الكل بيلعب لصالح النادي الأهلي

[ecybrarian]

انا باحب كرة القدم والفرجه على المباريات العالمية ولكن عندي مشكلة مش عارف ابطلها وهي الفرجة على مباريات الدوري المصري..لدرجة إني ممكن اشوف مبارة بين الترسانة والمقاولون العرب !!!!!!

المهم إن كالعادة..لعبت كل الفرق (إللي كان ممكن تنافس على الدوري) لصالح النادي الأهلي زي كل سنة...انا أهلاوي (مش التراسواي) بس بجد حاجة تقرف

دوري بلا طعم ولا منافسة ولا اي حاجة. والأهلي (على راي سمير غانم) ها يخد الدوري وهو قاعد في بيتهم...لدرجة إن الأهلاوية جالهم ملل ومابقوش بيفرحوا ببطولة أو حتى مباراة ديربي. فين الجماهير من الاستاد للنادي في للجزيرة بعد كل بطولة؟؟ فين الجماهير في الاستاد؟؟ فين المناوشات الظريفة في الشغل بين الأهلاوية والزمالكوية؟؟؟؟ كله راح...كله ادمر..كله اتكسر

انا قررت اشجع Man united واتابع الدوري الانجليزي..بلا قرف

[El.Hossieny]

نا قررت اشجع Man united واتابع الدوري الانجليزي..بلا قرف

فعلا يا استاذ هشام ... اللي يتابع الدوري الانجليزي ميقدرش بعد كدة يشوف الدوري بتاعنا ....

بس تعمل ايه بقي ... الاهلي في دمنا

[tmedhat]

هوالاستاد بقى دايما فاضى لية؟؟؟؟؟؟؟

[cobraa2008]

الاهلي بقى عنده ملل؟؟ طبعا ما هو موش لاقي حد يلمه(( قصدي ما حدش عارف يتربع على القمة غيره))
الجماهير موش عايزة تروح الالستاد؟؟
1-اص انا ممكن اشوف الماتش في البيت بدل زحمة الموصلات والحر والخنقة وغير انك تروح بدري علشان التذكرة وتتطلع اربع ساعات على الاقل قبل الماتش
2- اصلها موش فارقة الاهلي هايفوز سوا كان في جمهور كتير او قليل



3- طبعا افضل دوري تتفرج عليه الدوري الانجليزي والاسباني بصراحة





(( على العموم انا اهلاوي صميييييييييم ومن الاخر))

بس زهقت كله فوز فوز وبطولات حسيت ان مصر لاتوجد فيها منافسة كروية بتاتا



اي ان اي فريق عندما يتعادل مع الاهلي يحس انه عمل انجاز ما حدش عرف يعملي




الرجاء من كل الفرق ان تراجع نفسها وتشوف العيب في مين
1- من الاعيبة اللي عنده
2- ولا الخوف من الفرق الكبيرة الحاصلة على البطولات
3- ايه مافيش مدرب ولا ادارة بايزة




على العموم الراي الاخير


لا يوجد فريق يستطيع التغلب على الاهلي داخل مصر الا بطلوع الروح اما الاهلي خارج مصر اصبح من الفرق التي يتم احتسابها ضمن الفرق المتميزة وبيتعملها حساب ايضا وفي الاخر بندلع

[Abohmaid]

انا شايف ان مافيش فريق بيتمتع بجمهور كبير + ادارة قوية + دعم مادى قوى الا الاهلى ودة اكيد سبب تفوق الاهلى على كل اندية الدورى علشان عندة المنظومة الكاملة

لو جينا لفريق زى بيتروجيت عندة مركز مالى قوى + ادارة جيدة واعية بس للاسف ماعندوش الجمهور اللى يخلية فريق بطولات تخيلوا بقى ان فريق بيتروجيت عندة جمهور المصرى ...... ياااااااة اعتقد انة كان بقى فريق كبير اوى وزية نفس الوضع طلائع الجيش وحرس الحدود وانبى وبترول اسيوط

لية ما يبقاش فية اندماج ما بين الفرق الجماهيرية واللى عندها شعبية جامدة مع الفرق اللى عندها مركز مالى قوى وادارة جيدة اعتقد فى الحالة دى هايبقى الدورى كلة اهلى وزمالك (باعتبار ان الزمالك مش فى حالتة الطبيعية) واعتقد ساعتها ان هايبقى فى دورى قوي جدا .........

بس اكيد دة حلم وصعب تحقيقة.................

[ahmed_samir_ahmed10]

انا بحــــــــــــــــــــــــــــــــــــــــــــــــ ـــــــــــــــــــــــــــب الاهلـــــــــــــــــــــــــــــــــــــــــــــ ــــــــــــــــــــــــــــــــى