لينوكس اكس بى (تحفه تستحق التجربه)

[أحمد سالم]

السلام عليكم
اثناء بحثى فى الانترنت على نظام لينكس لانى جربت توزيعه قديمه منه منذ فتره
وجدت توزيعه جديده شبيهه بالاكس بى واعتقد انها ممكن نركب عليها اغلب البرامج اللى بتشتغل على الاكس بى
لاكن هناك توزية 2006 وهى مجانيه
وتوزيعة 2008 وهى تجريبيه لمدة 30 يوم وغير مكتمله لانها ليست مجانيه
ارجو من الاخوه الاعضاء اللى يعرف منين ممكن اشترى نسخة Linux XP Desktop 2008
منين ممكن اجيبها من مصر
وياريت لو حد جربها يحكى لنا عنها
لانى مليت من انظمة شركة ماكرو سوفت
وحسب علمى ان انظمة لينوكس لاتقبل الفيروسات ابدا بمعنى انها تتمتع بثبات قوى اقوى من ويندوز
انا لقيت سايت لتحميل النسخه التجريبيه
لاكن السايت مافيهوش طريقه للاتصال بالدعم الفنى لمعرفة الاسعار وطريقة التوصيل

http://www.linux-xp.com/

ارجو من الاخوه لو اى حد عنده معلومه يساعدنى

[أحمد سالم]

لقيت موقع عامل مقارنه بين الويندوز والينوكس
لاكن مش عارف هل وضع رابط لمدونه ممنوع ام لا
ارجو من ادارة المنتدى الكرام لو وجدو ان الرابط ممنوع ان يتقبولى اعتذارى

http://www.omardo.com/blog/archives/88

[itsonlyme]

طالما مهتم بالينكس (وده شيء هايل) يبقى يُفضل تستخدم توزيعة مجانية وحرة.

أول حاجة لازم تعرفها هي الفلسفة وراء اللينكس والبرامج الحرة عموماً. نظام التشغيل اللينكس والبرامج المصاحبة له هي مفتوحة المصدر وحرة بمعنى أن لك مطلق الحرية في التصرف فيها كمستخدم وحتى التعديل في المصدر ان كنت مبرمج. طبعاً مش كل المستخدمين مبرمجين ويستطيعون تعديل المصدر بس كون المصدر مفتوح يضمن لك كمستخدم أن آخرين لديهم المعرفة والخبرة سوف يقومون بتطوير برنامجك المفضل وتحديثه وحتى تطوير نسخة بديله له لو توقف المطور الأصلي عن تطويره أو لم يعجبهم الطريق اللذي يسلكه المطور الأصلي.

الحرية دي أدت الى وجود عشرات من النسخ المختلفة تسمى "توزيعات" كل منها لها طعمها المختلف لتتماشى مع مختلف الأذواق.

"الحرية" دي ينتج عنها في الأغلب "مجانية". ليه بقى تستخدم توزيعة غير مجانية وفي الأغلب مضاف اليها برامج غير حرة؟ استخدم توزيعة حرة مائة بالمائة لتتخلص من قبضة وتحكم شركات البرمجيات الكبيرة.

تانياً، لماذا تستخدم توزيعة تقيد نفسها بمحاكات نظام الويندوز؟ هناك توزيعات فيها ابداع يفوق انظمة الويندوز وسوف تشاهد بنفسك عندما تجربها.

التوزيعة التي يُنصح المبتدئون باستخدامها هي توزيعة أوبُنتو. هي سهمة الاستخدام ولا تحاول أن تقلد الويندوز ورغم ذلك لن تجد نفسك غريباً وأنت تستخدمها.

http://www.ubuntu.com

ولو لديك أية استفسارات يمكنك سؤال مجتمع لينكس مصر (حيت تأكل البطاريق الطعمية) أو مجتمع لينكس العربي

http://eglug.org

http://linuxac.org

وأنا شخصياً في الخدمة لو عندك أو عند أي من أعضاء المنتدى الكرام أية استفسار أو سؤال عن اللينكس.

[mido01050]

هو فيه لينوكس بيشغل برامج الويندوز و لا لازم أغير البرامج كلها و أجيبله حاجات مخصوصة لية؟

[itsonlyme]

هو فيه لينوكس بيشغل برامج الويندوز و لا لازم أغير البرامج كلها و أجيبله حاجات مخصوصة لية؟

اللينكس ليه برامجه الخاصة به وهي كثيرة وجيدة وتأتي مثبته مسبقاً كما أن اللينكس يستطيع (عن طريق اتخاذ اجراءات معينة) أن يشغل برامج الويندوز.

حكاية تشغيل برامج الويندوز ممكنة ولكنها غير مستحبة وفي أغلب الأحيان غير ضرورية.

هل بوجد برامج معينة (خصوصاً برامج مهنية) تحتاجها؟

[mido01050]

هل بوجد برامج معينة (خصوصاً برامج مهنية) تحتاجها؟

لا بس بحكم التعود على البرامج بتاعة الويندوز و ممكن البرامج اللي نازلة معاه يكون فيها حاجة مش عاجباني و عايز أستخدم برنامج من بتوع الويندوز , هل هقدر ساعتها أسطب البرنامج ده و أستخدمه ( مع العلم ان فيه برامج مش بلاقيلها سورس للينوكس)

[itsonlyme]

لا بس بحكم التعود على البرامج بتاعة الويندوز و ممكن البرامج اللي نازلة معاه يكون فيها حاجة مش عاجباني و عايز أستخدم برنامج من بتوع الويندوز , هل هقدر ساعتها أسطب البرنامج ده و أستخدمه ( مع العلم ان فيه برامج مش بلاقيلها سورس للينوكس)

طالما مابتتكلمش عن برامج معينة خاصة بالشغل، ان شاء الله مش حيبقى في مشكلة.
أنت بس صطب اللينكس وحتلاقي برامج كتير كويسة نازله معاه غير البرامج التانية اللي أنت ممكن تنزلها. بالتعود حتلاقي نفسك مستغني عن كل برامج الويندوز. لو مُصر على كام برنامج، ساعتها ممكن تستخدم برنامج اسمه wine بيسمح لك باستخدام برامج الويندوز. بس ده طبعاً حل أخير.

[mabdelaziz]

أنا شغلتى مبرمج ومن حوالى 3 سنين قررت أشتغل freelancer فى تطوير المواقع.
من البداية قررت أعتمد على لينكس اعتماد كامل فى شغلى, عشان أسباب كتير من ضمنها إنى مش مستعد أشتغل على نسخة مسروقة من الويندوز وتكون النتيجة شبهة مال حرام, وكذلك مش مستعد أشترى نسخة ويندوز لأن بصراحة تكلفتها عالية وكمان حبقى مضطر أشترى تراخيص برامج تانية لشغلى بالإضافة للويندوز, يعنى تكلفة عالية جداً بلا مبرر, وفوق كل ده مشاكل الويندوز من فيروسات وثغرات أمنية ومشاكل لا حصر لها.
الحمد لله بقيت معتمد بنسبة 99% على لينكس, وال 1% لما بكون مضطر أجرب موقع من اللى بعملهم على الويندوز عشان اتأكد إنه شغال مظبوط على كل أنظمة التشغيل وبرامج التصفح المعروفة.

جربت فى البداية توزيعة فيدورا واشتغلت على فيدور 3 و5 و7 وبعد كده اكتشفت توزيعة اوبنتو وهى فعلاً سهلة جداً فى الاستخدام ومريحة.

أقدر أقول بعد الفترة دى إن مفيش حاجة ممكن يتفوق يتفوق فيها الويندوز على لينكس إلا الألعاب وبعض تطبيقات المالتيميديا غير كده اللينكس يكسب.

إن شاء الله الفترة اللى جاية ناوى اجرب توزيعات تانية بس لما ألاقى وقت فاضى شوية.

[MTAK]

لى سؤال صغير للأخ itsonlyme

انا بصراحة افكر جديا بالنتقال الى الاوبنتو
و كنت تسمعت عن ميزة ان اللينوكس افضل من الويندز من ناحية الامان و الفيروسات

كنت عايز شرح اكتر لأن ده نقطة فاصله عندى فى الانتقال

على قد فهمى
لما النسخة مفتوحة المصدر
يبقى الاولى ان الاصابه بالفيروسات اعلى
يعنى ممكن انزل توزيعه معينه و يكون صاحبها لاعب فيها بطريقة تخلى جهازك شوارع

اعذرنى بس يعنى ده على قد فهمى
و اشكرك للاجابه

[pro_samir]

ولو لديك أية استفسارات يمكنك سؤال مجتمع لينكس مصر (حيت تأكل البطاريق الطعمية) أو مجتمع لينكس العربي

حلوة :)

غريبة جدا النسخة اللى شكل الويندوز دى أول مرة اشوفها

يا ريت لو فى حد جربها يقولنا اية الأخبار

[pro_samir]

ملحوظة قد تفيد اللى عايز يجرب

يمكن تحميل النظامين مع بعض على نفس الجهاز لينكس + ويندوز
وبيتم الأختيار بينهم عند فتح الجهاز

أهم حاجة الحذر اثناء تسطيبة لأنة ممكن يطير كل اللى على الهارد

[أحمد سالم]

طالما مهتم بالينكس (وده شيء هايل) يبقى يُفضل تستخدم توزيعة مجانية وحرة

السلام عليكم
انا كنت بفكر استخدم اللينوكس استخدام تجارى على اكثر من جهاز علشان كده كنت بدور على نسخ معتمده بمقابل مادى
طبعا كلنا ملينا من شركة ماكروسوفت
والله انا عندى اسطوانه ويندوز هوم ايديشن اصليه
المره الوحيده اللى سطبتها وبعد تفعيلها من على الانترنت طلب منى انه يحمل اب ديت من السايت ووافقت
بعد اكتمال التحميل والريستارت الويندوز اتبهدل
واطرييت ان اعود للنسخه المضروبه

التوزيعة التي يُنصح المبتدئون باستخدامها هي توزيعة أوبُنتو.

انا دلوقتى بعمل داون لود للتوزيعه دى بالتورنت
واشكرك جدا على المعلومات القيمه

وأنا شخصياً في الخدمة لو عندك أو عند أي من أعضاء المنتدى الكرام أية استفسار أو سؤال عن اللينكس

بارك الله فيك استاذى الكريم والف الف شكر على تعاونك

[itsonlyme]

لى سؤال صغير للأخ itsonlyme

انا بصراحة افكر جديا بالنتقال الى الاوبنتو
و كنت تسمعت عن ميزة ان اللينوكس افضل من الويندز من ناحية الامان و الفيروسات

كنت عايز شرح اكتر لأن ده نقطة فاصله عندى فى الانتقال

على قد فهمى
لما النسخة مفتوحة المصدر
يبقى الاولى ان الاصابه بالفيروسات اعلى
يعنى ممكن انزل توزيعه معينه و يكون صاحبها لاعب فيها بطريقة تخلى جهازك شوارع

اعذرنى بس يعنى ده على قد فهمى
و اشكرك للاجابه

هو فعلاً آمن لعددة أسباب، منها أنه مصمم بطريقة تجعله تلقائياً أكثر أماناً. ومن ناحية أخرى، هو ليس هدف لمبرمجي الفيروسات وللمخترقين لأنه أقل انتشاراً.

حكاية أنه مفتوح المصدر لا تعني أنه أقل أمنً.
بالعكس، كل ما العيون كثرت، كل ما كان اكتشاف الأخطاء أسرع. حتقول لي طيب ما ممكن واحد شرير يكتشف عيب ما ويستغله، هقول لك في واحد طيب حيكتشف العيب قبل منه ويدي خبر للمبرمجين وبسرعة حتلاقي العيب اتصلح.

احتمال أنه حد يلعب في توزيعة والناس تنزلها وتكون فيها خروقات أمنية احتمال ضعيف جداً.

أنت أساساً حتستخدم توزيعة معروفه بيستخدمها الآلاف بل الملايين وهي موثوق بها. ولو حد عمل توزيعة مخترقة الناس حتكتشف ده بسرعة والخبر سوف ينتشر بسرعة لأن مجتمع اللينكس مترابط والأخبار حتتنتشر بسرعة برضو. الحكاية دي أصلا ولا مرة حصلت في ال 18 سنة عمر اللينكس. ده غير أنه برضو في تاريخ اللينكس مكانش في فيروسات غير كام واحد يتعدو على اصابع اليد الواحدة.

على فكرة سؤال حضرتك وجيه جداً وتساؤلاتك منطقية من الناحية الأمنية. بس ثقافة البزار (bazar) اللي بيشتغل بيها مجتمع اللينكس تخلي احتمالية حدوث المخاوف اللي انت بتتكلم عليها ضعيفة جداًً.

[itsonlyme]

السلام عليكم
انا كنت بفكر استخدم اللينوكس استخدام تجارى على اكثر من جهاز علشان كده كنت بدور على نسخ معتمده بمقابل مادى

لأنك عايز اللينكس لاستخدامات تجارية يبقى خليك مع توزيعة حرة ومجانية. مش معنى انها مجانية انها مش قانونية، بالعكس، دي قانونية 100 %.

[MTAK]

شكرا استاذ itsonlyme
و بالفعل انا افكر جديا
و ان شاء الله الخطوات الفعلية عما قريب
و اكيد هانصدعك بالاسئله