استعمال طبيب للبيع

[Hussein_Ramdan]

يعنى اية استعمال طبيب
يعنى بيكشف عليها كل يوم بليل فى العيادة
الصراحة الكلامة دى مستفزة جدددا
المفرود المغزى من الكلمة دى ان الطبيب انسان محترم بيخلى بالو من العربية مش بيشد بيها او كدة ولاة انا فاهم غلط

طيب ماهو ممكن العكس طبيب يكون بيحب السرعة والشد ويكون مبهدل العربية

[Ahmed Samy]

يعنى اصل زمان قبل زمن الفهلوة
كان الطبيب بيشتغل لما يطاع عينه هو وأهله لحد ما ربنا يكرمه و يجيب عربية
و زمان برضه كان الطبيب ده واحد كده غير الناس ...دكتور يعني الناس بتشاور عليه و كان الأطباء معظمهم من النوع اللي بالك فيه ...هادى و عاقل و رزين و ذوق ..............دكتور يا جدعان

فطبعا لو بيبيع ساعة حتى مش عربية يبقى من مزاياها انها كانت في يد هذا الرجل الهادئ و اللي عارف قيمة الحاجة


انما دلوقتي

لا تعليق

[Hussein_Ramdan]

احنا لا ننكر بردو ان الدكتور لى احترامو عندنا كلنا وطبعا ربنا يكون فى عونو انا بعتقد ان دى اصعب مهنة والمسؤلية علية كبيرة
لكن فعلا الى اجبرنى على فتح الموضوع انهاردة لقيت واحد عامل ورقة على زجاج العربية ورة وكاتب استعامل طبيب :)

[د./اليشع ثابت]

احنا لا ننكر بردو ان الدكتور لى احترامو عندنا كلنا وطبعا ربنا يكون فى عونو انا بعتقد ان دى اصعب مهنة والمسؤلية علية كبيرة
لكن فعلا الى اجبرنى على فتح الموضوع انهاردة لقيت واحد عامل ورقة على زجاج العربية ورة وكاتب استعامل طبيب :)

يا باشاااااااااااااااااااااااااااااااا ولا يهمك :k48::k48::k48:

انت كمان غيظهم و اكتب عربية للبيع استعمال ( حسين رمضان )

وهى هتتبااااااااااااع فى ملح البشرررررر :k48::k48::k48:

اضحك يا باشااااااااااااا

[Dr_Mido]

مع انى ليا اصحابى دكاترة العربيه تطلع من تحت رجله عربيه حوادث مش
مستعمله
فى حين عربيه صاحب كافتريا اعرفها باكياسها لسه مع انها موديل 2004
مش بالوظيفه

[Dr.A.Nabil]

كل واحد حر يكتب ايه في اعلانه طالما انه دافع هو فلوس الاعلان ومش بيقول كلام غلط يبقى مفيش حاجه تزعل

انا عن نفسي لو قريت اعلان ومكتوب فيه استخدام طبيب هاكون مستريح نفسيا اكتر من لما يكون مكتوب استخدام سمكري ولا بواب ولا كفتجي

[elassar2010]

انا عن نفسي لو قريت اعلان ومكتوب فيه استخدام طبيب هاكون مستريح نفسيا اكتر من لما يكون مكتوب استخدام سمكري ولا بواب ولا كفتجي

على فكرة يادكتور الوظيفة مالهاش علاقة بالسواقة او بالبيع البيع والشراء بيخضع للضمير فقط
كان فى هنا عضو اشترى عربة ياريس استعمال طبيب وشاريها على اساس انها سليمة وشكل العربية من برة سليمة وجديدة لانها كانت مودبل نفس سنة الشراء
وبعدين اتضح انها كانت عملة حادثة كبيرة ومتعدل فيها وبعهالة انها استعمال طبيب

[zeyad1810]

استعمال طبيب دى تعنى انة هيديك مع العربية تقرير كامل عنها
تحاليل ( زيت - مية - بنزين )
صور اشعة على البودى والشاسية
وروشتة صيانة للمحافظة على الموتور ومنشط للاحصنة

[OlaOsman]

همه لسه بيكتبوا إستعمال طبيب دي في الإعلانات؟

[Dr.SherifMansy]

يعنى اية استعمال طبيب
يعنى بيكشف عليها كل يوم بليل فى العيادة
الصراحة الكلامة دى مستفزة جدددا
المفرود المغزى من الكلمة دى ان الطبيب انسان محترم بيخلى بالو من العربية مش بيشد بيها او كدة ولاة انا فاهم غلط

طيب ماهو ممكن العكس طبيب يكون بيحب السرعة والشد ويكون مبهدل العربية

الحكاية بسيطة جدا
زمان كان بيسموا الطبيب : "الحكيم" و ده لأنه فى نظرهم كان علشان يوصل لعلاج البشر لازم يتميز بالحكمة و بالتالى بيكون حكيم فى كل تصرفاته
ده اولا ، اما ثانيا انه كان يادوب بيروح المستشفى الصبح و العيادة بالليل و بالتالى مشاوير ثابتة و لعربية ما بتتهانش
دلوقت بيتنطط فى مليون حتة و بيسافر الأقاليم كمان علشان "السبوبة"
أما الحكمة فبلاش اجيب سيرتها

[د./اليشع ثابت]

استعمال طبيب دى تعنى انة هيديك مع العربية تقرير كامل عنها
تحاليل ( زيت - مية - بنزين )
صور اشعة على البودى والشاسية
وروشتة صيانة للمحافظة على الموتور ومنشط للاحصنة

اية دة هو احنا دخلنا فى التريقة ولا اية ؟؟؟؟؟؟؟
وعلى كل حال فعلا استعمال طبيب معناها
ان سيادتك هتركب عربية محترمة جداااا حتى لو كانت راشة خوارج
بس هتكون رش نضيف صالون نضيف العربية نضيفة
انا كنت و مازلت بدور على اوكتافيا ولقيت واحد عامل اعلان العربية موديل 2006 يعنى مفترض انها بحالة الزيروو
رزعت مشوار اخر الدنيا لانة كاتب انها فابريكة و كل صيانتها بالتوكيل
ورايح انا و ميكانيكى و سمكرى
الملاحظات الى فى العربية :
الصالون : صندوق زبالة بمعنى الكلمة
الأحزمة : التنين مدلدلين على اخرهم تنزل تلاقى نفسك مطمطط فى الشارع علشان الحزام كعبلك فى رجلك
الشنطة : واااو عبارة عن تربة بيعبى فيها ميتين هههههه
الفرش : فرش الكراسى متقطع كان العربية موديا 66 مثلا

بالسؤال اية يا عم دة و دة و دة
الرد يابية هو انا هتمنظر بيها انا صاحب مطبعة و المهم انها زى الفل و بتشيلنى و بتشيل البضاعة و عمرها ما قالت لالالالالالالا
هههههههههههههههه التعليق
طبعا انا كنت رايح بعربيتى لانسر 2006 ايضااااا
قولت ما عربيتى اهة 2006 برضة
الرد
ياباشااااا دى عربية دكتور ههههههه كعب عالى يعنى

وللعلم لا كان بيعمل صيانة ولا غيرة الميكانيكى نام تحت العربية وجد ترشيح زيت مش عارف منين السمكرى لاقى العربية عاملة حادثة من الامام و راشش الشنب و كذا منطقة خارجية
و بدل ما انا كنت عايز عربيتة الاوكتافيا هو كان هيتجنن على عربيتى الانسر
بس انا قولت يا فكيكككككككككككككككك

فمحدش بجد تزعلة حكاية استعمال طيب لان الغرض و المقصود منها انها على الاقل الاقل هتكون نظيفة
وشكرااااااااا لصاحب الموضوع واسف على الاطالة