يا صيادلة المنتدى.. هو صحيح الصيدليات كلها هاتقفل؟

[دينا أبوالعلا]

المفروض اننا كلنا نضغط على الحكومة عشان تبطل استعباط، مش الصيادلة بس.

احنا اللي بندفع التمن برده يا علا
وبعدين مش هما اللي قعدو يقولو انا متاثرناش بالازمه فالضرايب بس بيفتكرو مبيفتكروش ليه فالاسعار اللي مبتنزلش

[kh_talaat]

أنا مع اضراب الصيادله قلبا وقالبا ومع اي فئه من الشعب المصري بتقف امام ***** الحكومه لأخذ حقوقها ... كفايه نهب وسلب في الشعب بقى
========
تنبيه مشدد للعضو
لقد خالفتم القاعدة رقم 9

[aliabutaleb]

الاضراب كان امبارح من 10 إلى 12 ساعتين بس في اليوم
وهايزودوا ساعة كل يوم لغاية يوم الخميس
بس مش عارف ليه حاسس بمباركة حكومية للإضراب
زي ما يكون تصفية حسابات بين الحكومة ووزير المالية

[r0xer]

****************************لما يكون صاحبك عيان و محتاج حقنة معفنة موجودة في اي صيدلية و لإن البشوات مأجزين يبقى بين الحياة والموت...و يصل الأمر لأنك تعيط انت وهوا من الخضة عليه لإنه بيقطع في النفس..ولأسباب غاية في المهزلة الصيدليات دي قافلة...ساعتها بس كل المؤيدين للمهزلة دي هيعرفوا إن دا ضد أبسسسسسط مبادئ الآدمية!

عموماً...أشمعنى دول الواحد هيستنى منهم يبقو كويسين؟

برجاء مراعاه الالفاظ
مشرف فرعي 1

[midnightman_74]

ايه الجديد طول عمرها متلخبطه وعشوائيه وبعدين بتلم فلوس من الغلابه فين اللي بنهبوا البلد وبيهرو فين فلوس الغاز اللي بيصدوه بلاش عشان الواحد ميدخلش فالسياسه ويبات فالمعتقل انهارده

العشوائية درجات يعنى مثلا الاسبوع اللى فات الحكومة قللت سعر فايدة البنك 1 %عشان تساعد المتعثرين انهم يخدوا فلوس من البنك وبالتالى كل عامة الشعب اللى حاتة فلوسها فى البنك هتخسرولسة المتوقع ان الفايدة تقل كمان

وبيدرسوا اليومين دول انهم يقللوا قيمة الجنية امام الدولار زى ماعمل عاطف عبيد ودة عشان يساعد المصدرين ان الانتاج مايقفش والناس تعد فى البيت

انا شايف ان الحكومة هتحاول تاخد فلوس من كل حتة واللى هايقف قدامها هتدوسة

[دينا أبوالعلا]

الاضراب كان امبارح من 10 إلى 12 ساعتين بس في اليوم
وهايزودوا ساعة كل يوم لغاية يوم الخميس
بس مش عارف ليه حاسس بمباركة حكومية للإضراب
زي ما يكون تصفية حسابات بين الحكومة ووزير المالية

يافندم ساعتين ايه دول فتحو الساعه6 مساءا وده لو كلهم فتحو كمان

****************!. لما يكون صاحبك عيان و محتاج حقنة معفنة موجودة في اي صيدلية و لإن البشوات مأجزين يبقى بين الحياة والموت...و يصل الأمر لأنك تعيط انت وهوا من الخضة عليه لإنه بيقطع في النفس..ولأسباب غاية في المهزلة الصيدليات دي قافلة...ساعتها بس كل المؤيدين للمهزلة دي هيعرفوا إن دا ضد أبسسسسسط مبادئ الآدمية!

عموماً...أشمعنى دول الواحد هيستنى منهم يبقو كويسين؟

كان الله في عونك وربنا يشفي صاحبك

[دينا أبوالعلا]

انا شايف ان الحكومة هتحاول تاخد فلوس من كل حتة واللى هايقف قدامها هتدوسة

واضح جدا طبعا لانهم لو كانو عايزين يهدو اللعب كانو رحمو الناس من اللي جصلهم امبارح ولو بتهدأت الاوضاع لحد ما يوصلو لحل بينهم وربنا يستر علينا لغاية يوم السبت

[osamaesm]

**************!. لما يكون صاحبك عيان و محتاج حقنة معفنة موجودة في اي صيدلية و لإن البشوات مأجزين يبقى بين الحياة والموت...و يصل الأمر لأنك تعيط انت وهوا من الخضة عليه لإنه بيقطع في النفس..ولأسباب غاية في المهزلة الصيدليات دي قافلة...ساعتها بس كل المؤيدين للمهزلة دي هيعرفوا إن دا ضد أبسسسسسط مبادئ الآدمية!

عموماً...أشمعنى دول الواحد هيستنى منهم يبقو كويسين؟

ال انا فهمته انهم فاتحين ومش بيبيعو الا الحجات الضروريه بس والصيدليات اللي قافله بيبقي مكتوب علي بابها اسم الصدليه اللي فاتحه جنبها للطواريء وكل حي صيدلياته قافله بيقي في صيدليه فاتحه
بس اي حد مكانهم هيحاول يعمل اي حاجه عشان ياخد بيها حقه

[دينا أبوالعلا]

فعلا في صيدليات فاتحه ومش بتبيع بس الحق يبتقال بابا امبارح راح يجيب الدوا امتنعو عن البيع وقالوله احنا هنبعتلك الدوا وفعلا بعتوه علي طول بس للاسف ده مش هيحصل مع كل الناس
وزارة الصحة والسكان خصصت ثلاثة خطوط لتلقى الشكاوى من المرضى والمواطنين فى حالات نقص الأدوية أثناء الاضراب وهى : خط أرضى ساخن بوزارة الصحة برقم 105 وخط أرضى للتأمين الصحى برقم 2392055 ورقم موبايل 0125274769 والخط الساخن للشركة المصرية للادوية برقم 08007777771
انا قولت احط الارقام بس يا رب ما حد يحتاجها وربنا يشفي الجميع

[Migo123]

المفروض اننا كلنا نضغط على الحكومة عشان تبطل استعباط، مش الصيادلة بس

كل موظفي البلد بيدفعو ضرايب على دخلهم بنسبة 20% من الدخل الاجمالي (بعد خصم اعفاءات مجموعها 9000 سنوياً).
وبما ان المساواه في الظلم عدل. فلا يجوز اعفاء فئة من المواطنين من دفع الضرائب.
و للعلم مطالب وزارة المالية لا تختص بتطبيق قانون بأثر رجعي
قانون الضريبه على الدخل الصادر سنة 2005 واضح. و يتضمن بنود تحدد المنشآت الخاضعة للضريبة بناءاً على رقم أعمالها السنوي
والصيادلة لا يجهلون القانون
لكنهم يتلاعبون بالكلمات لاثارة الشعب و كسب تأييد لحملتهم التي تهدف في الاساس لمكاسب شخصية بحته ويمكن تلخيصها بعبارة واحدة وهي " التهرب من سداد الضرائب"

[yahyanaabil]

***********!. لما يكون صاحبك عيان و محتاج حقنة معفنة موجودة في اي صيدلية و لإن البشوات مأجزين يبقى بين الحياة والموت...و يصل الأمر لأنك تعيط انت وهوا من الخضة عليه لإنه بيقطع في النفس..ولأسباب غاية في المهزلة الصيدليات دي قافلة...ساعتها بس كل المؤيدين للمهزلة دي هيعرفوا إن دا ضد أبسسسسسط مبادئ الآدمية!

عموماً...أشمعنى دول الواحد هيستنى منهم يبقو كويسين؟

((ق***********اهو ده رد ممكن يتقال من واحد مش فاهم الموضوع صح
الصيدليات ده المكان الوحيد اللى فى البلد اللى ارباحه محدده يعنى الربح بتاع الدواء ربحه لا يزيد عن 20% ولا يقل عن 7 % ده فى حاله الادويه المستورده يعنى دول مش تجار اساسا وعلى فكره دول كانوا عاملين اضراب مش مأجزين
أنا مش عارف أقولك ايه على الرد الغريب ده لو صاحبك فعلا محتاج اى حاجه يروح التأمين الصحى

[Goodle]

الحكومة ما بيهمهاش أي حد
وبتعمل اللي هي عاوزاه.. ولا أكننا من الجالية المصرية

[r0xer]

((********!!!!)) اهو ده رد ممكن يتقال من واحد مش فاهم الموضوع صح
الصيدليات ده المكان الوحيد اللى فى البلد اللى ارباحه محدده يعنى الربح بتاع الدواء ربحه لا يزيد عن 20% ولا يقل عن 7 % ده فى حاله الادويه المستورده يعنى دول مش تجار اساسا وعلى فكره دول كانوا عاملين اضراب مش مأجزين
أنا مش عارف أقولك ايه على الرد الغريب ده لو صاحبك فعلا محتاج اى حاجه يروح التأمين الصحى

والله؟؟؟؟ يعني على أساس إن كل واحد في البلد دي ساكن جمب التأمين؟ وعلى أساس إن البشوات الصيادلة بيمنوا علينا مش بياخدو فلوس دواهم!

على أساس انهم كانوا بيدفعوا فلوس للجامعات نظير تعليمهم زي بلاد برة مثلا؟

مش كفاية بيتصرف عليهم ملاييييين في التعليم عشان يبقى سي الدكتور راح وسي الدكتور جه و في الاخر يتعمل كدا؟

بجد كل يوم كره الواحد بيزيد لبعض طبقات الشعب. و أهمها الدكاترة منعدمي الضمير و الشرطة "90%منهم"...لو الطبقتين دول يتمحووا من الوجود هيبقى تمام اوي!

وخلاص...ياريت محدش يعلق على الكومنت بتاعي..انا قلت حاجة حصلت ومش مطلوب من حد يبررلي موقف صيادلة ولا مصيادلاش...انا قلت واقع حصل يوم الاتنين وبس!

[دينا أبوالعلا]

يا استاذ r0xer متضايقش نفسك انا مقدره موقف حضرتك جدا وفهمه انت عايز تقول ايه وحسيت بايه
هو كل واحد بيدافع عن موقفه
ويا رب ما يحوجنا لحد

[midnightman_74]

كل موظفي البلد بيدفعو ضرايب على دخلهم بنسبة 20% من الدخل الاجمالي (بعد خصم اعفاءات مجموعها 9000 سنوياً).
وبما ان المساواه في الظلم عدل. فلا يجوز اعفاء فئة من المواطنين من دفع الضرائب.
و للعلم مطالب وزارة المالية لا تختص بتطبيق قانون بأثر رجعي
قانون الضريبه على الدخل الصادر سنة 2005 واضح. و يتضمن بنود تحدد المنشآت الخاضعة للضريبة بناءاً على رقم أعمالها السنوي
والصيادلة لا يجهلون القانون
لكنهم يتلاعبون بالكلمات لاثارة الشعب و كسب تأييد لحملتهم التي تهدف في الاساس لمكاسب شخصية بحته ويمكن تلخيصها بعبارة واحدة وهي " التهرب من سداد الضرائب"

هو دة الكلام المظبوط
الضريبة على الدخل مفروض تتطبق على كل فئات الشعب لان احنا كلنا عايشين مع بعض وبنستفيد زى بعض من الدعم على البنزين وخلافة ودة كلام مايزعلش حد وروح شوف الامريكان بيدفعوا كام والانجليز
كان المفروض ان اخوانا المثقفون الصيادلة يتفهوا الوضع دة ولو لهم طلبات او تعديلات لنسب الضرائب يبقى من خلال القنوات الشرعية زى مجلس الشعب والنقابة
المشكلة ان الناس بتبص للضرايب على انها فلوس ضايعة عليها ومسروقة
هو طبعا فى فساد ودة شىء واضح
بس لازم تبقى شايف النصف الاخر وهو ان الضرايب بتروح للدعم ومرتبات الموظفين فى الحكومة اخويا واخوك ورصف الطرق والتعليم والصحة

احنا متفقين قبل كدة ان فى فساد بس دة مش معناة ان احنا نتهرب من الضرايب
كل واحد فينا المفروض يبدا بنفسة وبعدين نطالب الحكومة بالاصلاح