للناس إللي بيقروا كتب بس

[ecybrarian]

انا عارف إن كلمة كتب في العنوان هاتخللي عدد مشاهدات الموضوع ده قليل ..ده غير إن البعض إللي لسه بيقرا عارف الكلام الجاي..لكن برضه هاقوله يمكن لسه في حد ما يعرفش.

جوجول أكبر مكتبة في العالم. لو بتدور على النص الكامل لكتاب أو مجلة..بالموضوع أو بالعنوان أو بالمؤلف...إلخ ادخل على http://books.google.com/books بدون download

لو بتبحث عن كتب عربي أو مخطوطات ادخل على

http://www.al-mostafa.com/

[مدحت منيب]

شكرا جزيلا

[islamnabil]

جزاك الله خيرا

[Imhotep]

جربت شوية كتب متخصصة و لقيتها، لكن فى كتب ليست منشورة و تتطلب الشراء مثل كتاب How to Win Friends and Influence People ل
Dale Carnegie
وده لانه توجد درجات من الpreview او لا توجد، لكن بشكل عام خدمة مميزة.

[SHNORY]

للاسف كل الاجيال الجديده معندهاش حب القرائه والمعرفه
ودلوقتي مع زحمه الحياه وغلو الاسعار فبرصه الواحد مقصر مع نفسه
في القرايه
زمان وانا صغير كنت بروح معرض الكتاب اشتري بكل فلوسي كتب
وبعد كده ادخل علي معرض الكتب المخفضه كنت بلاقي فيها كتب وروايات ومجلات
ادبيه ال 10 بجنيه وال 15 بجنيه الم منهم علي قد ما اقدر ادفع واشيل
واقعد اقراء فيهم لحد السنه اللي وراها
كانت ايام جميله وكان الفضل لاهالينا في تشجيعهم لينا علي القرايه
جزاك الله خيرا وجعله في ميزان حسناتك

علي فكره يا جماعه الكتب في موقع المصطفي مش شرط انك تقراها علي الموقع انا جربت اعمللها داون لود ونزلت تمام

[Abdo_Eldesokey]

أنا فعلا ً وصلت لموضوع Google Books ده من قريب ... بس القراية على الكومبيوتر تقصف العمر فما بالك أونلاين كمان ... يا ريت يبقى فيه داونلوود للكتب حتى لو باشتراك شهري

[lordnykon]

ألف شكر على الخدمة الرائعة دى يا ecybrarian

[Sameh]

صفحة جوجل ممتازة ، بس للأسف ماينفعش غير بريفيو صفحة صفحة

الموقع العربى ممتاز وبينزل pdf مباشرة

[yehia]

أعتقد Google Books ده هو اللى خلى كتاب كتير فى أنحاء العالم يرفعوا علي Google دعاوى فيما يتعلق بالمساس بحقوق الملكية الفكرية الخاصة بمحتوى هذه الكتب والمجلات ... ومؤخرا اتفقوا جميعا على عمل تسوية ودية مع Google واتنشر عنها تنويهات عديدة فى الجرائد المصرية عشان أى مضرور فى مصر من نشر محتويات مؤلفه يقدر ينضم ليها لو عايز

[eng.octooo]

للاسف كل الاجيال الجديده معندهاش حب القرائه والمعرفه

انا عندى لسة 18 سنة وبحب الكتب لانها بجد تحفة يعنى لو مسافر الطريق كلة باقضية قراية الوقت بيروح معاها زى الصاروخ

[Moh.Abdelbaset]

أستأذنك أضبف موقع فيه أخر اخبار الكتب الأجنبية ورأي الناس فيها

http://www.goodreads.com/

[itsonlyme]

أستأذنك أضبف موقع فيه أخر اخبار الكتب الأجنبية ورأي الناس فيها
http://www.goodreads.com/

Good Reads هو موقع رائع للمهتمين بالكتب. هو أقرب ل Facebook ولكن للكتب. بمعنى أنه موقع اجتماعي يمكن أن تتطلع على آراء الغير عن مختلف الكتب وتكون صداقات مع من يشاركون اهتماماتك وتتبادل معهم اقتراحات القراءات.

بس طبعاً الكتب نفسها ليست موجودة على الموقع. مجرد نبذة عن الكتب.

يا ريت يا جماعة اللي بيحب القراءة يحاول على أد ما يقدر يشتري الكتب بدل تحملها من على الانترنت.
المؤلفين في الغالب مش بيكسبوا كتير من الكتب (خصوصاً المؤلفين العرب) ومحتاجين دعم القارئ.

على فكرة، مؤلفة سلسلة هاري بوتر هي أول مؤلف أو مؤلفة يصبح ملياردير من الكتابة :)