اجتماع شهر سبتمبر

[AlmAhAtmA]

احبابي مشرفين المنتدي

يا تري فيه اخبار عن اجتماع شهر سبتمبر
علي حسب القواعد المفروض يكون الجمعه 7 سبتمبر
بس كان فيه اعضاء عايزين يغيروا الميعاد

يا ريت الاداره تبدا استفتاء علي
الميعاد و المكان

و يا سلام بقه لو فيه جدول اعمال علشان الواحد يبقي عارف حيسمع ايه و يتكلم في ايه

بس بيني و بينكم لو حتي ما فيش جدول اعمال ولا اي كلام حاجي برضه

انا نفسي اشوف اخواتي

و كل شهر و انتم طيبين و يجعلوا عامر

[Hossam_Hassan]

و أنت طيب يا هانى، ان شاء الله تبقى مقابلة جميلة كالعادة

[hazem_khidr]

اي معاد ان شاء الله نيجي بس اهم فكره لازم نرتبها و نحددها
الافطار الجماعي


لازم نحدد كام واحد جاي و نوف حنجيب اكل ايه و نلم الفلوس يوم الاجتماع علشان نبقي مجهزين كل حاجه و ما يبقاش فيه لخبطه .

[memo_hefnawy]

خلاص يا جماعه يبقى إجتماعنا ذى ما هو إن شاء الله فى الربوة الجمعه 7 سبتمبر و نكون قبلها رشحنا أكثر من مكان للفطار الجماعى و إللى الناس تجمع عليه يكون هو ده و نشوف الفرد هايكون بكام و مين هايحجز و نديله الفلوس يوم المقابله إن شاء الله

[معاذ الشرباصى]

انا احتمال مقدرش ابقى موجود, بس هحاول على قد ما اقدر

بس انا معاكم ان شاء الله فى موضوع الفطار الجماعى

[mtema99]

و انا كمان إن شاء الله

[محمد البحيري]

انا نفسي اجي ان شاء الله
ياريت حد يوصفلي المكان علشان انا مكنتش قاعد في مصر وانا حاليا قاعد في ميدان سفير
واعرف برده المناطق البارزه لو توصفولي منها مثلا(صلاح سالم -الاوتوستراد-عباس العقاد-000 وكده)

[PRO-DRIVE]

ان شاء الله اقدر اجي

[mtema99]

كل عام و انتم بخير جميعا و اعاد الله عليكم هذه الشهور و الايام المباركه بالخير و اليمن و البركات و النجاح و الموده و الالفه و النصر بإذنه تعالى

[abo3bdolrahman]

يا ريت الإفطار الجماعى يكون فى النصف التانى من رمضان علشان أكون رجعت من نيجيريا يعنى بعد 17 رمضان كده يبقى كويس و نفسى أحضر معاكم علشان كلكم وحشتونى جدا و كل رمضان و أنت جميعا بخير.
أبو عبدالر حمن

[mtema99]

يا ريت الإفطار الجماعى يكون فى النصف التانى من رمضان علشان أكون رجعت من نيجيريا يعنى بعد 17 رمضان كده يبقى كويس و نفسى أحضر معاكم علشان كلكم وحشتونى جدا و كل رمضان و أنت جميعا بخير.
أبو عبدالر حمن

و التراويح جماعه إن شاء الله

[memo_hefnawy]

بــــعون الله بدون مقاطعه :
-----

التجمع الأول لينا هايكون قبل رمضان يعنى يوم الجمعه الموافق 7-9-2008 و ده على أساس إن مقابلتنا بتكون الجمعه الأولى من كل شهر
المكان : الربوه ---- وصف المكان :

تقع الربوة فى آخر شارع ذاكر حسين مع تلاقى ذاكر حسين مع الطريق الدائرى أمام التجمع الأول من القاهرة الجديدة
شارع ذاكر حسين ده إللى فيه ســوق السيارات (الحى العاشر مدينة نصر) و إللى فى أوله إنبى من جهة الحى السابع و ممكن دكتور أحمد سمير يوصف المكان بشكل أدق منى للقادم من جهة المعادى أو من جهة الجيزة أو من جهة مدينة السلام

عايزين حد من دلوقت يقترح أماكن للفطار الجماعى يا جماعه نتفق عليها :arrow:

[hazem_khidr]

عايزين حد من دلوقت يقترح أماكن للفطار الجماعى يا جماعه نتفق عليها

الاقتراح الاول:نجيب اكل من اي مكان فروج مثلا و نروح ناكل في الربوه و يكون في واحد او اتنين مختصين بالحكايه دي يجمعو الفلوس و يجيبو الاكل و نروح ناكل هناك.
الاقتراح التاني:نروح ناكل عند العهد الجديد مثلا في الحسين
الاقتراح التالت:مممممم لسه ما اعرفش يا ريت حد يقترح :D

[memo_hefnawy]

العهد الجديد راحت عليه للأسف مبقاش ذى زمان :(

فى إنتظار أماكن أكثر يا حازم :) فيين الناس الأكيله :)

[hazem_khidr]

فى إنتظار أماكن أكثر يا حازم فيين الناس الأكيله

اخونا شريف باشا المصري اكتر واحد يفيدنا في الحكايه دي :D بس هو فين مش باين بقاله فتره
فعلا العهد الجديد ما اكلتش فيه من قبل ما اروح الامارات يععني من تلات اربع سنين كده