لعبة الفعل ورد الفعل

[eng.octooo]

لهاقولة الزرق قسمة ونصيب

طيب تعمل اية لو انت صحيت من النوم لقيت واحدة صاحبتك وزى القمر ولابسة (لبس مش ولا بد ) وقاعدة بتلعب فى شعرك ومامتك دخلت عليك
(حصلت معايا لان انا اوضتى معزولة فى الدور الارضى لوحدى وليها بابها وهيا كانت جاية تزورنى وقعدت معايا لحد ما صحيت )

[medooooo]

مجبر اخاك هاكل طبعا
طيب تعمل ايه لو صحيت من النوم لقيت نفسك مليونير

[Fadi Ezzat]

هزغرط واصوت واقلب الدنيا
طيب تعمل اية لما تكون قربت من الامتحانات ومخنوق من المذاكرة وانت اساسا ماتعرفش حاجة

[mody_halawa]

حقوم اصلى واقعد ادعى ربنا ان الامتحانات تعدى على خير
تعمل اية لو نزلت البحر لوحدك والمايوة بتاعك اتقطع

[EslaM_NagY]

حقوم اصلى واقعد ادعى ربنا ان الامتحانات تعدى على خير
تعمل اية لو نزلت البحر لوحدك والمايوة بتاعك اتقطع

لو مفيش حد حجرى على الشط واخد الفوطة
لو فى حد حستلف فوط بااااااى شكل


تضرب مين على قفاه لو لقيت طقية الاخفاء ؟؟

[badry]

هركب جنب سواق مكروباص او وراه...و اول ما يوقف فى نص الشارع عشان ينزل او يركب حد....هكرته حتت قلم على قفاه يلزقه فى التابلوه..........

تعمل ايه لو ضابط فى لجنة شتمك بالأهل؟؟؟؟؟؟

[mody_halawa]

بصراحة لو رتبة كبيرة يعنى من مقدم وانت طالع حمسك نفسى بس اكييد حقدم فيية شكوى
لو رتبة صغيرة يعنى لغاية نقيب او رائد اكيد حشتمة باهلة هو كمان وممكن امسك فى خناقة

تعمل اية لو لسة شارى عربية جديدة على الزيرو وجة ابن عمك عايز يجربها راح عملك بيها حدثة

[د.محمود صلاح]

طبعا انا الغلطان انى اديتهاله واستاهل اللى حصل

تعمل ايه لو طلعت من بيتك ورحت الشغل وجيت تقعد على الكرسى فى مكتبك فى الشغل وخياطة البنطلون اتفتقت ؟

[hookyelyak]

حصلت معايا فى سكشن فى الكلية
نزلت اشتريت دبابيس وعملت بيها البنطلون وكملت المعمل
طب تعمل اية لو لقيت واحد زبالة عمال يتريق على بنت ويقولها اية الوحاشة دية
فى الشارع.

[medooooo]

هقوله عيب يا ولد كده كخ
طيب تعمل ايه لو عازم خطيبتك فى مكان جامد واكتشفت انك نسيت الفلوس فى جيب بدله تانية

[أبو إياد]

هقوله عيب يا ولد كده كخ
طيب تعمل ايه لو عازم خطيبتك فى مكان جامد واكتشفت انك نسيت الفلوس فى جيب بدله تانية

هاتصل بمحمد عزت واقوله الحقنى

تعمل ايه لو معزوم انت ومراتك عند صديق ع الغداء ولقيت واحده كنت خاطبها قبل كده

[mody_halawa]

حعمل مش واخد بالى خالص
تعمل اية لو طلع عليك اكتر من حرامى ومعاهم مسدس او سكينة وانت لوحدك فى الشقة ؟؟؟؟؟؟؟؟
(تسيبهم يسرقوا الشقة وتعمل نفسك نايم ولا تحول تمسكهم بس ممكن يموتوك )

[EslaM_NagY]

حعمل مش واخد بالى خالص
تعمل اية لو طلع عليك اكتر من حرامى ومعاهم مسدس او سكينة وانت لوحدك فى الشقة ؟؟؟؟؟؟؟؟
(تسيبهم يسرقوا الشقة وتعمل نفسك نايم ولا تحول تمسكهم بس ممكن يموتوك )

لو قدرت اعمل نفسى نايم واخد اوصافهم حسبهم لو معرفتش حقوملهم والى يحصل يحصل.


تعمل ايه لو الواد فى المرور وهو بيركب النمر شرخ الاكصدام ؟؟؟؟؟؟؟؟؟؟؟؟؟؟؟

[deee]

ههزأه .. واستعوض ربنا فيه ..

تعمل ايه لو انت بتوصل خطيبتك او مراتك وقاعدين فى العربية وطلع عليك اكتر من 10 اشخاص وفى حته مقطوعة وعايزين يعملوا معاك مشكلة ؟؟

[نور القمر]

ههزأه .. واستعوض ربنا فيه ..

تعمل ايه لو انت بتوصل خطيبتك او مراتك وقاعدين فى العربية وطلع عليك اكتر من 10 اشخاص وفى حته مقطوعة وعايزين يعملوا معاك مشكلة ؟؟

الجري مش بس نص الجدعنه في الحالة دي الجدعنه كلها وممكن بعد ماتكون في الامان تبلغ الشرطة وترجع تاني تعملهم كمين ... افلام عربي :POINTI~2[2]:
تعمل ايه لو حد غلس بيتصل بيك باستمرار وبترد عليه بسخافة علشان يفهم مفيش فايدة ويرجع يتصل من ارقام جديدة وفي نفس الوقت مش عايز تأذيه وتبلغ عنه