الرسوم القضائية

[ahmedsrs]

فى موضوع مهم جدا شغال اليومين دول وهو موضوع الرسوم القضائية . انا بس كنت عاوز اقول حاجة على الموضوع ده طبعا مفيش حد مننا متعرضش لمشكلة واضطر يدخل محكمة ويتعامل مع السادة المحامين الا وقابلته موضوع مغالة المحامى فى الرسوم القضائية بشكل كبير جدا وطبعا الى مش شغال فى مجال القانون بيبقى مش فاهم حاجة يعنى لما المحامى يطلب منه 1000 جنيه رسم مش عارف ايه بيدفع وهو صاغر وده لخوفه من تقصير المحامى فى القضية . انا بقول الكلام ده لأنى اضطرت اعمل قضية صحة توقيع من حوالى 6 شهور واتعاب المحامى كانت الف جنيه وخد منى رسوم 2000 جنيه ولما طلبت منه ايصالات السداد زعل جدا .وبعد كدة اكتشفت انه كان بيغالى فى الرسوم فعاوز اعرف ايه انسب الطرق لتجنب حصول تلك المواقف

[أحمد سالم]

فعلا موضوع مغالاة المحاميين ده مشكله كبيره
غير ان فى بعض المحاميين مش الكل طبعا
من معدومى الضمير اللى ممكن يبيعو موكلهم للخصم
انا مره كنت جايب محامى يترافع عنى فى قضيه وكنا متفقين على الاتعاب واحنا فى المحكمه يوم الجلسه طلب منى 50 جنيه دمغات
واكتشفت بعد كده ان الدمغات دى ب 4 جنيه بس
المشكله مش فى المحاميين بس تعالى كمان شوف لما الواحد بياخد حكم بالبراة ويجى بقى يطلع من المحكمه وعايز يعمل شهاده بالبراة وياخد بطاقته من حاجب المحكمه او الكاتب
هتلاقى كل اللى ممكن يقدم لك خدمه هناك يقولك هات الحلاوه وطبعا ماينفعش ولا 5 ولا 10 جنيه لانه هيرجعها لك
حتى العسكرى لو احتجت تاكل او تشرب مش هيخلى اى حد يوصل ليك من غير الحلاوه وياسلام بقى لو حبيت تروح للحمام سوا كنت فى حجز المحكمه او حجز القسم او حجز النيابه لازم تدفع دم قلبك
وكأننا فى سجن ابو غريب
ربنا يرحمنا

[ahmedsrs]

فعلا ياستاذ احمد فى مشكلة ثقة بين الموكل والمحامى لعدم شفافية اغلب المحامين فى موضوع الرسوم والحاجة الغريبة انهم عاملين مظاهرات على ايه مش عارف همه كده كده بيغالوا فى الرسوم وبيرفضوا يجيبوا ايصالات السداد من خزينة المحكمة لما الموكل يطلبها .

[mohmd76]

عاوزين الحكومة تصرف من اين وهى لا تجد اى احد تاخد منه فلوس













عايزينها تسرق ؟

[D . a .\ AYMAN]

فى موضوع مهم جدا شغال اليومين دول وهو موضوع الرسوم القضائية . انا بس كنت عاوز اقول حاجة على الموضوع ده طبعا مفيش حد مننا متعرضش لمشكلة واضطر يدخل محكمة ويتعامل مع السادة المحامين الا وقابلته موضوع مغالة المحامى فى الرسوم القضائية بشكل كبير جدا وطبعا الى مش شغال فى مجال القانون بيبقى مش فاهم حاجة يعنى لما المحامى يطلب منه 1000 جنيه رسم مش عارف ايه بيدفع وهو صاغر وده لخوفه من تقصير المحامى فى القضية . انا بقول الكلام ده لأنى اضطرت اعمل قضية صحة توقيع من حوالى 6 شهور واتعاب المحامى كانت الف جنيه وخد منى رسوم 2000 جنيه ولما طلبت منه ايصالات السداد زعل جدا .وبعد كدة اكتشفت انه كان بيغالى فى الرسوم فعاوز اعرف ايه انسب الطرق لتجنب حصول تلك المواقف

بصراحة أنت كده اتنصب عليك بطريقة غير طبيعية إستحالة ومهما كانت دعوى صحة التوقيع إن الرسوم والدمغات بتاعتها ولو فيها عفاريت يبقى بالعفاريت بتاعتها كمان إنها توصل حتى لنص المبلغ ده

إيه الكلام ده 1000 جنيه والفين جنيه رسم ده حتى القانون الجديد اللى بيناقشوه دلوقتي موصلش لكده

وطبعا لازم حتما ولابد تشوف الإيصال بتاع الرسوم دي مافيش أي فلوس بتدخل خزينة المحكمة إلا لما بيطلع بيها إيصال حكومى (ألأحمر الصغير ده ... زي بتاع رسوم الترخيص في المرور كده)

ومافيش حاجة إسمها يزعل ولا يطق حتى ... الحق مايزعلش الإتفاق على الأتعاب لازم يكون مكتوب أما الرسوم مش من حقه ياخد أكتر من قيمتها

ده هو كده واخد رسوم أكتر من اللى البلد واخداه بعشر مرات مثلا

[powerofhelll]

ده اليومين دول بيطلعوا قوانين غريبه