تعمل إيه فى الموقف دا !!!

[mrghost]

والله انا مش عاوز ابيع البيت واخد بدلا منه شقه فى مكان تانى مخصوص علشان الجراج اللى عامله فى البيت
بس فعلا فى اصحاب محلات وورش كتير اوى بيستهبلوا مع ان لو الواحد قدم فيهم شكوى ممكن يقفله محله او ورشته بس الموضوع بيزيد عن حده بصراحه!!!!

[mohamed2002]

أنا رحت النهارده للمحافظه ودلوني على المسئولين عن البيئه وقدمت شكوى باسم سكان الشارع وبصراحه المسئولين غاية في الأحترام والأدب والتعاون وزي مايكونوا يعرفوني قبل كده ... قالوا لي خلال ايام سيتم التحقق من الشكوى وقفل الورشة اذا ثبت ماقدمته في الشكوى
وطمنوني كمان انه حتى لو المحافظ بيصلح عنده عربيته هيتم اخذ الأجراءات معاه
واديني مستني

اعمل شكوي في موقع وزارة البيئة علي النت ,يا ريت كمان محضر في القسم بخصوص انة نقل عربيتك من ممكانها مما سبب تلافيات في الفتيس

[Ahmad_Nawwara]

إن شاء الله اذا لم يتخذ إجراء من البيئه سيتم اللجوء لكل هذه الحلول .. أشكركم على تفاعلكم وتضامنكم وربنا يبارك فيكم جميعا

[sh23]

عادى جدا
شكاوى لبتوع حقوق الطفل على الاطفال اللى شغالين فى الورشة
شكاوى للفضائيات على نفس الموضوع ويا سلام بقى لو فيه صور
شكاوى للتامينات ان العمالة عنده بتاع 15 واحد ومش متامن عليهم
شكاوى للمياة انه بيتحاسب منزلى وهوة تجارى
شكاوى للكهربا انه بسرق كهربا للصاروخ بتاع السمكرى من علبة الفيوزات قبل العداد
عيدان كبريت فى الاقفال ، تطلع عينه على ما يفتحها
مسامير تترمى قدام الورشة علشان نحافظ على كاوتش عربيات الزباين
شكاوى لبتوع التموين والغش التجارى انه عنده قدع غيار مقلدة

وكل ده مش تكتب فيه اسمك
اسماء وهمية
محضر البيئة دة كويس على فكرة

*****
* بالنسبة للشكاوي اللي ذكرتها فأنا أتفق معاك بشرط واحد أن تكون الشكوي حقيقية
* موضوع المسامير ؛؛؛ حرام عليك
أصحاب العربيات اللي جايين يصلحوا عربياتهم ذنبهم إية --- ولية أذيه الغير

[karimone]

ربنا يكون في عونك...

في جديد ولا لسه... حاول تتابع مع الناس بتوع البيئه علشان ماينسوش الموضوع

[A.Saad]

*****
* بالنسبة للشكاوي اللي ذكرتها فأنا أتفق معاك بشرط واحد أن تكون الشكوي حقيقية
* موضوع المسامير ؛؛؛ حرام عليك
أصحاب العربيات اللي جايين يصلحوا عربياتهم ذنبهم إية --- ولية أذيه الغير

ده واحد بياخد حقه
مش بياخد ما ليس له
لو اتبع الوسائل العادية ، ربما لن يحصل على شيء
اصحاب العربيات مالهمش ذنب
بس دى طريقة علشان يبعدوا عن الورشة دى

[KoDaK_Gti]

*****
* بالنسبة للشكاوي اللي ذكرتها فأنا أتفق معاك بشرط واحد أن تكون الشكوي حقيقية
* موضوع المسامير ؛؛؛ حرام عليك
أصحاب العربيات اللي جايين يصلحوا عربياتهم ذنبهم إية --- ولية أذيه الغير

+1111111111111

ده واحد بياخد حقه
مش بياخد ما ليس له
لو اتبع الوسائل العادية ، ربما لن يحصل على شيء
اصحاب العربيات مالهمش ذنب
بس دى طريقة علشان يبعدوا عن الورشة دى

انت ترضاها على نفسك تبقة رايح تصلح عربيتك وتلاقى الاربع كاوتشات ع الارض ؟؟

[powerofhelll]

والله لو الراجل ده مش محترم عندك حل من 2 تتصل ب 122 و تبلغ او تروح تعمل محضر في القسم الي انت تابع ليه و مع السلامه وده الصح مش علشان واحد بيستسهل انوا يروح يفتح ورشه في الحرفين يجي يبهدلنا معاه

[sh23]

ده واحد بياخد حقه
مش بياخد ما ليس له
لو اتبع الوسائل العادية ، ربما لن يحصل على شيء
اصحاب العربيات مالهمش ذنب
بس دى طريقة علشان يبعدوا عن الورشة دى

*****
حط نفسك مكان الناس دي الأول
* أنت ف حالك ورايح ورشة سمعت إنها كويسة ؛ والأربع فرد كاوتش باظت من المسامير يبقي موقفك إية
* أخي الفاضل إن ما تطالب بة ينطبق علي المثل الشعبي
" ما قدرش علي ****** إتشطر علي البردعة "
* لية ما نحاولش ناخد حقنا بالقانون ؛ وعمر الباطل ما يكون طريقاً لأخذ الحق

[karimone]

لية ما نحاولش ناخد حقنا بالقانون ؛ وعمر الباطل ما يكون طريقاً لأخذ الحق

المشكله ان القانون في مصر مابقاش يجيب حقوق الناس فعلشان كده بيدوروا علي اي وسيله تانيه لاستعادة حقوقهم...

مش معني كده اني موافق علي موضوع المسامير ده...

[dr_darsh]

الموضوع ده كان حصل مع والدى بس بصوره أخرى هوه عيادته فى منطقه تجاريه جدا المهم انه كان بيركن العربيه قدام بابا مخزن كبير ماكنش بينزل بضاعه اللى باليل قوى وكان صاحب المخزن عارف دى عربيه مين وماكنش عنده مانع خالص وقال انه لو احتاج يدخل حاجه هيبعت ياخد المفتاح ويحرك العربيه بنفسه يدخل حاجته ويرجعها تانى ... المخزن ده كان فى العماره اللى قدام العماره اللى فيها عياده والدى
المهم كان فى محل تحت العياده على طول صاحبه كان واخد الرصيف لحسابه وكان عاوز ياخد الرصيف اللى قدامه كمان اللى هو قدام المخزن طبعا ده عمل مشكله مع والدى انه مش هيعرف يركن العربيه المهم حدثت مشادات كلاميه منها ان صاحب المحل هدد انه هيكسر زجاج العربيه لو وقفت هنا تانى
بكل بساطه والدى راح على القسم وفات على ضابط صاحبه راح عامل محضر بس طبعا كان فيه شهود من الشارع وعمله ضبط واحضار وتعهد بمنع التعدى على السياره ومن بعدها ولا كأن فى حاجه والدى يركن فى المكان اللى هوه عاوزه قدام المحل لو عاوز كمان .....
دى ناس تخاف ماتختشيش

[karimone]

برده زي ما انا لسه قايل القانون مش هايجيب حقك في البلد ديه... لازم تكون ليك معرفه...

[أشرف العدوي]

يا نها ازرق
انت شكلك كدة طبعك هادي
بصراحة لو حصل معايا الموقف ده كان هيبقى يوم اسود عليه و على الشارع كله و على النطقة بحالها لو استدعى الامر
( يسرق عربيتي و يحركها من مكانها و يقولي شوفلك سكن تاني )
*** ( النجوم دي ليها معنى )
مش ممكن
اقل واجب و نصيحة مني ( البلطجي خليك ابلطج منه و المجنون خليك اجن منه )
بس انا تخيلت نفسي في موقف ذي ده
كنت هبعت اجيب قفلين محترمين و ادخله ورشته و اقفل عليه من برة لحد ما الاقي حتة تانية اسكن فيها
في ناس هتقولي انت بتبالغ
هقولهم ابداً فعلاً كنت هعمل كدة حتى لو هموت
ده انا مرة روحت لقيت واحد راكن على الرصيف بتاع عمارتنا في الحتة الي بركن فيها
ركنت العربية بعرض الشارع و طلعت نمت
و الي مش عاجبة ينزل يشوف العربية الي راكنة دي بتاعة مين
هو ده الي عندي
لكن شكاوي في القسم و الكلام ده ما ينفعنيش طبقاً لنصيحة قالهالي واحد بلطجي قبل كدة
قالي الحكومة سند الضعيف يا بيه
حاول تاخد حقك الأول بايدك معرفتش يبقى بالقانون
كل الناس الي بتبلطج ماشية كدة بالدراع الاول
خليك ماشي على نفس اسلوبهم
و فعلاً مصر بقت عبارة عن غابة القوي بياكل الضعيف

[ahmad5997]

مشكلتك مالهاش غير حل واحد فقط ان الناس دى تشوف العين الحمرا باى طريقة يعنى عن طريق الشرطة او البلطجة
ممكن تروح القسم كدة مثلا وتشوفلك امين شرطة وتديلة قرشين وتخلية يلاعبهم ع الشناكل من غير ماتكون فى الصورة

+1111111111111111111
تكسرلهم ام العربيات اللي راكنة قدام الورشة بليل بعد ما يقفلو
ترشلهم عليها ميه نار او تكسر برابيز ورا وقدام
المهم من الاخر الراجل ده يتربي لأن من الواضح جدا انه ما كانش موجود لما ابوه كان بيربي اخواته

[karimone]

+1111111111111111111
تكسرلهم ام العربيات اللي راكنة قدام الورشة بليل بعد ما يقفلو
ترشلهم عليها ميه نار او تكسر برابيز ورا وقدام
المهم من الاخر الراجل ده يتربي لأن من الواضح جدا انه ما كانش موجود لما ابوه كان بيربي اخواته

يا جماعه بلاش العنف ده... الموضوع مش حرب...

هو يوريهم العين الحمرا بس من غير عنف...