دعوه لمشاهدة فن راقي... يحيي الفخراني والابداع في الملك لير ...

[casperinoo]

بجد والله الواحد بقاله كتيير مستمتعش بعمل فني قيم زي المسرحيه ديه.
بدل افلام السينما الهابطه اليومين دول
انصحكو برؤيه هذا العمل الفني الرائع...


المسرحيه قصه لشكسبير
وبطوله الفنان اللي كل يوم بيثبت انه الافضل علي الاطلاق يحيي الفخراني..
والاكثر من رائع احمد سلامه
ومجموعه اخري من الممثلين المحترمين


المسرحيه تعرض يوم الاحد والجمعه كل اسبوع في مسرح ميامي في وسط البلد في شارع طلعت حرب
من الساعه 8 مساء ل 11
اسعار التذاكر من 20 30 50 100
وممنوع الاطفال اصغر من 6 سنوات


طبعا انك تلاقي ركنه لعربيتك جنب المسرح صعب شويه..الافضل انك تركن في جراج العتبه..المسرح هتلاقيه في الوش في اخر الشارع اللي فيه الجراج

الافضل انك تروح بدري شويه علشان تلاقي مكان ..انا روحت قبليها بساعه ونص ملقتش غير بلكون في الصف قبل الاخير


واتمني لكم مشاهده سعيده

[tamohsen]

إن شاء الله انا ناوي اروح
بس خايف من الزحمه
مفيش حته اظرف ممكن الواحد يركن فيها لأن جراج العتبه ده مبينزليش من زور

هوه حضرتك رحت يوم ايه؟

[mohamed_kta]

أنا سمعت فعلاً إنها مسرحية محترمة وليها هدف.

[casperinoo]

إن شاء الله انا ناوي اروح
بس خايف من الزحمه
مفيش حته اظرف ممكن الواحد يركن فيها لأن جراج العتبه ده مبينزليش من زور

هوه حضرتك رحت يوم ايه؟

انا رحت يوم الجمعه اخر يوم في اجازة نص السنه

انا ركنت في جراج في ميدان التحرير اول ساعه بتلاته جنيه بعد كده الساعه بجنيه ونص..وده كتيير قوي علشان كده انا مجبتش سيرته...