بيان هام وعاجل بخصوص مشتركي شركة TEData

[amr5500]

أن شركة TEData لم تكن عندها التقنية التي تسمح بحساب استهلاك المستخدمين
وبناءا عليه قمنا جميعا بالتحويل للنظام Limited ADSL

والآن قامت الشركة بتحديث أنظمتها وهي الآن تحسب على كافة المشتركين استهلاكهم
بواقع 10 جنيهات لكل جيجا زائدة

برجاء الانتباه أن ذلك سيجعل الفواتير عالية جدا ولن نستطيع دفعها
أقوم الآن بتحويل جميع خطوطي إلى الباكيدج ال Unlimited

كما وضعت الشركة على السايت الخاص بها ما يمكن المستخدمين من معرفة استهلاكهم حتى هذه اللحظة

http://www.tedata.net/new/tedata_egy...mitedAdsl.aspx

وعن طريق كتابة اليوزر نيم والباسوورد الخاصين بك تستطيع معرفة استهلاكك

ياريت نلحق نحول خطوطنا واللي عايز ليمتد يخليه ليمتد بس يرشد استهلاكه

ياريت نلحق نفسنا
منقول للافادة
علي فكرة انا مشترك بنظام الليمتد من حوالي سنه ونص
وكنت بادفع 45 جنيه شهريا بدون اي زيادة
لكن لما دخلت امبارح وشفت العداد لقيتني عامل 11 جيجا فوق ال 2 جيجا المسموح بيهم والنهاردة وصلوا ل 13 جيجا
يعني العداد ماشي زي الصاروخ
مع اني اتصلت بيهم اكتر من مرة خلال السنه والنص وقالوا لي انهم حيبعتوا لي رساله علي الموبايل لو تعديت ال 2 جيجا المسموح بيهم شهريا
وبالنظام ده ممكن اي حد يلاقي نفسه واخد ب 500 جنيه زيادة عن الاشتراك الشهري
***********

الرجاء مراعاة عدم استخدام الفاظ غير لائقة

مشرف القسم

[RED_OCTOBER_IV]

تمـــام وشكراً للأفاده

[Abo.Omar]

فعلا والله دا استهبال انا اول مره اعرف القصه دى المفروض يقولو اول ما يبدأو يطبقو النظام دا
شكرااا

[أحمد سالم]

السلام عليكم
اولا اشكرك جدا على هذا التنبيه
بس اللى مخلينى مستغرب ازاى انا اتعاقد على خدمة محدودة السرعه
ولما اتجاوز محدش يقولى
المفروض انى لما اخلص ال 2 جيجا يظهر لى رساله مثلا تحذيريه
طيب يبقى ايه لازمة اننا نتعاقد على محدود وهو مش محدود
انا اتفاجئت لما دخلت كشفت على حسابى

بس الحق مش على الشركات
الحق على الحكومه اللى بتنظم التعامل بين مقدمى الخدمة للمواطن
والشركات
ازاى شركة تاخد ترخيص لمزاولة مهنه فى دوله ويكون كل الحق لها
وليس للمواطن اى حق فى اى شيء يعنى مثلا انا مش عارف ازاى انا عملت الزياده دى كلها
اصلا موضوع انقطاع الكابلات كان مخلى النت بطء جدا من بداية الشهر اللى فات ثانيا اول اسبوع مكانش عندى خدمة من اصله
ولو روحت تستبدل الخدمه وتخليها ليمتد هتدفع 50 جنيه مصاريف
لا ولو حبيت اغير الشركة لازم اصفى حسابى واخد مخالصه من الشركة الاولى واستنى طبعا اسبوعين ثلاثه لغاية ماتطلع المخالصه كله طبعا بيزهقو الواحد علشان مايخرجش من عندهم
طبعا انا اتفاجئت انى هدفع 130 جنيه
ثمن 14 جيجا وانا مستحيل اكون عملت 14 جيجا بس مافيش حل غير الدفع

يعنى هما الكسبانين فى كل الاحوال
واحنا لنا الله
حسبى الله ونعم الوكيل

[pro_samir]

المفروض ان الموزعين المحترمين بيتصلو بالناس يبلغوهم ودة حصل فعلا من بعضهم والبعض لأ

لأن هما بالفعل مكانوش مشغالين العدادت والناس كلها كانت عايشة ببلاش ومحدش عارف هوا بيعمل باندويدث قد اية

[amr5500]

ممكن تحول دلوقتي من التظام المحدود الي اللامحدود بدون دفع ال 50 حنيه لغايه اخر شهر يناير
وتقريبا عملوا كده علشان الناس كلها تحول للنظام اللا محدود
بصراحه الواحد ارف من الشركات دي
كنت مشترك قبل كده مع لينك وكانت شركه متعبه لاقصي درجه
انا بصراحه بافكر اني ماادفعش ومش عايز نت
الشركات دي عايزه نظام مقاطعه زي حمله خلوها تصدي
بس للاسف الشركات عارفه انا الناس لا يمكن تقدر تستغني عن النت

[AboMaro]

الشركات دي عايزه نظام مقاطعه زي حمله خلوها تصدي
بس للاسف الشركات عارفه انا الناس لا يمكن تقدر تستغني عن النت

صحححححححححححححح

[ahit]

السلام عليكم و رحمة الله و بركاته

طبعاً دا إستغلال و عدم إحترام للعميل
و كان لا بد من الإبلاغ عن طريق التليفون أو ال E-Mails عند بداية إحتساب الإستهلاك الإضافى مع ضرورة توفير برنامج أو آلية معينة لمعرفة الإستهلاك مع ضرورة وقف الخدمة فى حالة تعدى الإستهلاك المسموح بيه ؟!!!!!!!!
بالرغم من إن شركة Link dot net شركة ليست ممتازة و خدمة العملاء فيها من أسوء ما يمكن لاكن بالنسبة للإنترنت محدود السرعة فهى تتبع الآتى :
1-لها برنامج يسمى Linkmeter و ظيفته توضيح حجم الإستهلاك و المتبقى.
2-البرنامج يعطى رسائل تحزيرية قبل نهاية حد الإستهلاك المسموح بيه.
3 بتوقف الخدمة بعد تعدى الإستهلاك المسموح بيه.
4- يمكن شراء كروت شحن لحين ميعاد تجديد الإشتراك ( مثلاً الكارت ب 20 جنية يعطى 2 جيجا و صلاحية 3 شهور ).
5- الرصيد المتبقى من الشحن يضاف للرصيد الأصلى.

كل هذه مميزات بالرغم من أن سمعه شركة TEData أفضل من Link

* على العموم يمكن الشكوى فى الجهاز القومى لتنظيم الإتصالات و هذا هو الموقع الخاص بهم :

http://www.tra.gov.eg/arabic/main.asp?

و يمكن لما ناس كتير تشتكى يكون فيه إجراء حاسم مع هذه الشركة فى مصلحة العملاء المتضررين.

شكراً

[amr5500]

السلام عليكم و رحمة الله و بركاته

طبعاً دا إستغلال و عدم إحترام للعميل
و كان لا بد من الإبلاغ عن طريق التليفون أو ال E-Mails عند بداية إحتساب الإستهلاك الإضافى مع ضرورة توفير برنامج أو آلية معينة لمعرفة الإستهلاك مع ضرورة وقف الخدمة فى حالة تعدى الإستهلاك المسموح بيه ؟!!!!!!!!
بالرغم من إن شركة Link dot net شركة ليست ممتازة و خدمة العملاء فيها من أسوء ما يمكن لاكن بالنسبة للإنترنت محدود السرعة فهى تتبع الآتى :
1-لها برنامج يسمى Linkmeter و ظيفته توضيح حجم الإستهلاك و المتبقى.
2-البرنامج يعطى رسائل تحزيرية قبل نهاية حد الإستهلاك المسموح بيه.
3 بتوقف الخدمة بعد تعدى الإستهلاك المسموح بيه.
4- يمكن شراء كروت شحن لحين ميعاد تجديد الإشتراك ( مثلاً الكارت ب 20 جنية يعطى 2 جيجا و صلاحية 3 شهور ).
5- الرصيد المتبقى من الشحن يضاف للرصيد الأصلى.

كل هذه مميزات بالرغم من أن سمعه شركة TEData أفضل من Link

* على العموم يمكن الشكوى فى الجهاز القومى لتنظيم الإتصالات و هذا هو الموقع الخاص بهم :
http://www.tra.gov.eg/arabic/main.asp?

و يمكن لما ناس كتير تشتكى يكون فيه إجراء حاسم مع هذه الشركة فى مصلحة العملاء المتضررين.

شكراً

عليكم السلام ورحمه الله وبركاته
علي فكرة انا جربت لينك قبل كده وكات شركة سيئة جدا
بس الكلام ده كان من اكتر من 3 سنوات
وطبعا اكيد اي شركة محترمة لازم تنبه عمبلها او علي الاقل تقطع الخدمة لما يتعدي الجيجات المحددة له شهريا
وياريت نحاول كلنا الشكوي علي رقم الجهاز القومي لتنظيم الاتصالات يمكن يجيب نتيجه
وانا شخصيا لو مااستجبتش الشركة ولغيت المبالغ الاضافيه
مش حادفع ولا مليم واكيد حيخسروا كتير لو الناس كلها عملت كده
وشكرا

[ams]

سؤال بسيط
هو انا بجيب إسم الدخول و كلمة المرور منيييييييييين ؟

[amr5500]

اسم الدخول والباس ورد اللي بتاخدها من الشركة لما بتشترك معاهم
لو مش متاكد من الباس ورد واالاسم اتصل بالشركة بخدمه العملاء
19777

[hossam_chixo]

على فكرة يا جماعة انا الشركة دى قضيت معاها اسوء ايام حياتى فى كل حاجة سرعة سيئة جدا داونلود بطيئ جدا مع انى مشترك 512 خدمة عملاء اسوء كل الى عليهم يقولو
و على فكرة الشركة هى الى محفظاهم دة
1- انت اعد امام الرواتر دلوقتى
2- اقفلة و افتحة تانى
3-طبعا النت برضو قاطع طب يا فندم هنزلك اعطال و شكرا على كدة و متخدش منهم اى عقاد نافع بأمانة شركة اسوء ما يمكن
انا دلوقتى الحمد لله طلعت من عندهم بعد ما نصبو علية فى شهر و استنيت شهر على اطلع رقم فصل الخدمة
و انا دلوقتى فى فودافون ADSL
بصراحة والله الشركات دى بجد الى تستحق هى الى تاخد الخدمة دى النت بقالة شهرين مقطعش غير مرة واحدة و رجع لأسباب تحديث فنى و عملوة بليل من الساعة 12 بليل لحد 12 الصبح و قبلها بعتولى رسالة
و نبهونى
خدمة عملة اكتر من ممتازة مش اعطال بقى و الكلام الفاضى
و عاوز اقولكو بقى الى انا سمعتة من واحد شغال عندنا فى العمارة عن الشركة دى ان فى ليها مندوبين ليل نهار فى الستنرلات المتوافر لديها الخدمة من و انت على التليفون يعملو تشيك اب على خطك و بكتيرة نص ساعة و ترجع الخدمة تانى فبصرحة انا الشركة دى ممتازة و انصح الناس انها تدخل فودافون ADSL
و طبعا زى ما انتو عارفين انا مش بعمل دعاية ولا حاجة اعتقد ان الشركة دى مش محتاجة دعاية اصلا
و معلش طولت عليكو عشان مدايق من TE data
و مبقوق منها جدا
شكرا

[Dr.A.Nabil]

انا مشترك بقالي 4 سنيين
512mb unlimited

ماشفتش منهم اي حاجه وحشه
والداونلود ممتاز والسرعه كويسه جدا
بيديني transfer rate 52kb per second

هو بس خدمة العملاء بتاعتهم اقل من المطلوب
ونادرا لما بالورح ادفع الاشتراك
باتصل بيهم وبيبعتولي واحد يحصل من البيت مقابل 10ج

[SS]

ممكن تحول دلوقتي من التظام المحدود الي اللامحدود بدون دفع ال 50 حنيه لغايه اخر شهر يناير
وتقريبا عملوا كده علشان الناس كلها تحول للنظام اللا محدود

و اكيد طبعا ً ما ينفعش تحول و انت فى نص الشهر...هيقولك مش هاينفع الا و انت بتجدد ..و لا أيه؟؟

[youssefmustang]

الحمد لله انا مشترك 512 unlimited هو اه بدفع 140 جنيه لوحدى بس مريح دماغى من شغل الوصلات واللى يقطع عليك النت وكمان 2 جيجا ايه انا بنزل فى اليوم اكتر من 4 جيجا بس مشكلة الشركة دى انهم كل شهر لازم الخدمة تفصل يوم فى الشهر ده او على الاقل 6 ساعات ودى اللى بتخلينى اندم انى اشتركت معاهم بس على قد كده كويسين انا لما اشتركت الخدمة وصلت تانى يوم على طووول فى حين واحد صاحبى فى الهرم تابع لسنترال المريوطية الخدمة وصلتلو بعد خناقات ومشاحنات فى الشركة بعد 26 يوم
اخوكم يوسف