موضوع مش لاقى له عنوان

[msobhy]

قبل اى حاجة اسف للأطالة بس ممكن تقولوا انى واقع فى مشكلة بسيطة جدا الا وهيه اعيش ازاى واربى ابنى يعيش ازاى
انا مليش فى السياسة ولا القهاوى ولا الكورة من الاخر ممكن تقولوا انى شخص معاق ذهنيا مقارنة بالناس العادية
انا فعلا مشكلتى انى مش راضى عن اى حاجة وبالتالى مش راضى ان ابنى يلاقى الحاجات ديه فى حياته
مش راضى على التعليم
مش راضى على المواصلات
مش راضى على الاتصالات
مش راضى على الاغذية
مش راضى على المعاملات فى الهيئات الحكومية
مش راضى على معاملة ..... ليه فى حالة لا قدر الله وقعت فى مشكلة
مش راضى على شكل الشارع اللى انا عايش فيه (مع العلم انى ساكن فى منطقة المفروض انها محترمة)
مش راضى على معاملة الميكانيكى اللى بيسرقنى وبتاع قطع الغيار اللى بيبيع حاجات مغشوشة والبنزينة اللى بتدينى بنزين 80 على 90 وتحاسبنى على 92 وعدد لترات اقل
مش راضى على جيرانى اللى اقل ما يقال عنهم انهم كائنات غريبة تعيش على هدف واحد الا وهو ازعاج الاخرين والاعتماد على ان الاخرين ناس عايشة فى دور الاحترام
مش راضى على مجتمعنا اللى قولا وفعلا يفتقد كل عوامل الامان والكلام على كل الاطراف سواء الحرامى او اللى بيحمينى من الحرامى - بقيت خايف على اختى وامى ومراتى ليل نهار ان اى مشكلة تحصلهم وانا بعيد عنهم(حالة نفسية واضحة- على مستشفى المجانين عدل)
طيب انا بكتب كل ده ليه
زهقااااااااااااااااااااااااااااااااااااااااااااااا اااااان
ده هوه ردى
يا جماعة انا للحظه فكرت ان العيب فينا احنا بس للأسف دخلت فى دايره مغلقة مش عارف اخرج منها ازاى
انا قلت انى لازم اراعى ربنا فى كل حاجة بعملها ولما كلنا هانعمل كده الموضوع هايختلف لكن للأسف بنظره اكثر تعمقا
لو انا ببيع وباشترى - لو انا بعت بما يرضى الله وسلع سليمة وبسعر كويس وغيرى باع لى سلع زبالة بسعر عالى بقيت انا المغفل وهو الشاطر / واحد يقول لى انت بتعمل اللى بيمليه عليك ضميرك - ردى انى كده هاتنازل عن كل شئ مقابل لا شئ
لا منى اسفدت انى بقيت جزء من منظومة المجتمع ولا منى افدت المجتمع بحاجة
كل اللى هاعمله انى هاشتغل بضمير علشان واحد غيرى هايسرق شغلى ويبيعه من غير ضمير
فى حاجات كتير بس برضو انا زهقاااااااااااااااان ومش عايز اكتب
السؤال اربى ابنى ازاى
انه يكون فهلوى ويلعب بالبيضة والحجر وصاحبة دراعة وابنة قرشة
ولا انه يعامل الناس بالحسنى ويراعى ربنا فى كل شئ ومش مهم انه يحصل على لقب عبيط ومغفل فى زمن انقلبت فيه المعايير؟
اسف للأطالة فى موضوع اعتقد ان اغلب الناس مش هاتقرؤه لسسب بسيط - الا وهو اننا زهقاااااااااااااااانين
لو
انا بقول لو
لو حد عنده فكره ازاى نخلى مجتمعنا احسن وفى نفس الوقت المجهود اللى نعمله ميجيش حد تانى يهده او يسرقه يا ريت يقول لنا يمكن أولادنا يعيشوا بشكل وفى بيئة احسن
ازاى انظف امام بيتى واضمن ان جارى ميوسخش
ازاى ازرع امام بيتى واضمن ان جارى ميموتش الزرع
ازاى اربى ابنى صح واضمن انه ميكونش ضحية النصب والسرقة

[Samir Elshahawy]

الرد باختصار و ببساطة علمه أمور دينه خليه حريص علي الصلاة و قراءة القرأن

و تفائل خير بالمستقبل لأن دوام الحال من المحال
بس ده اللي أقدر أقوله لك

[zeka127]

متتعبش نفسك وعيش حياتك زى مهيا وزى مانت شايفها لان مفيش حاجه هتتغير ولو حصل تغيير هيبقى للأسوأ مش للأحسن لان احنا دايما بنتقدم فى الطريق السلبى مش الايجابى بنفضل ماشيين فى الطريق الغلط لحد اما يبقى بالنسبه لينا هو الطريق الصح

[ams]

ابدء بنفسك ، عليك السعى و ليس عليك ادراك النجاح

ازاى انظف امام بيتى واضمن ان جارى ميوسخش
ازاى ازرع امام بيتى واضمن ان جارى ميموتش الزرع

نضف الاول و بعدين اللى يوسخ يوسخ
يعنى انت هتكون احسن من النبى او جارك اسوء من جاره اليهودى اللى كان بيترك فضلاته امام بيت النبوه ؟!
حديثين فيما معناهم:
-اصنع الخير فى اهله و غير اهله فان اصاب اهله فهو اهله و ان لم يصب اهله فانت اهله
-خير الصدقة القريب الكاشح
يعنى تخيل واحد قريبك محتاج وانت بتديلله صدقه و هو كل ما يشوفك يضايقك

ازاى اربى ابنى صح واضمن انه ميكونش ضحية النصب والسرقة

ربيه يكون عنده ايمان قوى و عقل متدبر
يعنى مش عشان انه طيب يبقى ساذج -بارك الله لك فيه- لا طبعا لازم يعرف يفكر بس قبلها يعرف ربنا

كان فى قصه سمعتها من الشيخ كشك بيقول كان فى 3 طالعين فى رحله و الرسول بيقول ان كنتم ركب فامروا احدكم يبقى هو القائد و طاعته واجبه فهم عملو كده لكن الامير اللى اختاروه اشعل نار و قالهم ادخلوها و عليكم طاعتى فالاتنين فكروا و مدخلوش و لما سالو فى اللى حصل قيل لهم لو كنتم دخلتم لمتم كافرين طب ازاى ؟ مع انهم عصوا القائد لان احنا اصلا بنعبد ربنا طمعا فى الجنة و خشية عذابه

و القرآن دايما بيحثنا على التدبر والتأمل و اعمال العقل

[fiatto]

دايماً مشكلة العاقل وسط قطيع من الأغبياء ، والشريف وسط حشد من المارقين ، والمؤمن وسط قوم عديمى الايمان ، بتكون انه اما يبقى زيهم ومش هيعرف يبقى زيهم أو انه يفضل زى ماهو ويتحمل نصيبه من المعاناة التى قدرها الله له ولأمثاله من المحترمين .
فيه اللى بيحاول يهاجر وممكن برغم كدة ميستريحش لأنه ممكن يقابل مشكلة تانية من نوع آخر كالازدراء والعنصرية ، وهنا مبتبقاش الهجرة حل .
وفيه اللى بيفضل فيها ويكمل زى سيدنا نوح ( مع الفارق فى التشبيه ) عمال يبنى فى سفينة والناس رايحة جاية تهزأ فيه وتتريق عليه بوقاحة يومياً ، ودول لو استحملوا صح للآخر وزى ماتكون النهاية ليهم ولعيالهم بيكون جزائهم كبير عند ربنا لأنهم رضوا بنعمة الفهم والدين وحسن الخلق وتبعات ذلك من مهانة فى الدنيا بشكل نسبى من الغافلين من الناس والأسافل منهم .
ربنا ليه حكمة انه يخلى ناس محترمة وسط قلب الفساد عشان دول كلمته فى الأرض اللى لازم متروحش وتتنسى ، دول ان كانوا محترمين بحق فهم يحملون رسالة وفى حملها شرف وفى تنفيذها فوز عظيم .
هنخسر فلوس ووقت وجهد وأعصاب ويمكن اولادنا تتأثر شوية ويمكن يصيبنا مالايصيب غيرنا فى المعتاد ، لكن دعوة المؤمنين أول مابيدخلوا الجنة هى ( الحمد لله الذى أذهب عنا الحزَن ) اللى هو كانوا شايفينوا فى الدنيا من زبالة الناس وأسافلهم ، وافتكر قول الله عز وجل ( وما يلقاها الا الذين صبروا ) مش الذين استعجلوا وعملوا زى غيرهم ما بيعمل .
ربنا يفيدنى ويفيدكم باللى قولته ويثبتنا حتى الممات آمين

[badry]

دايماً مشكلة العاقل وسط قطيع من الأغبياء ، والشريف وسط حشد من المارقين ، والمؤمن وسط قوم عديمى الايمان ، بتكون انه اما يبقى زيهم ومش هيعرف يبقى زيهم أو انه يفضل زى ماهو ويتحمل نصيبه من المعاناة التى قدرها الله له ولأمثاله من المحترمين .
فيه اللى بيحاول يهاجر وممكن برغم كدة ميستريحش لأنه ممكن يقابل مشكلة تانية من نوع آخر كالازدراء والعنصرية ، وهنا مبتبقاش الهجرة حل .
وفيه اللى بيفضل فيها ويكمل زى سيدنا نوح ( مع الفارق فى التشبيه ) عمال يبنى فى سفينة والناس رايحة جاية تهزأ فيه وتتريق عليه بوقاحة يومياً ، ودول لو استحملوا صح للآخر وزى ماتكون النهاية ليهم ولعيالهم بيكون جزائهم كبير عند ربنا لأنهم رضوا بنعمة الفهم والدين وحسن الخلق وتبعات ذلك من مهانة فى الدنيا بشكل نسبى من الغافلين من الناس والأسافل منهم .
ربنا ليه حكمة انه يخلى ناس محترمة وسط قلب الفساد عشان دول كلمته فى الأرض اللى لازم متروحش وتتنسى ، دول ان كانوا محترمين بحق فهم يحملون رسالة وفى حملها شرف وفى تنفيذها فوز عظيم .
هنخسر فلوس ووقت وجهد وأعصاب ويمكن اولادنا تتأثر شوية ويمكن يصيبنا مالايصيب غيرنا فى المعتاد ، لكن دعوة المؤمنين أول مابيدخلوا الجنة هى ( الحمد لله الذى أذهب عنا الحزَن ) اللى هو كانوا شايفينوا فى الدنيا من زبالة الناس وأسافلهم ، وافتكر قول الله عز وجل ( وما يلقاها الا الذين صبروا ) مش الذين استعجلوا وعملوا زى غيرهم ما بيعمل .
ربنا يفيدنى ويفيدكم باللى قولته ويثبتنا حتى الممات آمين

الله يفتح عليك و يكرمك

[Rembrandt]

:k32::k32:

دايماً مشكلة العاقل وسط قطيع من الأغبياء ، والشريف وسط حشد من المارقين ، والمؤمن وسط قوم عديمى الايمان ، بتكون انه اما يبقى زيهم ومش هيعرف يبقى زيهم أو انه يفضل زى ماهو ويتحمل نصيبه من المعاناة التى قدرها الله له ولأمثاله من المحترمين .
فيه اللى بيحاول يهاجر وممكن برغم كدة ميستريحش لأنه ممكن يقابل مشكلة تانية من نوع آخر كالازدراء والعنصرية ، وهنا مبتبقاش الهجرة حل .
وفيه اللى بيفضل فيها ويكمل زى سيدنا نوح ( مع الفارق فى التشبيه ) عمال يبنى فى سفينة والناس رايحة جاية تهزأ فيه وتتريق عليه بوقاحة يومياً ، ودول لو استحملوا صح للآخر وزى ماتكون النهاية ليهم ولعيالهم بيكون جزائهم كبير عند ربنا لأنهم رضوا بنعمة الفهم والدين وحسن الخلق وتبعات ذلك من مهانة فى الدنيا بشكل نسبى من الغافلين من الناس والأسافل منهم .
ربنا ليه حكمة انه يخلى ناس محترمة وسط قلب الفساد عشان دول كلمته فى الأرض اللى لازم متروحش وتتنسى ، دول ان كانوا محترمين بحق فهم يحملون رسالة وفى حملها شرف وفى تنفيذها فوز عظيم .
هنخسر فلوس ووقت وجهد وأعصاب ويمكن اولادنا تتأثر شوية ويمكن يصيبنا مالايصيب غيرنا فى المعتاد ، لكن دعوة المؤمنين أول مابيدخلوا الجنة هى ( الحمد لله الذى أذهب عنا الحزَن ) اللى هو كانوا شايفينوا فى الدنيا من زبالة الناس وأسافلهم ، وافتكر قول الله عز وجل ( وما يلقاها الا الذين صبروا ) مش الذين استعجلوا وعملوا زى غيرهم ما بيعمل .
ربنا يفيدنى ويفيدكم باللى قولته ويثبتنا حتى الممات آمين

ohh my dear fiatto sometimes i think u r the only sensible here

[samirayad]

بص ياأبو مروان وزميلى الفاضل فى منتدى الدايو

مش حاقولك غير حاجه واحده بس ....أعمل الصح ومالكش دعوه بحد......ولا تنسى أن كل نفس بما كسبت رهينه....وفيه يوم حيجى على كل واحد...ألا وهو يوم الفصل......ولا تنسى الحديث القائل

الناس نيام اذا ماتوا انتبهوا

[د.محمود صلاح]

" ومن يهاجر فى سبيل الله يجد فى الارض مراغما كثيرا وسعة "
ربنا يكرمك بعقد عمل فى الخليج وانت تعرف الفرق

[aif]

ربي ابنك انه يدخل الجنة
وعيش عشان انت تدخل الجنة
برحمة ربنا وكرمه
.....
اعمل اللي عليك وحاول الاصلاح ماستطعت لكن ماتنتظرش ان الكون ح يتصلح .... ده قدر ربنا .... ده الأنبياء ما صلحوش الكون ... وبقي اكثر الناس على الباطل والضلال
وتأكد ان الحق والعدل والايمان ... لن يموتو
وان اللي احنا فيه ده دورة من دورات الزمن .... وقدرنا اننا نكون في هذا الزمن
عشان كدة لازم كل واحد يعمل اللي عليه .... واحنا اللي نقدر نصلحه .. انفسنا واسرنا ... والمجتمع الضيق المحيط بنا
لكن في الآخر لازم يبقى هدفك الجنة .... واسعي برضه في الدنيا ... لأنها هي الطريق للجنة
لكن في الآخر الهدف ... الجنة
ماهو مش معقول يبقى لا دنيا ولا آخرة .... تبقى كارثة

[mo7a_mo7a]

اصلح له دينه تنصلح دنياه
اطعمه من حلال واكسه من حلال
ولا تشغل باله بغير التعلم ثم التعلم ثم التعلم
واستثمر في تعليمه قدر استطاعتك
وان شاء الله تجده افضل مما تتمني

[Dr_Mido]

و انا ببيع وباشترى - لو انا بعت بما يرضى الله وسلع سليمة وبسعر كويس وغيرى باع لى سلع زبالة بسعر عالى بقيت انا المغفل وهو الشاطر / واحد يقول لى انت بتعمل اللى بيمليه عليك ضميرك - ردى انى كده هاتنازل عن كل شئ مقابل لا شئ

بتتقلى كتير انا شغلى فى الاجهزة الطبيه
بجيب الكابلات الاصليه ومعروف انها غاليه جدا
الكابل الواحد بيوصل ل 9 و 10 الاف جنيه

و تلاقى مقدم واحد صينىلا شبهه بتاعك وكله حاجه مضربوه من اول الكرتونه لحد العار اللى على الكابل و صينى ويبيعه ب 2000 جنيه

بيخسرنى انا والكابلات مبتبقاش مظبوطه فنيا
الكابل تمنه كدة علشان ليه سمك ومبطن بمواد والمادة المستخدمه ليه و بيتحمل و بيعرض قرايات صحيحه بس مبنعرفش نبيعه للاسف

[mohmd76]

شكرا للعضو الفاضل د/ فياتكو
رب زدنى علما

[samo9992003]

بصراحه انا عايش نفس الماساه

[أبو إياد]

لا يغيير الله ما بقوم حتى يغييروا ما بأنفسهم

قال الرسول لا تيأس ان الله معنا

اخى لازم يكون فى امل علشان ربنا يكون معانا خالى ثقتك فى ربنا كبيره