الحجامة

[Hossam_Hassan]

طب مادمت كبير فى السن و محترم و صعيدى، يبقى المفروض ما تفرضش نفسك على مكان انت غير مرغوب بيك فيه.

صح يا محترم؟

[polalth]

طب مادمت كبير فى السن و محترم و صعيدى، يبقى المفروض ما تفرضش نفسك على مكان انت غير مرغوب بيك فيه.

صح يا محترم؟

والله بص بقة

لما تبقة حضرتك صاحب العمارة و أجى أخبط على باب معاليكم

و أقولك لله يا محسن

ساعتها بس ممكن تقدر تقول مش هعطيك لانك غير مرغوب فيك

مفهوم يا زعيم

يعنى من الأخر دى حاجة ماتعنيكش فى حاجة

و ترجع لى انا شخصيا بصفة بحتة

[Hossam_Hassan]

صفة بحتة؟

ليه، مفيش قواعد للمنتدى ماشية علينا كلنا و انت خالفتها و اتوقفت؟

ولا انت على راسك ريشة تخالف القواعد و تعمل عضويات لأثارة المشاكل و خلاص.

و على فكرة انت كلامك صح، انا صاحب العمارة، صحيح مش ملكى لوحدى و بيشاركنى فيها اكتر من 30 الف عضو محترمين، بس كلنا وافقنا على قواعد تنظم بيتنا علشان ما يخربش و القواعد دى اللى انت مصر تخالفها هى اللى بتخلينى اقولك انك مش مرغوب بك فى العمارة.

على فكرة الصعايدة مالهومش علاقة بالطريقة دى أبدا.

[tmz9111]

ربنا يتم شفائها على خير إن شاء الله
بس الواحد بجد لا يوجد عنده اى معلومات عن الحجامة

[نور القمر]

صحيح يا دكتور اليشع انت اخدت بند على النك نيم الجديد
وعلى 20 واحد قبله وانا واثقه انك لسه هتعمل نك تاني تتدخل بيه يعني ان شاء الله هتشوف ردي ده

فين بقه اسلوبك الزوق الناعم المصطنع اللي كنت بترد بيه على الاعضاء
دلوقت اي موضوع يدخل فيه كلمة اسلام ومسلمين تدخل ترد عليه ردود مستفزة
واضح جدا انك كنت تتصنع اللباقة قبل كدة واحترام الاخرين يعني من الاخر ******
ما علينا
اذا كن حكاية القولون مش عاجباك ومش مقتنع بيها مع انه لا يعننينا تقتنع لا لأ
اللي يهمنا ان اللي عايز يستفيد يستفيد من باقي الاعضاء
للعلم انا كنت محرجة اقول انا روحت اعمل حجامة ليه
بس هقول علشان الناس تستفيد
بئالي حوالي شهر عندي التهابات حادة في الرحم والمثانة لدرجة ان بئالي شهر نايمة في السريرمن الالم والمغص ومتابعه مع اتنين دكاترة في التخصصين من اكبر الدكاترة واستشاريين واتهريت ادوية خلال الشهر ومش بحس بتحسن نهائي
والله العظيم من اول جلسة حسيت براحة مكنتش بحسها ولا بحقن الفولتارين
ولسه هكمل معاها بعد اسبوعين

بالمناسبة دكتور يشع ردك عليا في موضوع الملائكة ترفعت اني ارد عليك
عقبال البند الجديد على النك نيم الجديد

تم التعديل
مشرف فرعي 1

[نور القمر]

على فكرة الست بتاع الحجامة حكتلي حكاية عن حالة كان عندها مرض مستعصي وبدأت في الشفاء بفضل الله
بجد كان جسمي بيقشعر وهي بتحكي
انا مش هقولها دلوقت لسببن
الاول اني مسافرة حالا ان شاء الله والناس مستنيني تحت
السبب الثاني انها قالت لي ان جوزها مصوورها بالموبايل وقولت لها هابعت لك الموبايل وقت جوزك ما يكون موجود علشان اخد الفيديو منها وانزله النت مع قصة المريضة ان شاء الله

[ahmed1981]

كل من جرب الحجامة عارف انها بتفيد وعمرها ما بتضر.

لكن ياريت منربطش الموضوع دا بالدين وبس، لإن الحجامة موجودة من قبل الرسول عليه الصلاة والسلام .

يعني الموضوع طبي بحت...ليس إلا.

الموضوع طبي ماشي
لكن مرتبط بالإسلام بشهادة الغربيين سواء كانوا مسيحيين أم يهود أم بوذيين أم .....

ليه بقى يا أستاذ روكسر الفرعوني كما تقول في توقيعك
لأن أول إنسان أمر أتباعه في التاريخ بالعلاج بالحجامة وحثهم عليها هو نبي المسلمين محمد صلى الله عليه وسلم

والسبب الرئيسي لإنتشار الحجامة في العالم الآن هو إرتباطها بالإسلام الذي نشرها مع إنتشاره في جميع أنحاء العالم خلال أول ثمانية قرون من تاريخ الإسلام والتي فتحت فيها جميع قارات العالم القديم

وبدعوة النبي صلى الله عليه وسلم لها في أحاديث كثيرة

ومن هذه الأحاديث:

1. عن أبي هريرة رضي الله عنه قال : قال رسول الله صلى الله عليه وسلم : " إذا كان في شيء من أدويتكم خير ففي شرطة محجم أو شربة عسل أو كية نار، غير أني لا أحب أن أكتوي بالنار) أخرجه أبو داود.

2. وعن جابر بن عبد الله أن النبي صلى الله عليه وسلم قال : " إذا كان في شيء من أدويتكم خير ففي حجامة أو شربة عسل أو لدغة بنار توافق الداء، غير أني لا أحب أن أكتوي بالنار " رواه البخاري ومسلم .

وقال صلى الله عليه وسلم : " خير ما تداويتم به الحجامة " رواه البخاري.

والأدلة موضحة بالرابط التالي:

http://www.55a.net/firas/arabic/?page=show_det&id=777&select_page=3

مفيش داعي تزعل نفسك إن مسألة الحجامة مرتبطة بالإسلام وبالسنة النبوية الشريفة رغم أنها عرفت قبل الإسلام
لكن سبب إرتباطها بالإسلام هو كما وضحت

ولا ننسى أن العلاج بالكوي كان موجود في ذلك الوقت أيضاً
لكنه تضاءل لأن الإسلام لم يحبذه

وختاماً أتمنى أن أذكر حضرتك أن المسلمين هم الذين علموا العالم الطب
والطب الحديث كله هو ثمرة لعلماء الطب المسلمين
وإذا أردت أن تسأل إسأل ابن النفيس وابن سينا
أو إسأل المؤرخين الغربيين المسيحيين وهم سيوضحوا لحضرتك

أو عليك بمشاهدة برنامج الحضارة الإسلامية التي سرقها الغرب
وهو لا يعرض في التلفزيون المصري ولا السعودي
ولكن من إنتاج وإخراج وعرض التلفزيون الألماني
وجميع حلقاته موجودة على اليو تيوب

مع كامل مودتي وإحترامي للجميع

[ahmed1981]

يا أخ اليشع، انت مش هتبطل تدخل كل شوية بعضوية جديدة لمجرد انك تخلق جو من البلبلة بين الأعضاء؟

عيب كده انت مش صغير

أستاذ حسام
أشكرك على هذه اليقظة في مواجهة محاولة الإندساس والعبث بالمنتدى
زي ما قالوا قبل كده مدير أمن المنتدى

[Hossam_Hassan]

أستاذ حسام
أشكرك على هذه اليقظة في مواجهة محاولة الإندساس والعبث بالمنتدى
زي ما قالوا قبل كده مدير أمن المنتدى

لا شكر على واجب، بصراحة هو بيساعد قوى فى كشف نفسه، على رأى ثقيل الندمان " متأمر و ......"

[M_HaFeZ]

متابع باهتمام

[ahmed1981]

القصة الثالثة:
واحد أعرفه شخصياً
وعنده قدرة على عمل الحجامة
كان في زيارة لأحد معارفه وكان ذلك الرجل مريض وعنده تيبس بأحد مفاصل يده
فقام بعمل حجامه له في الموضع المناسب
ويقول لي إنه قبل أن يغادر المنزل كان المريض يستطيع تحريك يده بأكثر مما كنا مع تحسن ملحووظ

والرجل اللذي أخبرني بذلك هو نفسه من قام بالحجامه للمريض وهو صادق

[نور القمر]

قصة البنت اللي قولت لكم عليها واللي تعتبر بجد معجزة تقشعر لها الابدان اذا كانت حقيقية
بنوته عندها دلوقت سنتين اصيبت وهي عندها 6 شهور بشلل كامل وعمى والسبب .. انا سمعت سببين الله اعلم انهي الحقيقي
الاول سمعت انها جالها حمة شوكية والثاني سمعت ان قلبها توقف لفترة ولما رجعوه بالصدمات الكهربائية رجعت بالحالة دي
المهم البنت بتعمل حجامة من نص شهر نوفمبر 2008 لحد دلوقتي
التحسن اللي ظهر عليها لغاية دلوقت بقت تقدر تتقلب من وضعية النوم بطنها لظهرها والعكس
عينيها وراسها بتتحرك مع الاشياء لكن حركة راسها بصعوبة
بس ده دليل انها بقت تشوف
الدكتور عبد الرحمن فودة شاف الحالة ووعدهم انه هاستضيفهم على القناة اللي بيقدم فيها برنامجه
للاسف انا لسه مشوفتش الفيديو بتاع البنت قبل وبعد الحجامة بس زوجي شافه امبارح
ان شاء الله احاول اروح لهم واخده منهم

[msobhy]

اسمحوا لى اشارك معاكم بشكل مختلف شوية
للأخوة الاعضاء فى المنتدى اللى ميعرفونيش MSobhy for Mohamed Sobhy
خبرتى فى موضوع الحجامة ضعيف جدا لكن انا عايز اوجه نظر حضرتكم لكذا نقطة
قبل اى شئ على الزميل الفاضل مراعاة اقل قواعد الذوق فى التحدث بعيدا عن الاسلام والدين

* انا عمرى فى حياتى نا عملت حجامة

* لى صديق كان عنده مشاكل خاصة بالصداع و عدم وضوح الرؤية والارهاق الدائم وضعف بشع فى الذاكره بعد عمل الحجامه اصبح كائن اسطورى خاصة فى موضوع النشاط وده جه على دماغتنا احنا لأنه شغال معانا

*زميل اخر كان يعانى تقريبا من نفس الاعراض وبعد عمل الحجامة عند نفس الشخص اكثر من مره لم تأتى معه بأى نتيجة تذكر / لدرجة اننا قلنا ان زميلنا الاول كل اللى حصل له شئ نفسى والحجامه لم تؤثر فيه

*زميل لنا كانت عنده مشكله خاصة بالانجاب وبعد علاج دام اكثر من خمسة سنوات الموضوع فشل تماما وبعد الحجامه مترافقه مع علاج طبى الحمد لله ربنا كرمه بأجمل بنوته فى الدنيا

*يوجد اقارب لى كبار فى السن بدأت تظهر اعراض الام حاده فى الظهر عليهم والعلاج لم يؤثر وبعد الحجامه اصبحوا فى احسن حال - جدتى قامت بعمل حجامه والاام ظهرها كما هى لم تقل أو تزيد

اعتذر لضيق وقتى وعدم قدرتى على البحث الان لتقديم الدلائل لكن اهتم الغرب كثيرا بموضوع الحجامه خاصة بألمانيا وأمريكا هى والعلاج بالابر الصينية وذلك بأعتبارهم من اقوى انواع العلاج الموجه المباشر
فى ناس جسمها بيتقبل الحجامة وناس تانيه لأ فهل ده دليل على ان الحجامه حاجة مش صحيحه
بعض الناس بمجرد انه يعمل حجامه والغرض المطلوب لا يتم الحصول عليه يفضل يلعن ويسب ويعيش فى مية البطيخ

ناسيين كذا حاجة
1-هل اللى عمل الحجامه عملها صح ولا لأ
2-ظروف الجسم اللى اتعملت عليه الحجامه ايه
3-ايه الامراض اللى موجوده فى جسم المريض وهو نفسه مش عارفها اللى ممكن تكون عائق فى طريق اى حاجة سواء علاج طبى او حجامه
4-المرض او العلة اللى بيتعملها الحجامة وصلت لأى مرحله (لو تفتكروا زمان كان الالاف بيموتوا من الانفلونزا بسبب قلة واهمال العلاج)
5-هل الظروف النفسيه للمريض مشجعه على عمل الحجامه ولا لأ (بنت عمى رحمها الله بمجرد معرفتها ان عندها بعض الامراض توفيت بسبب حالتها النفسية السيئة مع العلم انها كانت فى مستشفى من اغلى مستشفيات مصر)
6-الشخص اللى بيعمل الحجامه اتعلمها من مين وايه هيه المراجع بتاعته وايه معلوماته الطبيه

فى النهاية هل الحجامه صحيحة ام لا(صحيحة 100% وذلك لأن الرسول عليه الصلاة والسلم قال ذلك / اذا فبدون تفكير هذا هو الصح)
طيب لو كده احنا بنفكر وندور ونثبت الكلام ده ليه / علشان نتعلم - بدل لما ادور العربية وامشى على الاقل احاول افهم يعنى ايه عربية ويعنى ايه موتور وفرامل وبنزين

طيب هل محمد صبحى دكتور - بالطبع لأ لكن انا مسلم
طيب عندك اى حاجة تانية تحب تضيفها
احب اقول (الكلام ده مش محاولة للأثبات لأنى عن ثقة مش محتاج اثبت حاجة هى اوضح من وضوح الشمس) ان فيها دكاتره كثيرووووون جدا جدا جدا استفادوا من معلومات موجوده فى القراءن الكريم وفى الاحاديث وللأسف انا معنديش حجج كثيره لكن منها تطور الجنين فى بطن امه / تكوين السمع والبصر / تأكيد معلومة انشقاق القمر ............ وحاجات كتير لكن للمره التانية انا مش مام بيها
ان شاء الله انا هاحاول اقابل الشخص اللى بيعمل الحجامه واتكلم معاه فى طرق الحجامه واتعلمها منين وايه المراجع بتاعته وقبل اى حاجة انا مش هاتكلم على هو عمل ايه وافاد الناس بأيه لكن طريقة عمله فقط ومصادر علمه

[نور القمر]

بئالي فترة حوالي 3 اسابيع ضغطي بينزل جامد ل 90/50 والدكتور كتب لي ايفورتيل مع مقويات وموضوع المقويات ده بيتعب لي المعدة
قلت اروح الحجامة النهاردة بئالي فترة منقطعة عنها
طبعا ملحقتش اشعر بنتيجة
لكن كل مرة اروح بشوف العجب
حالتين اغرب من بعض
الحالة الاولى سيدة مسنة عندها اثار شلل في لسانها وذراعها ومشيتها مش طبيعية
سألت الست بتاع الحجامة عليها
قالت لي كان عندها جلطة ودلوقت بتتكلم على خفيف وبترفع ذراعها

الحالة الثانية شابة في العشرينات بتشتكي من داء الثعلبة وماشية على العلاج سنتين بدون نتيجة
حالتها كانت صعبة جدا ... راسها كانت ملساء الا بعض الشعيرات الخفيفة مقدمة الرأس
بعد 3 جلسات فقط اسبوعية سبحان الله الشعر نبت
الست كانت بتعملها حجامة في كل راسها ماعدا موضع واحد مش عارفه سيباه ليه
المهم الحمد لله الشعر نبت في كل الراس ماعدا المنطقة الصغيرة المتروكة وهتبدأ تعملها فيها

سبحان الله

[mohmd76]

اتمنى بعد الزيارة ان شاء الله تحكى ما حدث تماما وبامانة