حجاب.. و سيجارة

[OlaOsman]

انتشر في الفترة الأخيرة منظر تقريبا قربنا نتعود عليه و هو منظر محجبة حجاب عادي، يعني مش حجاب التبرج اللي مبين نص الشعر و الرقبة ده، و تلاقيها قاعدة في مكان عام، كافيه او حاجة و بتدخن.. أو سايقة عربيتها و بتدخن.

إيه رأيكوا في انتشار منظر زي ده؟ و هل شايفين ان الحجاب يتعارض مع التدخين؟

[M.Hosni]

أنا شايف إن دي أصبحت صورة سلبية في مجتمعنا بتزيد يوم بعد يوم
معنى إنها بنت محجبة و كمان زي ما بتقولي حجاب مش متبرج إنها على قدر من الإلتزام بتعاليم دينها
و أكيد ده يتعارض تماما مع شرب السجائر
المفروض الإنسان الملتزم يبعد عن أي حاجة حرام سواء ست أو راجل
يعني انا كمان مش متخيل إن راجل ملتزم أو ملتحي مثلا يكون بيشرب سجائر

[tamohsen]

زيها زي أي بنت مش محجبه وبتشرب سجاير
الحجاب للأسف عند البعض مجرد واجهه إجتماعيه

[abo_hosni]

الناس لها المظاهر دلوقتي
واحدة منقبة سايقة عربية و بتشرب سجاير من تحت النقاب ماعرفش ازاي.
واحد مربي دقنه ولابس جلبية بيضاء و على موبايله ثيم بتاع عمر و سلمى

كده يعني

[أبو إياد]

انا ملاحظ ان الحجاب الايام دى مش بالضروره الالتزام بقواعده انما هو ضرورى ياعنى بيوفر حاجات كتير ع البنات وقت ومجهود ومصاريف فالحجاب سهل او موضه منظر طبيعى جدا دلوقتى لما تلاقى بنت محجبه والشيشه فى بقها عادر جدا ماجاتش على دى
شباب فى العربيات وبيشربوا سجاير حشيش عادى جدا
اطفال فى 13 و14 سنه وبشربوا سجاير ويسبوا دينهم عادى جدا
كبار سن بيقفوا فى الباصات والمترو وشباب عامل نفسه نايم وقاعد ع الكراسى عادى جدا
امين شرطه بياخد سواق ميكروباص من داخل الميكروباص ويجذبه ع الارض وياخده ع البوكس عادى جدا
تقوم خناقه فى الشارع والناس تتفرج الى ان تنتهى المشكله دون تدخل عادى جدا
سايس واقف فى الشارع ياخد منك 2او3جنيه دون مقابل عادى جدا
عسكرى امن حراسه وعامل نظافه مستنى منك انك تراضيه عادى جدا
ناس بتعدى الطريق ومحدش من راكبى السيارات ينتظر 3 ثوانى يعبروا فيها المشاه عادى جدا
ولو كملت مش هاخلص كلام عن سلبيات ولامبالاه مننا احنا

[Goodle]

بغض النظر عن كونها محجبة أو لأ.. أنا مش بأطيق منظر البنت وهي بتدخن..
سواء سيجارة أو شيشة أو ما يستجد من البلاء الأزرق

[ehabradwan]

لسه شايف المنظر ده امبارح وكنت عايز آسف في اللفظ " أتف عليها " لا و سعيدة جدا و فخورة كمان طب انتي لابسة حجاب ليه اصلا

[hn_kamal]

وليه بتنتقدوا التدخين للمحجبات وبنلاقى الشباب والرجال الكبار بيصلوا فى الجامع ويخرجوا يدخنوا
ياجماعة التدخين يتعارض مع تعاليم الاسلام وليس الحجاب فقط
وشكرا

[elassar2010]

انا ملاحظ ان الحجاب الايام دى مش بالضروره الالتزام بقواعده انما هو ضرورى ياعنى بيوفر حاجات كتير ع البنات وقت ومجهود ومصاريف فالحجاب سهل او موضه منظر طبيعى جدا دلوقتى لما تلاقى بنت محجبه والشيشه فى بقها عادر جدا ماجاتش على دى
شباب فى العربيات وبيشربوا سجاير حشيش عادى جدا
اطفال فى 13 و14 سنه وبشربوا سجاير ويسبوا دينهم عادى جدا
كبار سن بيقفوا فى الباصات والمترو وشباب عامل نفسه نايم وقاعد ع الكراسى عادى جدا
امين شرطه بياخد سواق ميكروباص من داخل الميكروباص ويجذبه ع الارض وياخده ع البوكس عادى جدا
تقوم خناقه فى الشارع والناس تتفرج الى ان تنتهى المشكله دون تدخل عادى جدا
سايس واقف فى الشارع ياخد منك 2او3جنيه دون مقابل عادى جدا
عسكرى امن حراسه وعامل نظافه مستنى منك انك تراضيه عادى جدا
ناس بتعدى الطريق ومحدش من راكبى السيارات ينتظر 3 ثوانى يعبروا فيها المشاه عادى جدا
ولو كملت مش هاخلص كلام عن سلبيات ولامبالاه مننا احنا

حضرتك جبت المفيد
فعلا الحجاب دلوقتى انتشر كاموضة او لرضاء الاهل وليس لرضاء الرب من الاخر
علشان كدة الحجاب بالنسبة للبنت هو مكمل للملابس فقط يعنى هى بتتصرف وتعمل الى هى عايزاة لانها مش متمسكة بالدين ومش لبسة الحجاب علشان هو مفروض من الله سبحانة وتعالى ولكن لبساة نوع من الموضة
انا اعرف بنات كتير يوم تلبس الحجاب ويوم لا لو مظبطة شعرها تنزل من غير حجاب لو شعرها بايظ تلبس حجاب علشان تخبية يعنى الحجاب مبقاش مظهر دينى خالص الا ما رحم ربى

[أبو إياد]

انا اعرف بنات كتير يوم تلبس الحجاب ويوم لا لو مظبطة شعرها تنزل من غير حجاب لو شعرها بايظ تلبس حجاب علشان تخبية

هههههههههههههههههههههههههههههههه

شر البلية ما يضحك

[kaboo4]

انا شايف ان التدخين يتعارض مع طبيعة الانثى
يعنى اصلا بخلى شكلها زى ....... و بس
فبئى مش فرقة منظر وحش من منظر وحش اوى الوحش وحش

[Rembrandt]

مش هتفرق كتير راجل او ست بيدخنو الاثنين شكلهم وريحتهم بتبقى مقززة
والحجاب لم يعد مقياس للعفة بل يتوارى خلفة البعض

[sab3aawy]

طالما هى مبتنفخش دخان سيجارتها فى وشى ، وطالما انها فى سن يسمح لها بادارك الضرر اللى هى بتسببه لنفسها هى حرة،
متفرقش معايا عن منظر واحد بيدخن، انطباعى فى الحالتين هو ببساطة(ها هو شخص يحرق شمعه حياته من طرفيها)، لكن بأه حكاية(قلة ادب) دى مبتجيش فى بالى خالص

[karimone]

طالما هى مبتنفخش دخان سيجارتها فى وشى ، وطالما انها فى سن يسمح لها بادارك الضرر اللى هى بتسببه لنفسها هى حرة،
متفرقش معايا عن منظر واحد بيدخن، انطباعى فى الحالتين هو ببساطة(ها هو شخص يحرق شمعه حياته من طرفيها)، لكن بأه حكاية(قلة ادب) دى مبتجيش فى بالى خالص

بالظبط كده طالما هي مش مضيقاني في حاجه انا ماليش دعوه بيها اساساً...

المفروض يا جماعه مانحكمش علي الناس بمظهرهم و نخلينا في حالنا كل واحد يعمل اللي هو عايزه طالما مش بيتعدي حقوق الاخرين

محجبه مش محجبه... بتدخن مش بتدخن احنا مالنا... ااففففف

[Dr.A.Nabil]

انا باعتبر البنت دي ضحيه

ضحية هبل وهطل المجتمع

ضحيه ابوها اللي معرفش يربيها

ضحية المدرسه اللي اصبحت غرز ودعاره

ضحية سياسات عليا لمحاربة التدين

ضحية الاعلام اللي بيصور الممثله نجمة المجتمع وهي ماسكه السيجاره والكاس وكده اصبحت ستايل و واو تجنن

وضحية للشيطان اللي عرف يضحك عليها

وكل سنه وانتم طيبين

بكره هانبقى زي هولندا الحشيش بيتباع رسمي في الكوفيشوب