ايه انطباع الناس عنك ؟؟

[sendrella]

السلام عليكم و رحمة الله و بركاته
يارب تكونوا بخير جميعا

كل واحد فينا ليه شخصية مختلفة عن التاني
و في سمات في شخصية كل واحد فينا بتكون بارزة اكتر
و بتبقى هي دي السمة او الصفة الغالبة على شخصيته
و اللي ممكن من خلالها تقدر الناس تحكم عليه
طيب .. شرير .. طموح .. كسلان .. معقد .. متفتح ..
هادي .. عصبي .. متهور .. متريث .. ........... الخ

انت بقى ايه الصفة الغالبة على شخصيتك
و ايه انطباع الناس عنك فعلا ؟

و يا ترى كل واحد انطباع الناس عنه صحيح و لا لا

لو الناس انطباعها عنك انك طيب .. يا ترى انت فعلا كدة ؟ ولا ده ظاهريا بس

يعني انا مثلا انطباع الناس عني اني قوية جدا ( مفترية بمعنى اصح )
انا يمكن بس مبحبش اظهر ضعيفة و ده خلاهم يعتبروني كدة
و في انطباع كبير عند الناس اللي مش قريبة اوي مني اني متكبرة و مغرورة
بس الانطباعات دي غلط تماما و بنسبة 100 %
و انا شايفة ان الانطباع اللي عند الناس و حقيقي هو انطباع العند و العصبية

طب و انتوا بقااااااااااااااا

يا ترى ايه انطباع الناس عنكم ؟ ..
و هل الانطباع ده حقيقي ولا لا ؟؟

[mohmd76]

وبعدين هاتودينا العباسية ولا ايه ههههههههههههههه


الرد محتاج تفكير لان ما سيكتب نتاج تفكير لمن اراد ان يقول الحقيقة

اولا يوجد اختلاف رهيب بين السمات الشخصية للفرد وانطباع الناس عن الفرد
لان ما نملكه من صفات تكون حقيقه واقعيه بنسبة كبيرة وصادقه
اما انطباع الناس فتكون صورة هو يراها فقط
وكل فرد له رؤية تختلف من فرد الى اخر

انا هابتدى بنفسى
ابدوا هادى جدا وطيب ووديع هذه صورتى عند الناس
اما بداخلى اتمنى فاس وكوريك لازيح كل شىء مفسد وسىء فى طريقى
لدرجة انى اقوم بالليل وامام بيتنا الخاص وامسك مقشة جريد وانظف امام البيت واحرق القمامة واتمنى حرق من يرمى زبالة امام بيتنا
هذه واحدة واترككم الان

[أبو إياد]

اكتر صفه الناس وخداها عنى وانا فعلا كده هى الامانه فى اى شىء
فى المال فى الصداقه فى السر فى النفس فى اى شىء وكلمه الحق ماعرفش اقول غيرها وياما ودتنى فى داهيه وزعلت ناس منى بس ده طبعى ومش هاغيره



انا صح

[marsguy]

في مقوله بتقول" what people think about you could be very different than what you think they think about you."

أعتقد لو كل واحد فينا مثلاً طلب من كل معارفه إنهم يكتبوا رأيهم فيه في ورقه ومن غير ما يكتبوا أساميهم عليها، أعتقد إن الواحد هايستغرب أوي في كتير من الحالات.

[أشرف العدوي]

الناس بتشوفني مغرور علشان مش بتكلم كتير مع حد
بس ده مش غرور خالص
كمان الحمد لله بيعروفوا اني طيب و دمي خفيف و معظم الناس بتثق فيا في فترة قليلة من بداية التعارف

[Busquets]

بحس إن الناس بتشوفني رخم جداً
عشان أنا مش بتكلم كتير وباخد عل ناس بصعوبة جدا

[ابو فرح]

انى منطوى عشان مبكلمش حد اكتر من السلام بتاع ربنا

[sendrella]

اكتر صفه الناس وخداها عنى وانا فعلا كده هى الامانه فى اى شىء
فى المال فى الصداقه فى السر فى النفس فى اى شىء وكلمه الحق ماعرفش اقول غيرها وياما ودتنى فى داهيه وزعلت ناس منى بس ده طبعى ومش هاغيره



انا صح

انت منتهى الصح يا استاذ محمد

اهم صفة فعلا هي ان الانسان يكون امين

و يكفي انها صفة من صفات سيد المرسلين الصادق الامين

بسم الله ما شاء الله عليك

استمر حتى لو الناس زعلت منك و ربنا هيوفقك ان شاء الله

[sendrella]

في مقوله بتقول" what people think about you could be very different than what you think they think about you."

أعتقد لو كل واحد فينا مثلاً طلب من كل معارفه إنهم يكتبوا رأيهم فيه في ورقه ومن غير ما يكتبوا أساميهم عليها، أعتقد إن الواحد هايستغرب أوي في كتير من الحالات.

حلوة اوي اوي اوي فكرة الورقة يا marsguy

بجد جامدة جدااااااا

بفكر اعملها

[eng.octooo]

انا اكتر حاجة الناس واخدها عنى الطيبة والسذاجة والرجولة ودة الى انا باظهرة للناس بس فى حقيتى انا مش طيب اوى يعنى ولا ساذج خالص _مبحبش ازعل حد منى ) والرجولة موجودة بس مع الى احس نة راجل معايا

[blazer]

حلوة اوي اوي اوي فكرة الورقة يا marsguy

بجد جامدة جدااااااا

بفكر اعملها

علمنا الفكره دى فى الكليه
وطلعت فضااااااااايح

[blazer]

انطباع الناس عنى انى طيب هو انا صحيح طيب بس بمزاجى
يعنى احيانا ممكن حد يدايقنى و اعديهاله بس بمزاجى ممكن الناس تفتكر ان دا ضعف مثلا انما هو نوع كدا من التصالح مع الذات (بقول كلام كبير مش كدا !!)
يعنى انا عارف انى ممكن اعمل اللى انا عاوزه و اخد حقى مثلا بس ليه انا اكبر دماغى واروق الجمجمه
سعات مخى بيبقى صغير فى حبه حاجات كدا بعند فيها
انسان أمين والحمد لله

[pro_samir]

مش هقول غير حاجة واحدة بتضايقنى جدا
بيقولك الأنطباعات الأولى تدوم
انا بقى بيحصل معايا العكس فى أحيان كتير

يعنى اما اكون فى مكان أو وسط مجموعة اول مرة نتقابل او نتعرف دايما يفتكرو انى قرفان منهم وانى شايف نفسى بقى والحركات دى

وبمجرد ما نقعد مع بعض وقت بسيط جدا الاقيهم بيقولولى على فكرة احنا كنا فاكرينك كذا وكذا ويقعدو يضحكو هههه


مع انى محترم ومؤدب ومهذب وجنتل ودمى خفيف ومتدين وناجح وسريع البديهة و وسيم وعنيا خضرا
وأهم صفة فيا هيا التواضع

بس بقيت احاول اخد بالى من الموضوع دة لما اكون بتعرف على ناس جديدة

[wkisho2005]

في مقوله بتقول" what people think about you could be very different than what you think they think about you."

أعتقد لو كل واحد فينا مثلاً طلب من كل معارفه إنهم يكتبوا رأيهم فيه في ورقه ومن غير ما يكتبوا أساميهم عليها، أعتقد إن الواحد هايستغرب أوي في كتير من الحالات.

+11111111111111

[Rembrandt]

انا هابتدى بنفسى
ابدوا هادى جدا وطيب ووديع هذه صورتى عند الناس


هذه واحدة واترككم الان

اكتر صفه الناس وخداها عنى وانا فعلا كده هى الامانه فى اى شىء
فى المال فى الصداقه فى السر فى النفس فى اى شىء وكلمه الحق ماعرفش اقول غيرها

كمان الحمد لله اني طيب و دمي خفيف و معظم الناس بتثق فيا في فترة قليلة من بداية التعارف

انا اكتر حاجة الناس واخدها عنى الطيبة والسذاجة والرجولة ودة الى انا باظهرة للناس _) والرجولة موجودة بس مع الى احس نة راجل معايا

انطباع الناس عنى انى طيب هو انا صحيح طيب بس بمزاجى

مع انى محترم ومؤدب ومهذب وجنتل ودمى خفيف ومتدين وناجح وسريع البديهة و وسيم وعنيا خضرا
وأهم صفة فيا هيا التواضع

guys really im so proud