حرامى ينضرب ......... حرام؟

[محمد جلال]

انا بصراحة حصل معايا الموقف ده بس كاونت أول مره اشوف الموقف ده فحياتى بجد.كبيرى اشوفه مشهد فى فيلم عربى واحد بيجرى والناس بتجرى وراه وتقول حرامى.

المهم انى كونت نازل اجيب فطار وواقف قدام المطعم وواقف بتكلم مع واحد صحبى ساكن فالعماره اللى فوش المطعم المهم ببص جنبى لقيت واحد بيجرى بطريقة غريبه ووشه كله خوف كأنه بيهرب من الموت وهو بيقرب وانا مركز فى وشه اوى لغايط متفجأت ان بيجرى وراه جيش من البشر وكلهم بيقوله حرامى امسك حرام كان سارق موبيل راجل كبير.

انا عايز اقولك انى لو حركت رجلى فى أى اتجه كونت عرقلته او بسهوله كونت همسكه بس وقفت مكانى فزهول تاااااااااااااااااااااااام لغايط شويه شباب قلبه على الارض وعينك متشوف الا النور من الضرب اللى كله ..........بس انا فعلا معرفش انا متحركتش ولا عملت اى حركه اجبايه ضد الحرامى .........يمكن عشان الموضوع كان بنذبالى مشهد فى فيلم ومكونتش اتوقع انه يكون موجود على ارض الواقع

باين عليك مسالم ومش بتاع مشاكل زى .

[THETOP]

قبل منة لازم تعاقب و تحاكم الظروف التى جعلتة هكذا
'' '' '' '' الحكام الظالمة التى غلظت القلووب
'' '' '' '' الفساد والسرقة والنهب من خير البلد
'' '' '' '' التجار الجشعين و غلاءءءء المعيشة
'' '' '' '' من الاخر حاجااااااات كتير لازم تتغيير

اللى يتلسع من الشربة ينفخ فى الزبادى

مثل قديم (بلدى) مصرى

انا اضريت اوووى

فا سامحنى

واضح انك مخنوق منهم !!! هما سرقوا منك ايه ؟

اولا عربية والدى 131 3 مرات احط فيها طاقم ساوند

يتسرق بالكامل +Ipod نزلت من العربية وباجيب حاجة من محل اتكسرت الشراعة واتسرق من جوه
عربية عمى نصف نقل اتسرقت بالكامل ومرجعتش
عربية بيجو اتسرقت بالكامل ومرجتعش برضو
حرامى ينط على الشقة ويسرق منها حاجات ثمينة وينتحك حرمة البيت

حاجة تقرف بجد

ربنا يسترها علينا وعليكم

سامحونى لو قولت انى مش هاسلم الحرامى للحكومة

عشان الحكومة بتسيبهم تانى

ويجعله عامر

[محمد جلال]

اللى يتلسع من الشربة ينفخ فى الزبادى

مثل قديم (بلدى) مصرى

انا اضريت اوووى

فا سامحنى




اولا عربية والدى 131 3 مرات احط فيها طاقم ساوند

يتسرق بالكامل +Ipod نزلت من العربية وباجيب حاجة من محل اتكسرت الشراعة واتسرق من جوه
عربية عمى نصف نقل اتسرقت بالكامل ومرجعتش
عربية بيجو اتسرقت بالكامل ومرجتعش برضو
حرامى ينط على الشقة ويسرق منها حاجات ثمينة وينتحك حرمة البيت

حاجة تقرف بجد

ربنا يسترها علينا وعليكم

سامحونى لو قولت انى مش هاسلم الحرامى للحكومة

عشان الحكومة بتسيبهم تانى

ويجعله عامر

اسف مكنتش اعرف ان الموضوع كده

[Hussein_Ramdan]

فعلا حاجة غريبة
انا معا الراى الى بيقول الحرامى لازم يتسمك يتظبط ظبطة تمام قبل ما يتسلم للحكومة
عشان الاشكال الى زاى دى مش فارقة معاها الحبس
لكن تفرق معاة العلقة
لازم يترن علقة يحلف بيها طول عمرو

[Dr_Mido]

دة غير انه لو اتسلم للقسم برضه هيتضرب اما بتعدم ويكتبو فى المحضر بعد ميعدموة العافيه تسليم اهالى ويبقى كدة كدة اتضرب و الناس برة تقوم بالواجب احسن حتى تساعد الداخليه والواد كدة كدة هيطلع تانى ويبقى حارمى تانى الا لو العلقه علمت فيه هيفتكرها قبل ميسرق

[فادى]

دة غير انه لو اتسلم للقسم برضه هيتضرب اما بتعدم ويكتبو فى المحضر بعد ميعدموة العافيه تسليم اهالى ويبقى كدة كدة اتضرب و الناس برة تقوم بالواجب احسن حتى تساعد الداخليه والواد كدة كدة هيطلع تانى ويبقى حارمى تانى الا لو العلقه علمت فيه هيفتكرها قبل ميسرق

أولا هو مش المفروض يتضرب لا بره و لا جوه القسم, المفروض ياخد عقابه المنصوص عليه فى القانون لا زيادة و لا نقصان, و العقوبات البدنية اتلغت من زمان لأنها سمة المجتمعات المتخلفة, العقوبات الحديثة هى تقييد حرية المجرم فقط لفترة معينة تطول أو تقصر بحسب الجرم المركتب لأنه خطر على المجتمع.
و حصلت مع واحد أعرفه انو اتضرب ظلم بسبب تواجده فى المكان الخطأ فى وقت ارتكاب جريمة السرقة, و معرفش ايه الملابسات بالضبط لكن الناس اعتقدوا انه هو الحرامى و قاموا بضربه, و كان مظلوم علما بأنه رجل كبير و محترم.

[THETOP]

فادى باشا انا معاك فى كلامك

المفروض هنا القانون يشتغل

ويعلم الناس دى الادب

احيك على كلامك


ويجعله عامر

[Dr_Mido]

أولا هو مش المفروض يتضرب لا بره و لا جوه القسم, المفروض ياخد عقابه المنصوص عليه فى القانون لا زيادة و لا نقصان, و العقوبات البدنية اتلغت من زمان لأنها سمة المجتمعات المتخلفة, العقوبات الحديثة هى تقييد حرية المجرم فقط لفترة معينة تطول أو تقصر بحسب الجرم المركتب لأنه خطر على المجتمع.
و حصلت مع واحد أعرفه انو اتضرب ظلم بسبب تواجده فى المكان الخطأ فى وقت ارتكاب جريمة السرقة, و معرفش ايه الملابسات بالضبط لكن الناس اعتقدوا انه هو الحرامى و قاموا بضربه, و كان مظلوم علما بأنه رجل كبير و محترم.

ان متفق تماما مع سعادتك بس الكلام دة النظرى العملى اى حرامى بيتمسك بيضترب برة القسم وجوة القسم

[محمد جلال]

يا جماعة الحرامى بيخدوه بشيلته يعنى لو حد شافه يروح يشهد بس معظم الناس بيخافو من الذهاب للاقسام وقبل كده واحد جارى مسك حرامى بيسرق شبابيك الالوميتال بتاعت المناور وللاسف جارى ده راجل كبير 69 سنة ولما جت النجدة قالو لازم حد يجي والراجل قال انا سنى ميسمحش بالبهدلة وكل السكان عملو نفسهم مش من العمارة واتطوعت لقيت الضابط بيقولى اركب البوكس قلتله هوانا الحرامى هاجى وراك بعربيتى وفضل طول الطريق مراقبنى ويبص كل شوية من شباك العربية كأنى الحرامى ورحت القسم وس و ج ثم النيابة واخيراً طلع الحرامى واستلمت المسروقات بعد شهر يبقى العيب فين فى الشرطة واجراءاتها العقيمة ولا الناس السلبية اللى خايفة لحسن يطلع الحرامى ويترصدهم ولا ايه نضربه ونسيبه وبلاش بهدلة اقسام ولا نبقى متحضريين ونسلمه علطول لو رجل ومسكناه متلبس هنقوم معاه بالواجب لو طفل مش هعمله حاجة عموماً الناس بتأجر وتقوم بالواجب واحد كان معدى من اهل المنطقة اداله قلم رن بالقوى ومشى علطول فعلا صاحب واجب

[Ghamrawy]

دة غير انه لو اتسلم للقسم برضه هيتضرب اما بتعدم ويكتبو فى المحضر بعد ميعدموة العافيه تسليم اهالى ويبقى كدة كدة اتضرب و الناس برة تقوم بالواجب احسن حتى تساعد الداخليه والواد كدة كدة هيطلع تانى ويبقى حارمى تانى الا لو العلقه علمت فيه هيفتكرها قبل ميسرق

الله ينور عليك يا باشا و هو ده فعلا اللى بيحصل !!!
و بصراحة انا مع قتلهم مش ضربهم بس علشان العينة دى ما فيش فايدة فيها لانه بعد ما بيخرج من السجن (ده ان دخله) بيرجع يسرق تانى
من سنة بالضبط كنت نايم و الساعة 6 الا ربع الصبح و اسمع شتايم و صريخ ..افتحلك الشيش ابص الاقى واحد شكله غلط واقف فى بلكونة فى الدور الرابع فى الشقة اللى فى العمارة اللى قدامى و طبعا خد عندك شتايم و ضرب و هبد و القفا و القلم ينزلوا على قفاه و صوتهم يرن فى الشيش عندى ...بصراحة كنت فرحان فيه و لولا المدام عندى انا كنت طلعت البندقية الرش نمرة 2 و اتسليت عليه و المسافة كلها ما تزيدش عن 25 متر يعنى كان حايتبهدل

[محمد جلال]

من سنة بالضبط كنت نايم و الساعة 6 الا ربع الصبح و اسمع شتايم وصريخ ..افتحلك الشيش ابص الاقى واحد شكله غلط واقف فى بلكونة فى الدور الرابع فى الشقة اللى فى العمارة اللى قدامى و طبعا خد عندك شتايم و ضرب و هبد و القفا و القلم ينزلوا على قفاه و صوتهم يرن فى الشيش عندى ...بصراحة كنت فرحان فيه و لولا المدام عندى انا كنت طلعت البندقية الرش نمرة 2 و اتسليت عليه و المسافة كلها ما تزيدش عن 25 متر يعنى كان حايتبهدل

الحمدلله ان المدام كانت موجودة والطيب احسن الناس عملت كله اللى فكرت اولسه هتفكر تعمله وصدقنى صدى الكف ولا 100 طلقة بندقية رش نمرة 2 او 3 والبونية طارشة بعيد عنك اصلى كنت ملاكم .

[calipha3]

يضرب ثم يتسلم عشان يبقي انت كده اخدت حقك ضرب حتي لو سابوه في المركز

[A.Saad]

انا مرة سمعت عن واحد كان فتوة
مسك اتنين حرامية
ربطهم فى عامود النور طول الليل

على فكرة gemino
خد بالك لانك كدة دخلت منطقة الاعتداء مش الدفاع عن النفس
القانون بيقول ما معناه انه يسمح لك تدافع عن نفسك بالقدر الكافى لرد الاعتداء فقط وسحب السلاح من خصمك
يعنى مثلا لو سحبت منه السلاح واعتديت عليه بالسلاح ده يبقى انت معتدى

[youssefmustang]

فعلا انا معاك جدا يا فادي

لازمة الضرب عشان يعرف ان كل ما هيسرق يهموت من الضرب ويمكن تعمله اعاقة مستديمة ويكون عبرة لغيره
اخوكم يوسف

[Dr.SherifMansy]

طول عمرى ضد العنف (انا كمان كنت بالعب ملاكمة و كمال اجسام و عارف الضربة الطرشة يعنى ايه)
و لكن فيه موقف لا انساه
تقريبا سنة 89-90 مش فاكر اتسرق من شنطة العربية كاميرا مينولتا كانت احدث نوع و كان سعرها ايامها 1500 جنيه (شوفوا تسوى كام دلوقت) و ما كانش فى الجراج ساعتها الا 2 سياس
واحد صاحبى ضابط قال لى قدم بلاغ و نعلقهم لما نعرف مين فيهم الحرامى بس بسرعة قبل ما الحرامى يتصرف فيها
ساعتها قلبى وجعنى ان واحد مالوش ذنب ينضرب علشان الحرامى يعترف و مارضيتش
و بعدها بكذا شهر اتقبض على الأثنين و طلعوا انهم مع بعض و اللى حرق دمى انى عرفت باعوا الكاميرا بكام ... 50 جنيه !!!
يعنى لو كنت سمعت الكلام و انضربوا كان زامنى عرفت ارجع الكاميرا و لكن قدر الله و ما شاء فعل
تفتكروا بعد كده ان حد منهم يصعب على ؟؟؟
و ليه قبل ما نقول عنده كام سنة او ذنبه ايه ليه ما نفكرش انه ممكن يحرق قلب ناس تعبوا و شقيوا فى اللى جابوه و هو جاى يسرقه ، و لا اللى بيشد سلسلة من رقبة واحدة ماشية او حلق من ودن بنت و يعور دى او دى او يقطع ودنها الخ الخ ... ليه هو ما فكرش ان ده حرام و اذى بلا داعى ، و ليه ما فكرتش فى اللى بيطلع عليك بمطوة و يثبتك او يشرط لك وشك علشان يرهبك و يخوفك انك تبلغ عنه ...الخ الخ الخ
اعتقد بعد ده كله الضرب شوية عليه
و يا سلام لو اخدنا فى الأعتبار ان العيل ده اللى عامل ناضورجى مكن لو اتمسك ما يكونش عليه دليل اتهام و يطلع منها زى الفل و يعيدها تانى و عاشر ما دام جت سليمة...
الموضوع له ابعاد كتير يا ريت نشوفها كلها قبل ما نتكلم و خلاص
و تحياتى للجميع