لعبة الفعل ورد الفعل

[KHALED AYMAN]

يا اهلا بالمعارك

حصلت معاى بس مش بالظبط
وطبعا الواحد عشان محترم
مضربتوش وانما اكتفيت بإعتزار رسمى امام المدرسة بالكامل عشان كان هو الغلطان.



تعمل ايه لو مدير المدرسة مقتنعش انو المدرس هو الغلطان وطلعك انت غلطان وبالتالى يبقى اتضربت بلوشى ؟؟؟؟؟؟؟؟

يبقى المدرس هو الى جابه لنفسه !!!
اصل انا مش بنضرب بلوشى غير من شخص واحد (بس كان زمان) و هو والدى ..
و المدرس ده هيبقى بيلعب فى ال RBM بتاع عمره .

تعمل ايه لو ماشى على رجلك وواحد طلع عليك بسكينه حلوه كده و قالك موبايلك يا جميل ..؟؟
و مفيش حد فى الشارع غيركو انتو ال 2 ؟؟
و مفيش فرصه للجرى ؟؟

(حصل معايا )

[EslaM_NagY]

يبقى المدرس هو الى جابه لنفسه !!!
اصل انا مش بنضرب بلوشى غير من شخص واحد (بس كان زمان) و هو والدى ..
و المدرس ده هيبقى بيلعب فى ال RBM بتاع عمره .

تعمل ايه لو ماشى على رجلك وواحد طلع عليك بسكينه حلوه كده و قالك موبايلك يا جميل ..؟؟
و مفيش حد فى الشارع غيركو انتو ال 2 ؟؟
و مفيش فرصه للجرى ؟؟

(حصل معايا )

للأسف حديهمولو


تعمل ايه لو اشتريت عربية وتانى يوم رخصت عشر تلاف جنيه + صيانة مجانية + تامين مجانى + ترخيص مجانى ؟؟؟؟؟؟

[KHALED AYMAN]

للأسف حديهمولو

زى ما انا عملت بالظبط

تعمل ايه لو اشتريت عربية وتانى يوم رخصت عشر تلاف جنيه + صيانة مجانية + تامين مجانى + ترخيص مجانى ؟؟؟؟؟؟

هروح التوكيل اقولهم انا عايز العرض ده طبعا هيقولولى اطلع بره ....
فى الحاله دى يبقى عوضى على الله و لعله خير.


تعمل ايه لو لقيت صوره خطيبتك مع واحد صاحبك على الموبايل؟؟

[EZABY]

تعمل ايه لو لقيت صوره خطيبتك مع واحد صاحبك على الموبايل؟؟

اولا هكتب نمرتها في تليفونه واطلبها منه عشان اشوف مسيف اسمها ازاي
وبعد كده هقفل وهكلمها وهبني رد فعلى على طريقة ردها على الموضوع

ده طبعا لو الصوره عاديه وليها لوحدها يعني ممكن تكون متاخده من موبايل تاني او من الفيس بووك


تعمل ايه لو كنت قاعد في كافيه او مطعم وواحده قاعده مع جوزها واصحابهم وولادها ومش باصصه في حته غير عليك وجوزها ابتدي ياخد باله؟

[khater87]

هسيب المطعم واقوم مش ناقص مشاكل ..




تعمل ايه لو انت ماشي في الشارع وفجأه لقيت واحده تجري عليك ومعاها اخواتها وبتقولهم هو ده الي ضايقتني وانت بريء

[maka]

هسيب المطعم واقوم مش ناقص مشاكل ..




تعمل ايه لو انت ماشي في الشارع وفجأه لقيت واحده تجري عليك ومعاها اخواتها وبتقولهم هو ده الي ضايقتني وانت بريء

اكيد هطبق مثل الجرى كله الجدعنة وهدخل فى سباق مع الريح

تعمل ايه لو عاوز تتجوز ومفيش واحدة من اللى حواليك مناسبة ليك

[أبو إياد]

اكيد هطبق مثل الجرى كله الجدعنة وهدخل فى سباق مع الريح

تعمل ايه لو عاوز تتجوز ومفيش واحدة من اللى حواليك مناسبة ليك

هاسال اهل الخبره يرشحولى واحده (اهلى طبعا)

بتشترى حاجه من سوبر ماركت وجانبك حرامى بيقلب السوبر ماركت وعمال ياخد بضاعه وعينيه جت فى عينيك وبصلك بصت غدر

[mody_halawa]

ححاول اطلع برة وانادى اى حد من اللى شغاليين هناك على اساس انى عاوز حاجة من برة وبعدين اقولة على اللى حصل وهو يتصرف بقا

لو حصل زلزال في البيت اللى انت فيه وعيلتك كلها محبوسة في البيت وانت خرجت
ايه رد فعلك ؟؟

[KHALED AYMAN]

ححاول اطلع برة وانادى اى حد من اللى شغاليين هناك على اساس انى عاوز حاجة من برة وبعدين اقولة على اللى حصل وهو يتصرف بقا

لو حصل زلزال في البيت اللى انت فيه وعيلتك كلها محبوسة في البيت وانت خرجت
ايه رد فعلك ؟؟

هدخلهم طبعا دى عيلتى يا عم مش لعبى ؟؟و يا نموت سوا يا نعيش سوا ...

تعمل ايه لو اشتريت عربيه زيرو و قبل ما ترخصها اكتشفت انها عامله حادثه و متصلحه ...و التوكيل او المعرض مرضاش ياخدها و قالت انت اشتريت خلاص و ملكش حاجه عندى ؟؟
هتبيعها و تلبسها لاى حد ولا هتركبها ولا هتعرف الى هيشتريها انها عامله حادثه؟؟

[Terrible_DaRsH]

تعمل ايه لو اشتريت عربيه زيرو و قبل ما ترخصها اكتشفت انها عامله حادثه و متصلحه ...و التوكيل او المعرض مرضاش ياخدها و قالت انت اشتريت خلاص و ملكش حاجه عندى ؟؟
هتبيعها و تلبسها لاى حد ولا هتركبها ولا هتعرف الى هيشتريها انها عامله حادثه؟؟

هرفع قضية طبعا .
ولو حقى مجاش هحاول اديها لاى حد بقي .
وعوضي على الله ..
تعمل ايه لو عيل صغير رمى عليك كيس زبالة من البلكونة و هو قاعد لوحده !! :)

[mody_halawa]

هرفع قضية طبعا .
ولو حقى مجاش هحاول اديها لاى حد بقي .
وعوضي على الله ..
تعمل ايه لو عيل صغير رمى عليك كيس زبالة من البلكونة و هو قاعد لوحده !! :)

غالبا حعرف ميين ابوة واشتكيلة اصل مينفعش اضرب واد صغير ابوة هو بقة اللى يربية

تعمل اية لو الكلية بتاعتك ولعت يوم امتحانك والامتحان كان زفت ترمى ورقتك فى النار ولا تاخدها وتجرى ( حصلت السنة اللى فاتت جامعة طنطا)

[Terrible_DaRsH]

تعمل اية لو الكلية بتاعتك ولعت يوم امتحانك والامتحان كان زفت ترمى ورقتك فى النار ولا تاخدها وتجرى ( حصلت السنة اللى فاتت جامعة طنطا)

هههههه لا للاسف حصلت قبل امتحانى بيوم والملعب كلع ولع والخيمة اللى كان فيها اللجنة بتاعتى اتحرقت هى كمان بس ولاد اللذين عملوا اللجنة فى مكان تانى ..:)
تعمل ايه لو النور قطع فى فرح حد من قرايبك ..!

[KHALED AYMAN]

هههههه لا للاسف حصلت قبل امتحانى بيوم والملعب كلع ولع والخيمة اللى كان فيها اللجنة بتاعتى اتحرقت هى كمان بس ولاد اللذين عملوا اللجنة فى مكان تانى ..:)
تعمل ايه لو النور قطع فى فرح حد من قرايبك ..!

فرصه جااااااااامده هسيب الفرح و اخلع لانى بكره الافراح انما لو حد قريبى اوى هعد و امرى لله .

تعمل ايه لو مراقب الامتحان شايف انك بتغش(مع انك مبتغشش) و سحب الورقه و لغى الامتحان .......

[mody_halawa]

فرصه جااااااااامده هسيب الفرح و اخلع لانى بكره الافراح انما لو حد قريبى اوى هعد و امرى لله .

تعمل ايه لو مراقب الامتحان شايف انك بتغش(مع انك مبتغشش) و سحب الورقه و لغى الامتحان .......

حصلت معايا السنة اللى فاتت واقعدت ازعق ومردتش امشى وجابولى عسكرى من حرس الجامعة بس فى الاخر طلعت من اللجنة علشان لقيت رئيس الكنترول باعتلى فقولت الم الدور وانا اصلا كنت فاضلى سؤال عليية 4 درجات
وجبت فى المادة دى جيد قولت الحمد لله احسن ما كانو شيلونى المادة

تعمل اية لو واحد صاحبك مش معاك فى الكلية واخد كارنيهك يدخل بية الكلية والحرس لحسن حظة مسكوة واخدو الكارنية

[Terrible_DaRsH]

تعمل اية لو واحد صاحبك مش معاك فى الكلية واخد كارنيهك يدخل بية الكلية والحرس لحسن حظة مسكوة واخدو الكارنية

طب والله حصلت معايا دى كمان :)
وكنت هاخد اسبوع فصل على الفاضي مع انى مبنزلش الجامعة اساسا ..
وقلت لهم انه سارق الكارنيه ومليش دعوة بيه بعد ما سابوه فطبعا محدش قدر يتكلم واخدت الكارنيه تانى ..
تعمل ايه لو شفت حرامية بيسرقوا حاجة من الشارع بالليل و مفيش حد غيرك فى الشارع و كانوا شكلهم بلطجية :) ؟