Tweet
بصراحة كان المفروض عنوان الموضوع يبقى مختلف، بس مقدرتش اكتب غير كده من كتر فرحتى.
هتقل عليكم و احكيلكم حكاية نعمان و اخوته معايا.
نعمان ده صاحب مكتبة خشب و فاكر كويس اول مرة اتعامل معاه من حوالى 22 سنة و كان اتوبيس المدرسة اللى باركبه بيعدى من ميدان السيدة زينب و ايامها كان كذا خط ترماى بينتهى فى ميدان السيدة و بيلف دائرة كاملة فى الميدان و فى وسط المنطقة اللى بيلف حواليها كان فى مجموعة من المكتبات الخشبية الممتلئة بما لذ و طاب من انواع الكتب و المجلات القديمة و المستعملة، المنطقة اللى فيها المكتبات دى كانت متشجرة و تحس كده انها واحة للكتب، المهم ابتديت اتردد على المكتبات دى و اول مكتبة اتعاملت معاها كانت مكتبة نعمان و كنت باشترى منه اعداد ميكى و تان تان القديمة، و ياما جابلى اندر الأعداد اللى لسه محتفظ بيها، زى عدد ميكى رقم 1 و ميكى جيب رقم 1 و اعداد تان تان من سنة 1960 و ارسين لوبين من سنة 1946 و كنت فى الأجازة الصيفية اروح هناك من اول النهار، اشترى و اركب أى ترماى لأخر الخط و اقعد اقراء بالساعات و ارجع تانى.
تطورت علاقتى بكل المكتبات تقريبا و تطورت معاهم انواع الكتب اللى باهتم بقرائتها و عرفت يعنى ايه قصة قصيرة و يعنى ايه رواية و يعنى ايه شعر و يعنى ايه تاريخ و استفدت منها و لسه باستفيد منهم فى كل حاجة فى حياتى، المهم لما لغوا الترماى فى اوائل التسعينات و حبوا يوسعوا الميدان، نقلوا بعض المكتبات للشارع اللى جنب قسم السيدة، بس أغلب اصحاب المكتبات اختفوا و معرفتش اتواصل معاهم، بس نعمان كان من الناس اللى فضلوا، و للأسف اضطروا يصغروا مساحة المكتبات و فى نفس الوقت ابتداء الأقبال عليهم يقل و فى خلال 3 سنين كانوا كلهم اختفوا.
انا عارف انى صدعتكم، و أكيد عاوزين تعرفوا الغرض من الموضوع.
النهاردة لقيتهم
لقيت مجموعة من حوالى 30 مكتبة و نعمان معاهم و تصدقوا انه افتكرنى، صحيح مكتبته اصغر من زمان، بس لسه شغال فى نفس المجال و بنفس الطريقة و عنده نفس نوعيات الكتب.
المحافظة اديتهم محلات تحت كوبرى ابو الريش جنب محطة مترو السيدة زينب، اشتريت من عنده مجلدين ميكى شبه متأكد انهم عندى و مجموعة بين ابو الريش و جنينة ناميش ليوسف السباعى علشان ضاعت منى من سنين، كنت اقدر اشتريها جديدة، بس مش عارف ليه باحس ان الطبعة كل ما كانت قديمة، تبقى اقرب لكاتبها، بس مش مهم، المهم انى حسيت انى لما لقيتهم، لقيت جزء مهم جدا جدا من تكوينى و اللى كان بيعلمنى و يعرفنى ان الدنيا كلها ممكن تلاقيها بين جلدتين كتاب.
انصحكم بنعمان و اخوته
هتقل عليكم و احكيلكم حكاية نعمان و اخوته معايا.
نعمان ده صاحب مكتبة خشب و فاكر كويس اول مرة اتعامل معاه من حوالى 22 سنة و كان اتوبيس المدرسة اللى باركبه بيعدى من ميدان السيدة زينب و ايامها كان كذا خط ترماى بينتهى فى ميدان السيدة و بيلف دائرة كاملة فى الميدان و فى وسط المنطقة اللى بيلف حواليها كان فى مجموعة من المكتبات الخشبية الممتلئة بما لذ و طاب من انواع الكتب و المجلات القديمة و المستعملة، المنطقة اللى فيها المكتبات دى كانت متشجرة و تحس كده انها واحة للكتب، المهم ابتديت اتردد على المكتبات دى و اول مكتبة اتعاملت معاها كانت مكتبة نعمان و كنت باشترى منه اعداد ميكى و تان تان القديمة، و ياما جابلى اندر الأعداد اللى لسه محتفظ بيها، زى عدد ميكى رقم 1 و ميكى جيب رقم 1 و اعداد تان تان من سنة 1960 و ارسين لوبين من سنة 1946 و كنت فى الأجازة الصيفية اروح هناك من اول النهار، اشترى و اركب أى ترماى لأخر الخط و اقعد اقراء بالساعات و ارجع تانى.
تطورت علاقتى بكل المكتبات تقريبا و تطورت معاهم انواع الكتب اللى باهتم بقرائتها و عرفت يعنى ايه قصة قصيرة و يعنى ايه رواية و يعنى ايه شعر و يعنى ايه تاريخ و استفدت منها و لسه باستفيد منهم فى كل حاجة فى حياتى، المهم لما لغوا الترماى فى اوائل التسعينات و حبوا يوسعوا الميدان، نقلوا بعض المكتبات للشارع اللى جنب قسم السيدة، بس أغلب اصحاب المكتبات اختفوا و معرفتش اتواصل معاهم، بس نعمان كان من الناس اللى فضلوا، و للأسف اضطروا يصغروا مساحة المكتبات و فى نفس الوقت ابتداء الأقبال عليهم يقل و فى خلال 3 سنين كانوا كلهم اختفوا.
انا عارف انى صدعتكم، و أكيد عاوزين تعرفوا الغرض من الموضوع.
النهاردة لقيتهم
لقيت مجموعة من حوالى 30 مكتبة و نعمان معاهم و تصدقوا انه افتكرنى، صحيح مكتبته اصغر من زمان، بس لسه شغال فى نفس المجال و بنفس الطريقة و عنده نفس نوعيات الكتب.
المحافظة اديتهم محلات تحت كوبرى ابو الريش جنب محطة مترو السيدة زينب، اشتريت من عنده مجلدين ميكى شبه متأكد انهم عندى و مجموعة بين ابو الريش و جنينة ناميش ليوسف السباعى علشان ضاعت منى من سنين، كنت اقدر اشتريها جديدة، بس مش عارف ليه باحس ان الطبعة كل ما كانت قديمة، تبقى اقرب لكاتبها، بس مش مهم، المهم انى حسيت انى لما لقيتهم، لقيت جزء مهم جدا جدا من تكوينى و اللى كان بيعلمنى و يعرفنى ان الدنيا كلها ممكن تلاقيها بين جلدتين كتاب.
انصحكم بنعمان و اخوته
Comment