لسه في خير

[Rembrandt]

عندى سؤال
ماهو الوطن ؟؟؟؟؟
1/هل هو الارض ؟؟
2/هل هو الشعب ؟؟
3/ام هل هو الارض والشعب ؟؟
ارجو الرد

لازم نعرف كلمة وطن بمعني الوطن مش بمعني السجان

[eng.octooo]

العيب فينا احناااااا

[SHNORY]

امبارح كان عيد الشرطه هتقولولي واحنا مالنا هقولكو ملناش
كنت فاتحه التليفزيون امبارح لقيت فيلم اعتقد فيلم تسجيلي عموما مش مشكله المسميات بيكلم عن ناس دفعت حياتها تمن اننا نعيش
كل يوم نشتم في البلد واللي فيها واللي قاعدين واللي واقفين واللي نايمين ونعد نقول ده شعب ............ و شعب.......... وهيودونا لغاية فين
واحباط وملل وزهق وناس مش عارفه تتجوز واللي اتجوز مش عارف يعيش
زهقتينا عايزه ايه يعني ؟؟؟!!!!!!!!!!
عايزه لحظه تفائل سيدنا محمد صلي الله عليه وسلم بيقول :الخيرُ في أمتي حتي تقوم الساعة
وبيقول كمان :تفئلو خير تجدوه
والساعه لسه مقامتش يعني لسه فينا خير مستخبي جوه الملل واليأس .عايزين نشيل التراب اللي غطا قلوبنا ودفنها بين ضلوعنا
عايزاكو تشوفو الناس دي ماتت ونحتسبهم من الشهداء ماتت عشان تنقز حياه شخص وأُمه بطريقه او بأخري
هتقولولي بلاش كلام كبير وشعارات
اتفرجو علي الفيديو وحسو بقلب ام وحسرة اب ابنهم دفع حياته تمن عشان غيره يعيش
http://www.youtube.com/watch?v=q6neR8b5U2c
http://www.youtube.com/watch?v=TW-yWk-njVY
مستنيا رايكم

اولا احب احيي حضرتك علي موضوعك ده
هو موضوع كبيره وممكن يتقسم لكذا موضوع مستقلين بذاتهم وبرضه حيحقق نجاح
حتكلم في كذا نقطه جايز الكلام حيكون مش مترتب بس حقوله لانه مش مقاله لا دي حاجه عن تجارب شخصيه وتجارب ناس تانيه
اولا نتكلم عن موضوع الشرطه
امبارح شفت في التليفزيون مش فاكر علي انهي قناه واحد بتكلم عن الشرطه
فقال ان فيه 30 الف ظابط في مصر ما بين ملازم اول ولواء
مرتب الملازم اول بيكون 450 جنيه وبتتدرج لحد مرتب اللواء 3 الاف جنيه وقال ان فيه حوالي 2500 ظابط قدموا استقالاتهم علشان مش عارفين يعيشوا
وفيه ناس مدبرين حالهم بالمرتب وفيه ناس بتمد ايدها للحرام وكل دا موجود في اي مهنه في العالم يعني مش حنقول علشان هو ظابط فهو بيمد ايده لا ماهو فيه كناس بيمد ايده ويسرق وفيه موظف مرتشي
فالموضوع مش علشان هو ظابط فهو ايده طويله بالعكس
الظابط ده بيخرج كل يوم من بيته وهو عارف ومتاكد انه احتمال ميرجعش تاني تخيلوا احساس مراته او امه ايه وهو بيفتح الباب وبينزل ولا لو حد خبط عليها جامد وهي بتفكر انه جايبلها خبر وحش عن ابنها او جوزها
مش علشان هو ظابط يبقي مفتري
هو كل يوم بيخرج وهو زي ما بنقول شايل كفنه علي ايده مش لذنب هو ارتكبه لا بلعكس دا علشان يحمي واحد زيي وزيكم ويحمي اختي اللي ماشيه في الشارع واخواتكم وامهاتكم ولموضوع طويل جدا في الكلام عنهم

ثانيا :نيجي لنقطه الخير اللي كان موجود ودلوقتي مش موجود وبندور عليه
انتم جيل تمانينات وانا جيل سبعينات (78 مش عجوز اوي) وليا اصحاب ومعارف من كل الاجيال
الخير يا جماعه طول عمره موجود بس المفروض اننا بنعمله بدل ما ندور عليه
جزء كبير مننا عاوز يشوف الخير وعاوز فلوس كتير وعربيات احدث موديل
بس الي عاوز ده عمل ايه علشان ياخد كده عملت ايه علشان تلاقي الخير
اشتغلت ازاي علشان تاخد فلوس كتير
حنقول الدنيا غاليه والحكومه مش عارف عامله ايه في الاسعار وزمان كانت اللحمه ب30 قرش دلوقتي ب50 جنيه
طيب ماهي كانت ب30 قرش ايام ما كان دخل الاسره كلها 5 جنيه واللي كان بياخد 20 جنيه ده كان باشا
حنرجع ونقول العيشه برضه غاليه والمرتب مش بيكفي وزمان كانت الناس بتاخد فلوس قليله وبتحوش
حقولكم زمان الناس كانت بتاكل وتشرب وتلبس وتنام فقط لا غير
كان فيه 4 او 5 اوجه صرف بس
تعالوا دلوقتي ونشوف اقل دخل لاسره علي قد حالها بيتصرف في كام بند
اكل وشرب ومدارس وموبايل وانترنت وكمبيوتر وحاجات تانيه كتير
جايز اكون خرمت عن الموضوع الاساسي وقولت كلام ملهوش علاقه بالموضوع
بس حرجع واقول ان الخير موجود اعمله وحتلاقيه بس اعمله علشان انت عاوز تعمل خير مش علشان انت مستني خير
وضعنا صعب اتعودنا علي الشكوي زي ما نكون مش عاوزين نتحسد
تقول لواحد اخبارك ايه يقعد يشتكيلك من اول شعره لحد صباع رجليه
زي ما يكون خايف انك تقوله اديني كليتك ولا عينك
وبالنسبه لموضوع الوطن فهو في القلب مش في الناس ولا في الشارع ولا في الحكومه
طولت عليكم
وصدعتكم
وقولت كلام كتير بره الموضوع
بس لو بدانا بنفسنا اكيد حييجي يوم ونبقي احسن الناس
تحياتي ليكم جميعا
اخوكم محمد الشنوري

[badry]

الأمل في الله لا ينقطع أبدا...........
بس أنا متفائل بشكل مختلف شوية.............
يعني مظنش تدريجيا هنلاقي الناس الوحشة بقت حلوة و لو حتى عاشو 100 سنة كمان......خصوصا بعد ما وصلوا للمرحلة د من الفساد و الافترا
طبعا مفيش حاجة بعيدة على ربنا.......
بس أنا حاسس إن الخير و الصحوة مش في الاجيال الموجودة دلوقتي خالص.........
يمكن جيل 2000 يبقى كويس........و ساعتها لازم يستأصل أغلب الناس بتوع أجيال 70 و 60 و ....و بقول يستأصل لأن أغلب الناس الوحشة دول زي الورم بالظبط.....ملهمش حل غير البتر

[elassar2010]

اولا احب احيي حضرتك علي موضوعك ده
هو موضوع كبيره وممكن يتقسم لكذا موضوع مستقلين بذاتهم وبرضه حيحقق نجاح
حتكلم في كذا نقطه جايز الكلام حيكون مش مترتب بس حقوله لانه مش مقاله لا دي حاجه عن تجارب شخصيه وتجارب ناس تانيه
اولا نتكلم عن موضوع الشرطه
امبارح شفت في التليفزيون مش فاكر علي انهي قناه واحد بتكلم عن الشرطه
فقال ان فيه 30 الف ظابط في مصر ما بين ملازم اول ولواء
مرتب الملازم اول بيكون 450 جنيه وبتتدرج لحد مرتب اللواء 3 الاف جنيه وقال ان فيه حوالي 2500 ظابط قدموا استقالاتهم علشان مش عارفين يعيشوا
وفيه ناس مدبرين حالهم بالمرتب وفيه ناس بتمد ايدها للحرام وكل دا موجود في اي مهنه في العالم يعني مش حنقول علشان هو ظابط فهو بيمد ايده لا ماهو فيه كناس بيمد ايده ويسرق وفيه موظف مرتشي
فالموضوع مش علشان هو ظابط فهو ايده طويله بالعكس
الظابط ده بيخرج كل يوم من بيته وهو عارف ومتاكد انه احتمال ميرجعش تاني تخيلوا احساس مراته او امه ايه وهو بيفتح الباب وبينزل ولا لو حد خبط عليها جامد وهي بتفكر انه جايبلها خبر وحش عن ابنها او جوزها
مش علشان هو ظابط يبقي مفتري
هو كل يوم بيخرج وهو زي ما بنقول شايل كفنه علي ايده مش لذنب هو ارتكبه لا بلعكس دا علشان يحمي واحد زيي وزيكم ويحمي اختي اللي ماشيه في الشارع واخواتكم وامهاتكم ولموضوع طويل جدا في الكلام عنهم

ثانيا :نيجي لنقطه الخير اللي كان موجود ودلوقتي مش موجود وبندور عليه
انتم جيل تمانينات وانا جيل سبعينات (78 مش عجوز اوي) وليا اصحاب ومعارف من كل الاجيال
الخير يا جماعه طول عمره موجود بس المفروض اننا بنعمله بدل ما ندور عليه
جزء كبير مننا عاوز يشوف الخير وعاوز فلوس كتير وعربيات احدث موديل
بس الي عاوز ده عمل ايه علشان ياخد كده عملت ايه علشان تلاقي الخير
اشتغلت ازاي علشان تاخد فلوس كتير
حنقول الدنيا غاليه والحكومه مش عارف عامله ايه في الاسعار وزمان كانت اللحمه ب30 قرش دلوقتي ب50 جنيه
طيب ماهي كانت ب30 قرش ايام ما كان دخل الاسره كلها 5 جنيه واللي كان بياخد 20 جنيه ده كان باشا
حنرجع ونقول العيشه برضه غاليه والمرتب مش بيكفي وزمان كانت الناس بتاخد فلوس قليله وبتحوش
حقولكم زمان الناس كانت بتاكل وتشرب وتلبس وتنام فقط لا غير
كان فيه 4 او 5 اوجه صرف بس
تعالوا دلوقتي ونشوف اقل دخل لاسره علي قد حالها بيتصرف في كام بند
اكل وشرب ومدارس وموبايل وانترنت وكمبيوتر وحاجات تانيه كتير
جايز اكون خرمت عن الموضوع الاساسي وقولت كلام ملهوش علاقه بالموضوع
بس حرجع واقول ان الخير موجود اعمله وحتلاقيه بس اعمله علشان انت عاوز تعمل خير مش علشان انت مستني خير
وضعنا صعب اتعودنا علي الشكوي زي ما نكون مش عاوزين نتحسد
تقول لواحد اخبارك ايه يقعد يشتكيلك من اول شعره لحد صباع رجليه
زي ما يكون خايف انك تقوله اديني كليتك ولا عينك
وبالنسبه لموضوع الوطن فهو في القلب مش في الناس ولا في الشارع ولا في الحكومه
طولت عليكم
وصدعتكم
وقولت كلام كتير بره الموضوع
بس لو بدانا بنفسنا اكيد حييجي يوم ونبقي احسن الناس
تحياتي ليكم جميعا
اخوكم محمد الشنوري

كلام حضرتك مظبوط واحسن جملة حضرتك قلتها دى
بس حرجع واقول ان الخير موجود اعمله وحتلاقيه بس اعمله علشان انت عاوز تعمل خير مش علشان انت مستني خير

[eino666]

مش عارفه ليه حاسه بغضب فالسؤال
الوطن من وجه نظري الارض والشعب يعني كلنا فخدمة بعضينا

اذا كان معنى الوطن كما ذكرتى
اذا فالشعار خاطىء
ولابد ان يعود كما كان
الشرطة فى خدمة الشعب والوطن
اما شعار الشرطة والشعب فى خدمة الوطن فهو استهتار بنا نحن الشعب
وشكرا على ردك الكريم
:k26::k26::k26::k26::k26::k26::k26:

[دينا أبوالعلا]

بعد اذنكو اسمحولي ارد من الاخر

اذا كان معنى الوطن كما ذكرتى
اذا فالشعار خاطىء
ولابد ان يعود كما كان
الشرطة فى خدمة الشعب والوطن
اما شعار الشرطة والشعب فى خدمة الوطن فهو استهتار بنا نحن الشعب
وشكرا على ردك الكريم
:k26::k26::k26::k26::k26::k26::k26:

يا اخ اينو لو تسمحلي ما احنا كلنا هنا اخوات انا لما قولت الشرطه والشعب فخدمه الوطن كنت بتريق وكان رد علي كلام الاخ ramberandt لما قال
الشرطة فى خدمة النظااااااااااااااااااااااااااااااااااام وليس الشعب
طبعا مش بتريق عليه انا كنت بتريق علي الشعار اللي احنا عايشين في ظله
حضرتك سالتني يعني ايه وطن فرديت
انا قولت الشرطه والشعب في خدمه الوطن لان هو ده شعار اليومين دول وطبعا انا معاك ان الصح ان الشرطه في خدمة الشعب
ارجو ان اكون وضحت الصوره
وشكرا لاهتمامك
واسفه لو كان حصل سوء تفاهم

[eino666]

بعد اذنكو اسمحولي ارد من الاخر

يا اخ اينو لو تسمحلي ما احنا كلنا هنا اخوات انا لما قولت الشرطه والشعب فخدمه الوطن كنت بتريق وكان رد علي كلام الاخ ramberandt لما قال
الشرطة فى خدمة النظااااااااااااااااااااااااااااااااااام وليس الشعب
طبعا مش بتريق عليه انا كنت بتريق علي الشعار اللي احنا عايشين في ظله
حضرتك سالتني يعني ايه وطن فرديت
انا قولت الشرطه والشعب في خدمه الوطن لان هو ده شعار اليومين دول وطبعا انا معاك ان الصح ان الشرطه في خدمة الشعب
ارجو ان اكون وضحت الصوره
وشكرا لاهتمامك
واسفه لو كان حصل سوء تفاهم

لالا مفيش اسف ولا حاجة احنا هنا كلنا اخوات زى ما قلتى
بس بصراحة انتى جيتى على الجرح و ضغطى عليه جامد
لانى مفروس من يوم ما غيروا الشعار بالرغم من كتر ضباط الشرطة
عندنا فى العائلة اللى فى الخدمة واللى طلع معاش منها
وانا ما صدقت لقيت منفذ انفس فيه عن غضبى من الشعار

اقدم لكى خالص اعتذارى عن سوء الفهم واللبس الى حصل

مع خاص شكرى وتقديرى واحترامى لشخصك الكريم
******************************

محمود عينو

[أبو إياد]

اختلاف الاراء لا يفسد للود قضيه

احنا اتعلمنا فى المدارس معنى الوطن وكبر المعنى ده جوانا الى ان جاء وقت تحمل المسئوليه وتغيير كلى فى حياتنا .
اكيد اكيد فى ظل الظروف اللى احنا عايشينها اختلف المعنى ده علشان كده هسال سؤال
وهل حدثت تحولات لمفهوم الوطن في هذا السنوات (من بعد حرب اكتوبر الى الان)؟
هل ضاع منا معنى الوطن ؟
جيلي (جيل الطوارئ)لم يعرف ما طعم الحلم فما بالنا بجيل أخير لجيل تشوه بعد أن ضاع منه معني الوطن.لم يحظ جيلنا بما شاهده الاجيال السابقه من انتماء للوطن في بيت مصرى. لكن جيلنا خرجوا إلي الحياة في الثمانينيات والتسعينيات أبناء مخلصين لسندوتشات البرجر والكوكاكولا ومسلسلات الأكشن. جاءوا ليروا التحرش بنساء مصر في مظاهرات كفاية، وهتك عرض المعارضين في أقسام الشرطة، إلي جانب تشكيلة من الضرب والسحل والاعتقال حتي للمدونين . عاوز اعرف حاجه هل حب الوطن ممكن يتأثر بالكلام ده؟؟؟؟؟؟؟؟؟؟؟؟؟؟؟

_______ ومن اول السطر

من خلال ردود الساده الاعضاء انا لقيت ان الموضوع اتغيير ياعنى الموضوع كان عن التفاؤل اتغيير تماما

[د./اليشع ثابت]

شكرررر خاص جداااا لأختنا الكريمة دينا
و شكررررررر مشابة تماما لحبيب قلبى / محمد الشنورى
و الشكرررر الثالث الى زيهعم للغالى جدا / محمود عينوو
المشاركة اكثر من رائعة و موضوع بالفعل محترم جداااا
و الواجب الذى يقدمة كل مجند سواء شرطة او جيش بالفعل واجب مقدس و يحسب عند الله من الشرفاء
اما شعارى
الشرطة فى خدمة الشعب أو الشرطة و الشعب فى خدمة الوطن
فالمهم ليس المسمى
ولكن الأهم بالفعل
وهو عدم التجاوزات واحترام أدمية المواطن الشريف
و البعد عن اهانة كرامة مواطنيها الشرفاء فى الداخل و فى الخارج
و شكراااا للأخت الكريمة صاحبة المشاركة و الأخوة الأفاضل الردود

[aratux]

دينا, أنا متفق معاكى فى كل اللى قلتيه لكن فى حالة واحدة بس
إن الظابط ده بيكون داخل الكلية و هوة من جواه عايز يخدم الناس
يعنى ماتقوليش إن الناس بتجيب وسايط و يدفعوا فلوس علشان نفسهم يخدموا الناس و يفدوهم بأرواحهم؟؟

فكرتينى بالإنتخابات لما المرشحين بيدفعوا ملايين فى الدعاية علشان نفسهم يخدموا الناس الغلابة

[دينا أبوالعلا]

[RIGHT


وقولت كلام كتير بره الموضوع
بس لو بدانا بنفسنا اكيد حييجي يوم ونبقي احسن الناس
تحياتي ليكم جميعا
اخوكم محمد الشنوري [/RIGHT]

تحياتي ليك
انا معاك فكل كلامك وكله كان في صلب الموضوع مش بره ولا حاجه
ومعاك انه مش عدل انه واحد ياخد 600 و700 جنيه بس عايزه اقول ان في ناس بتاخد 5000 و 7000 وبرده بترتشي وبتسرق وناس بتاخد ال600 جنيه وعايشه بشرفها
اللي اقصده ان في ناس نفوسها ضعيفه وللاسف هي دي اللي ظاهره عشان كده انا عرضت الموضوع لان في ناس ابطال مش ظاهرين
يعني ليه واحد يدفع حياته تمن عشان واحده مخطوفه غير لانه راجل فكل معني الكلمه في وقت الناس ممكن تقول حد قالها تفضل فالشارع لوقت متاخر او اكيد هي السبب المهم يعني ان الناس دي رجاله تستحق زكرها
يا رب كلنا نبدا بنفسنا ومنتسناش كلمه شكر او رد

[دينا أبوالعلا]

الأمل في الله لا ينقطع أبدا...........
بس أنا متفائل بشكل مختلف شوية.............
يعني مظنش تدريجيا هنلاقي الناس الوحشة بقت حلوة و لو حتى عاشو 100 سنة كمان......خصوصا بعد ما وصلوا للمرحلة د من الفساد و الافترا
طبعا مفيش حاجة بعيدة على ربنا.......
بس أنا حاسس إن الخير و الصحوة مش في الاجيال الموجودة دلوقتي خالص.........
يمكن جيل 2000 يبقى كويس........و ساعتها لازم يستأصل أغلب الناس بتوع أجيال 70 و 60 و ....و بقول يستأصل لأن أغلب الناس الوحشة دول زي الورم بالظبط.....ملهمش حل غير البتر

ونعم بالله
عايزه اقولك حاجه ابويا وابوك لما شاركو في 73 كانو جدودنا بيقولو عليهم جيل فاشل ومش متحملين المسؤليه ولو اتفرجت علي الافلام القديمه هتسمع من ده كتير
عايزه اقول ان الشده ممكن تصنع رجاله يعني الولد اللي كل همه يلفت نظر والبنت اللي كله هما توقع ولد ممكن يكونو مش محتاجين بتر زي ما حضرتك بتقول ممكن يكونو محتاجين اعاده هيكله او صدمه
معاك ان مكنش انعدام الاخلاق والذمم متفشي زي دلوقتي اعتقد ان مجرد احساسنا بالغلط ده بريق من الامل

[دينا أبوالعلا]

لالا مفيش اسف ولا حاجة احنا هنا كلنا اخوات زى ما قلتى
بس بصراحة انتى جيتى على الجرح و ضغطى عليه جامد
لانى مفروس من يوم ما غيروا الشعار بالرغم من كتر ضباط الشرطة
عندنا فى العائلة اللى فى الخدمة واللى طلع معاش منها
وانا ما صدقت لقيت منفذ انفس فيه عن غضبى من الشعار

اقدم لكى خالص اعتذارى عن سوء الفهم واللبس الى حصل

مع خاص شكرى وتقديرى واحترامى لشخصك الكريم
******************************

محمود عينو

براحتك كلنا هنا عشان ننفس عن روحنا ومعلش اني ضغطت جامد يعني ومفيش داعي للاسف

[دينا أبوالعلا]

[B. عاوز اعرف حاجه هل حب الوطن ممكن يتأثر بالكلام ده؟؟؟؟؟؟؟؟؟؟؟؟؟؟؟[/SIZE][/COLOR][/B]

_______ ومن اول السطر

من خلال ردود الساده الاعضاء انا لقيت ان الموضوع اتغيير ياعنى الموضوع كان عن التفاؤل اتغيير تماما

انا رايي ان حبي للبلد مبتاثرش بان البلد جميله او اللي عايشين فيها ناس حلووين انا بحبها وحشه او حلوه ومعرفش ليه
زي ما قال حسين فهمي في مافيا انت مبتحبش امك لان احسن ام فالدنيا والبلد نفس الكلام ده رايي
بالنسبه للموضوع لسه متغيرش انا لسه حاسه بتفائل
ربنا يسترومكنش حاسه بيه لوحدي