فودافون .. موبينيل .. اتصالات ؟؟

[elassar2010]

شوف ياسيدى
لو معاك خط اتصالات ومثلا انت مسافر اسكندريه او الوجه البحرى يعنى طنطا دمنهور الخ او الساحل الشمالى او الطريق الصحراوى ومالقتيش بكه اتصالات اعمل بحث يدوى واختار موبينيل حتلاقى نفسك شغال على شبكه موبنيل عادى بنفس رقمك استقبال وارسال وكل حاجه ( كانك مسافر بره مصر ) يا تجاول دولى وتجاول محلى
ولوانت فى الصعيد او مدن القناه او الشرم والغردقة وسيناء اعمل بحث شبكه وخد فودافون هتشتغل معاك عادى اتصالات بنفس نمرتك
وهتسفاد بقوه شبكه فودافون
يارب اكون عرفت اوضح

استفسار بسيط اية يخلى حضرتك تستخدم موبينيل فى دمنهور او طنطا
الشبكة فى دمنهور ممتازة وفى طنطا ممتازة انا خط اتصالات اشتغل فى منطقة اسمها اسبارباى فى طنطا ودى حتة مقطوعة صحراء
وفودافون طبعا كانت شغالة بس بتقطع وبتشوش
ام نبيل مالناش دعوة بحد

[amirhamed]

انا بردوا من رأيي فودافون الافضل و في الخدمات والتغطية كمان وناس بجد محترمين .

+111111111111

[mramzy]

صديقى elassar2010
انا بوضح فكره التجوال المحلى فبقول مثلا فى منطقه كذا اعمل كذا
مجرد مثال فقط لاغير

[elassar2010]

صديقى elassar2010
انا بوضح فكره التجوال المحلى فبقول مثلا فى منطقه كذا اعمل كذا
مجرد مثال فقط لاغير

اة فهمت يباشا شكرا على المعلومة
بس انا كنت بسمع ان شركة اتصالات محملة على ابراج فودافون
هل التجوال دة ينفع يكون فودافون بدل موبينيل

[mramzy]

صديقى بيكون فودا فون فى مناطق اتفاق فودا فون يعنى الصعيد ومدن القناه وسينا
وبيكون موبنيل الوجه الحرحى والاسكندريه والساحل الشمالى

[elassar2010]

صديقى بيكون فودا فون فى مناطق اتفاق فودا فون يعنى الصعيد ومدن القناه وسينا
وبيكون موبنيل الوجه الحرحى والاسكندريه والساحل الشمالى

الف شكر يباشا على المعلومات
جزاك الله كل خير:k10:

[mramzy]

وجزاك ايضا

[M_55]

معايا موبينيل من زمان قوي ومريحاني ، مفيهاش مشاكل
بس نفسي اجرب اتصالات مش عارفة ليه ؟ (:

[tamohsen]

صديقى بيكون فودا فون فى مناطق اتفاق فودا فون يعنى الصعيد ومدن القناه وسينا
وبيكون موبنيل الوجه الحرحى والاسكندريه والساحل الشمالى

ايوه بس انت استفدت ايه دلوقتي من اتصالات
مهو التجوال بيبقي بره عروض التوفير بتاعتهم

[El.Hossieny]

بس نفسي اجرب اتصالات مش عارفة ليه ؟ (:

و انا كمان نفسي اجرب اتصالات اوي مش عارف ليه ...يمكن تجديد ..يمكن عشان العروض القوية ... يا ريت الناس اللي جربت عروض اتصالات او استفادت منها تقولنا عليها

[mramzy]

صديقى tamohsen
استفدت ان لو مفيش شبكه اتصالات مبقتش خارج الخدمه يعنى تليفونك موقفش

[amohsen]

بالنسبة لموضوع التجوال المحلي لاتصالات، فهو حاليا لا يتعدى ال 5% وأغلبه على طرق السفر أو في القرى، بسبب التغطية المتزايدة لاتصالات بقالها سنة ونص دلوقتي

بالنسبة للناس اللي عايزين يجربوا اتصالات أقولهم يحوّلوا وهما مطمنين وهما الكسبانبن

بالنسبة للعروض للي سأل، هحاول أوضحهم في مشاركة تانية لاحقا إن شاء الله

[El.Hossieny]

بالنسبة للعروض للي سأل، هحاول أوضحهم في مشاركة تانية لاحقا إن شاء الله

مستني العروض من حضرتك ... عشان انا مهتم فعلا اني اجيب اتصالات

[mramzy]

من هنا اخرالعروض

http://etisalat.com.eg/portal/page?_pageid=82,1&_dad=portal&_schema=PORTAL&siteAlias=etisalat&sitePath=Etisalat_Portal_Ar&kpAlias=personal_ar&pageAlias=promotions_ar

-----
الأن و لفتره محدوده، مع عرض الساعه بجنيه من اتصالات يمكنك إجراء مكالمه لمدة ساعه بجنيه واحد فقط.

الشروط و الاحكام

يتم احتساب اول ثلاث دقائق بسعر 33 قرش للدقيقة ثم باقى المكالمه مجانا

العرض يسرى على مكالمات المحليه من اتصالات لاتصالات فقط

العرض يسرى من الساعه الواحده صباحا للساعه الثامنة صباحا

العرض يسرى على عملاء اهلا الحاليين و الجدد

للإشتراك، أرسل رسالة خالية إلى رقم 1100 بجنيه واحد فقط

لإلغاء الإشتراك، أرسل رساله إلى رقم 1100 تحتوى على الرقم 1 سعر الرساله 29 قرش

العرض يسرى عند الإستخدام من الرصيد الأساسى فقط و لا يسرى على الدقائق المجانيه
-------------
سوبر رصيد (أرسل sms خالية 525 أو اتصل ب 525)
فئة الكارت* الرصيد الاصلي (جنيه) الرصيد المجاني (جنيه) إجمالي الرصيد (جنيه) نسبة الرصيد الاضافي
10 جنيه 10 2.5 12.5 25%
20 جنيه 20 15 35 75%
40 جنيه 40 40 80 100%
100 جنيه 100 110 210 110%
250 جنيه 250 275 525 110%
*يسري الرصيد الإضافي على نفس فئات الشحن الالكتروني

اسعار خدمات سوبر رصيد كالتالي
سعر الدقيقة الى اى محمول في مصر 0.40 جنية
سعر الدقيقة الى اى خط أرضي 0.60 جنية
سعر الرسالة المحلية 0.40 جنية
سعر الرسالة الدولية 0.60 جنية

[El.Hossieny]

بجد يا باشا تسلم ايديك .... انت كدة شجعتني اكتر و اكتر ...