متيجي كده نرسى على حاجة واحدة !!

[za3bolla]

انا بقالي يومين بقللب في الموقع و لاحظت حاجات كتير غريبة
و اغربها على الاطلاق بصراحة ان المنتديات مباحة للكتابة بأي لغة
عربي..ماشي
عربي(مصري)..فل
فرانكو اراب..w malo ya basha
انجليزي..oh yeah baby

و ده مقدمة لأن احنا نلاقي فرنساوي و طلياني و لاوندي..و نستعمل الفكاكة في الفهم طبعا

والاصعب على نفسي انني الاقي مشرفي الموقع بيردوا على على الناس بنفس اللغة!!

ده كل منتديات الدنيا بتعمل لغة موحدة ليها..و احنا هنا مالتي سيستم؟؟ و يدهشني انني الاقي مقال كامل طويل عريض بيوصف عربية مكتوب بطريقة el 3arabeya de gamda moat؟؟
طب بالله عليكم اجيب خبير شفرات يفكلي طلاسم الموضوع الاول و عقبال ما ربنا يكرموا و يخلص...تكون العربية دي و قفت انتاجها :D

وانا مش بقول الكلام ده علشان الاعتزاز بالغة العربية و كلام الشعارات اللي بالكوا منه ده..بس انا -عن نفسي-مبحبش ازدواج المعايير

يا ابيض يا اسود

[khalid_adel]

والله الموضوع ده اتكلمنا فيه كتير ومن زمان
بس انا ملاحظ انه خلاص اختفى وكللو بيكتب يا عربي ويا انجليزي انجليزي
ونادرا لما حد يكتب فرانكو اراب وده بس بيكون جديد وميعرفش واحنا كلنا بنقولو بلاش الطريقه دي وخلاص
انا شايف انها خلاص مش مشكله في المنتدى ده والحمد لله

[Nader]

تم نقل الموضوع إلي المنتدى الاجتماعي بمعرفتي

13-8-2007 1:26 am