موضوع مش لاقى له عنوان

[msobhy]

اشكر كل الاعضاء الافاضل اللى قاموا بالرد لكن انا اتربيت على حاجة غريبة شوية
1-خليك فى حالك قوى ومهما حصل اياك تأذى غيرك
2-لازم تحصد نتيجة اللى بتعمله ولازم تحارب علشان تاخد نتيجة اللى عملته مهما كانت الخسائر
مبادئ غريبة نسبيا لكن فى رأى انها سليمه 100% بس انا طورت المبدئ التانى شوية انى قبل ما ابدأ اعمل حاجة بعمل زى دراسة جدوى
لو عملت الشئ ده هل هاوصل للنتيجة المطلوبة ولا لأ / تانى حاجة ايه هيه الخسائر اللى هاتعود عليه لو حاولت اوصل للى انا عايزة وهل الخسائر توازى النتيجة ولا لأ / وهل بعد الخسائر هاوصل للنتيجة ولا لأ ده سؤال اهم
يا جماعة انا مش من هواة انا افحت فى البحر زى ما الناس بتقول
فى اخ فاضل قال ان الهجرة كانت حل
صدقنى انا لغاية شهر فات فقط كنت شايف ان هوه ده الحل المثال
الناس اللى هنا مش عايزة تبدأ ورفضه تبدأ وانا مش عارف ابدأ
الناس اللى فى اوروبا وامريكا ابتديت من زمااااااااان وانا سهل عليه انى اكمل (مش أبدأ)
لكن طبعا كلنا عارفين ان اى شخص ملون بالاضافة انه مسلم لو سافر بعائلتة دلوقتى يبقى حكم عليهم بالاعدام
الشيخ محمد عبده قال عن بلاد الغرب (وجدت الاسلام ولم اجد المسلمين)
التزام فى العمل - التزام فى مراعاة الجار - التزام فى السلع والبضائع - التزام فى الخدمات - احترام للأدمية - ............... احنا فين من كل ده
اسف / احط باسكيت زبالة امام منزلى تانى يوم يتسرق
اعمل اى شغل لعميل واحاسبه عليه مجانا يجى الدكتور اللى بيعالج ابنى يتفنن انه يحاول يعمل له عملية علشان يلهف فلوس منى
اروح اشترى اى سلعة بفلوسى اللى طلع عينى وعين ابويا فيها الباشا اللى بيبع يدينى سلعة سيئة بكمية اقل من اللى بشترى بيها وبيحارب بعد كده علشان يغالطنى فى الحساب
الصبر يا رب
ربى انى لا أسألك رد القضاء ولكنى أسألك اللطف فيه
يا جماعة عايزين حلول
طيب أنصاف حلول
مش مشكلة ممكن حتى أشباه حلول
المهم اى حاجة تدينا أمل فى بكره
انا اتربيت ان الشخص الانهزامى مفيش منه رجاء / ولازم يكون ليك اكتر من هدف واكتر من خطة احتياطية
انا الحمد لله هدفى الاول فى الحياه اتدمر تماما الا وهو الهجرة
حد يدلنى ويدلنا على الخطة البديلة بقى
اهلينا علمونا علشان نفكر ولما تقابلنا مشكلة نبدأ نعملها تحليل منطقى
* ايه هيه اسباب المشكلة
* ايه هو موضوع المشكلة
* الاطراف المشتركة فى المشكلة
* الاثار السلبية
* الحلول
حد بقى يقول لى ايه هيه الحلول بس والنبى بلاش الكلام اللى ولا بيودى ولا بيجيب
فلان هو السئول / وعلان هو السبب / هو انت هاتصلح الكون
اسف فى التعبير بلاش تفاهات
عايز حد يقول لى هاتعمل 1+3+9 والنتيجة هاتكون ما بين 6 الى 8 وانا راضى بالخسارة المبدئية والجزئية لكن الخساره الكلية مش مقبولة نهائيا
يارب الحل من عندك

[bassem.naguib]

بص ياأبو مروان وزميلى الفاضل فى منتدى الدايو

مش حاقولك غير حاجه واحده بس ....أعمل الصح ومالكش دعوه بحد......ولا تنسى أن كل نفس بما كسبت رهينه....وفيه يوم حيجى على كل واحد...ألا وهو يوم الفصل......ولا تنسى الحديث القائل

الناس نيام اذا ماتوا انتبهوا

خير الكلام ما قل ودل

أعمل الصح وملكش دعوة بحد خالص .. مش معنى ان الناس وحشه أني اكون وحش زيهم .. أنا بعامل ربنا في المقام الأول .. وبعامل ضميري في المقام الثاني .

وأهم حاجة في الدنيا .. انك أول ما تخش تنام .. تنام وأنت مرتاح الضمير .. وأهم حاجة في الأخرة .. أنك تخش الجنة

[msobhy]

لا يغيير الله ما بقوم حتى يغييروا ما بأنفسهم

قال الرسول لا تيأس ان الله معنا

اخى لازم يكون فى امل علشان ربنا يكون معانا خالى ثقتك فى ربنا كبيره

كلامك سليم 100%
طرق التنفيذ

[bassem.naguib]

اشكر كل الاعضاء الافاضل اللى قاموا بالرد لكن انا اتربيت على حاجة غريبة شوية
1-خليك فى حالك قوى ومهما حصل اياك تأذى غيرك
2-لازم تحصد نتيجة اللى بتعمله ولازم تحارب علشان تاخد نتيجة اللى عملته مهما كانت الخسائر
مبادئ غريبة نسبيا لكن فى رأى انها سليمه 100% بس انا طورت المبدئ التانى شوية انى قبل ما ابدأ اعمل حاجة بعمل زى دراسة جدوى
لو عملت الشئ ده هل هاوصل للنتيجة المطلوبة ولا لأ / تانى حاجة ايه هيه الخسائر اللى هاتعود عليه لو حاولت اوصل للى انا عايزة وهل الخسائر توازى النتيجة ولا لأ / وهل بعد الخسائر هاوصل للنتيجة ولا لأ ده سؤال اهم
يا جماعة انا مش من هواة انا افحت فى البحر زى ما الناس بتقول
فى اخ فاضل قال ان الهجرة كانت حل
صدقنى انا لغاية شهر فات فقط كنت شايف ان هوه ده الحل المثال
الناس اللى هنا مش عايزة تبدأ ورفضه تبدأ وانا مش عارف ابدأ
الناس اللى فى اوروبا وامريكا ابتديت من زمااااااااان وانا سهل عليه انى اكمل (مش أبدأ)
لكن طبعا كلنا عارفين ان اى شخص ملون بالاضافة انه مسلم لو سافر بعائلتة دلوقتى يبقى حكم عليهم بالاعدام
الشيخ محمد عبده قال عن بلاد الغرب (وجدت الاسلام ولم اجد المسلمين)
التزام فى العمل - التزام فى مراعاة الجار - التزام فى السلع والبضائع - التزام فى الخدمات - احترام للأدمية - ............... احنا فين من كل ده
اسف / احط باسكيت زبالة امام منزلى تانى يوم يتسرق
اعمل اى شغل لعميل واحاسبه عليه مجانا يجى الدكتور اللى بيعالج ابنى يتفنن انه يحاول يعمل له عملية علشان يلهف فلوس منى
اروح اشترى اى سلعة بفلوسى اللى طلع عينى وعين ابويا فيها الباشا اللى بيبع يدينى سلعة سيئة بكمية اقل من اللى بشترى بيها وبيحارب بعد كده علشان يغالطنى فى الحساب
الصبر يا رب
ربى انى لا أسألك رد القضاء ولكنى أسألك اللطف فيه
يا جماعة عايزين حلول
طيب أنصاف حلول
مش مشكلة ممكن حتى أشباه حلول
المهم اى حاجة تدينا أمل فى بكره
انا اتربيت ان الشخص الانهزامى مفيش منه رجاء / ولازم يكون ليك اكتر من هدف واكتر من خطة احتياطية
انا الحمد لله هدفى الاول فى الحياه اتدمر تماما الا وهو الهجرة
حد يدلنى ويدلنا على الخطة البديلة بقى
اهلينا علمونا علشان نفكر ولما تقابلنا مشكلة نبدأ نعملها تحليل منطقى
* ايه هيه اسباب المشكلة
* ايه هو موضوع المشكلة
* الاطراف المشتركة فى المشكلة
* الاثار السلبية
* الحلول
حد بقى يقول لى ايه هيه الحلول بس والنبى بلاش الكلام اللى ولا بيودى ولا بيجيب
فلان هو السئول / وعلان هو السبب / هو انت هاتصلح الكون
اسف فى التعبير بلاش تفاهات
عايز حد يقول لى هاتعمل 1+3+9 والنتيجة هاتكون ما بين 6 الى 8 وانا راضى بالخسارة المبدئية والجزئية لكن الخساره الكلية مش مقبولة نهائيا
يارب الحل من عندك

بص يا باشا .. أنا والله العظيم بتجيلي الأفكار دي بالضبط .. وانا تقريباً من عمرك .. أو اكبر منك بشويتين .. وفي الأخر بلاقي نفسي بفكر في دائرة مغلقة .. يعني بنتهي من حيث بدأت .. ومابوصلش لأي نتائج غير اني بلاقي دماغي بقت هلامية وزي البالوظة .

وفي الأخر انا بعمل اللي بيمليه عليه ديني وضميري بغض النظر عن أي شيء .. لأنه صدقني أخرة التفكير العميق في الحاجات دي .. وأعذرني زي ما انت بتقول كده الجنان الرسمي .

انا شايف انك مثالي وعاوز الناس تبقى مثالية زيك .. وده مستحيل .. لأن طبيعة الكون كده .. فيها الحلو وفيها الوحش .. بس اللي بيحدد المجتمع ده كويس ولا وحش النسبة الغالبة اللي فيه .. وأحنا للأسف تيييييييتتتت .

نصيحتي ليك .. عيش حياتك كما تراها صح .. وربي ابنك بالطريقة اللي انت شايفها صح .. لأنه في الأخر هو ده الصح بالنسبة ليك (حتى لو كان غلط) ..

اه نصيحة تانية متتعبش دماغك بالتفكير زياده عن اللزوم في الأوضاع اللي حواليك .

[msobhy]

انا شايف انك مثالي وعاوز الناس تبقى مثالية زيك .. وده مستحيل .. لأن طبيعة الكون كده .. فيها الحلو وفيها الوحش .. بس اللي بيحدد المجتمع ده كويس ولا وحش النسبة الغالبة اللي فيه .. وأحنا للأسف تيييييييتتتت .
[/COLOR]

بص يا دياب باشا انا ابعد ما يكون عن المثالية
لكن فى نفس الوقت انا ليه عنين بشوف بيها
تعرف ان ديه اول مره فى حياتى اتكلم فى الموضوع ده
لو حضرتك بتتكلم انى مثالى وبدور على المثالية هاديلك تجربة ظريفة
فى يوم اجازة ولازم يكون اجازة حاول تبص على كل حاجة حواليك - الشارع / الناس / اهلك / اصحابك ........ كل حاجة لكن الاهم انك تركز على اللى بيحصل حواليك
وانت بتشوف ركز كل واحد بيعمل حاجة غلط بيخد جزء من حقك ازاى
كل واحد بيوقف لك مصلحة لغاية لما ياخد رشوة / علاج غلط علشان ترجع له تانى / زباله بتترمى فى الطريق العام / شخبطة على الاسوار / سرقة عربيتك فى عز الظهر / وحاجات بالعبيط بس المشكلة انى بكتب دلوقتى وانا خلاص زهقت ومش عايز ولا اكتب ولا افكر تانى

[ehabradwan]

يا باشا بالرغم من كل شئ سيئ في حياتنا دلوقتي بس احب ابشرك ان الجاي احسن ان شاء الله

[bassem.naguib]

بص يا دياب باشا انا ابعد ما يكون عن المثالية

أولاً أنا أخوك باسم .. اسمي باسم

ثانياً : بقولك لتاني مرة .. يا ريت متركزش في أي حاجة بشكل جامد .. حاول متخدش المواضيع على اعصابك .. وبرضه الناس زي ما فيها الوحش .. فيه برضه الكويس .. بس عاوزك تتفاءل ..

اه ساعات الدنيا بتسود في وش الواحد .. وبتكون في أقات يأس أو احباط .. بس اي بني ادم عنده القدره على اعادة التوازن لنفسه تاني ... وللمرة المليون .. يا ريت متركزش جامد في اي حاجة ممكن تضايقك

[Imhotep]

كلنا نشاركك نفس المشاعر....... لكن....... اعتقد ان البداية هى ..... ان تبدأ بنفسك.... و بولدك ........ علمه الصح.... علمه الاخلاق..... علمه الدين الصحيح....... علمه كيف ينعكس الدين عليه كأخلاق و تصرفات، وهذه هى مشكلتنا الحقيقية........ وفى النهاية لا تخاف عليه، وتذكر هذه المقولة المفضلة عندى: " افضل ما يمكن ان نعطيه لاولادنا هى الجذور و الاجنحة. الجذور هى الاخلاق و الدين، اما الاجنحة فهى الحرية. وكن متأكدا انه مهما طار بعيدا، فهو مشدود بتلك الجذور الصلبة الراسخة". ساعتها ستفرح انك ساعدت ان يزيد هذا العالم ....... انسانا.... راقيا.

[Imhotep]

شئ اخر مهم، وهو بنفس اهمية فعل الصواب، ما هو صواب اخلاقيا و دينيا. هذا الشئ هو عدم اليأس او الاحساس بعدم الجدوى. لا تسمح لهذا الشعور السلبى بأن يتسلل الى نفسك. و يكفيك الرضا الداخلى عن انك تفعل الصواب، وما هو حق و خير. ليس هذا مجرد كلام مرسل مثالى، لكن صدقنى هى محاولة تجربة معاشة فى واقع صعب. ومهما قسى الواقع، ستظل الافعال الانسانية البسيطة، التى توحى بفطرة الانسان الخيرة هى الاساس.
وما اقوله، لن تحس به الان، انما سيأتى يوم، تكون رأسك قد اشتعلت شيبا، اعطاك الله العمر والصحة، و ستنظر الى خلاصة حياتك على هذه الارض، و ستدهش لمقدار الرضا الذى ستحس به، عن نفسك، وعن حياتك.........

[wsaleh2]

Try to go somewhere else , Immigrate or travel abroad

[msobhy]

الهجرة كنت من اوئل اهداف حياتى
لكن دلوقتى مينفعش خاااااااالص
ربنا يهدى الجميع ويارب بكره يكون احسن بس علشان اولادنا (ومش مهم احنا)

[mohamed_kta]

السلام عليكم

أنصحك نصيحة أخ بقرآة كتابين و أكيد إن شاء الله بعدهم ستغير كلامك مباشرة .
1 - جدد حياتك ( الشيخ محمد الغزالى).
2 - الأن أنت أب ( أ / كريم الشاذلى )