إعـــــــلان

Collapse

.

,
See more
See less

رأيك في التجنيد ....الجيش مصنع الرجال أم مصرع الرجال

Collapse
X
 
  • Filter
  • الوقت
  • Show
Clear All
new posts

  • #31
    انا مستمتع جداا بالموضوع والتعليقات
    عن نفسى انا مدخلتش الجيش علشان معاف نهائى بس ليا اصحاب كتير دخلوه كضباط وكجنود بالاضافه الى اصحاب تانيين ضباط عاملين .من واقع كلامى معاهم كل اللى دخل الجيش كعسكرى بيطلع كاره الجيش وكاره مصر وكاره نفسه علشان المهانه والذل اللى بيشوفه والمعامله الغير ادميه واللى دخل الجيش كضابط احتياط برضه بيبقى حاسس انه مشتت بين الطرفين يعنى لاهوا هيقضى مده صغيره زى مدته العسكرى ولا هيوصل لمزايا الضابط العامل (اللى ساعات بيبقى فيه منهم عنده عقده نقص وبيحب يمارس سلطاته على ضابط الاحتياط )
    بالنسبه للضباط العاملين فهما نوعين نوع بيحب شغله وداخل الجيش علشان بيحب الحياه العسكريه والنظام العسكرى بصفه عامه والنوع التانى زى الموظفين بالضبط يعنى دخل الجيش علشان لما يتخرج يلاقى شغلانه ومايقعدش يدور على شغل وده بقى بتلاقى فيه كل مواصفات موظفى الحكومه اللى عندهم عقد عاوزين يطلعوها على الناس وهنا الناس دول هما العساكر الغلابه اللى بيمارس عليهم اسؤ انواع الاستغلال .. ( واحد صاحبى كان بيخدم كعسكرى فى الاسماعيليه حكالى ان قائد الوحده بتاعتهم خلى عسكرى من الصعيد غلبان عاوز ينزل اجازه يشتريله قفصين مانجه ويروح يوديهم لبيت سعادته فى اسكندريه علشان ينزل اجازه !! .. وده مثل من ملايين الامثله على المعامله السيئه )

    Comment


    • #32
      المشاركة الأصلية كتبت بواسطة mada121977 مشاهدة المشاركة
      ( واحد صاحبى كان بيخدم كعسكرى فى الاسماعيليه حكالى ان قائد الوحده بتاعتهم خلى عسكرى من الصعيد غلبان عاوز ينزل اجازه يشتريله قفصين مانجه ويروح يوديهم لبيت سعادته فى اسكندريه علشان ينزل اجازه !! .. وده مثل من ملايين الامثله على المعامله السيئه )
      يا باشا احنا احلى جبنة رومي كانت بتروح لسعادته في البيت بتتكلم في ايه يا راجل
      [I][B][COLOR=black]Never let the weeds get higher[/COLOR][/B][/I]

      Comment


      • #33
        انا بصراحة من كل تجارب العيلة عندي مع الجيش هو بيعدل شوية في الشخصية بس مش بتعب لان كلهم كانو متظبطين
        [CENTER][SIZE="2"][B][FONT="Comic Sans MS"]عضو 6 ابريل و افتخر !

        6 Of April Member & Proud ! [/FONT][/B][/SIZE][/CENTER]

        Comment


        • #34
          قائد الكتيبة اللى كان فيها اخويا كان بينزل العساكر مبيت (بدل مايباتوا قى الكتيبة يعنى)...لو ظبطوه فى طلبات البيت...ياميش و كحك و لحمة و فراخ و كراريس...
          بس طبعا الأوبشن ده كان مع العساكر المؤهلات بس...اللى اهلهم هيعرفوا يصرفوا على بيت الضابط...

          و واحد صاحبى كان بيظبط القائد بتاعه...بأنه يجيبه على القهوة اللى كنا بنعد عليها كل يوم... و يعشيه من مطعم القهوة كباب او كلاوى و لحمة راس و مشاريب و معسل و كده...

          و الأمثلة كتيره على الفساد و الوسايط....وللأسف مش بس بين المجندين و الظباط...لأ الألعن بين الضباط و بعضهم.....

          طيب ماهو الفساد ده مالى البلد.. اللى بيخلى الواحد يحزن بجد....ان هو ده الجيش اللى ابويا قعد فيه 6 سنين من عمره فى الأستنزاف و اكتوبر... و دايما بيفتكره بالخير و اصحاب عمره اللى عرفهم هناك...و بيفتكر قد ايه ان الناس الواطية كانت قليلة قوى....

          يا خوفى عليكى يا جيش الكنانة....

          Comment


          • #35
            المشاركة الأصلية كتبت بواسطة ehabradwan مشاهدة المشاركة
            يا باشا احنا احلى جبنة رومي كانت بتروح لسعادته في البيت بتتكلم في ايه يا راجل
            يا باشا ... قائد كل يوم العربية بتنزل 150 تودي الغدا لأسرة سعادته .. هذا الغداء المطبوخ والمتحضر من خيرات الجيش ويقوم على طبخه مجموعة من الشيفات المحترفين ومتسرفس من شباب سياحة وفنادق متجندين ..
            والأدهى بقى إن كل ده رسمي وميري ..
            الأكل ، والطبخ ، والعربية الكورولا المخصصة لكدة

            وتقولي جبنة رومي يا عم إيهاب .. ده أكل يكفي سرية بحالها ..
            تقبل خالص مودتي
            [CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]

            Comment


            • #36
              المشاركة الأصلية كتبت بواسطة د.أحمد سمير مشاهدة المشاركة
              يا باشا ... قائد كل يوم العربية بتنزل 150 تودي الغدا لأسرة سعادته .. هذا الغداء المطبوخ والمتحضر من خيرات الجيش ويقوم على طبخه مجموعة من الشيفات المحترفين ومتسرفس من شباب سياحة وفنادق متجندين ..
              والأدهى بقى إن كل ده رسمي وميري ..
              الأكل ، والطبخ ، والعربية الكورولا المخصصة لكدة

              وتقولي جبنة رومي يا عم إيهاب .. ده أكل يكفي سرية بحالها ..
              تقبل خالص مودتي
              ههههههههههههههه....يانهار طابوووووونة....

              ده على كده الياميش اللى بقولكم عليه ده يعتبر سكاكر ليس الا....

              Comment


              • #37
                و الله انا كان نفسي ادخل الكليه الحربيه و اريح دماغي بس والدي مرضاش عشان هو ظابط و مجرب
                و باين كده من كلامكوا ان الواحد هيتظبط لما يدخل
                ربنا يستر
                محمود ابو السعود

                لا تقلق كثيرا بشأن الماضي / ولا تحمل هم الغد / الان هو حياتك عيشها

                Comment


                • #38
                  طبعا فيه مساوئ ... وفيه مزايا
                  انا اعرف ناس .... الجيش لهم علاج .... ما ينفعش يتربو الا في الجيش .... لو تشوفو العنجهية اللي بيتعامل بيها مع أمه وأبوه .... تقول ده لازم يدخل الجيش عشان يتربى
                  ....
                  وفيه ناس الجيش كان مجرد تضييع وقت وجهد وفلوس زي ما الزملاء قالو

                  لكن رأيي النوهائي ...
                  مزاياه اكثر من عيوبه في معظم الاحيان ...
                  على الاقل بيخلي الواحد يعرف قيمة اهله وبيته والحياة المدنية ...
                  اهم حاجة الجيش بيعلمها للناس ...
                  ان كل واحد ... فيه اللي اعلى منه
                  لما تشوف قائد الكتيبة وهو بيمرمط بالظباط بتوعة الارض .... وبعدين تلاقيه عامل زي الارنب قدام قائد اللواء ... وقائد اللواء كذلك مع القائد اللي اعلى منه ... مثلا
                  بتستوعب الحقيقة الكونية دي
                  كل شخص له رئيس ومرؤس ....
                  سبحان الكبير المتعال
                  [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                  [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                  [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                  Comment


                  • #39
                    المشاركة الأصلية كتبت بواسطة aif مشاهدة المشاركة
                    اهم حاجة الجيش بيعلمها للناس ...
                    ان كل واحد ... فيه اللي اعلى منه
                    لما تشوف قائد الكتيبة وهو بيمرمط بالظباط بتوعة الارض .... وبعدين تلاقيه عامل زي الارنب قدام قائد اللواء ... وقائد اللواء كذلك مع القائد اللي اعلى منه ... مثلا
                    بتستوعب الحقيقة الكونية دي
                    كل شخص له رئيس ومرؤس ....
                    سبحان الكبير المتعال

                    اختلف معك يا صديقي العزيز
                    الحقيقة دي مش كونية
                    دي دنيوية و عسكرية فقط
                    مش المفروض الواحد يتعلم "يطاطي" لرئيسه بل للرئيس الاحترام و الطاعة بدون كون الشخص "أرنبا"

                    لأن الرئيس يتابع العمل و المجهود فله الحق أن يجد عملا و مجهودا

                    وليس من حقه ان يري عينا مكسورة و رأسا مطأطأ

                    و للأسف اصبح هذا هو الحال في بلد عسكري الطبع كمصر
                    بلد يعمل بالهوى و المحسوبية و الثقة و مسح الجوخ
                    الجيش هو أحد فصول التدريب للشاب على هذه الطباع الذميمة في رأي

                    ارى ما ذكرته من المزايا أنه أحد أسوأ العيوب
                    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                    Comment


                    • #40
                      المشاركة الأصلية كتبت بواسطة moudy88 مشاهدة المشاركة
                      ياجماعه انا داخل على الجيش قريب وانا والله اكتئبت من اللي قريته ...بس عايز اعرف الاعضاء المحترمين اللي كتبوا تجاربهم ياريت يقولوا كانوا ضباط ولا عساكر ...يعني نسبه كام من المهندسين بيدخلوا ضباط او عساكر....وهل اللي بيدخل ضابط بيتهان زي اللي بيدخل عسكري...ياريت تقولولي علشان اعرف
                      أبعد عن حكاية الضباط بعد 3سنوات مرمطة وخدمة حا يظلوا يستدعوك ويمرمطوك لحد ما يوصل سنك ل46 سنة :K_crying[1]:
                      https://t.me/pump_upp

                      Comment


                      • #41
                        مع احترامي لكافه الاراء
                        بس جيش ايه يا جماعه
                        الله لا يعيدها ايام زفت زفت زفت
                        قهر و ظلم و تعسف و حكم النفس و التجبر و كميه مهوله من الحقد الطبقي و الاجتماعي
                        بيعلم الرجوله؟!!!
                        مع احترامي لاعضاء المنتدي ده بيعلم كافه الصفات التي لا تمت للرجوله بصله
                        كذب جبن خنوع سكوت عن الحق سرقه نميمه ....
                        الجيش مصنع الرجال؟!!!
                        انهو رجال دول؟
                        الجيش مدمر الرجال
                        للاسف
                        و اللي دخلو الجيش بس هما اللي يقدرو يتكلمو عنه و يوصفوه لاكن هيفضل الوصف غير معايشته كواقع كئيب مظلم
                        ياما كلاب الواحد بيعدي عليها في الخرابات كانت بتأمر و تنهي و تتسلط و منهم من هم اصغر سنا منك, و اولي كلماتهم الداله علي العقد و الحقد دكتور دي بره هنا انت عسكري جندي ( و اللي يغيظ انك لم تبدي اطلاقا ما يدل علي الاستعلاء بل انت اساسا مفزوع و محطم)
                        و انا بترحل انا و زمايلي و بعد ما نزلنا من القطر في وسط لا مكان كان علينا انا نمشي مسافه غايه في الاحترام بين تلال و مرتفعات رمليه علشان نوصل للطريق الاسفلت اللي هناخد منه اوتوبيس لمعسكر الترحيل, و طبعا كل واحد شايل مخلته بطريقته الخاصه, الصف اللي كان مرافقنا بصلنا و احنا ماشيين و قالنا كلمه في عمري كله يستحيل انساها مش لأهميتها بس لأنها خففت من معاناتي الشخصيه ساعتها, الراجل قلنا لو اهلكم شافوكو دلوقتي كده مكانوش جابوكم و فعلا مظنش انهم كانو جابونا

                        في الجيش و الكلام ده عن كل من قابلتهم اجمعو علي رأي واحد انهم في اشد حالات كره الوطن و لو اتيحت لهم الفرصه للانتقام مش هيترددو

                        الجيش بيعلمك تكره كل شيء
                        للاسف الشديد
                        معامله مش بس غير ادميه
                        دي محصلتش معامله الحيوانات

                        ياه
                        الجيش
                        الواحد محتاج علاج نفسي علشان ينسي
                        انا من مجرد كتابتي للسطور دي افتكرت كل حاجه و كأنها امبارح
                        ولا يوم ما تم القبض عليا و ركبت بوكس لأول مره في عمري, و اتاخدت من وسط الناس في الشارع و لما جيت اسئل الظابط عن السبب بعد ما اديته التحيه و بخاطبه بالاسلوب الميري كما انزل الاقي نهر و زعيق و سفاله

                        هي دي الخدمه الوطنيه؟
                        هو ده واجبي ناحيه الوطن؟
                        هي دي معامله الوطن ليا و انا سايب حياتي و دنيتي و رايح علشان اساهم في الدفاع عن ارض مصر؟
                        للاسف يا مصر
                        ده من كتر القرف اللي الواحد كان فيه كنا بنقعد ننكت ان العسكري المصري بيحارب ببساله علشان يهرب من الرجوع لوحدته تاني!!!!!

                        Comment


                        • #42
                          انا جبت واسطة علشان ابقى عسكرى

                          والحمد لله لانى كنت هرشق 3 سنين

                          بدل سنة وظابط الاحتياط بيشيل الطين

                          لمدة 3 سنين انما الجندى 12 شهر

                          ويعدو وكمان الكوسة بتبقى فعالة معاه
                          [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                          [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                          [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                          [/CENTER]
                          [/CENTER]
                          [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                          [CENTER] _______________[B]
                          [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                          [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                          [/CENTER]
                          [B][COLOR=Blue][B][SIZE=2]
                          اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                          _______[COLOR=Blue]_______________
                          [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                          Comment


                          • #43
                            اةةةةةةةةةةةةةةةةةةةةةةةة
                            فكرتونى بالايام الهباب والزحف على التراب
                            اوعى تخش ظابط لانك من الاخر هاتبقى عسكرى بدبورة على كتفك مالكش اى لازمة اى ظابط عامل يعنى خريج حربية ابن امبارح هايتنطط عليك وصدقنى ساعتها الدبورة الى على كتفك هاتوجعك وتنكد عليك وتقول الله مانا ظابط اهة اوعى تصدق الكلام دة يا عم
                            هاتلاقى نفسك بتجيب القبض بتاع الكتيبة وانت الى مسئول عنة وبطلع مع عربية التعيين علشان تصرف التعيين الجاف وتعيين الشهر وهاتبقى مرمطون احسنلك خش عسكرى وخلص نفسك
                            واهة بهدلة سنة ولا 3 سنين وياريت بقى لو تخش سلاح من بتوع الناس الواسطة يا ريت تكون مثلا الكعب عالى (القوات الجوية )
                            انا عن نفسى شايف انة معقول بس اوحش حاجة فية انك لو رحت لواء جوى مقاتل واتعملت مع الطيارين اوف اعوذب الله من دى معاملة بس مش مشكلة هاتعرف تبرمج الى حواليك باسلوبك انا عن نفسى كنت باتعامل بلاسلوب دة معاهم
                            وربنا معاك
                            وفى الاخر يا جماعة الجيش لا بيوحش ولا بيحلى الرك على الاصل هوة فعلا الواحد اتعلم حاجات زى الزفت كتير بس عادى كلة عدى
                            واهى تجربة وعدت
                            [SIZE=4]{سبحان الله وبحمده سبحان الله العظيم}[/SIZE]

                            [SIZE=4]sometimes in life you feel the fight is over and it seems as though the writing on the wall superstar you finally made it but ones your picture becomes tainted thats we call rise and fall[/SIZE]

                            Comment


                            • #44
                              [quote=mahora;675425]يا باشا الاقتراح ده معناه ان الجيش يتحول لجيش محترفين، مثل الجيش الامريكى مثلا، و لذلك من يدخل الجيش يعتبره career و ليس واجب مكره عليه، ويدخل الجيش بعقد و مرتب و مميزات...
                              quote]

                              الجملة دي فكرتني باعلان عن الجيش في التلفزيون كنت بشوفوا و انا في امريكا جايبين فيه مجندين سابقين و واحد بيقول انا الجيش علمني برمجة الكمبيوتر و التاني يقول ادارة الاعمال و التالت يقول الجيش ساعدني (ماديا) اني اكمل دراستي الجامعية. و لما بقارن الكلام دة باللي اتقال هنا قلبي بيتقبض و الله :K_crying[1]:

                              اللي مافيش حد قال انا اتعلمت ضرب النار حتي
                              Sharief Mansy شريف منسي
                              شكرا نايل موتورز
                              [SIGPIC][/SIGPIC]
                              Farewell my Cayenne, you were the best car i ever had and driven

                              Comment


                              • #45
                                المشاركة الأصلية كتبت بواسطة newhansol مشاهدة المشاركة
                                اةةةةةةةةةةةةةةةةةةةةةةةة
                                فكرتونى بالايام الهباب والزحف على التراب
                                اوعى تخش ظابط لانك من الاخر هاتبقى عسكرى بدبورة على كتفك مالكش اى لازمة اى ظابط عامل يعنى خريج حربية ابن امبارح هايتنطط عليك وصدقنى ساعتها الدبورة الى على كتفك هاتوجعك وتنكد عليك وتقول الله مانا ظابط اهة اوعى تصدق الكلام دة يا عم
                                هاتلاقى نفسك بتجيب القبض بتاع الكتيبة وانت الى مسئول عنة وبطلع مع عربية التعيين علشان تصرف التعيين الجاف وتعيين الشهر وهاتبقى مرمطون احسنلك خش عسكرى وخلص نفسك
                                واهة بهدلة سنة ولا 3 سنين وياريت بقى لو تخش سلاح من بتوع الناس الواسطة يا ريت تكون مثلا الكعب عالى (القوات الجوية )
                                انا عن نفسى شايف انة معقول بس اوحش حاجة فية انك لو رحت لواء جوى مقاتل واتعملت مع الطيارين اوف اعوذب الله من دى معاملة بس مش مشكلة هاتعرف تبرمج الى حواليك باسلوبك انا عن نفسى كنت باتعامل بلاسلوب دة معاهم
                                وربنا معاك
                                وفى الاخر يا جماعة الجيش لا بيوحش ولا بيحلى الرك على الاصل هوة فعلا الواحد اتعلم حاجات زى الزفت كتير بس عادى كلة عدى
                                واهى تجربة وعدت
                                100*100 مضبوط
                                https://t.me/pump_upp

                                Comment

                                Working...
                                X