سخان الغاز

[أحمد سالم]

السلام عليكم
اخيرا وصل عندنا الغاز الطبيعى
وبفكر استبدل السخان الكهربائى بسخان غاز
لاكنى بسمع ان سخان الغاز بيعمل مشاكل كتير
ياريت اعرف ارئكم فى سخانات الغاز عن تجاربكم
وياريت نصيحه ايه هو افضل سخان غاز انا طبعا اقصد الماركة
وعدد الليترات وهل فى انواع حديثة من سخانات الغاز بتستخدم تكنولوجيا تم تلافى الاخطار فيها
ارجو مساعدتكم

[Karim_Monir]

انا شخصيا بستخدم يونفيرسال 10 لتر من 5 سنوات بدون اي مشاكل اطلاقا ما شاء الله

كا في موضوع هنا بتاع استاذ هاني ادام بيتكلم فيه انه بيجهز شقتة وبيفاضل بين كل انواع الاجهزة المعمرة
دور علية مليان اراء تفيدك كتير
هو من كام شهر حوالي اخر الصيف اللي فات

[mramzy]

اولا مبروك
اخى الكريم توكل على الله وهات اوليمبك 10 لتر غاز سخان تحفة وفيه تحكم كامل فى الشعله والميه تحكم ميكانيكى مش ديجتال وحاجه نظيفه جدا وسريع فى التسخين الميزة المتوفره فيه برضه انه اشعال ذاتى بمجرد فتح الحنفيه ويغلق تماما بمجرد ما تقفل الحنفيه يعنى مش بيكون فيه شعله صغننه زى زمان مولعه عمال على بطال

طبعا الغاز انظف واحسن واسرع واوفر من الكهرباء بمراحل
ده عن تجارب كتيره فى حياتنا بدا بالفاينت مرورا بكل اشكال المصانع الحربية حتى اوليمبيك
مبروك للمره التانيه

[sendrella]

مساء الخير يا استاذ احمد
السخانات الغاز كويسة جدااااااااا
احنا عندنا سخان غاز ايديال و بقالو حوالى 3 سنين او يزيد
و الحمد لله معملش اىىىىىى مشكله من اي نوع من ساعتها
هو بس كل فترة طويلة كدة البطارية بتاعة الاشعال الذاتي تخلص و تغيرها

و هو افضل بكتيييييير من سخان الكهربا

[محمد جلال]

عندنا سخان زانوسى 10 لتر اسبانى الصنع من 2001 فيه تحكم فى درجة سخونة المياه وقوة اللهب والشعلة بتشتغل اتوماتيك مع استخدام المياه الساخنة وبيفصل صمام الغاز لو الشعلة انطفت وشغال ماشاء الله عليه واكيد فى موديلات اعلى وربنا يوفقك للافضل والائمن وشكراً .

[أحمد سالم]

اولا اشكركم جدا جدا على الاهتمام وسرعة الرد
والله فرحت جدا لما لقيت سرعة الاستجابه
هو حاليا لسه الاراء بسيطه ومفيش كذا رأى على نوع واحد
فى واحد نصحنى بسخان المصانع الحربيه
ولو مكانش ان شاء الله نمشى مع رأى الاستاذ karim_monir
لانى سمعت كمان ان اليونيفرسال كويس
الله يوفقنا لما فيه الخير
شكرا لكم جميعا

[elhdry2000]

ابعد عن المصانع الحربية خاااااااااااااااااااالص
انا عندى شلل رباعى زى الدفع الرباعى كدة منة
هتكره نفسك منة
انت عارف المخ المصرى اما بيصمم حاجة
هتحتاج تغير بلف الشعلة كل كام شهر ولو المية ضعيفة شوية السخان بيفضل فاصل والشعلة بستمرار موقدة
ريج دماغك وخليك فى اوليمبك 10 لتر بجد تحفة وتكنولوجيا متطورة فية

[A.Saad]

احنا عندنا السخان بتاع المصانع الحربية من 88 تقريبا
هوة عادى مكانش فيه اشعال ذاتى ساعتها
كل مشاكله ان بيبقى فيه جلدة كبيرة فى بتتاثر بضغط المياه فتفتح مسار للغاز
ممكن كل سنتين او سنة تتغير
بتوع صيانكو بيغيروها
كل كام سنة يعنى سبع سنين بتفكه تغسل الريش بتاعته تنزل الهباب الاسود من عليها
هوة اامن من الكهرباء
لو عايز مية ساخنة 24 ساعة يديلك
بس لو جبت اى نوع
لو فيه شعلة بتكون شغالة على طول
اقفلها لانها بتاخد غاز كتير
بس

[elzaradashty]

يونيفيرسل

يونيفرسل 10 لتر شاشة ديجتال ب650 جنيه ممتاز
اعلى درجة امان
تحكم فى درجة الحرارة
ضمان 5 سنوات

[ZAKI32]

ابعد عن المصانع الحربية خاااااااااااااااااااالص
انا عندى شلل رباعى زى الدفع الرباعى كدة منة
هتكره نفسك منة
انت عارف المخ المصرى اما بيصمم حاجة
هتحتاج تغير بلف الشعلة كل كام شهر ولو المية ضعيفة شوية السخان بيفضل فاصل والشعلة بستمرار موقدة
ريج دماغك وخليك فى اوليمبك 10 لتر بجد تحفة وتكنولوجيا متطورة فية

ياراجل حرام عليك دا هو اللى مستحمل بقالة مايذيد عن 20 سنة شغال زى القطار

انا عندى المصنع الحربى 360

10 لتر

كنت جايبه زمان ب حوالى 400ج دلوقتى يعمله 800ج

هو فى اجدع من المصانع الحربية اجمد حاجة تستحمل والله.

فين ايام المروحة بتاعت المصانع الحربية عاشت معايا مايزيد عن 30 والله كما اقول لك

[Mohd_Adel_Amin]

معلش يا شباب انا عندي سؤال جانبي صغير..
انا من ساعة ما طلعت على الدنيا وانا بشوف سخانات الغاز 10 لتر ممكن اعرف يعني ايه الرقم ده وايه هي الأحجام الأخرى وميزاتها وعيوبها ؟؟

[أحمد سالم]

اشكر مروركم الكريم
ان شاء الله باين هترسى على المصانع الحربيه

[mramzy]

معلش يا شباب انا عندي سؤال جانبي صغير..
انا من ساعة ما طلعت على الدنيا وانا بشوف سخانات الغاز 10 لتر ممكن اعرف يعني ايه الرقم ده وايه هي الأحجام الأخرى وميزاتها وعيوبها ؟؟

فيه حجم 5 لتر وحجم 10 لتر
واخير 6 لتر
وده معدل تصريف المياه الساخنه
بمعنى لو السخان فى المطبخ والمواسير قريبه فممكن 5 لتر يكون كويس
ولكن لو المواسسير طويله وبعيده عن السخان يبقى 10 احسن طبعا وبيبان خصوصا فى الشتاء
المميزات
انك تاخد مياه سخنه جدا فى اقل زمان ولاى فتره انت عايزها طالما فيه غاز
عكس الكهربا انك لازم تسخن فرته كبيره قبل ما تفتح وممكن الميه تبرد عليك
طبعا اوفر من حيث الاستخدام

[Mohd_Adel_Amin]

فيه حجم 5 لتر وحجم 10 لتر
واخير 6 لتر
وده معدل تصريف المياه الساخنه
بمعنى لو السخان فى المطبخ والمواسير قريبه فممكن 5 لتر يكون كويس
ولكن لو المواسسير طويله وبعيده عن السخان يبقى 10 احسن طبعا وبيبان خصوصا فى الشتاء
المميزات
انك تاخد مياه سخنه جدا فى اقل زمان ولاى فتره انت عايزها طالما فيه غاز
عكس الكهربا انك لازم تسخن فرته كبيره قبل ما تفتح وممكن الميه تبرد عليك
طبعا اوفر من حيث الاستخدام

شكرا يا باشا .. وضحت الصورة

[ZAKI32]

والله ياباشا اقولك على حاجة

احنا كنا زى اغلبية البشر مركبين سخان كهرباء

ولما دخلنا الغاز

لا واية سخان المصانع الحربية

قولت اما اجربه كدة مقولكش بفتح لقيت المية فى نص ثانية سخنة

الواحد كان عشان ياخد دش بيستنى السخان الكهرباء مايذيد عن ربع ساعة وعطلة وكدة
مع سخان المصانع الحربية هتاخد الدش وتطلع تجرى على مشوارك
بس اوعى تاخد برد ابقى خلط المية السخنة مع الباردة

وعيش وماتقوليش