مبسووووووووط فى شغلك ؟؟؟؟؟؟؟؟؟؟؟؟

[rockana9112007]

اخوانى فى المنتدى الكريم انا اخوكم احمد شاب عندى 26 سنة بصراحة ربنا حمااااااار شغل .ايوة حماااار شغل هيااا دى الحقيقة وساعات كتير باجى على نفسى علشان الشغل .بس بصراحة ربنااااا ساعات بتعب نفسيااااا لماااا اشوووف زمايلى مبيشتغلوش وبيتسقف لهم ويتهلل عشان ولاد المدير الفلااانى وقرااايب المسؤول العلاانى وانا من اقل غلطة ينصبولى المحاكم
طبعااا كل ماأفكر اسيب الشغل واقول الرزق دة بتاع ربنااا ترجع تانى نفسى تقولى ان دة انهزاام وانسحاب واية اللى يضمنك ان الشغل اللى بعد كدة هتستريح فية ما كل شغل ولة قرفة المصيبة بقى ان ليااا مدير قارفنى اخر قرف ومزهقنى وشغاللى فى الازرق وعمرة ماحسسنى انى بنى أدم او ليا لازمة .بصراحة ربناااا ساعات بفكر انى
ورجع اقول الواحد لازم يستحمل يمكنربنااا يفرجهااا من عندة
أسف انى طولت عليكم بس حبيت اعرف تجاربكو فى مجال العمل وياريت تجاوبو على الاسئلة دى
1-هل انت سعيد فى عملك ؟؟؟؟ لو لأ بتتعايش مع الموضوع ازاى ؟؟؟
2-بتتعامل مع الضغوووط فى الشغل ازاى ؟؟؟؟؟
3-بتتعامل مع مديرينك ازاى ؟هل بترضيهم (اربط الحمار مطرح مايقول صاحبة )ولا بتعارضهم ؟
4-اية احسن طريقة بتتعامل بيهااا مع ذو الوجهين والمنافقين وكلاب السلطة ؟؟؟؟؟
ياريت تحكولنا عن تجاربكم وخبراتكم الحياتية علشان نستفيد
خالص تحياتى للجميييييييييع

[hesham_shousha]

أعتقد إنك تعمل فى شركه قطاع عام لأن اللى بتحكى عنه ده سمه القطاع العام وأنا جربته لما كنت فى سنك ( عندى 44 سنه الحمد لله ) وتركت القطاع العام بعد تجربه دامت 5 سنوات وبحمد ربنا كتير جدا انى تركت العمل فى القطاع العام ( وكنت على فكره متثبت و إستقلت )
فى القطاع الخاص وجدت طبعا حاجات تانيه إن قيمتك بعملك وليس بخفه دمك أو قرابتك لأى حد
والتنقل بين الشركات بتعطى للإنسان ميزه كبيره وفرصه للإحتكاك بناس تانيين وأفكار جديده وإكتساب خبره فى مختلف أساليب العمل فلا تخاف منها وأحب أقولك أن معظم المهندسين الناجحين ( إن ماكانشى كلهم ) كثيرى التنقل بين الشركات لحصولهم دائما على عروض عمل أقضل
فنصيحتى لك أن تدور على عمل جديد ولا تخاف أبدا من التنقل بين الشركات طالما الهدف منها هو تحسين مستواك سواء المادى أو الفنى ولازم تاخد موضوع التنقل ده ( هوايه ) يعنى إشتغل فى شركه سنه وبعدين دور على شركه ثانيه بمرتب أحسن - هتفرق معاك كتير - وأرجع أقوللك إن المهنسين فى القطاع الخاص كلهم كدا ( لحد سن معين ) وربنا يوفقك

[rockana9112007]

شكرااا جزيلاااا يابشمهندس على نصيحتك .هو فعلااا تخمينك كان قريب من الصح هيا شركة كانت قطاع عام واتخصخصت بس فيها فكر (حمار يشتغل وحصان ياكل ).بس انا اسمع ان كتر التنقلااات فى الشركات يعتبر مش ميزة كويسة للشخص .
خالص شكرى

[hesham_shousha]

شكرااا جزيلاااا يابشمهندس على نصيحتك .هو فعلااا تخمينك كان قريب من الصح هيا شركة كانت قطاع عام واتخصخصت بس فيها فكر (حمار يشتغل وحصان ياكل ).بس انا اسمع ان كتر التنقلااات فى الشركات يعتبر مش ميزة كويسة للشخص .
خالص شكرى

كثره التنقلات حاجه عاديه اليومين دول ومالهاش علاقه بالسمعه لكن ماتسيبشى اى شركه الا لما تشتغل فيها سنتين على الاقل لو غيرت شركه كل 6 اشهر مثلا كده يأثر فعلا على سمعتك لكن لو كل سنتين يكون الموضوع عادى جدا

[abouelmaggd]

أعتقد إنك تعمل فى شركه قطاع عام لأن اللى بتحكى عنه ده سمه القطاع العام وأنا جربته لما كنت فى سنك ( عندى 44 سنه الحمد لله ) وتركت القطاع العام بعد تجربه دامت 5 سنوات وبحمد ربنا كتير جدا انى تركت العمل فى القطاع العام ( وكنت على فكره متثبت و إستقلت )
فى القطاع الخاص وجدت طبعا حاجات تانيه إن قيمتك بعملك وليس بخفه دمك أو قرابتك لأى حد
والتنقل بين الشركات بتعطى للإنسان ميزه كبيره وفرصه للإحتكاك بناس تانيين وأفكار جديده وإكتساب خبره فى مختلف أساليب العمل فلا تخاف منها وأحب أقولك أن معظم المهندسين الناجحين ( إن ماكانشى كلهم ) كثيرى التنقل بين الشركات لحصولهم دائما على عروض عمل أقضل
فنصيحتى لك أن تدور على عمل جديد ولا تخاف أبدا من التنقل بين الشركات طالما الهدف منها هو تحسين مستواك سواء المادى أو الفنى ولازم تاخد موضوع التنقل ده ( هوايه ) يعنى إشتغل فى شركه سنه وبعدين دور على شركه ثانيه بمرتب أحسن - هتفرق معاك كتير - وأرجع أقوللك إن المهنسين فى القطاع الخاص كلهم كدا ( لحد سن معين ) وربنا يوفقك

ربنا يريح قلبك ، انا شغال فى شركة قطاع خاص و الله مفيييييييييييييييش اى تقدير ، اوقات شغل يوم الجمعة ـ تعمل اللى عليك و اللى مش عليك و للاسف كنت بعمله و انا مبسوط و عن طيب خاطر بس المشكلة بمرور الوقت اصحاب الشغل بقوا يعتبروه اجبارى عليك بجد انا مش طايق الشغل :(

[pro_samir]

أظن ان مفيش حد مرتاح فى شغلة اصلا الا حالات ناااادرة

[Ahmed_Elkhateb]

بصراحة ربنا حمااااااار شغل .
2

ارجو من الأداره تصحيح هذه العباره انا عراف انك متقصدش بس ارجو تصحيها فى اسرع وقققققت

[Ahmed_Elkhateb]

تجاربكو فى مجال العمل وياريت تجاوبو على الاسئلة دى
1-هل انت سعيد فى عملك ؟؟؟؟ لو لأ بتتعايش مع الموضوع ازاى ؟؟؟
انا الحمد لله سعيد لآن هيا ديه الفرصه الوحيده فا لازم الواحد يبقى سعيد وعلى رأى احمد حلمى حب ما تعمل حتى تعمل ما تحب
2-بتتعامل مع الضغوووط فى الشغل ازاى ؟؟؟؟؟
بخدها بكل بساطه وبحاول اركز فيها وانجزها
3-بتتعامل مع مديرينك ازاى ؟هل بترضيهم (اربط الحمار مطرح مايقول صاحبة )ولا بتعارضهم ؟
طبعا برضيهم لآن هما دول بعد ربنا طبعا هيخلوك تترقى وهيظبطوك وبلاش كلمة اربط الحمار والكلام ده .ده شغلك ولازم تقوم بيه وسورى محدش فينا هيفهم اكتر من المدير بتاعو والا مبقاش مدير
4-اية احسن طريقة بتتعامل بيهااا مع ذو الوجهين والمنافقين وكلاب السلطة ؟؟؟؟؟
انا باخد كل واحد على اد دماغو
ياريت تحكولنا عن تجاربكم وخبراتكم الحياتية علشان نستفيد
هو طبعا انا مليش خبره اووووووووى بس المثل ده فعلا حقيقه والله (حب ما تعمل حتى تعمل ما تحب ) واوعى تزهق ابدا من الشغل علشان مفيش حل تانى
يقلك مصر فيها بطاله انا فى رأى مش اوى علشان فى ناس كتير عاوزه تشتغل الشغل اللى على مزجها لو كل واحد عاوز يشتغل الشغلانه اللى تريحو كان زمنا كلنا بقينا مديرين ورؤسا وكده

خالص تحياتى للجميييييييييع

وشكرا ليك موضوع جميييييييل

[rockana9112007]

على فكرة ياجماعة انا شغال فى شركة قطاع خاص مش عام
بس بلاحظ انهم بيتفننو انهم يكرهونا فى الشغل وتلاقى بعد كل انجاز او اخلاص فى العمل كلام من نوعية (دة اصلااا شغلك انتا معملتش حاجة زيادة )وبدل مايشجعوك لاااا دول بيهددووووك يعنى داااايماااا تلاااقى العصاية ومفيش جزرة .ودايماااا التعليمات جاية بصيغة لو معملتش كذاااا وكذااااا وكذااااا وكذاااا ومقدمتش كذاااا وكذااااا ولو اتأخرت فى كذااا وكذااا خصم 50%من المرتب وجزاء 10 ايام وحرمان من اية واية .دايماااا العقااااب جاهز بس مفيش حاااافز خااالص وانا بتكلم حتى عن الحافز النفسى مش المادى
وبصراحة ربنااااا انا من نوعية الناس اللى تاخد عينياااا لو شجعتنى وحفزتنى لكن مبجيش طريقة العقاب والتهديد وانك هتربينى من اول وجديد
طب اعمل اية انااا يصراحة نفسيتى زى الزفت

[abouelmaggd]

على فكرة ياجماعة انا شغال فى شركة قطاع خاص مش عام
بس بلاحظ انهم بيتفننو انهم يكرهونا فى الشغل وتلاقى بعد كل انجاز او اخلاص فى العمل كلام من نوعية (دة اصلااا شغلك انتا معملتش حاجة زيادة )وبدل مايشجعوك لاااا دول بيهددووووك يعنى داااايماااا تلاااقى العصاية ومفيش جزرة .ودايماااا التعليمات جاية بصيغة لو معملتش كذاااا وكذااااا وكذااااا وكذاااا ومقدمتش كذاااا وكذااااا ولو اتأخرت فى كذااا وكذااا خصم 50%من المرتب وجزاء 10 ايام وحرمان من اية واية .دايماااا العقااااب جاهز بس مفيش حاااافز خااالص وانا بتكلم حتى عن الحافز النفسى مش المادى
وبصراحة ربنااااا انا من نوعية الناس اللى تاخد عينياااا لو شجعتنى وحفزتنى لكن مبجيش طريقة العقاب والتهديد وانك هتربينى من اول وجديد
طب اعمل اية انااا يصراحة نفسيتى زى الزفت

موضوع التشجيع النفسى انا مش عارف صحاب الشغل ليه مش بيحطوه فى دماغهم مع انه بيفرق اوى و خاصة اللى لسه سنهم صغير و فى اول الحياة العملية ، و من ناحية انهم فعلا بعد الانجاز ييجوا يقولوا ده اصلا شغلك ده بيحصل فعلا انما بصراحة مبتوصلش لدرجة انه يقول لو معملتش المطلوب هيتخصم منك .

[ahit]

السلام عليكم و رحمة الله و بركاته

أنا شغال فى قطاع خاص و سياسته مص الدماء و المقولة الشهيرة ( هو فيه حد لاقى شغل اليومين دول ).
أنا بعشق عملى جداً و ممكن آجى على نفسى كتير فى سبيل تحقيق نجاح فيه لكن للأسف بدون تقدير مادى أو معنوى يذكر !!!!!!!!!!!!! و كل موظف فى الشركة هدفه الأساسى مصلحته و بس لكن بصراحة غالبية القطاع الخاص كدا.
و الحق يقال صاحب مجموعة الشركات اللى شغال فيها محترم جداً جداً و متواضع و متفهم للكثير و الكثير من الأمور عدا الأمور المادية و مرتبات الموظفين !!!!!!!!! و دا طبيعى جداً بالنسبة لكل رجال الأعمال المصريين و بناءاً على خبراتى العديدة فى العديد من الشركات الخاصة
و طبعاً أحقاد كتير جداً بين الموظفين حتى لو مش من نفس الإدارة.
لكن لابد إن الواحد يستفيد من المكان اللى شغال فيه كويس و يسعى للتطوير و الأفضل دائماً.
و ربنا يصبرنا جميعاً و يوسع رزقنا بالحلال و يرزقنا بالافضل دائماً
آمين

[ahmed elsherif]

ايه يجماعه مفيش حد بيشكر في شغلانه انا اتعقدت من الشغل قبل ما اشتغل انا فاضلي سنه واتخرج هندسه ميكانيكا وبعد كلامكم ده هقعد في البيت مش شغال بس هاخد منكم مرتب كل شهر عشان انتوا ال عقدتوني ههههههههه