لو ليك في الطيارات الهليكوبتر اللعبة ادخل...

[Casio2000]

السلام عليكم

قبل كل حاجة عشان يبقى واضح

الموضوع دا مش موضوع تجاري ولا بيع و شرا و كدا

بأختصار لو حد غاوي الطيارات الهليكوبتر اللعبة الصغيرة (Indoor) زي كدا ممكن نجمع ونجيب من برة سوا

التكلفة حاتبقى النص تقريبا عن ما لو جبت واحدة بس زي مانا عملت كدا

دي اللينك اللي انا ناوي عليها
http://www.thinkgeek.com/geektoys/rc/a75e/

انا دي بالنسبالي حاتبقى تاني مرة اجيب من نفس المكان عشان كدا ضامنهم

التكلفة الاكتر بتبقى الشحن و الجمرك و دول اللي بيخلوا التكلفة تنزل النص لو جبنا 10 مثلا.

ما رأيكم دام فضلكم؟

[Hacker5]

مع انى عندى 20 سنة بس بموت فى الالعاب الحربية و العربيات و الطائرات
انا شوفت واحدة زيها فى هايبر كانت بـ 195 جنيه و بطير برضو

لكن اللى حضرتك بتقول عليها دى بكام يا باشا ؟ يعنى هاتوقف بكام بالشحن و لو عليها جمارك و كدة؟
لو هاتوقف أرخص من اللى شوفتها فى هايبر يبقى انا اول واحد معاك يا باشا و هاحجز واحدة العب بيها :)

[elpasha009]

أولا إن شاء الله تلاقي العدد المطلوب وتجيبوا بالتخفيض.
أنا بس كنت عاوز أقولك إني السنة اللي فاتت كنت في الإمارات وكانت الطيارات ديه لسه طالعة موضة وإشتريت واحدة طبعا زي اللي في الموقع بالظبط ب200 جنيه مصري وفعلا هي ممتازة وكل حاجة بس عاوزة حرص شديد جدا عن الهبوط لأن البلاستك بتاعها مش قوي.
تاني حاجة كان فيه محل متخصص في بيع الطيارات ديه شوفت إعلانه في الوسيط قبل ما أسافر في شهر 12 اللي فات وكان مكانه في 6 إكتوبر.
لو لقيت المحل ده وأسعاره أغلى 100 جنيه مثلا ولا حاجة يبقى تشتري منه أحسن لأن شحن الحاجات ديه من بره لحد مصر مش سهل وممكن تكسر وهي جايه.

[Hussein_Ramdan]

مش دى زاى بتاعيت غتت دايما بتاع بتاع كورمبو
ممكن تقول القيمة كام
وطريقة الدفع هل معا الاستلام وولاة قبل

[Hussein_Ramdan]

اعمل حسابى فى واحدة لو الدفع معا التسليم

[Hacker5]

مش دى زاى بتاعيت غتت دايما بتاع بتاع كورمبو
ممكن تقول القيمة كام
وطريقة الدفع هل معا الاستلام وولاة قبل

اسمة تملى غتيت مش غتيت دايما

[pro_samir]

حلوة الصراصير دى

http://www.thinkgeek.com/geektoys/rc/a427/

لو عندهم حاجة زيها كبيرة شوية كانت تبقى جامدة

[Abdo_Eldesokey]

انت جربت الطيارة دي يا باشا ولا منتج تاني للشركة ؟؟

[Casio2000]

ما شاء الله - الردود مشجعة

انا حاحاول ارد على كل الاسئله

- الطيارة دي خصوصا اللي انا حاطط اللينك بتاعها انا جربتها و المرة دي حاتبقى تاني مرة ليا اجيبها هيا نفسها

- لازم يبقى واضح يا جماعة انها ل (Indoor) يعنى جوا البيت بس او المكتب و مايكونش في اي تكييف شغال او مروحة

- الطيارة صغيرة جدا, في حجم الكف كدا زي ماهو باين في الصورة بس ممتعة جدا

- الميزة اللي عاجباني في الموديل دا خصوصا انه 3CH يعني تقدر تتحكم فيها في 3 اتجهات امام-خلف , فوق-تحت , دوران حول المحور يمين-شمال

- انا رحت المحل المتخصص دا و اتهبلت عالحجات اللي عندهم بس الموديلات اللي لاقيتها كانت كلها كبيرة لل (Outdoor) و كانوا بكذا الف ولازم تاخدلهم كورس تدريبي قبل ماتعرف تطيرهم
و مرة كان عندهم موديل صغير زي دا بس كان ب 1200 جنيه و كان خلصان
لكن الصراحة ناس متخصصين جدا جدا و زباينهم من الهواه اللي بيصرفوا جامد علي الهوايه
لكن انا عاوز حاجة تكون سهلة في الطيران و جوا البيت و الموديل دا كان كدا فعلا

- الطيارة لو حاتطلبها لوحدك حاتدفع اجمالي تقريبي (شحن و جمارك و كل حاجة بس انت مالكش دعوة بأي اجراءات, شركة الشحن بتخلص كل حاجة) حوالي $70 + 280 جنيه يعني حوالي 650-700 جنيه لكن لو حانجيب عدد (حتى لو 4 بس المهم مايبقاش قطعة او قطعتين) تلاقي التكلفة نزلت تقريبا النص 380-400 "تقريبي - انا كدا كدا حاقسم التكلفة بالضبط عالعدد"

-مش عارف انا كدا غطيت الاسئلة كلها تقريبا

- ايوة, اخر حاجة, انا جربت كذا موديل من اللي بيتباعوا فى محلات زي Toys-R-us و كانوا مش غاليين و اكبر حجما لكن فعلا كانت فلوس في الارض, و مرميين عندي في البيت مكسوف حتى اطلعهم هدية فا مافيش مقارنة خالص في التحكم و الاتزان بين دول و دي

من الاخر دي ياجماعة اصغر طيارة هليكوبتر professional "على فكرة لو مش عاوز تبوظ منك لازم تتدرب عليها بالراحة شوية في الاول"

- انا كدا كدا حابقى اشارك شوية نصايح للي حايجيبوها معايا ازاي يتقنوها بسرعه و ازاي يحافظوا عليها

- الدفع عند الاستلام و حاكتفي من اللي يعوز انه يحجز بشكل واضح هنا في المنتدى (كلام رجاله يعني)

- ارجوا يا جماعة يبقى واضح ان مش بتاجر انا من الاخر حاجيب لنفسي و بقول لو حد عاوز اجيبله معايا - أرجوا اكون وضحت قصدي منعا لاي احراج

[Casio2000]

انا اسف قصدت اني رحت محل متخصص في مدينة نصر مش اللي في اكتوبر بس ماعرفتش أغير في الرد اللي قبل دا على طول

[A_H_M_A_D]

أنا عايز أقول حاجه
أنا شوفت واحده زيها نفس الشكل بالريموت بتتباع عند المحل اللي تحت بيتي
بس خامتها كانت حاجه عامله زي الفل (بكسر الفاء) اللي بيتحط في الكراتين , و البياع قاللي دي أحسن من البلاستيك عشان تبقى خفيفة و ماتتكسرش و هي نازلة
المهم إن سعرها كان 125 جنيه
بس الصراحه هي كانت صناعه صيني و تقفيلها مش قد كده

[passat]

السعر فالموقع 30 دولار فقط وليس 70 ؟؟؟؟؟؟

[أبو إياد]

بسم الله ماشاء الله
وانا صغير كان حلمى اجيب عربيه بالريموت

[Casio2000]

70$ = سعر الطيارة + الشحن "قي حالة طيارة واحدة"
تقدر تمشي قي الخطوات لحد فبل الدفع و اختار مصر عشان يحسبلك الشحن

ال 280 جنيه الزيادة كانوا جمرك + تخليص و حصلتهم سركة الشحن لما استلمت

[Sameh]

شكلها جميل ، بس هتزهق منها بسرعة !