فيرس قنوات ميلودى فى تزايد ويقتحم بيوتنا يوميا ..........

[sokasoon]

• ترددت كثيرا فى كتابة هذا الموضوع وحول الاراء وكيفية القضاء على هذا الشىء
  
  اولا :ايه رأيكو فى قناة ميلودى افلام والقنوات الباقية طبعا هيتس وتونز واربيا
  
  ثانيا :ايه رأيكو فى الاعلانات اللى موجودة 24 ساعة للقنوات الاربعة
  
  ثالثا : القنوات فى تزايد يعنى الاول كانو قناة واحدة وبعد كده بقو اتنين
  
  وبعدين بقو ثلاثة وبعدين بقو اربعة واخير القناة الخامسة وهيا ميلودى تريكس
  
  وياريت نرجع ورا شوية لما والد اشرف مروان صاحب هذه القنوات البذيئة
  
  لما مات القنوات غيرت الكليبات الى قرأن وحداد لفترة ثم الرجوع مرة اخرى
  
  قبل ما ادخل فى تفاصيل اكثر منتظر تعليقكم على القنوات ديه بالذات ايه
  
  وبتشاهد قنوات ميلودى ولا لا

[Nader]

والله دي قنوات تستاهل الحرق..... واعلناتها "اسفل ما فيها" بيعتمدوا عليها في شد الشباب واللعب على هذا الوتر الجنسي القذر. انا عموماً مش بتفرج علي كليبات وكدة غير لو قاعد مع اصحابي في كافيتيريا او حاجة "بالغصب" ونادراً لما اتفرج على قناة الافلام دي.

[sokasoon]

• شكراا يا نادر لتشريفك موضوعى
  
  وانا مؤيدك فى رأيك تماما انهم بيعتمدوا عليها في شد الشباب
  
  واللعب على هذا الوتر الجنسي القذر.

[معاذ الشرباصى]

انا لاغى كل قنوات الاغانى عندنا من البيت

[hazem_khidr]

انا برضه يا وليد بقالي فتره يجي حوالي اسبوعين عاوز افتح الموضوع دا بالذات لما مره من المرات النادره اللي بقعد فيها قدام التلفزيون شفت اعلان من اعلانات اياها اللي شاب ميلودي بيقول ان المدرسين بيهاجموه و مش عارف ايه و فتاه ميلوودي تقولو كمل المشوار بصراحه كان هاين عليا اقوم اكسر التلفزيون علشان اعلاناتهم دي مقززه اوي و بتقرف منها جدا و من منظرها.انا قليل لما بتفرج علي التلفزيون علشان معنديش وقت يا في الشغل يا علي الكمبيوتر يا بره بس بجد بيستفزوني جدا جدا .
ربنا يتوب علينا من القنوات الفاشله دي بجد مش عارف يعني هما فاكرين انهم كده ظراف مثلا ولا متعمدين ينشرو القذاره دي قدام الشباب و الطفال و النساء .
دا الواحد لو قاعد مع حد قريبه ولا اي شخص كبير يتكسف يبص علي الحاجات دي من الاحراج بالذمه بقي دا اسمه اعلام و لا هيا دي حريه الاعلام؟؟و الله لو دي لحريه تغور مش عاوزينها

تم التعديل بواسطتى: يا سيد حازم طالما انت لا تعرف هذا الشخص فيجب الا تخطأ فى حقه.
Abdallah

[noon_eg]

الحمد لله رب العالمين اننى تركت العمل فى قناه ميلودى
انا عملت بها قرابه خمس سنوات منذ ان بدات
كانت تقدم اغانى نسبيا معقوله ولكن من فتره حوالى سنتين بدات تبث اشياء غير اخلاقيه وده جعلنى متضايق وفى حيره وظللت ادعوا الله سبحانه وتعالى ان يخرجنى منها على خير وكنت حاسس بضيق شديد لانى كنت من اكتر الناس اللى ساهموا فى نجاح هذه القناه من الناحيه التقنيه
اكتر وقت كنت احس فيه بضيق كان نهار رمضان ونحن صائمون ونقدم هذا السفه غير الاخلاقى
وتمنيت ان لو كانت تقدم اشياء تفيد الناس وفعلا شفت اليوم اللى ربنا جعلهم يذيعوا قران ليل ونهار على الشاشه سبحان الله ان الله على كل شىء قدير

وربنا يهدى الى ما فيه الخير ان شاء الله

[محمدايهاب]

شعار ميلودي تتحدى الملل بقيت أشوفه في سيتي ستار و في اعلانات الشوارع و في الراديو

[hazem_khidr]

بعد ما قريت الموضوع امبارح كنت بقلب في التلفزيون بالصدفه و لقيت ميلودي افلام في وشي قولت يمكن يكون فيها فيلم ولا حاجه.
لقيت شاب الاعلانات بتاعهم في تحدي جديد و اعلان اتفه و اقذر مما تتصورون .موجود اليه بقي؟
واحد واقف و عامل فيها ظريف و بيقول نكت و الشاب بتاع ميلودي و مراته اياها اللي انتو عارفينها دي و ابنهم الاسمر اللي طالع في البخت جديد ماشيين ف سمع صاحبنا اللي و هو بيستظرف مع حابه قام لابس النظاره بتاعه و لما لبسها شاف الشاب اللي بيستظرف علي شكل بيضه!!!!!!(طبعا كل الشباب فهمت هما قصدهم ايه )
و قام طاير مكسر الراجل اللي وقع علي الارض علي شكل صفار و بياض........
شوفتوا الوقاحه يا تري مفيش حد بيقف للناس دي خالص كده دا بقت مسخره بجد

[analyzer]

الا من نهايه لهذه المهذلة ؟

نستغفر الله الظيم من كل ذنب عظيم

[Hossam_Hassan]

السمكة تفسد من رأسها

[محمد المشد]

ياجماعة هل قناة مليودى فقط هى التى تتحدى المملل ؟ وتنشر السفالة والرذيلة بين الشباب ؟ اعتقد ان الاجابة بلا والف لا ، حيث ان هناك بعض القنوات التى تبث على النايل سات بدأت منذ فترة فى بث امور خارجة عن نطاق الادب والخلق والدين متعللة بالحرية الفكرية والاعلامية ، وتبث ما هو افظع واكثر من تلك القناة ، ولكن ما آلمنى ان القائمين على القناة من المفترض انهم اناس على خلق وابناء رجل حسب معلوماتى كان فاضلاً لكل من عاش فى لندن !
ولكن المصيبة فيمن يعطيهم التصريح بنشر تلك السفالة والقذارة
واتمنى ونحن على ابواب شهر كريم ان يستغفروا الله ويتوبوا الية وان كان هناك اغانى او افلام فلا مانع ولكن ما يخدش حياء الناس ولا يحض على الرذيلة وهدانا الله وهداهم
واحب ان انوة هنا بالخلق الرفيع لاغلب اعضاء المنتدى وغيرتهم المستمرة على دينهم ووطنهم

[Hazem Salah]

سمعت ان كونتاكت كار ملك أولاد اشرف مروان

هل هذه اشاعة أم معلومة ، برجاء الافادة لو حد يعرف

[Mohsens]

سمعت ان كونتاكت كار ملك أولاد اشرف مروان

هل هذه اشاعة أم معلومة ، برجاء الافادة لو حد يعرف

Contact is owned by CIB Bank, Banque Misr and the new york managed Egyptian direct investment fund.

There are othere unnamed investors and anyone (including Ashraf Marwan sons) can be a shareholder, but a minority shareholder.

للتلخيص هما ممكن يبقو داخلين فيها بس مش ملكهم.

[جندى مجند]

فى اختراع جميل جداً نفسى أجيبه من زمان بس للأسف مش عارف ألاقيه فى مصر اسمه TV-B-Gone و دة عبارة عن ريموت كنترول بيشتغل على كل أنواع التليفزيونات مفيهوش غير زرار واحد فقط و هو زرار الاغلاق OFF!!! تدوس عليه يقفلك أى تليفزيون مهما كان نوعه و طبعاً العامل اللى معاه الريموت حيحاول يشغل التليفزيون تقوم سيادتك تطفيه تانى من غير ما حد يحس :twisted: :twisted: و تمنه فى موقعه الرسمى 11 دولار -- مش خسارة فى سبيل انهاء القرف الأخلاقى المنتشر فى المطاعم و المقاهى دة!

[Nader]

انا معايا علي الموبايل ريموت بيشتغل علي معظم اجهزة التلفزيون الحديثة "شغال عندي علي تلفزيونين بس" و اسمة Total IRRemote.