مهزله حفله تامر بيه حسنى !!!

[abou_ruqi]

يااااااااااااااااااااااااااااااةةةة كل الموضوع دة علشان تامرافندى حسنى واللا بلاش أفندى علشان ماحدش يزعل خليها فنان الاجيال تامر حسنى

انا متأكد انه لا يستحق كل الموضوع دة لأن احنا ماوصلناش وماستفدناش حاجة فى الاخر غير خناقة جديدة فى المنتدى .............

لا استفدنا كتير
وصلنا رسالة لناس كانت فكرة إن الإسلام مستباح ويقدروا ينالوا منه والمسلمين قاعدين يسمعوا ببلاهة ,وصلنالهم رسالة إن لسه بدري قوي إن الدين يهان والمسلمين لا يحركون ساكناً


(كلكم على ثغر من ثغور الإسلام فليحذر أحدكم أن يؤتى الإسلام من قبله)·

[blazer]

ياااه خليتونى اعيط من التاثير
فنان الجير شكله اتعور وجاب اد شكاره ونص جبس

[M.Osman]

العيب فى ادارة الجامعة بتاعتى ( الله يسامحهم ) اللى جابوا حثالة البشر دول هنا .... و المرة اللى فاتت كان سعد الصغير كمان ...!!!

دي جامعة يا ناااااااااااااااااااااااااس .... جامعة!

و العيب برضو على الأهالى اللي ربت و انتجت جيل مليان ناس غير مرغوب فيهم ... مثل عشاق تامر ...


و عايز اقول لصاحب الموضوع متزعلش نفسك ... الناس الكويسة مش ظاهرة!

[meeezo333eg]

ما تزعلوش اوي كدة يا جماعة ....
زي ما فيه الوحش ... فيه برضه الحلو ...
على سبيل المثال ... اللي كانو في الملعب دول كام الف
20 الف
50 الف
شوفو بقى دول كام 100 الف

...
....



دي صلاة التراويح في جامع ابراهيم في اسكندرية .....
دول اللي الكاميرا جابتهم .... العدد الحقيقي 10 اضعاف اللي انتو شايفينه
اللي بيحب تامر شعر الصدر يروحله
واللي بيحب فيفي عبده يروحلها
........
واللي بيحب الرحمن يروحله ... في اي وقت ... في اي مكان ... حتى لو في الشارع .... يتوضأ ويقول الله أكبر .... يبقى معاه
....
ويحشر المرء مع من أحب
اللهم احشرنا في زمرة المصطفى عليه الصلاة والسلام

الخير في الأمة ليوم الدين

باشا
الف صباح فل عليك
الجامع ده فين يا باشا
نفسى باذن الله اصلى فيه ان شاء الله السنة الجاية و لو مرة واحدة
و الله الصورة دى نفخت فيا شوية امل

[Tamer-Ezzat]

منكم لله فكرتونى بموقف سخيف بسبب تامر حسنى

بنتى لما كانت عندها 3 سنوات تقريبا واحد سالها بتحبى تامر حسنى ولا تامر عزت "العبد لله" انا اتوقعت طبعا انها تقول تامر حسنى بس المصيبة انها مقلتش كدة ...
تخيلوا قالت ايه ....
--
-
-
-
-
-
مين "تامر عزت" دة ..
--

[hegazi_arc]

هوة انت اول مرة تروح حفلة في حياتك؟ صح؟ مش فاهم هوة ايه اللي مزعلك و جايبلك اكتئاب كده يعني؟ انا عن نفسي مش بطيق تامر حسني خالص لكن مديش الحق لنفسي اني اتريق على معجبينه بأي شكل هما اكيد احرار في اعجابهم ده و محدش ضربك على ايدك علشان تروح الحفلة مثلا
و كونك انك تحكم عليهم*******لأنهم بيحبوا مطرب فده مش حكم عادل
و الناس *************************
لو شفت حفلات مايكل جاكسون و كم الجمهور المتحمس و تواجدهم هتذهل من ان **********************

[color="red"]*********************************

انذار للعضو لمخالفته القاعدة رقم 9

مشرف القسم

اهو انا بقي بقالي يومين كدة حاسس اني هاخد بان
و اديك شرفت و هيبقي انت السبب
طبعا بسبب ************************************************** **********************************
اشوف وشكم علي خير يا جماعه

انذار ووقف أسبوع للعضو لمخالفة القاعدة رقم 13

مشرف القسم

[Mohd_Adel_Amin]

شفت اللينك وبصراحة اتأثرت جدا وكنت هعيط
حتى الواد إبنى عنده 5 شهور عيّط
ياللا ياجماعة كله يعيّط
عااااااااااااااااااااااااااااااااااااااااااااااااا ااا

تصدق انا كنت هعيط برضه !!!
بس هعيط اكثر من كثر ما المنظر خلاني احزن على حالنا واللي وصلنا ليه ..
وهعيط اكثر على اسلوب الحوار اللي بقى سيء جدا في منتدانا ومع احترامي للجميع يشمل للأسف بعض من يظهر من كلامهم التدين ..
وفي المقابل بحيي كل من دخل وتكلم بطريقة منظمة ومنهجية زي أ. أحمد aif وحضرتك ..
ربنا يقلل من احتياج المراقبين لاستعمال النجوم الحمراء !!

[mahmoud_magdy]

انا ليا تعقيب ارجو من الكل تقبله
كل زمن وليه احداثه ومواضيعه
زمان مثلا كان في ام كلثوم وعبد الحليم
كانت ليهم شعبيه كبيره ولو تفتكرو حفلاتها كانت عامله ازاي
والجنازه بتاعتها دا انا كنت حاسس انها كانت اكبر من جنازة
عبد الناصر
وكمان عبد الحليم حفلاته بتكون من الساعه 2 او 3 وكان الشباب والبنات اللي هما كبروا دلوقتي وخلفوا وبقو ابهات وامهات
كان بيحصل شبه اللي بيحصل دلوقتي
مهما كان نوع الفن فكل زمن ليه احداثه
دلوقتي وقبل كدا كان عمرو ومنير وتامر وحماقي ووو .....ألخ
وكل الحفلات بيكون فيها اكتر من كدا
وربنا يهدي الناس اللي تحس انها جالها تخلف من الفنانين
ده من وجهة نظري
اما بخصوص تامر حسني انا شخصيا مبحبوش وان كنت زماااااااان بسمعلوا ف دلوقتي لا وبصراحه الحياه من غيرو احلى ومن غير اي اغاني اصلا
ودا بردو رأيي وتقبلوه

[Terrible_DaRsH]

ودا بردو رأيي وتقبلوه

رايك مقبول طبعا ..
بس هل كان زمان بيحصل تحرشات ؟؟
هل زمان كانوا البنات بيغم عليهم وكل واحدة تتمنى تحضن الفنانين ؟؟
هل زمان كانوا الشباب بيعوروا بعض وبيضربوا بعض علشان حفلة ؟؟

بص ميعبرش عن الموضوع كله واللى وصلنا اليه غير الصورة دى ..



ده بقي حال الشباب فعلا ..
كله بيقلد بعضه ومش بيحس انه بيعمل حاجة غلط ..

[Abdo_Eldesokey]

شفتو التعليق الي في اللنك

لك تقبرني ياتيمو والله بعشقك بموت فيك بعبدك بعد الله تقبر قلبي شو حساس
والله بعشقك
بحبك كتييييييييييييييييير

استغفر الله العظيم يا رب

[EL_3OMDA]

لا حول ولا قوه الا بالله العلى العظيم

انا لله وانا اليه راجعون

هل ضاع شباب الامه ؟؟؟

[moudy88]

اهو انا بقي بقالي يومين كدة حاسس اني هاخد بان
و اديك شرفت و هيبقي انت السبب
طبعا بسبب ************************************************** **********************************اشوف وشكم علي خير يا جماعه

والله انت راجل جامد ....هتوحشنا والله ...نشوفك على خير

[Terrible_DaRsH]

طب شوفوا اللينك ده يا جماعة لنجم الجير .
شوفوه وهو فرحان انه (بيتباس) فى الحفلات ..

http://videohat.masrawy.com/view_video.php?viewkey=b145280f157ace0740dc

ربنا يكتر من امثال هذا الفنـــــــان ..

[abou_ruqi]

اهو انا بقي بقالي يومين كدة حاسس اني هاخد بان
و اديك شرفت و هيبقي انت السبب
طبعا بسبب ************************************************** **********************************اشوف وشكم علي خير يا جماعه

الوداع يا حجازي ..... الوداع يابني

[mada121977]

ألغت أجهزة أمن الدقهلية، حفل المغنى تامر حسنى فى ختام أسبوع شباب الجامعات بعد أن تحولت أرضية الملعب، الذى استضاف الحفل إلى ساحة للتدافع والتحرشات، أصيب بسببها ١٥٠ طالبًا وطالبة.

كانت مديرية أمن الدقهلية اشترطت الفصل بين الجنسين على أن تتجمع البنات فى أرضية الملعب والشباب فى المدرجات خوفًا من حدوث تحرشات خلال الحفل، وتم طبع التذاكر مقسمة بنات وبنين.

وبدأت الأزمات قبل انطلاق الحفل حين قفز الشباب من فوق الأسوار لدخول أرضية الملعب، وتقاقمت الأمور فور وصول تامر حسنى، الذى تأخر عن موعد الحفل ٣ ساعات كاملة فقام بعض الشباب بالقفز إلى أرضية الملعب وبدأت الرقصات والتحرشات.

وطالب حسنى بعد ربع ساعة فقط من الغناء بضم الشباب مع البنات فى أرضية الملعب ليتفاعلوا مع أغانيه واستجاب المنظمون وحرس الجامعة، وتم فتح ٣ بوابات على أرضية الملعب، فتسابق الشباب على القفز من المدرجات، مما أدى إلى إصابة عدد كبير من الطلبة والطالبات.

فيما حاول بعضهم الوصول إلى الصفوف الأمامية القريبة من خشبة «تامر»، كما حاولت الفتيات وبعض الشباب الصعود على خشبة المسرح وتوقف «تامر» عن الغناء، وطلب من حارسه الخاص حمايته، ومنع وصول الطلبة المتحمسين إليه، وتوقف الحفل ثلث ساعة.
خبر نشر فى جريده المصرى اليوم النهارده