لسه في خير

[دينا أبوالعلا]

شكرررر خاص جداااا لأختنا الكريمة دينا
و شكررررررر مشابة تماما لحبيب قلبى / محمد الشنورى
و الشكرررر الثالث الى زيهعم للغالى جدا / محمود عينوو
المشاركة اكثر من رائعة و موضوع بالفعل محترم جداااا
و الواجب الذى يقدمة كل مجند سواء شرطة او جيش بالفعل واجب مقدس و يحسب عند الله من الشرفاء
اما شعارى
الشرطة فى خدمة الشعب أو الشرطة و الشعب فى خدمة الوطن
فالمهم ليس المسمى
ولكن الأهم بالفعل
وهو عدم التجاوزات واحترام أدمية المواطن الشريف
و البعد عن اهانة كرامة مواطنيها الشرفاء فى الداخل و فى الخارج
و شكراااا للأخت الكريمة صاحبة المشاركة و الأخوة الأفاضل الردود

دكتور اليشع شرفتني بمشركتك
التعدي والاهانه بقو من الطريفن سواء الظابط او الشعب لو كل واحد قدر يحترم الاخر واحترم ادامية الاخر زي ما انت بتقول هتتحل جزء من المشكله
كل واحد بيستخدم سلطته (انت مش عارف انت بتكلم مين)
الموضوع محترم لمشاركتكم فيه وشكرا ليك يا دكتور

[دينا أبوالعلا]

دينا, أنا متفق معاكى فى كل اللى قلتيه لكن فى حالة واحدة بس
إن الظابط ده بيكون داخل الكلية و هوة من جواه عايز يخدم الناس
يعنى ماتقوليش إن الناس بتجيب وسايط و يدفعوا فلوس علشان نفسهم يخدموا الناس و يفدوهم بأرواحهم؟؟

فكرتينى بالإنتخابات لما المرشحين بيدفعوا ملايين فى الدعاية علشان نفسهم يخدموا الناس الغلابة

شكرا ليك
الناس بتدور علي السلطه والمال والحصانه وحضرت الظابط جه وحضرت الظابط راح
ده عشان اللي ملوش ظهر بيضرب علي بطنه للاسف الشديد
وكفايه كده عشان مكلمش فالسياسه واتوقف
خلينا فالتفاؤل

[د./اليشع ثابت]

دكتور اليشع شرفتني بمشركتك
التعدي والاهانه بقو من الطريفن سواء الظابط او الشعب لو كل واحد قدر يحترم الاخر واحترم ادامية الاخر زي ما انت بتقول هتتحل جزء من المشكله
كل واحد بيستخدم سلطته (انت مش عارف انت بتكلم مين)
الموضوع محترم لمشاركتكم فيه وشكرا ليك يا دكتور

الأخت الفاضلة الكريمة / دينا شكراااااااا جزيلا جداااا
لذوقك و اخلاقك العالية فى الرد و المتابعة المحترمة
بس صدقينى حضرتك (انت مش عارف انت بتكلم مين) دول بالفعل ناس تقيلة م مسنودة و لها ظهر و( غالبا) و حطى تحتها مليون خط ان ظهرة دة برضة من خلال الشرطة يعنى مثلا يعرف لواء أو حتى مساعد وزير أو أو
لكن ودة الى انا قصدتة لحضرتك
اللى ما بيعرفش يقول انت مش معارف بتكلم مين ( لأنة ببساطة شديدة مواطن على قد حالة غلبان )
صدقينى صدقينى عمال على بطال بيتبهدل و ممكن ميكونش لة أى ذنب من أى نوع
لكن بيحصل و للاسف دة واقع مرير جدااااا
و شكراااا لسيادتك مجددااا على الاهتمام و المتابعة

[دينا أبوالعلا]

والله يا دكتور دلوقتي خلاص كله بيقولها بقت الكلمه اللي تنجد صاحبها ولانه متاكد ان الغلبان اللي قدامه هيخاف يقوله يعني هكون بكلم مين
هييييييييييييييييييه دنيااااااااااااااااااااااااااااااااا

[د./اليشع ثابت]

والله يا دكتور دلوقتي خلاص كله بيقولها بقت الكلمه اللي تنجد صاحبها ولانه متاكد ان الغلبان اللي قدامه هيخاف يقوله يعني هكون بكلم مين
هييييييييييييييييييه دنيااااااااااااااااااااااااااااااااا

متفق مع حضرتك تمااااما جدااااا
لكن تعالى نقارن الحالتين
1- الاولى ذو الظهر المسنووووود فعلا هيعرف الظابط بصحيح هو بيكلم مين بك الكبير و الظابط هيشرب
2- التانية يكتشف ان الى قدامة اغلب من الغلب
و فى الحالة دى بقة الغلبان دة هيشرب على قفااااااة شررررب
مشربوش حماااار فى مطلع
و يجعلة عامرررر

[aratux]

ماهو عيب قوى إن إحنا البلد الوحيدة اللى فيها "أنت عارف انت بتكلم مين؟؟"

يعنى الراجل اللى ساند ده هايعاقب الظابط إنه حاسب واحد على غلطة؟

[دينا أبوالعلا]

انا متفقه معاك جدا يا دكتور والله يرحمه بقي الغلبان اللي هيعمل فيها بيه
طبعا يا aratux ازاي يغلط الظابط و يحاسب اللي غلط علي غلطته
\
انا لله وانا اليه راجعون

[R A N A]

أولا يادينا بالنسبة لموضوع الشرطة ففعلا مش كلهم وحشين ومرتشين ومفتريين
لأ في ناس منهم محترمة وناس ضحت بحياتها عشان ناس تانية مش بس في حرب اكتوبر
لإ زي ماذكرتي الضابط اللي دفع حياته تمن لإنقاذ وحدة كانت هاتُغتصب وربنا بعته ليها وانقذها.
ومش كلهم بيتلككوا للناس وعايزين يلبسوهم مخالفات بأي شكل لأ سعات بيفوتوا لبعض الناس طالما مهياش حاجة كبيرة وخطيرة وعن غير قصد وهي دي المقصود بيها روح القانون زي الموقف اللي هاحكيه دلوقتي انا كنت ماشية بعربيتي مرة ولاقيت ضابط أو امين شرطة ومعاهم عساكر واقفين بيفتشوا على الرخص وانا كانت رخصة عربيتي مكتوب عليها تصريح مؤقت وانتهي بقاله بتاع اسبوعين أو يمكن اكتر مثلا (كنت بصراحة مستتقلة مشوار المرور اوي وكان لازم اروح اجدده ) ومن حظي برده اني في اليوم ده فعلا كنت رايحة اجدد التصريح اصلا
فسألني رخصك طلعتله رخصة القيادة (وعملت عبيطة ومطلعتش رخصة العربية لإني طبعا كنت خايفة يسحبها لإنها تعتبر منتهية) طبعا منفعش الاستعباط معاه ولاقيته قالي وفين رخصة العربية طلعتهاله اول مابص فيها قالي بس التصريح منتهي قلتله انا عارفة ورايحة اجددها دلوقتي والله يافندم
قاللي بس كده مخالف والمفروض تتسحب قلتله والله يافندم كنت مستنية اخد اجازة واروح اجددها ورايحة النهاردة اهوه
سكت شوية وقالي طيب انا هافوت المرة دي مع انها المفروض تتسحب بس خدي بالك متمشيش بيها اكتر من كده عشان كده غلط وممكن تتسحب منك
قلتله انا رايحة اجددها اهوه ومتشكرة جدا لحضرتك يافندم
وكان بيتكلم بمنتهي الذوق بصراحة ومن غير تعالي ولا حاجة ورغم اني مقولتلوش انا من طرف اللوا فلان ولا دفعتله رشوة ولا حاجة الا إنه سابني اروح اجددها ومسحبهاش مني.
تعالوا بقي نتخيل لو كنت انا مثلا لامضت معاه ولا اتكلمت معاه بطريقة مش كويسة أو متعجرفة واستفزيته تفتكروا كان هايكون رده ايه؟
لكل فعل رد فعل وساعتها مكنش حد هايلومه لإن اي حد منا لو سالته يقولك بالذوق تاخد اللي انت عايزه لكن تتنطط عليا ولا تتكلم بقلة ذوق يبقي لازم يكون رد الفعل في منتهي القسوة.

احنا بس ياجماعة مشحونين بزيادة اصلا ناحية اي رجل شرطة مهما كانت رتبته (وطبعا لإن في امثلة فعلا فاسدة وبتظهر بقوة في المواقف اللي بنسمعها وبنشوفها في الاعلام ) عشان كده احنا بنتلككلهم برده ونحس من اقل تصرف ليهم انهم بيتنططوا علينا مع انه ممكن يكون بيأدي واجبه وبيشوف شغله وبس .
في النهاية كل مهنة فيها الشريف وفيها الفاسد
الفساد لايقتصر على وظيفة بعينها
اما بالنسبة لجيل التمانيات (انا برده مواليد 81) فإحنا فعلا جيل مظلوم :k30:
جيل جه لقي الدنيا خربانة اصلا وعليه إنه يإما يتعايش معاها بخرابها ده يإما يصلحها
في مننا اللي نجح وفي مننا اللي فشل بس اهو المفروض كلنا نحاول بقدر الامكان مش مطلوب مننا ننجح بنسبة 100% لكن على الاقل نحاول نعمل حاجة منقعدش نحط ايدينا على خدنا.
انا مثلا لما كنت بدور على شغل اول ماتخرجت طلع عيني عشان الاقي شغل وعملت انترفيوهات كتيييييييير وقدمت في وظايف ياما لحد ماربنا أذنلي برزق الشغل (لإن الشغل والزواج والخلفة رزق ممكن يكون مكتوبلك وممكن لأ) إشتغلت يوم ماعملت الانترفيو وبدات بمرتب صغير جدا بس اتعملت واتدربت وبعدين اتنقلت من شركة للتانية لحد الشركة الحالية والحمد لله بقيت مساعد مدير عام ومرتبي كويس والحمد لله الدنيا ماشية وكل فترة بيجيلي عروض من شركات كبيرة وساعات كمان انا اللي مش بوافق لإني بقول انا مستقرة نفسياً في الوظيفة الحالية وخلاص لحد مافكر اغير شركتي يبقي ساعتها ادور.
منكرش طبعا اني بيجيلي اوقات كتيرة بكون متشائمة ويائسة ومحبطة من احوال البلد واحوالي انا واسرتي لكن بتكون فترة واهي بتعدي وبنرجع نعيش ونستمر في الحياة تاني وخلاص اتعدونا على كده هاننتحر يعني؟
الاكتئاب اللي عندنا ده مش اكتئاب فردي ده اكتئاب قومي ياجماعة
بس خيلنا نشوف ايه الحاجات الكويسة اللي عندنا وغيرنا محروم منها.
صدقوني هانلاقي نفسنا احسن من ناس كتييييييييير.
رغيت كتير اوي معلش بس الموضوع اصله متفرع برده ومحتاج رغي الحقيقة يادينا

[دينا أبوالعلا]

سكت شوية وقالي طيب انا هافوت المرة دي مع انها المفروض تتسحب بس خدي بالك متمشيش بيها اكتر من كده عشان كده غلط وممكن تتسحب منك
الاكتئاب اللي عندنا ده مش اكتئاب فردي ده اكتئاب قومي ياجماعة
صدقوني هانلاقي نفسنا احسن من ناس كتييييييييير.
رغيت كتير اوي معلش بس الموضوع اصله متفرع برده ومحتاج رغي الحقيقة يادينا

يا باشا الموضوع موضعك انتي تتكلمي فاللي انتي عايزاه طبعا واللي مش عايزاه امسحه
علي فكره انتي هتجبلنا الكلام وهتخليهم يقوله طبعا عشان بنت لو حد فينا كانت الرخصه اتسحبت
حلو قوي اكتئاب قومي دي
والله عندك حق احنا احسن من غيرنا علي الاقل لينا بيت بنام فيه

نورتيني

[R A N A]

يا باشا الموضوع موضعك انتي تتكلمي فاللي انتي عايزاه طبعا واللي مش عايزاه امسحه
علي فكره انتي هتجبلنا الكلام وهتخليهم يقوله طبعا عشان بنت لو حد فينا كانت الرخصه اتسحبت
حلو قوي اكتئاب قومي دي
والله عندك حق احنا احسن من غيرنا علي الاقل لينا بيت بنام فيه

نورتيني

الله اعلم هو عمل كده عشان بنت وبس ولا عشان اتكلمت معاه بذوق ومن غير ماتعالي عليه يعني وكمان لإنه حس اني مش بستعبط وماشية بيها كده بلطجة يعني وفعلا ربنا يعلم اني يومها بالذات كنت نازلة مخصوص عشان اجددها.
لإن والدي دايما يقولنا امشوا صح متعملوش مخالفات ولا تمشوا برخصة منتهية ولا حتى اشتراك مترو خلصان.
دايما يقول خلينا ماشيين في السليم احسن وبلاش نحط نفسنا في مواقف تخلينا معرضين للمخالفة أو للتأنيب من اي حد.

مع اني ركبت تاكسي مرة والسواق لاقيته بيقولي عارفة انا فضلت بسوق 13 سنة من غير رخصة سواقة (طبعا كان بيمشيها فلوس ورشاوي.
بس الحمد لله انا محطيتش رجلي في عربيتي ولا سوقتها الا لما طلعت رخصة السواقة

[أبو إياد]

انتوا فكرتونى بموضوع قديم قفلت عليه بـ100مفتاح بس هاضطر انى احكيه
فى سنه 2004 كنت اشتريت عربيه bmw بس كانت ملاكى اسكندريه المهم خدت العربيه ورحت على اسكندريه اخلص اجراءات المرور فالقيت انى لازم اسلم النمر فكان ادامى حل من الاتنين اما ارجع ع القاهره واسيب العربيه واروح اسكندرية اسلم النمر او انى اسلم النمر وااجر نمر تجارية وامشى بالعربيه فلقيت نفسى هاضطر انى ارجع اسكندرية اسلم التجاريه المهم الواحد بقا كان لسه طايش ومش فارقه معاه حاجه رحت مسلم النمر واخدت العربيه ورجت وعزمت ع الرجوع للقاهره والسياره بدووووووووووووووون نمر وعند اول لجنه حسيت ان اللجنه دى معموله للعبد لله اربع عربيات واقفين امامى واتنين امناء شرطه جايين جرى (صيده)وانا بقا قاعد فى العربيه :10D5C8~1107:ومشغل الكاسيت وقالى رخص قولتله مافيش قالى طيب ممكن تركن وانا بركن بقا الامين ماشى ادامى على رجلع (علشان ماجريش طبعا) ونزلت لقيت ملازم قاعد بيحل مشكله اول لما عرف بوصولى ساب اللى فى ايده وبصلى وابتسم وقال مش عارف اقولك ايه
انا - خير ماتقولش حاجه
الملازم - انت ولا كأن فى حاجه _ حضرتك ماشى على سرعه 200ماشى طيب ازاى بقا ماشى من غير نمر
انا- بابتسامه خفيفه لو قلت لحضرتك مش هاتصدق
الملازم- لا هاصدق اى حاجه بس اعرف ازاى
انا - حضرتك العربيه انا شاريها من اسكندريه وانا فى المرور قالولى اسلم النمر فاتصلت باللواء................وحكيتله الموقف قالى امشى ولو حصل حاجه كلمنى
تحب حضرتك اتصل بيه
الملازم- بقا اللواء................قالك كده
انا - ايوه يافندم
الملازم - قالى اقولك على حاجه
انا - خير اتفضل يا فندم
الملازم- اتفضل امشى
انا - شكرا سلام عليكم

انا اه اعرف اللواء ده فعلا بس بصراحه انا اتكسف اتصل بيه وانا فى موقف زى ده بس الحمد لله عدت على خير ومن ساعتها والله وانا باحترم المرور جدا

[دينا أبوالعلا]

انت تعرف اللواء ده بس الملازم احتمال كبير قوي انه ميعرفووش

[badry]

ونعم بالله
عايزه اقولك حاجه ابويا وابوك لما شاركو في 73 كانو جدودنا بيقولو عليهم جيل فاشل ومش متحملين المسؤليه ولو اتفرجت علي الافلام القديمه هتسمع من ده كتير
عايزه اقول ان الشده ممكن تصنع رجاله يعني الولد اللي كل همه يلفت نظر والبنت اللي كله هما توقع ولد ممكن يكونو مش محتاجين بتر زي ما حضرتك بتقول ممكن يكونو محتاجين اعاده هيكله او صدمه
معاك ان مكنش انعدام الاخلاق والذمم متفشي زي دلوقتي اعتقد ان مجرد احساسنا بالغلط ده بريق من الامل

شكرا على ردك
بس أنا مش قصدي على ولد عامل ظريف أو بنت مستهترة .......لا دانا بقولك فساد و افترى.......

يعني كل ظابط أو مسئول بيعمل لناس خدمات و يستغل سلطاته....ده فساد و افترى.......
شايفين إني مزودها???? فكرو كدة.....فين العدل إن رخصة فلان تتسحب و رخصة علان لا و الاتنين مخالفين ???
ماهو ده فكر الواسطه.......عدم تكافؤ فرص ف كل حاجة........

و كل شارع فضل محفور عشان تصليح بالسنة أو 2 أو 3.........ده فساد و افترى.......

و كل واحد يركن صف تاني و يشد الهند بريك .........ده فساد و افترى.......

و كل مطب أو بلاعة أو حفره ف أرقى شوارع القاهرة بقالهم 5 سنين .........ده فساد و افترى.......

و كل واحد يخش على الطابور من أوله و طوز ف إلي واقفين .........ده فساد و افترى.......

و دي حاجات بسيطة و البلاوي كتير زي ماحنا عارفين........

أنا واحد شغال ف شركه مستحيل تسمحلي بي الاستهتار ده ...أو حتى عشره....و بدفع ضرايب من مرتبي حوالي 10000 كل سنة و ملتزم بي كل القوانين و الرسوم.........ليه أستحمل كل الاهمال ده و أدفع أكتر عشان أنجو منه???

و على فكرة...جيل الآباء حتى لو حارب ف أكتوبر.....ده مش معناها إنهم ملايكة....يعني هما حاربوا بمزاجهم??
و حتى لو كانو أبطال....ده مش معناه إنهم فوق المساءلة.......ماهو دول بعد كدة مسكو البلد وادي النتيجة !!!!
الأدمغة دي هيا إلي عايزة بتر من وجهة نظري.....عشان صعب أوي نعلمهم الحق و العدل و إتقان العمل بعد ما عدو الأربعين .....و في منهم ضحايا طبعا

أنا عندي أمل ف الأجيال الجديدة 2000 أو بعد كدة كمان عشان التنشئة الدينية أنا شايف إنها زادت يعني كل واحد فيهم هيكون يتحرى الحلال و الحرام لما يكبر ......و ده يخليه ميعملش فساد و افترى.......

بجد شكرا على الموضوع الممتاز إلي خلاني أفضفض كدة

[youssefmustang]

ازيكم جميعا
الخير موجود يا جماعة بس للأسف مدفون بقاله 10 سنين واللى عايزه لازم يدور عليه عشان بقى صعب التعامل بيه مع الشعب المصرى
اخوكم يوسف

[محمد جلال]

اولا اشكرك انك فتحتى الموضوع .
ثانياً : رحمة الله على جميع شهدائنا دول فعلا الرجالة اللى قدموا ارواحهم فداء لله وللوطن ومن اجلنا جميعاً ، شباب ورجال لا يعوضوا فضلوا اداء الواجب قبل كل شئ ، للشرطة ورجالها جانب مشرق مهمل لم يسلط عليه الضوء الشباب والرجال اللى استشهدوا اقدر اقول عليهم رجال الشرطة والامن حقيقى ، عرفوا معنى كلمة الفداء وقدمو ارواحهم بدون خوف رحمهم الله جميعاً رحمة واسعة اما السادة اللى مبيهمهومش غير البدلة والتناكة والاستخفاف بالغير وامتهان ادمية المواطنين دول لا يمتوا بصلة للفيديو اللى احنا شوفناه الناس اللى احنا شوفناهم بيأدوا وظيفتهم لخدمة الغير وهو ده الهدف من المهنة دى الحماية والحفاظ على ارواح المواطنين وتطبيق الامن اعتقد ان شهدائنا حبوا مهنة الشرطى بقلبهم وعقلهم وسعوا جاهدين للوصول ليها مش زى الباشوات اللى دخلوا علشان يتقاله يا باشا ياريت يعلموهم ان المعاملة مع الناس كلهم على انهم مجرمين متنفعش لازم يعرفوهم والسيد اللواء / حبيب العادلى بالفعل بدء يغير النظام المتبع بس يا ريت هما يعتبروا احتراماً على الاقل لارواح زملائهم وربنا يهدىواخبراً الخير باقى فينا بس كل بيخاف وبيقلق من كل قبل ما اشتغل كانت الدنيا وردى اول ما اشتغلت اتفرجت على عالم مختلف بقيت افكر هو لازم ابقى زى الناس دى علشان اعيش مرتاح لدرجة انى بقيت لما بعمل موقف جدعنة مع زميل او اى حد بفكر هو ممكن يوم يتقلب على ويطعنى فى ظهرى ينسا اللى عملته معاه لما لقيت نفسى هبقى تحت رحمة الشيطان قفلت الباب فى وشه وباهتم بشغلى ومليش دعوة بحد وباتفاعل مع الجميع فى الخير وبسعى اليه وبابتدى بنفسى واهم حاجة الرضا الداخلى النفسى فاهفضل اعامل الناس زى ما كنت متعود
وسايبها على ربنا وربنا ينور بصيرتنا ويحببنا فى بعضنا ويحبب لينا الخير.