشوفه ويعاشره يحبه ... بس عاملوه بحب ومصداقية وإعطوه حجمه وإلا العواقب تكون غير سارة بالمرة

[نور العمر]

موضوع جامد جدا
انا برج العقرب بس معرفش عنه اي حاجه
بس لو عرفت هاقول على اللي فيا

عشان خاطر ربنا خاليك زي ما انت وبلاش تعرف عشان لا تتعمق في صفات برجك اكتر ...... استر يا رب

[نور العمر]

انا حوت
حتى ماقولتش برج الحوت
لا بقول انا حوت وش كده.....حاسس انى حوت بجد و مكانى فى المحيط...
مش اوى كده...:)
لأ بجد حاسس انى قريب من اخلاق الحيتان جدا

يا بختها إللي تتزوج برج الحوت ( متعاون جداً ) وبياخد الأمور ببساطة وحساس ( ودي فعلاً من صفات الحيتان في المحيط ).. كاتم الأسرار الأول - كريم جدا - أب حنون - وبيتوتي

[نور العمر]

انا وبلافخر من مواليد سيد الأبراج وفخر المجموعة الفلكية
برج القادة و حماة البشرية
وبرج الطغاة و الأباطرة

الأسد

و للأسف انا أسد كما يقول الكتاب بالحرف

مين قده يا ناس مين قده ( يارض هدي ما عليكي قدي ):k32:سقفة كبيرة لسيد الأبراج

أرجوا من سيادتكم التحدث المستفيض عن صفات برجكم العظيمة

[AboELsoud]

(عشان خاطر ربنا خاليك زي ما انت وبلاش تعرف عشان لا تتعمق في صفات برجك اكتر ...... استر يا رب)
خلاص مبقاش ينفع الكلام ده انا خلاص دورت
هههههههههههههههههههههههههههه
على فكره ده طلع برج كويس قوي بس اللي يتعامل معاه لازم يكون حريص شويه فعلا و انا لاقيت شويه حاجات حلوه فيا
اصوته الذي لا يمر دون أن يترك في السامع أثرا غريبا سواء أكان من النوع الأجش أو الحاد أو المخملي
يضاف إلى ذلك مظهر خارجي حاد في جميع تفاصيله . لكن الأهم من ذلك هو تأثير إنسان برج العقرب في الأجواء التي يوجد فيها . إن أي مكان يجلس فيه أو يدخل إليه فجأة يصبح أشبه شيء بحقل من الكهرباء أو المغنطيس أو الذرة
وهي دي مشكلتي فعلا
( مقابل هذا قد تطرأ ظروف عكسية تحوله إلى شيطان يزرع الفساد و الشر و يقابل الإساءة بأضعافها ، و إذا لم يتسن له الانتقام سكت على الضيم مكرها و شعر من جراء ذلك بمرارة شديدة قد تسبب له مع الوقت مرضا حقيقيا:k26:)
انا كده رغيت كتير معلش دوشتكوا سلام

[TeXo]

أهلاً بحضرتك وب أ/ هيما .... من صفات الرجل الجوزاء... قلق ومتناقض ( لديه ازدواج فكري ) يجمع بين الشئء ونقيضه عشان كده عاوز حد لاسع فكريا عشان يكون قريب منه ويفهم حقيقته
مفيش في حياته ملل كثير حياته كلهاالحركة والنشاط ... بس معنى الحب عنده حاجة وتصرفاته مع هذا الحب حاجة تانية خاص ( وده بيقولوا عنه في عالم الأحبة محب غشيم ) ....... مثقف قوي .... ويحب يتكلم في كل حاجة ....... اجتماعي جداً ... و ( ثرثار ) جدا جدا بس أسلوبه جميل في الكلام ... ولو قال الصراحة بيقولها ببساطة بدون تجريح
مقنع جداً حتى ولو هو مش مقتنع أصلاً بالشئ بس يقدر يقنع إللي قدامه ( لو أصبح ممثل يبقى ممثل بارع ) ........ بيحب ينام كتييير عشان بيشتغل كتييير حركياً أو ذهنياً ..
يشد الرجل الجوزاء الجمال الخارجي ... وبعدين يبحث في جمال الجوهر ا( عكس القوس ) ... بيهتم بالمستقبل وإللي فات فات بالنسبة له

ويا هناه يا سعده إللي باباه جوزاء حيعيش أجمل أيام طفولته دلع وهدايا ............ ( أنا عاوزة بابي جوزاء )
أرجوا أن أكون قربت المعلومات عن البرج ... يا ترى ده فعلاً صحيح يا جوزاء

اولا شكرا لحضرتك علي المعلومات و المتابعه

ثانيا : سبحان الله بجد 90 % من الصفات كلها موجوده فيا بالظبط , بصراحه انا اول مره احس ان علم و صفات الابراج بتبقي حقيقيه للدرجه دي

[نور العمر]

[QUOTE=m_a_aboelsoud;614472](عشان خاطر ربنا خاليك زي ما انت وبلاش تعرف عشان لا تتعمق في صفات برجك اكتر ...... استر يا رب)
خلاص مبقاش ينفع الكلام ده انا خلاص دورت
هههههههههههههههههههههههههههه
على فكره ده طلع برج كويس قوي بس اللي يتعامل معاه لازم يكون حريص شويه فعلا و انا لاقيت شويه حاجات حلوه فيا
اصوته الذي لا يمر دون أن يترك في السامع أثرا غريبا سواء أكان من النوع الأجش أو الحاد أو المخملي
يضاف إلى ذلك مظهر خارجي حاد في جميع تفاصيله . لكن الأهم من ذلك هو تأثير إنسان برج العقرب في الأجواء التي يوجد فيها . إن أي مكان يجلس فيه أو يدخل إليه فجأة يصبح أشبه شيء بحقل من الكهرباء أو المغنطيس أو الذرة
وهي دي مشكلتي فعلا
( مقابل هذا قد تطرأ ظروف عكسية تحوله إلى شيطان يزرع الفساد و الشر و يقابل الإساءة بأضعافها ، و إذا لم يتسن له الانتقام سكت على الضيم مكرها و شعر من جراء ذلك بمرارة شديدة قد تسبب له مع الوقت مرضا حقيقيا:k26:)

مغناطيس ... ده حقيقي .... صوته جاذب للأذن ... تمام .... شيطان وشرير ..... ده في الغالب الاعم

[نور العمر]

أدعوا إدارة المنتدى ... الدخول والمشاركة للتعارف عليهم من خلال أبراجهم ........... مع خالص التحية :k10:

[نور القمر]

انا بحب الكلام في الابراج لما يكون بس عن الصفات مش الطالع طبعا لاني مش بقتنع بيه ابدا ابدا

جبتلكم صفات برجي من النت اللي هو برج العقرب 28 اكتوبر
واعتقد جزء كبير اوي منها بيعبر عن شخصيتي الحقيقية


الشخصية: صاحب عزيمة- قوي- عاطفي- ذو حدس- ذو طاقة - مثير - شخصيته جذابة- كتوم للأسرار
سلبيات: كثير الرفض- يحب السيطرة - محب للتملك- غيور -عنيد تصدقوا فعلا صح


يحب أن يعرف كل شيء الحدس والفضول الكبيران لدى العقرب يجعلانه من أفضل الشخصيات التي تصلح كمحقق من بين الأبراج كلها. المحقق كونان

هو عن كل شخص. وعند الحاجة إلى إجابة ما فإن العقرب سوف يجد هذه الإجابة لك.

ولكن لسوء الحظ العقرب يرى فقط الأشياء بالأبيض والأسود. فعلا معنديش امور وسط

دائماً يوجد لدى مولود العقرب جدول أعمال وغالباً ما ينجح في تحقيقه. معتقدش
يتحكم العقرب بمصيره وله طريق واحدة فقط في الحياة: وهي العيش على طريقته الخاصة. مظبوط وبكره التدخل في اموري الخاصة ومش بسمح بيه
عندما يخسرون خسارة في هذه الحياة فلن يقوموا بإضاعة الوقت في الجلوس والعبوس ولكنهم يستمرون بالسير على دربهم وفي النهاية من المؤكدأنهم سوف ينجحون. الحمد لله نفسي طويل ومش بيأس

غالباً ما ينجرف مواليد العقرب وراء عواطفهم ورغباتهم الشديدة. مظبوط وبعتبرها نقطة ضعفي
غالباً ما يراهم الآخرون كمستبدين. هههههههههههه معرفش ليه بس حقيقي

مواليد العقرب هم ممن يكتمون الأسرار ولا يعرف أولئك المحيطون بهم أعماق عواطفهم وفي حال حاول أحدهم سبر أعماق شخصيتهم فسيواجه بالحذر وسوف يبتعدون فوراً. اكيد مظبوط وقولولي بس اسراركم ومتقلقوش خالص

يحب العقرب أن يتمم الأمر سواء كان هذا الأمر من صلب العمل أو من أمور التسلية واللعب. صح
وفي الواقع لكي ينجز مولود العقرب الإنجاز الجيد لا بد من وجود منافس مضاد وهو عادة لا يقوم بالإهمال. المنافسة الشريفه دايما حافز ا يجابي ليا
من المؤكدأنه عند اعتراض العقرب أو الوقوف في وجهه سوف تكون ردة فعله شديدةً وبالحد الأقصى. صح جدا خلوا بالكم على نفسكم

إنه لا يترك أمراً أو يستسلم ومن الطبيعي في حال شاهدنا شخصا ًقد أخذ أمراً صعباً على عاتقه فهذا الشخص هو العقرب لا استسلم ابدا

[HeMa_LanCeR]

أهلاً بحضرتك وب أ/ هيما .... من صفات الرجل الجوزاء... قلق ومتناقض ( لديه ازدواج فكري ) يجمع بين الشئء ونقيضه عشان كده عاوز حد لاسع فكريا عشان يكون قريب منه ويفهم حقيقته
مفيش في حياته ملل كثير حياته كلهاالحركة والنشاط ... بس معنى الحب عنده حاجة وتصرفاته مع هذا الحب حاجة تانية خاص ( وده بيقولوا عنه في عالم الأحبة محب غشيم ) ....... مثقف قوي .... ويحب يتكلم في كل حاجة ....... اجتماعي جداً ... و ( ثرثار ) جدا جدا بس أسلوبه جميل في الكلام ... ولو قال الصراحة بيقولها ببساطة بدون تجريح
مقنع جداً حتى ولو هو مش مقتنع أصلاً بالشئ بس يقدر يقنع إللي قدامه ( لو أصبح ممثل يبقى ممثل بارع ) ........ بيحب ينام كتييير عشان بيشتغل كتييير حركياً أو ذهنياً ..
يشد الرجل الجوزاء الجمال الخارجي ... وبعدين يبحث في جمال الجوهر ا( عكس القوس ) ... بيهتم بالمستقبل وإللي فات فات بالنسبة له

ويا هناه يا سعده إللي باباه جوزاء حيعيش أجمل أيام طفولته دلع وهدايا ............ ( أنا عاوزة بابي جوزاء )
أرجوا أن أكون قربت المعلومات عن البرج ... يا ترى ده فعلاً صحيح يا جوزاء

تمام كده وبالنسبه لموضوع الحب فهو فعلا انا رخم قوي فيه حب يعني حب اخد بحقي كله مش يوم دلع ويوم خناق
وبالنسبه للأزدواج دي كمان فعلا وقوي كمان بصراحه كل حاجه بالظبط
ماعدا شيء واحد
النوم الكثير لأني مش بحب انام كتير وهذا يمكن لأنني لا اعمل يعني دراسه فقط حتي الان ويمكن لما ادخل مجال العمل انام بالرغم اني كنت في مجال عمل لفتره قصيره وكان يستلزم علي اني افضل سهران بالأيام بس ده بحكم العمل

[meeezo333eg]

على فكرة يا جماعة موضوع الابراج ده حرام تماما و الدكتور زغلول النجار اتكلم فيه قبل كده

اللى ما يعرفش ياريت يبحث فى الموضوع علشان يتاكد و اللى يعرف و مش فارقة معاه هو حر

[HeMa_LanCeR]

أدعوا إدارة المنتدى ... الدخول والمشاركة للتعارف عليهم من خلال أبراجهم ........... مع خالص التحية :k10:

انت بتعمل ايه :k26:
مالناش دعوه بالأداره
وبعدين الاداره هنا اشخاص غير معروفه
احترس

[نور القمر]

انت بتعمل ايه :k26:
مالناش دعوه بالأداره
وبعدين الاداره هنا اشخاص غير معروفه
احترس

هههههههههههههههههههههههههههههه

[badry]

يا بختها إللي تتزوج برج الحوت ( متعاون جداً ) وبياخد الأمور ببساطة وحساس ( ودي فعلاً من صفات الحيتان في المحيط ).. كاتم الأسرار الأول - كريم جدا - أب حنون - وبيتوتي

الله يحفظك يا استاذة نور....بس بصراحة ده مش راى المدام بتاعتى
و بصراحه اغلب الصفات موجودة فيا الا موضوع انى اخد الامور ببساطة دى....
عموما المدام برج السرطان...المفروض تبقى عاملة ازاى؟؟؟
و هل هنعمر مع بعض؟؟؟؟