إعـــــــلان

Collapse

.

,
See more
See less

ايه اغـــــرب حاجة شوفتها فى حياتـــــــــــك ؟

Collapse
X
 
  • Filter
  • الوقت
  • Show
Clear All
new posts

  • #91
    انا مره حصلتلى حاجه وانا صغير كانت مرعبه جدا بالنسبه ليا والناس قالولى ان ده فقدان ذاكره مؤقت
    كنت بجرى كالعاده فى الحوش بتاع المدرسه وقام عيل خابطنى فى دماغى وفجأه لاقيت نفسى فى نص الحصه اللى كانت بعد البريك وقعدت اعيط والناس مستغربه انا بعيط ليه وكل واحد يقولى انى كنت عادى ودخلت الفصل وقعدت فى مكانى عادى جدا وطبعا أنا مش فاكر اى حاجه من الكلام ده
    sd

    Comment


    • #92
      المشاركة الأصلية كتبت بواسطة medo_2060 مشاهدة المشاركة
      يا جماعه اغلب القصص دى ناتجه عن الخوف انا ما بنكرش وجود الجن والعفاريت دا مذكور فى القرأن بس اغلب المواقف دى عقلك اللى بيهيألك كدا عشان انت خايف وانا هاحكيلكم خكايه حصلت مع خالى عشان تعرفوا وجهه نظرى
      انا خالى عنده اراضى زراعيه وهو موظف اصلا فكان دايما يجى من الشغل الحكومى وينام شويه وبالليل يروح الارض يشوفها ويمكن يبات فيها ويشغل الميه والكلام دا وكان فى واحده اينها الوحيد مات فراحت بليل عند المقابر وقعدت طول الليل قدامه وفى الليله دى خالى مروح ومعدى من قدام المقابر وطبعا ضلمه كحل والست اللى قاعد عارفاه واسمه محمد تخيلوا بقى الموقف
      هو ماشى ويدوب شايف طريقه وهى عايزه حد يقومها نادت عليه بأسمه قالتله تعالى عايزاك يا محمد
      هههههههههههه
      هو سمع طبعا وجرىىىىىىىىىىى وكان هيموتت فيها والناس تزوره يوميا تطمن عليه لحد ما الست دى كمان زارته عشان تطمن عليه بعدها بكام يوم وقالتله بقى انا انادى عليك تيجى تقومنى تسيبنى وتجرى
      طبعا هو سمع كدا ونزل ضرب فيها
      تخيلوا بقى لو مكانتش الست دى قالت او ماكنتش زارته وفسرت اللى حصل كانت بقت اسطوره والناس قالوا فى عفريت بينادى باسمك لما تعدى من الحته الفلانيه والكلام دا
      اسف على الاطاله وياريت تكونوا فهمتوا وجهه نظرى
      انا متفق معاك تماما و مرة واحد زميل سابق من محافظة الشرقية حكالي قصة تؤكد الكلام ده وهي ان واحد مرة كان معدي على المقابر فقال السلام عليكم دار قوم مؤمنين انتم السابقون و نحن ان شاء الله بكم لاحقون اللي هوا الدعاء اللي بيتقال عند المرور على المقابر تخيل بقى انه لقى حد بيقوله و عليكم السلام اتفضل قام الراجل طب ساكت و الصوت ده ما هو الا واحد من الناس اللي بينامو في الشارع كان نايم تحت الرصيف من جوا من ناحية المقابر ومكنش باين
      [COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]

      Comment


      • #93
        موضوع الفلوس ده جامد , عفريت ايده فرطة أوي . هي دي العفاريت و لا بلاش
        العفريت ده من الشرقية
        انا عارفه بلدياتي
        [SIGPIC][/SIGPIC]

        Comment


        • #94
          انا اغرب حاجة شوفتها
          كانت حشرة في كارفور الصحراوي
          قدام الباب الي عند بنزينة موبيل

          انا الاول افتكرتها حشرة جلد من الي بيخوفوا بيها العيال و قربت منها لاقيتها هتطير روحت جريت و المدام بتاعتي كانت حامل ساعتها في الثامن جريت اول ما شافتها

          هي في حجم نصف كف الايد
          و الشنبات بتاعتها غليظة قوي و اجنحتها غليظة جداً هي حشرة بطير و ليس طائر غريب
          بس بجد شكلها كان مرعب
          و الناس كلها بقت تيجي عندها و تنح و تجري
          لحد ما جه شاب قلبه ميت
          و داس عليها ما ماتتش من اول مرة
          راح ناطط و بالجزمة عليها و سمعنا صوتها و هي بتتفعص و لا افلام الرعب
          انا اصلاً خوفت اصورها حتى بعد ما ماتت و الله
          دخلت عملت بحث على الحشرات الي في مصر
          و الحشرات الكبيرة الي في العالم و لا ليها اي أثر

          بالنسبة بقى للعفاريت ( حبايبي بجد مش تهييس و لا تهيئات)
          الاوضة بتاعتي كان محدش يقدر يدخلها
          الي كان بيحصل فيها شئ عجيب شوية
          انا مثلاً هنام باليل عادي الاقي زي ما يكون حاجة ماسكة رجلي و عمالة تخبطها في السرير لحد ما اصحى بس بكون مغيب و مش عارف اتكلم
          اجي اقرأ قرآن زي ما يكون حاجة مساكاني من رقبتي علشان ما اقرراش
          في الاول كنت بترعب لكن بعد كدة بقى الموضوع عادي بالنسبالي
          اكون قاعد في الاوضة دي و احب انده على حد الاقي صوتي مش راضي يطلع و مش قادر احرك ايدي او رجلي
          حتى والدتي مرة نامت في الاوضة دي لما رجعت حلفت انها ما هتخشها تاني
          المهم روحت لشيخ معرفة حاكتله على الموضوع ( انا كنت خايف اكون ملبوس و لا حاجة )
          قالي انت بتصلي قولتله الحمد لله بقالي فترة مواظب على الصلاه بأنتظام
          و على طول بشغل قرآن في الاوضة دي حتى و انا نايم بس ساعات لما اروح في النوم اسمع القرآن بطريقة غريبة حتى أذان الفجر ما بقتش اسمعه زي الاول بقيت اسمعه زي اللغة بتاعة الاخوة الاقباط في الكنائس الي هي الترانيم
          قالي هي دي المشكلة
          قولتله ازاي يعني
          قالي دول اسمهم آل البيت
          و مش عاجبهم حياتك دلوقتي ان انت بتصلي و بتشغل قرآن في الأوضة بأستمرار و عايزين يطفشوك من الاوضة دي
          قولتله و الحل ايه
          قالي اثبت على ما انت فيه و خد الموضوع عند
          و أداني حاجة اسمها تحصينة بتترش في الاوضة
          الحمد لله من ساعتها الموضوع قل خالص
          لحد ما اتجوزت و الاوضة بتاعتي دي قلبوها سفرة دلوقتي
          بس و الله شئ في قمة الرعب و انت شايف كائنات غريبة عمالة تتنطط قدامك و انت نايم و سامع اصواتهم
          الموضوع استمر حوالي سنتين و نص بس في اخر سنة و نص بقى الموضوع بالنسبالي عادي خالص و بقيت استى انهم يجوا بسرعة علشان الحق انام او اخش انام بدري علشان الحوار يخلص بدري و الحق انام
          و الله على ما اقوله شهيد
          في واحد تاين فسرهالي اني حرقت ابن عفريت قبل كدة و هو بينتقم مني
          و حكاية الحرق دي هقولهالكم دلوقتي

          مرة و انا في ثانية ثانوي قاعد بذاكر باليل و النور اتقطع
          روحت جبت شمعتين حلوين من المطبخ و حطيتهم في طبق أستانلس ( معدن )
          و قعدت أذاكر و كان ساعتها عندي برد فالمناديل الكلنكس كنت بأستعملها و احطها في الطبق بتاع الشمع
          لحد ما المناديل اتشبعت بالشمع الي ساح و النار مسكت فيها
          روحت واخد الطبق و جريت على المطبخ افتح الحنفية لقيت المية مقطوعة ( علشان موتور المياه مش واصله كهرباء)
          روحت داخل بيها الحمام
          و روحت رميه في القاعدة بتاعتة التواليت
          و إذا بصوت عواء كلب يهز الحمام كله
          طلعت اجري زي المجنون و روحت داخل اوضة النوم في حضن بابا الله يرحمه
          و لا كأني طفل صغير
          والدي الله يرحمه قعد يقرالي قرآن و يرقيني لحد ما نمت

          دي كانت حكاية العفريت المحروق
          و الله على ما اقوله شهيد
          [SIGPIC][/SIGPIC]

          Comment


          • #95
            المشاركة الأصلية كتبت بواسطة Sherif Khalifa مشاهدة المشاركة
            دا موقف خيال علمى شوية

            كنت فى البحرين
            و وقت المغرب كنت خارج من الفندق و متوجة ناحية الكورنيش و بسيط فى السماء لقيت بالظبت حاجة منورة بعيد مدورة افتكرتها نجمه عادى و ظهرت وقت الغروب
            لاحظت بعديها حاجة مدورة تانية بتنور و تطفى بانتظام و متوجهة ناحية الجسم الاول

            الجسم المتحرك جاى زى مايكون دخل فى الجسم السابت و بعد كدة الاتنين اختافو
            كل دا حصل فى حوالى دقيقتين
            إللى حضرتك شفته ده غالبا قمر صناعى و الروبوت بتاع الصيانة ...
            [CENTER][SIZE=3][COLOR=DarkRed][B]نفسن براحتك ..
            إشتم براحتك ...
            إغلط و متعوزش تتحاسب ...
            إتبلطج و خدها دراع و أعمل دكر ..
            إحجر على الرأى التانى و إتريق على الناس ..
            إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
            [/CENTER]

            Comment


            • #96
              ايه ياأبو آسر القلق ده
              دأنت زودت علينا جرعة الرعب اووووووووووي

              Comment


              • #97
                ايه يا جماعه الرعب ده انا لو حصلى حاجه من الى قلتو عليها كان زمانى ميت من زماااااااااااااااااااااااااااااااااااان
                [CENTER]
                ولا تحسبن الذين قتلوا فى سبيل الله امواتا بل احياء عند ربهم يرزقون

                [/CENTER]

                Comment


                • #98
                  انا بقى هحكيلكم موقف غريب جدا بس مش مرعب كده حصللي مع العربيه ولسه مش فاهمه خالص
                  نزلت اظبط هوا الكاوتش عشان كنت مسافر تاني يوم وكنت حاسس ان في حاجه مش تمام في العفشه
                  رحت لواحد جنب البيت والعجل بارد وكله تمام
                  كام ياعم قاللي 35 قلتله اظبط على 28 والاربع فرد كانوا 35 يعني قلل من كل فرده 7 كاملين
                  المهم رحت مشوار بالعربيه حسيت انها كده مظبوطه واني كنت ماشي غلط
                  وانا راجع من المشوار لقيت نفس الخشونه والدبدبه اللي كانت موجوده رجعت تاني
                  روحت ركنت وقلت الصبح قبل ماسافر هظبط تاني يمكن في حاجه غلط
                  المهم الصبح والكاوتش بارد برضو رحت نفس المحل عشان احيانا المقاس بيختلف من محل للتاني
                  كام ياعم:
                  يقوللي كام
                  40
                  ايييييييه ازاي قوم وسيب الكاوتش وسبته ومشيت على اساس انه مبيشوفش
                  ورحت لمحل تاني جنب البيت برضو يعني الكاوتش لسه مسخنش وانا بقى متاكد ان الراجل الاولاني ده حمااار
                  كام ياعم:
                  40 يابيه
                  !!!!!!!!!!!!!!!!!!
                  انا مفهمتش وفضلت ساكت مش عارف اقول ايه
                  المهم قلتله طب اظبط على 28 وانا في بالي ان كده هينزل 12 ده غير ال7 بتوع امبارح يعني 19 يعني ايه مش فاهم
                  لو حد فاهم يقوللي عشان انا جاتلي عقده من الكاوتش وبقيت بنام احلم بمقياس الضغط ده

                  Comment


                  • #99
                    أنا إلى الأن مافيش موقف حصلى ...
                    بس ممكن أقولكم قصة حصلت لوالدتى ..

                    مرة كانت فى مول سيتى سنتر فى مطعم هناك ..
                    المهم هى دخلت الحمام تغسل إيديها سمعت صوت جامد و الأرض مالت بيها ... خافت و حكتيلنا طبعا مصدقناش ...
                    و لكن كذا موقف كده حصل معاها تانى بس مش فاكرهم بضبط , بردوا حاجات خوارق كده ...
                    المهم أنا و والدى أعدنا ندور على إيه اللى ممكن يكون عمل كده ... مش لاقيين حاجة و حتى و إحنا معاها بردوا مفيش حاجة بتحصل ..
                    بس بعد كده يا جماعة عرفت إللى بيحصل و شفت الروح اللى بطاردها فكذا حتى ..
                    الروح دى إسمها الكورتيزول ..
                    و ده هرمون بتفرزه غدة صماء فى الجسم ..
                    و حصل زيادة نسبة الكورتيزول فى المخ ..
                    عملها أجدع دماغ ولا دماغ الحشاشين ههه
                    بس الحمد لله قدرنا نسيطر على النسبة الزيادة .

                    و إضافه بس يا جماعة إوعو تستهينوا بالمخ البشرى ...
                    يعنى ممكن يصدر موجات تسيطر على اللى حواليك ...
                    زى بالضبط التهيئات ...
                    يعنى ممكن يكون مثلا نفسك تشوف حد عزيز عليك جدا جدا و رغبتك عاليه ...
                    ممكن مخك يصورلك إنك شفته و يسيطر على ناس معينه حواليك ..
                    زى فكرة سحرة سيدنا موسى .. السيطرة ..
                    لكن الفرق إنت متعرفش تسيطر أو تتحكم ..

                    فى أبحاث كتير عن قدرات المخ البشرى ..
                    و إللى قدرته لو متطورتش قبل سن سنيتين بتضمر ..
                    [CENTER][SIZE=3][COLOR=DarkRed][B]نفسن براحتك ..
                    إشتم براحتك ...
                    إغلط و متعوزش تتحاسب ...
                    إتبلطج و خدها دراع و أعمل دكر ..
                    إحجر على الرأى التانى و إتريق على الناس ..
                    إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
                    [/CENTER]

                    Comment


                    • المشاركة الأصلية كتبت بواسطة أبـو آســـــر مشاهدة المشاركة
                      مرة و انا في ثانية ثانوي قاعد بذاكر باليل و النور اتقطع
                      روحت جبت شمعتين حلوين من المطبخ و حطيتهم في طبق أستانلس ( معدن )
                      و قعدت أذاكر و كان ساعتها عندي برد فالمناديل الكلنكس كنت بأستعملها و احطها في الطبق بتاع الشمع
                      لحد ما المناديل اتشبعت بالشمع الي ساح و النار مسكت فيها
                      روحت واخد الطبق و جريت على المطبخ افتح الحنفية لقيت المية مقطوعة ( علشان موتور المياه مش واصله كهرباء)
                      روحت داخل بيها الحمام
                      و روحت رميه في القاعدة بتاعتة التواليت
                      و إذا بصوت عواء كلب يهز الحمام كله
                      طلعت اجري زي المجنون و روحت داخل اوضة النوم في حضن بابا الله يرحمه
                      و لا كأني طفل صغير
                      والدي الله يرحمه قعد يقرالي قرآن و يرقيني لحد ما نمت

                      دي كانت حكاية العفريت المحروق
                      و الله على ما اقوله شهيد
                      انت الوحيد بالجزء اللي انت كتبتو ده دخلت جوايا خوف
                      مفيش اي قصه خوفتني غير الجزء ده فقط
                      [CENTER]إلى القمه
                      :vctry:
                      [/CENTER]
                      musiccairo سابقا

                      Comment


                      • الحكايه ديه حصلت لاخويا وهاحكيها علي لسانه...
                        كنا في الشتاء و نايمين ...صحيت من النوم بعد نص الليل بس ما قمتش من السرير و فضلت نايم في السرير بس صاحي
                        المهم كان باين من مكاني ان حد في الصالة بره لان نور الصالة كان مفتوح ...و كان واضح ان النور الصالة كله والع بس الغريبة اني كنت سامع صوت واحد بيكنس (ماسك مقشة و عمال يكنس) فاستغربت شوية
                        لاننا كنا بعد نص الليل...بس قلت ده لازم الواد اخويا (المزعج) قام يتفرج علي التليفزيون وبيرتب الصاله قبل ما يقعد...هي غريبة بس ده اللي انا فكرت فيه ..
                        المهم صوت الكنس طول اوي و دخل في 10 دقائق او اكثر...وانا مستغرب ...قلت نفض ياض ونام وحاولت انام وصوت الكنس لسه شغااال ...قمت قايم من النوم اشوف ايه بقي نظام الكنس ده
                        اول ما قمت من النوم توالت المفاجئات واحدة ورا التانية
                        1- لما قمت لاقيت الواد اخويا نايم في سريره فوق مني (سرير بدورين)
                        فقلت اكيد حد تاني من الاسرة الكريمة هو اللي بيكنس
                        2-اول ما خرجت من الباب صوت الكنس اختفي زي ماتكون مشغل حاجه و عملتلها Mute ..فاستغربت جدا وقمت مادد في خطوتي اشوف مين اللي بره
                        3- لما وصلت للصالة فوجئت بالاتي........
                        شباك الصاله الشيش و الزجاج مفتوحين علي الاخر كلهم في عز الشتاء!!!!
                        الاهم من كده وجدت المقشه مرميه في منتصف الصالة ومفييييش حد !!!
                        عملت عبيط و قفلت الشباك وحطيت المقشة مكانها ودخلت انام :) !!!

                        Comment


                        • انا هاحكى اغرب موضوع قريته ع النت

                          - كلمة New York City
                          11 حرف
                          2-Afghanistan لو تعدونها 11 حرف
                          3-Ramsin Yuseb الارهابي اللي هدد امريكا عام 1993 انه يهدم البرجين اسمه متكون من 11 حرف
                          4-George W Bushالرئيس الامريكي باسمه 11 حرف
                          يمكن كل هذا حدث بالصدفه بس انظر
                          والباقي أكثر:
                          1- نيويورك سيتي فيها 11 مدينه
                          2- اول طياره إصطدمت بالمبنى كان رقمها 11
                          3-الرحله 11 الي إصطدمت بالمبنى كان فيها 92 راكب 9+2 =11
                          4-والرحله77 الثانيه الي إصطدمت بالمبنى كان فيها 65 راكب 5+6=11
                          5-والمأسات هذه كانت ب-سبتمبر 11 او المعروف 11/9 خلونا نعدها وحده وحده 9+1+1=11
                          6-وطبعا رقم الامن الي توزع هذاك اليوم مثل ماهو معرووف 911 احسبوها 9+1+1=11
                          1-الضحايا بالطائرات كانوا 254 ..2+5+4=11
                          2- الانفجارات فمدريد في 2004/11/3 احسبوها تصبح 3+1+1+2+4= 11
                          3-وكانت بعد احداث امريكا ب 911 يوم احسبوها 9+1+1= 11
                          ما اقتنعتوا ؟؟!!
                          المهم نعود لموضوعنا كيف تعرف ان احداث 11 سبتمبر موجودة عندك في الجهاز قبل ان تحدث؟
                          الخطوات:
                          افتح المايكرسوفت وورد
                          اكتب بالحروووف الكبيره Q33 NY
                          وهذا هو رقم رحلة الطائرة التي نسفت برج التجارة
                          المهم ظللها حط حجم الخط 48
                          وظللها وغير نوع الخط في واحد اسمه Wingdings"هناك خطان بنفس الاسم جرب الاثنين الى ان يظهر لك شكل احداث سبتمبر"
                          سوف يظهر لك شيء غريب جدا ً ,, شوفه بنفسك !!

                          Comment


                          • المشاركة الأصلية كتبت بواسطة mohamedezat مشاهدة المشاركة
                            انا هاحكى اغرب موضوع قريته ع النت

                            - كلمة New York City
                            11 حرف
                            2-Afghanistan لو تعدونها 11 حرف
                            3-Ramsin Yuseb الارهابي اللي هدد امريكا عام 1993 انه يهدم البرجين اسمه متكون من 11 حرف
                            4-George W Bushالرئيس الامريكي باسمه 11 حرف
                            يمكن كل هذا حدث بالصدفه بس انظر
                            والباقي أكثر:
                            1- نيويورك سيتي فيها 11 مدينه
                            2- اول طياره إصطدمت بالمبنى كان رقمها 11
                            3-الرحله 11 الي إصطدمت بالمبنى كان فيها 92 راكب 9+2 =11
                            4-والرحله77 الثانيه الي إصطدمت بالمبنى كان فيها 65 راكب 5+6=11
                            5-والمأسات هذه كانت ب-سبتمبر 11 او المعروف 11/9 خلونا نعدها وحده وحده 9+1+1=11
                            6-وطبعا رقم الامن الي توزع هذاك اليوم مثل ماهو معرووف 911 احسبوها 9+1+1=11
                            1-الضحايا بالطائرات كانوا 254 ..2+5+4=11
                            2- الانفجارات فمدريد في 2004/11/3 احسبوها تصبح 3+1+1+2+4= 11
                            3-وكانت بعد احداث امريكا ب 911 يوم احسبوها 9+1+1= 11
                            ما اقتنعتوا ؟؟!!
                            المهم نعود لموضوعنا كيف تعرف ان احداث 11 سبتمبر موجودة عندك في الجهاز قبل ان تحدث؟
                            الخطوات:
                            افتح المايكرسوفت وورد
                            اكتب بالحروووف الكبيره Q33 NY
                            وهذا هو رقم رحلة الطائرة التي نسفت برج التجارة
                            المهم ظللها حط حجم الخط 48
                            وظللها وغير نوع الخط في واحد اسمه Wingdings"هناك خطان بنفس الاسم جرب الاثنين الى ان يظهر لك شكل احداث سبتمبر"
                            سوف يظهر لك شيء غريب جدا ً ,, شوفه بنفسك !!
                            حضرتك فكرتنى بالفيلم بتاع جيم كارى The number 23
                            [CENTER][SIZE=3][COLOR=DarkRed][B]نفسن براحتك ..
                            إشتم براحتك ...
                            إغلط و متعوزش تتحاسب ...
                            إتبلطج و خدها دراع و أعمل دكر ..
                            إحجر على الرأى التانى و إتريق على الناس ..
                            إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
                            [/CENTER]

                            Comment


                            • متااااااااااااااااااااااابع بأستعجاب وذهول
                              [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

                              Comment


                              • المشاركة الأصلية كتبت بواسطة mohamedezat مشاهدة المشاركة
                                انا هاحكى اغرب موضوع قريته ع النت

                                - كلمة New York City
                                11 حرف
                                2-Afghanistan لو تعدونها 11 حرف
                                3-Ramsin Yuseb الارهابي اللي هدد امريكا عام 1993 انه يهدم البرجين اسمه متكون من 11 حرف
                                4-George W Bushالرئيس الامريكي باسمه 11 حرف
                                يمكن كل هذا حدث بالصدفه بس انظر
                                والباقي أكثر:
                                1- نيويورك سيتي فيها 11 مدينه
                                2- اول طياره إصطدمت بالمبنى كان رقمها 11
                                3-الرحله 11 الي إصطدمت بالمبنى كان فيها 92 راكب 9+2 =11
                                4-والرحله77 الثانيه الي إصطدمت بالمبنى كان فيها 65 راكب 5+6=11
                                5-والمأسات هذه كانت ب-سبتمبر 11 او المعروف 11/9 خلونا نعدها وحده وحده 9+1+1=11
                                6-وطبعا رقم الامن الي توزع هذاك اليوم مثل ماهو معرووف 911 احسبوها 9+1+1=11
                                1-الضحايا بالطائرات كانوا 254 ..2+5+4=11
                                2- الانفجارات فمدريد في 2004/11/3 احسبوها تصبح 3+1+1+2+4= 11
                                3-وكانت بعد احداث امريكا ب 911 يوم احسبوها 9+1+1= 11
                                ما اقتنعتوا ؟؟!!
                                المهم نعود لموضوعنا كيف تعرف ان احداث 11 سبتمبر موجودة عندك في الجهاز قبل ان تحدث؟
                                الخطوات:
                                افتح المايكرسوفت وورد
                                اكتب بالحروووف الكبيره Q33 NY
                                وهذا هو رقم رحلة الطائرة التي نسفت برج التجارة
                                المهم ظللها حط حجم الخط 48
                                وظللها وغير نوع الخط في واحد اسمه Wingdings"هناك خطان بنفس الاسم جرب الاثنين الى ان يظهر لك شكل احداث سبتمبر"
                                سوف يظهر لك شيء غريب جدا ً ,, شوفه بنفسك !!
                                والمشاركه ديه مكتوبه في الصفحه رقم 11 من الموضوع
                                [SIZE="5"][FONT="Comic Sans MS"][COLOR="DimGray"]Don't think of yourself as an ugly person. Think of yourself as a beautiful monkey[/COLOR][/FONT][/SIZE]

                                Comment

                                Working...
                                X