ما تيجو نضحـك شويــــات :)

[نور العمر]

في البداية أحب أوجه للأعضاء المبجلين ( شنوري -وفياتو - ود/ إليشع ) كل الشكر والتقدير والاحترام على كل المحاولات الجميلة لاستمراري في المشاركة ... والحمد لله ... عادت الأمور على خير ما يرام .... بس مكدبش عليكوا ... انا مكتئبة بعض الشيء ... ومش عارفة أرجع للمود الفريش بسهولة تاني ...... عشان كدة ......... بأناشد الجميع ..... ما تيجو نضحك شويات كتيير كدة......... كل واحد يحب يشارك ... يكتب لنا .... أكتر موقف كومدي يموت من الضحك اتعرض له في حياته ... وإللي معندوش موقف كومدي ... يشارك بنكتة دمها خفيف ... وإللي معندوش نكتة ... يشارك معانا بضحكة جميلة .... تجمع كل أعضاء المنتدى على مائدة السعادة والسرور.... تحية كبيرة مني للجميع .... وحبدأ بضحكة بسيطة وعليكوا الباقي

[SHNORY]

والله مفيش حاجه تضحك الواحد ممكن يفتكرها دلوقتي
بس دي حكايه من الواقع اللي عشته ايام ازمه البنزين ال 80 كنت كتبتها هنا في المنتدي وححطهالكم تاني وكان عندي اكتئاب برضه يومها زي اليومين دول

السلام عليكم ورحمه الله وبركاته

امبارح كنت في رحله سفاري (اللي هي البحث عن البنزين ) وحصل اللي ححكيهولكم ده
الساعه 11 ونص بالليل قولت اطلع اتمشي شويه بالعربيه وقولت بالمره امون العربيه (اللمبه كانت بتنور علي المطبات شديده الانحدار)
اتصلت بواحد صاحبي كنت شايل عنده جركن كبير علشان قدامه بنزينه وهو عامل واجبات كتير معاهم قولتله ايه الكلام الجركن اخباره ايه
قالي للاسف المحطه بقالها 5 ايام مش بينزل فيها 80 قولتله ليه
قالي الحكومه منعته علشان السيوله المروريه من محطات وسط البلد قولتله يعني القرار ده ملهوش علاقه بالجركن (قولت يمكن علشان المنطقه سياحيه شكل الجيركن معجبهمش واجيبلهم كولمان كبير بداله )قالي لا دا تقريبا اتمنع من بنزينات وسط البلد قولتله والمدموع ماليه عيني وماله ياعم شوفلنا بيعه للجيركن بقي
واتوكلت علي الله ودورت العربيه وقولت اتفسح واتنقل وسط محطات البنزين
(كنت فاضي وعندي حاله ملل )
روحت اول بنزينتين لقيت مفيش طبعا
لقيت بنزينه من بعيد عليها طابور صغير (10عربيات بس) لما دخلت ملقيتش 80
برجع بضهري خبطت في سواق تاكسي فهلوي كان بيلف علشان شاف برضه نفس الطابور شرخلي الفانوس اللي ورا وطبقتله نص الرفر اللي قدام
قولت وماله اللي ييجي في الحديد مش مهم المهم انا سليم
طلعت ناحيه المرور واخيراااااااااااااااا لقيت بنزينه فيها 80
بس فيه مشكله صغيره
الطابور طالع من البنزينه ومعدي من جنب توكيل لادا وداخل جنب سور منطقه عسكريه ودا كل اللي شوفته علشان الباقي واقفين في الضلمه جوه ومش شايفهم
اتكلت علي الله وقولت الف وادخل اخر الطابور (4 كيلوا متر من الطرق المروريه السليمه و500 متر لو دخلتها رونج)
دخلت اخر الطابور وطبعا انا شايف الشارع اللي فيه البنزينه علي مرمي البصر بس مش شايف البنزينه نفسها
الكلام ده كانت الساعه 12 ونص (بعد منتصف الليل )
وبدات الحكايات
اول ما دخلت راح واحد قايل المفروض الملاكي ميمونش 80 وعدي الموضوع
الطابور كان حوالي 200 عربيه فيهم 8 ملاكي والباقي تاكسيات
السواقين مشاء الله عليهم جايبين كل مستلزمات الرحلات معاهم من اول شرايط ام كلثوم مرورا بالساندويتشات وحتي الكيوف من مخدرات وما يتبعها كان موجود
وكان فيه ترابط جميل جدا اللي عمال يفضي تانك البنزين علشان يملا جركن لواحد واللي عمال يغسل عربيات واللي نايم
المهم
وتسمع بقي التعليقات اللي تموت من الضحك
سواق تاكسي داخل ومعاه صاحبه جنيه راح واحد قايله ايه ده انت جايب واحد بس معاك فالتاني قاله لا الباقي جايين في اتوبيس ورا مننا
وكلمه من هنا وضحكه من هنا
وفييييييييييييييييييييييييييين وصلت وشوفت الاسفلت الساعه 3 الا ربع (الشارع اللي كنا واقفين فيه كان تراب)
وربنا كرمني بعد نص ساعه وشوفت مضخه البنزين من بعيد والساعه 4 الا ربع كان قدامي عربيتين
راح العمال اللي في المحطه قايلين حنريح المضخه ربع ساعه
واكتشفت ساعتها ان مكانش فيه غير نص مضخه بس هو اللي شغال (خرطوم واحد بس)
وربنا كرمني ومونت العربيه ومشيت من محطه البنزين الساعه 4 وربع فجرا وسط مئاذن اسكندريه وهو تكبر وتقول الله اكبر استعدادا لصلاه الفجر
هههههههههههههههههههههههههههههههههههههههههههههههه
والله يا جماعه دا اللي حصل معايا امبارح من الساعه 11 ونص لحد الساعه 4 ونص
وعلي فكره انصح كل واحد بيدور علي بنزين 80 ياخد عياله معاه علشان لو وحشوه
وياخد اكل وشرب كفايه
واي حاجه يتغطي بيها علشان لو نام وميقلقش انه يتسرق حتي في مكان مهجور لان حواليه نص الشعب واقف
وياخد سبراي للناموس علشان ممكن يجيلك انيميا من كتر الدم اللي حتفقده في معركتك مع الناموس
واهم حاجه يكون فاضي جدا وعنده حاله ملل رهيبه ويا ريت لو يكون عنده اكتئاب كمان علشان لما يتزنق الزنقه دي ويفك يخف من المرض
ومتروحش بالعربيه وهي لمبه البنزين منوره علشان ممكن يخلص منك اثناء الطابور وتزق العربيه
علي فكره دي بنزينه التعاون اللي بعد مرور محرم بيك في اسكندريه اللي علي الصحراوي
اتمني انك متملوش من الحكايه انا شفت انه يوم مسخره وضحكت فيه كتير برغم صعوبه الموقف وحيبت اني اشارككم الحكايه لان دي ححكيها لاحفادي واستاذنكم علشان السمسار جه علشان نويت ابيع العربيه وحشتري عجله بدالها او عربيه بحمار (اهو اي حاجه بياكلها وممكن تمونه من اقرب صندوق زباله جنب البيت )

والسلام ختام

[نور العمر]

ويا ترى بعت واللا لسة ؟؟؟؟؟؟؟؟؟؟؟؟

[د./اليشع ثابت]

في البداية أحب أوجه للأعضاء المبجلين ( شنوري -وفياتو - ود/ إليشع ) كل الشكر والتقدير والاحترام على كل المحاولات الجميلة لاستمراري في المشاركة ... والحمد لله ... عادت الأمور على خير ما يرام .... بس مكدبش عليكوا ... انا مكتئبة بعض الشيء ... ومش عارفة أرجع للمود الفريش بسهولة تاني ...... عشان كدة ......... بأناشد الجميع ..... ما تيجو نضحك شويات كتيير كدة......... كل واحد يحب يشارك ... يكتب لنا .... أكتر موقف كومدي يموت من الضحك اتعرض له في حياته ... وإللي معندوش موقف كومدي ... يشارك بنكتة دمها خفيف ... وإللي معندوش نكتة ... يشارك معانا بضحكة جميلة .... تجمع كل أعضاء المنتدى على مائدة السعادة والسرور.... تحية كبيرة مني للجميع .... وحبدأ بضحكة بسيطة وعليكوا الباقي

ايوة كدة صح ....ألف صح
أن نور العمر ترجع تتألق من جديد بمشاركة جديدة و جميلة
نورتى بيتك يا نور العمر بين جميع أخوانك الى بيحترموكى جدا و بيقدروكى و يعزوكى
و شكرااا على تلبية النداء و تقديرك لنا جميعا
بس انا لسة مضحكتش
هى فين النكت انا مش شايف حاجة
طيب زى بعضة
انا هبدأ اول نكتة
=============

فية واحد غبى جداااااا جدااااا حالتة من الاخر بلهة
مالوش فايدة فى الحياة ...قرر انة ينتحر
وهو رايح ينتحر قابلة واحد جارة معرفة ...قال لة رايح فين يا فلان
قالة والله قررت انتحر انا ماليش لزمة فى البلد و لا بفهم اساسا و لو حد سألنى أى سؤال مش بعرف اجاوب
قالة ياراجل لالالالالالا
انت لا غبى و لا حاجة و انا هسألك سؤال و هتجاوبة و مش هتنتحر إن شاء الله
اوكى
قالة فية حاجة لونها ابيض و بيضاوية و شكلها زى اسمها زى لونها و بتطلع كتاكيت ؟؟؟؟
...مش عارف
قالة يااااااا أخى بيضة
كرر نفس السؤال بالمثنى
...مش عارف

يا اخى بيضتين

التالت شرحة


....مش عارف

ياااااااااا اخى 3 بيضات

اخر سؤال

طيب فية حاجة صغيرة ليها 4 رجلين بتأكل الفئران
و لما تقول لها بسبس تقول نيو نيو

قالة ....
لالالالالالالالالالا مش غبى للدرجة دى قوووى يعنى كدة
4 بيضات


لالالالالالالالالالالا دانت ابن ستين غبى
غور فى ستين داهية انتحرررررررر بدل ما انتحر انا :POINTI~2[2]::POINTI~2[2]::POINTI~2[2]::POINTI~2[2]:

[SHNORY]

لقيت الميل باعتلي ان فيه مشاركه جديده
قولت ادخل اضحك
سيبت شغلي ورميت اللي في ايدي ودخلت
دخلت لقيتك زودتلي الاكتئاب يا دكتور
طول عمري بسمعها من كل الناس شويه وحيكتبوها علي علب السجاير

انا مش عارف انت بتعمل معايا كده ليه
بس عموما علشان انت صاحبي حضحك يا سيدي علشان متزعلش
اهو هه :k49: هه
متشكرين منك يا سيدي

[د./اليشع ثابت]

لقيت الميل باعتلي ان فيه مشاركه جديده
قولت ادخل اضحك
سيبت شغلي ورميت اللي في ايدي ودخلت
دخلت لقيتك زودتلي الاكتئاب يا دكتور
طول عمري بسمعها من كل الناس شويه وحيكتبوها علي علب السجاير

انا مش عارف انت بتعمل معايا كده ليه
بس عموما علشان انت صاحبي حضحك يا سيدي علشان متزعلش
اهو هه :k49: هه
متشكرين منك يا سيدي

لازم يعنى الكبسة دى

طيب

قول الجديد انت يا جميل

و ضحكنا بجد

[SHNORY]

شوف جمال وشك وهو احمر يا اخي
يا سلااااااااااااااااااااااااااااااااااااام
متعه
عموما لو فيه حاجه في نفسك ممكن نروح الخناقه وتقول اللي يعجبك يا باشا
المكان هناك واسع ويشرح القلب
حبيبي انت يا دكتور والله وانا اكسر كيبوردي يوم ما زرار منها يتجرا ويكتب حرف يكبس معاليك

[M.Mokhtar]

في البداية أحب أوجه للأعضاء المبجلين ( شنوري -وفياتو - ود/ إليشع ) كل الشكر والتقدير والاحترام على كل المحاولات الجميلة لاستمراري في المشاركة ... والحمد لله ... عادت الأمور على خير ما يرام .... بس مكدبش عليكوا ... انا مكتئبة بعض الشيء ... ومش عارفة أرجع للمود الفريش بسهولة تاني ...... عشان كدة ......... بأناشد الجميع ..... ما تيجو نضحك شويات كتيير كدة......... كل واحد يحب يشارك ... يكتب لنا .... أكتر موقف كومدي يموت من الضحك اتعرض له في حياته ... وإللي معندوش موقف كومدي ... يشارك بنكتة دمها خفيف ... وإللي معندوش نكتة ... يشارك معانا بضحكة جميلة .... تجمع كل أعضاء المنتدى على مائدة السعادة والسرور.... تحية كبيرة مني للجميع .... وحبدأ بضحكة بسيطة وعليكوا الباقي

هههههههههههههه

تبرع ولو بجنيه

طيب ما تقوليلنا يا نور انتى مكتئبة من ايه؟؟؟؟

ثانيا هو انتى اسمك نور العُمْر (omr) ولا نور العُمَر(omar)؟

[fiatto]

نورتى مكانك يا نور العمر ودايماً معانا فى كل المواضيع ، والحمد لله الحبايب رجعوا تانى حضرتك ودكتور اليشع والمشاكس شنورى
وزى ماتجمعنا فى موضوع ماتيجوا نتخانق شوية ، جميل اوى اننا نتجمع فى موضوع ماتيجوا نضحك شويات .
أحب أشكرك على تقديرك ليا ولشنورى ودكتور اليشع واستجابتك للرجوع تانى ، المنتدى محتاج أعضاؤه المحترمين بشدة وأحسب حضرتك من ضمنهم .

انتظروا منى بعض المواقف المضحكة اللى حصلتلى بس بلاش دلوقتى عشان متفضحش فى الشغل من كتر الضحك ، وربنا يسهل والاقى وقت وادفع فاتورة النت واكلمكم النهردة.

سلامى لحبايبى شنورى والعطار الحكيم قصدى دكتور اليشع

[مدحت منيب]

المهم .. الراجل الغبى المذكور فى مشاركة د/ اليشع

أصلا كان بخيل جدا كمان ..

جاره أقنعه ما ينتحرش ، وتروح ايام و تيجى ايام و ,.... يتجوز

و يخلف ولد واحد .. حبسه فى البيت ولا مدارس و لا مصاريف

ولا دياولو .. الواد كبر لحد ما بقى فى العشرينات وف يوم الواد حس

بزهق شديد .. عاوز يهج م البيت بس مافيش فلوس ، طب يجيب

فلوس من أبوه أزاى وهو عارف ان اقصى فلوس ممكن تخرج من

جيب أبوه هى اتنين جنيه ؟؟؟؟

اخيرا هداه مخو ان الصبح يقول لابوه عاوز اتنين جنيه ........

فطر ابوه و غلى له تفل الشاى بتاع العشا ، ولما لاحظ على ابوه

امارات المخمخه قال له : أبه أبه أبه

ابه : فيه ايه ياه ؟
الواد : ابه عاوز اتنين جنيه بس .

أبه : ليه يخرب بيتك ؟

الواد :يابه ما توجعش قلبى أدينى اتنين جنيه عاوز ازور صاحبى

حسنين ..

ابه بعد تفكير طول النهار : ياد .. ياد .. ياد

الواد : نعم يابه ؟

ابه : خد جنيه ..... وروح ل حسن .

[elassar2010]

المهم .. الراجل الغبى المذكور فى مشاركة د/ اليشع

أصلا كان بخيل جدا كمان ..

جاره أقنعه ما ينتحرش ، وتروح ايام و تيجى ايام و ,.... يتجوز

و يخلف ولد واحد .. حبسه فى البيت ولا مدارس و لا مصاريف

ولا دياولو .. الواد كبر لحد ما بقى فى العشرينات وف يوم الواد حس

بزهق شديد .. عاوز يهج م البيت بس مافيش فلوس ، طب يجيب

فلوس من أبوه أزاى وهو عارف ان اقصى فلوس ممكن تخرج من

جيب أبوه هى اتنين جنيه ؟؟؟؟

اخيرا هداه مخو ان الصبح يقول لابوه عاوز اتنين جنيه ........

فطر ابوه و غلى له تفل الشاى بتاع العشا ، ولما لاحظ على ابوه

امارات المخمخه قال له : أبه أبه أبه

ابه : فيه ايه ياه ؟
الواد : ابه عاوز اتنين جنيه بس .

أبه : ليه يخرب بيتك ؟

الواد :يابه ما توجعش قلبى أدينى اتنين جنيه عاوز ازور صاحبى

حسنين ..

ابه بعد تفكير طول النهار : ياد .. ياد .. ياد

الواد : نعم يابه ؟

ابه : خد جنيه ..... وروح ل حسن .

خد جنيه ..... وروح ل حسن

:k48::k48::k48:

[eino666]

واحد بلدياتنا حب ينتحر من الدور العاشر
رمى نفسه من الخامس مرتين
*****************
جماعة بلدياتنا بيلعبوا على الطريق الصحراوى
اللى يتخبط من عربية مرتين يطلع برة اللعبة
*********************
محمود عينو

[أبو إياد]

اسرع مسابقه رسم
واحد فهلوى دخل اسرع مسابقه رسم جاب لوحه ورسم نقطه سودا ولما سألوه ايه دى قالوا ده فيل جاى من بعيـــــــــــــــــــــــــــــــــــــــــــــــ ـــــد




سوداني شاف أسد قال:بالله عليك ما تاكلني
قال الأسد: أصلاا الدكتورمانعني من المشويات



مرة واحد بلادياتنا دخل صيدلية قال للدكتور ادينى 5 عيش الدكتور قالو حضرتك دى صيدلية البلديات قالو مليش دعوة انا عايز 5 عيش الدكتور قالو دى للادوية بس البلديات قال مليش دعوة انا عايز 5 عيش اخر لما زهق الدكتور راح يشتكى لابن عم البلديات قولو عجبك كدة ابن عمك جاى بيقولى هات 5 عيش فى الصيدلية ينفع الكلام دا ابن عم البلديات قالو سيبك منو دا اهبل ادينى بجنية جبنة


واحد بارد اوى ركب اوتوبيس لاقى واحدة حلوة اوى فى قاعدة فى الاوتوبيس غمزلها غمزيلتو ضحكلها ضحكتلو قالها انزلى المحطة اللى جاية نزلت راح قاعد مكانها


واحد بلديات رجع لزوجتة قال لها الحمار ضاع منى قالتله متزعلش دخلتك علينا ب 100 حمار



مرة واحد بارد واقف فى الشارع لاقى واحدة حلوة لابسة جزمة بيضة حب يعاكسها قلها نهارنا زى الجزمة


واحد بلدينا اتغنى ربنا كرمه واشترى عمارة علشان يقف فيها بواب

[أبو إياد]

غبي بالمباحث يكلم العمليات ..
المذكور ركب سيارته وأنا ركبت تاكسي للتمويه ..!
المذكور نزل البقاله وأخذ بيبسي وأنا أخذت ميرندا للتمويه ..!
المذكور مسك طريق صلاح سالم وأنا مسكت طريق الاوتوستراد للتمويه ..!

[SHNORY]

نورتى مكانك يا نور العمر ودايماً معانا فى كل المواضيع ، والحمد لله الحبايب رجعوا تانى حضرتك ودكتور اليشع والمشاكس شنورى
وزى ماتجمعنا فى موضوع ماتيجوا نتخانق شوية ، جميل اوى اننا نتجمع فى موضوع ماتيجوا نضحك شويات .
أحب أشكرك على تقديرك ليا ولشنورى ودكتور اليشع واستجابتك للرجوع تانى ، المنتدى محتاج أعضاؤه المحترمين بشدة وأحسب حضرتك من ضمنهم .

انتظروا منى بعض المواقف المضحكة اللى حصلتلى بس بلاش دلوقتى عشان متفضحش فى الشغل من كتر الضحك ، وربنا يسهل والاقى وقت وادفع فاتورة النت واكلمكم النهردة.

سلامى لحبايبى شنورى والعطار الحكيم قصدى دكتور اليشع

احلي فياتو في الدنيا يا باشا طيب قولي انك مش فاضي تدفع فاتوره النت
بص لما تفضي ادفعلي فاتورتي معاك هما مش كتير يا دوب 1008 جنيه مصري فقط لا غير وحنبقي نتحاسب طبعا
اوعي تفهمني غلط بس زي ما تقول اني مش عارف احط بنزين للعربيه واروح
مش قله فلوس بس مستني لما ينزلوا بنزين 98
مستنيينك يا باشا وخدي دي يمكن تعجبك


رئيس دوله صديقه نفترض انها رومانيا وانه شاوشيسكو (علشان محدش يفتح بقه )
ماشي في امان الله لقي مصباح قديم
قعد يدعك فيه طلعله الشيطان بذات نفسه
قاله شبيك لبيك تطلب ايه
قالي انا عذبت ومرمطت في شعبي كتير ومش لاقي حاجه جديده اعملها فيهم
تنصحني اعمل فيهم ايه
راح الشيطان قاله طيب هات ودنك وسوسووسوسوسوسو(قاله الفكره )
راح الراجل بصله كده وقاله لا عملتها قبل كده
الشيطان قاله طيب خد دي وسوسوسوسوسوس
فقاله لا مش عاجباني بص تعالي اقولك انا ممكن اعمل فيهم ايه
راح ماسك ودن الشيطان وسوسوسوسوسوسو
الشيطان بصله اوي كده وقاله وهو بيعيط يا راجل اتقي الله