لو حد جرحك قوي ... ومبقتش عارف تسامحه ... بجد .. تعمل إيه ؟؟

[نور العمر]

لو حد جرحك قوي ... ومبقتش عارف تسامحه ... بجد .. تعمل إيه ؟؟
قلبي مش أسود ... بس الحياة بقت سودا في حاجات كتيير ... والمشكلة إللي بيجرحك .... دايما بيكابر ... ودايما شايف نفسه معملش أي حاجة ... وتظل وحدك واهم وسط جروحك ... لا تعلم كيف تداويها ... كيف تعالجها ... كيف تبدأ من جديد ...
كيف أبدأ من جديد .... والقلب خلاص ... يأس من كل الناس
كيف أفصل نفسي وأعيش مجروحة ... وحدي ... ومطلوب مني أستمر ... كيف أرجع أسامح من جديد

[mody_halawa]

لو اعتذر اسامح لو كابر ومعتزرش يبقى هو اللى خسرنى مش انا اللى خسرتة

[نور العمر]

لو اعتذر اسامح لو كابر ومعتزرش يبقى هو اللى خسرنى مش انا اللى خسرتة

كلام حضرتك صح 100%
بس ... عدم اعتذار ... ومطلوب الحياة تمشي عادي
تعمل إيه.... مع العلم إن الخسارة موجودة ... بس جواك

[mody_halawa]

مهو الخسارة اكييد موجودة جواكى بس مينفعش تظهرى قدام اللى جرحك ضعيفة ومجروحة وشوية شوية حتتاقلمى على كدة وتقدرى تكملى يعنى تعالى على نفسك شوية مهما كان الموضوع صعب عليكى

[aif]

لو حد جرحك قوي ... ومبقتش عارف تسامحه ... بجد .. تعمل إيه ؟؟
قلبي مش أسود ... بس الحياة بقت سودا في حاجات كتيير ... والمشكلة إللي بيجرحك .... دايما بيكابر ... ودايما شايف نفسه معملش أي حاجة ... وتظل وحدك واهم وسط جروحك ... لا تعلم كيف تداويها ... كيف تعالجها ... كيف تبدأ من جديد ...
كيف أبدأ من جديد .... والقلب خلاص ... يأس من كل الناس
كيف أفصل نفسي وأعيش مجروحة ... وحدي ... ومطلوب مني أستمر ... كيف أرجع أسامح من جديد

لو مش قادر اسامح .... ح استني يومين تلاتة ..... غالبا باقدر اسامح .... لو ما قدرتش .... ح اعتبر الشخص ده مش موجود اساسا ....
اما اللي جوايا .... ربنا يصبرني بقى .... ح اعمل ايه ؟
ح آخد حباية مهدئ ..... واستمر في الحياة

[fiatto]

أخت نور

الشاعر الجميل سيد حجاب بيقول:

لا الجرح باقى ولا الحياة راح تنتهى
ولو انتهى يوم .. يوم جديد يبتدى

حتعيش ياقلبى مع ذكريات الهوى
وهتنتهى ويا السنين قهرتك


كل جرح = نضج

[sendrella]

لو حد جرحك قوي ... ومبقتش عارف تسامحه ... بجد .. تعمل إيه ؟؟
قلبي مش أسود ... بس الحياة بقت سودا في حاجات كتيير ... والمشكلة إللي بيجرحك .... دايما بيكابر ... ودايما شايف نفسه معملش أي حاجة ... وتظل وحدك واهم وسط جروحك ... لا تعلم كيف تداويها ... كيف تعالجها ... كيف تبدأ من جديد ...
كيف أبدأ من جديد .... والقلب خلاص ... يأس من كل الناس
كيف أفصل نفسي وأعيش مجروحة ... وحدي ... ومطلوب مني أستمر ... كيف أرجع أسامح من جديد

نور يا حبيبتي
مش معنى ان حد يجرح تبقى دي نهاية العالم
و طالما القلب مش اسود يبقى اكيد اكيد اكيد هنعرف نسامح
و طالما الحد قريب مننا اوي وطالما يستاهل اننا نسامحه يبقى هنسامحه
حتى بالرغم من انه بيكابر بس اكيد في ناس منعرفش نعيش من غيرهم رغم جرحهم
ما هو للاسف ده عيبنا احنا الستات قلبنا كبير اوي
بس لازم الطرف التانى يبقى عارف انه لينا طاقة
و الحاجات اللى بيشوفوها صغيرة دي و بيكابروا فيها بتعمل تراكمات
و مع الوقت الصغائر بتصبح جرح كبير اوي صعب انه يتلم
نلحق نفسنا بدري بدري
و نجعل من العتاب اللين اسلوب لازالة اصول المشكلات
عاتبي يا نور اللي بيجرحوا
ده لو فعلا يهمك انك متخسريهمش
محدش بيعرف قيمة الحاجة غير لما تروح منه
اوعي تستني لما تروح منك
يمكن المشكلة تتحل على اهون سبب بالعتاب اللطيف
فحاولى و دوسي على نفسي لو مش قادرة

[dr.ayman]

انا برضه كنت بسامح كتير جدا والله
و كنت بنسى و اعمل الخير و ارميه البحر زى ما بيقولوا
لحد ماجيت فى مره و صعب عليا نفسى و عاملت اللى غلط فيا كأنه مالوش اى اهميه ولا كأنه موجود و غصب عنى لاقتنى برد له اللى عمله فيا
بس الوقتى ندمان الصراحه على اللى انا عملته بس مش عارف اعمل ايه انا بعمل كده من اللى هوا عمله
العين بالعين و السن بالسن و البادى اظلم
الطريه دى ريحتنى كتير بس برضه حاسس اانى مقسوم اتنين نص يقول ده حقك و نص يقول حرام كده
و انا تايه فى النص لحد الوقت

[max_ziro]

انا برضه كنت بسامح كتير جدا والله
و كنت بنسى و اعمل الخير و ارميه البحر زى ما بيقولوا
لحد ماجيت فى مره و صعب عليا نفسى و عاملت اللى غلط فيا كأنه مالوش اى اهميه ولا كأنه موجود و غصب عنى لاقتنى برد له اللى عمله فيا
بس الوقتى ندمان الصراحه على اللى انا عملته بس مش عارف اعمل ايه انا بعمل كده من اللى هوا عمله
العين بالعين و السن بالسن و البادى اظلم
الطريه دى ريحتنى كتير بس برضه حاسس اانى مقسوم اتنين نص يقول ده حقك و نص يقول حرام كده
و انا تايه فى النص لحد الوقت

عملت كدة بس لما اخت القرار و القرار معناة قرار بلا رجعة بس بجد صبرت اوى اوى اوى و الحمد لله مبسوط عشان اخت القرار دة و بعتبرها تجربة و تعلمت منها لانى فعلا اتغيرت و مبقتش زى الاول و مدام انا كدة الحمد لله مرتاح مبحاولش انى افتكر مجرد محاولة مبحاولهاش...
بس لازم نتقرب من الله فى الازمات بجد برتاح قوى لما اقرا قرأن و بسرح بفكرى ف عظمة الله و ملكوتة و كفاية الواحد يقف ساعت الفجر بعد ميصلى و يدعى دعاء من القلب .. يسلام بقى اروح طالع على البلكونة و اعد ادعى ادعى ادعى لحد مرتاح و الحمد لله هتلاقى المشكلة باذن الله اتحلت من نفسها ...
ربنا معاكى ..

[أبو إياد]

انا تقريبا اتجرحت من 50%من الناس اللى اعرفهم وده لسبب فيا انا وهو انى طيب وحسن النيه وعمرى ما باخون اى حد وكل لما اخد قرار انى اتغيير الاقى نفسى مش عارف لان دى طبيعه فة الواحد واتربى عليها مش عارف ده صح ولا غلط بس اللى اتعلمته بجد ان فعلا مافيش حاجه اسمها صداقه ولو موجوده بيكون ليها معايير وقوانين محدش هايغيرها
انا بعد ما تجرحت من اقرب اقرب اقرب الناس قررن انى انسى الناس دى بس للاسف مش هاقدر انسى الاسيه
واقعد ما بينى وبين نفسى واقرر الانتقام لكن الطبع غلاب وعلى رائى المثل تبات نار تصبح رماد ومابعملش حاجه
واقوا اه هو خانى وماصانش العيش والملح اللى بينا بس انا مش هاخون العشره وممكن ابين للناس انى مش مسامح بس بينى وبين نفسى باقول روح الله يسامحك (العفو عند المقدره)ويابخت من بات مظلوم وماباتش ظالم ,,,,,,,,,,,,على فكره انا باكون مرتاح لما اسامح

وانا مش هاغيير الكون وهاعيش لنفسى ولاهلى وهاتعامل مع غيرى على اد حجمه هو وعطائى باردو هايكون على حجمه هو
وباردو مش هانسى الاسيه والضربة اللى مش بتموت بتقوووووووووووووووى

[نور العمر]

يااااااااااااااااااااااااه .. يا جماعة ... ألف شكر ليكو جميعاً ... كلامكم حلو قوي ... وكله مصابرة ...
بس يا ريت الناس تبقة حنينة على بعض شوية ... وبلاش القسوة والأنانية ... الواحد مبآش مستحمل ... هي دي مشكلتي ... بدور على حاجة تصبرني لما أكون مجروحة ... لو لاقيت ضغوط أكتر بتعب أكتر ... لو لاقيت عناية وحب من أي أحد ياخد بإيدي ... حتى ولو ضحكة جميلة من أطفالي وحضن كله براءة ... بحاول أقوي نفسي على الجراح ... بقوم من الأزمة ... بكمل وبقوى ... بس المشكلة الجرح بيلتئم والشجن بيملأ القلب ... والله المستعان على الدنيا وما فيها

[A.Saad]

متعة الحب لحظة
شجن الحب يدوم الى الابد

حاولى يا نور انك متربيطش حياتك بوجود حد فيها

انا عن نفسى
بقاطع
وبخاصم
واتجاهل
حتى لو بحب

بس فى الاول
بشترى كتير
واما الاقى اللى معايا بيبيع
انبه
احذر
وبعدين اقسى على نفسى

[SHNORY]

ساعات البتر بيكون احسن علاج في الحالات المزمنه
فيه حاجات كتير في حياتنا بنحبها اوي وبنعشقها
بس بيكون ليه جزئيه ضاره لا تحتمل وملهاش علاج
فالحل بيكون ببتر هذا الشخص من الحياه مهما كانت العواقب

[bee]

موضوع جميل ..
بس يتوقف على مين الي جرحني ؟

لو حبيب اكيد ممكن اسامح لو عن غير قصد لو استمر في كبريائه فهنا يأتيب دور سميرة سعيد .. بالسلامة السلامة يا حبيب قلبي ..

لو شخص مهممممم في حياتي كأب أو أخ أو أم أو صديق بحق .. لازم اسامح عشان دول أعمدة حياة

لو شخص في شغل .. هيبقى التعامل في نطاق العمل فقط .. بس ده ميمنعش اني اسيب الباب موارب عشان لو حب يرجع في كلامه ..
ومتنسيش خيرهما الذي يبدأ بالسلام .. صدق الرسول الكريم عليه أفضل الصلاة والسلام ..

[eng.octooo]

انا بجد مجروووووووووووووووووووووح (مش عارف دة جرح ولا لا )
انا عرفت واحدة شبة سعاد حسنى ومحترمة وطيبة جداااااااااااا
ولما اتكلمنا مع بعض شوية وبقا فية زمالة دراسة عرفت انها مرتبطة بواحد هيا بتحبة وبيحبها مش عارف اصارحها ولا اخليها فى فرحها وسعادتها بلاش انكد عليها لانى بحبهااااااااااااااااااااااااااااااااااااااااااا بس مش عارف اقول او اعمل اية ؟