لينوكس اكس بى (تحفه تستحق التجربه)

[أحمد سالم]

والله انا سعيد جدا لاكنى فتحت المشاركة دى
وان شاء الله هكون مستخدم للنينوكس فى خلال ايام باذن الله
وياريت احد اساتذة اللينوكس يساعدنا لعمل رابطه لاصدقاء اللينوكس
هنا فى المنتدى

[MomoMedo]

طيب سؤال يمكن يكون سازج يعني

بالنسبة لمستخدم الانترنت العادي مش المبرمج مثلا

اللينكس ممكن يكون مناسب ليه
يعني مسنجر اغاني افلام الكلام دة كله مش هحس اني مخنوق وانا عاللينكس؟

[itsonlyme]

:d :d :d

طيب والله كويس إن لينوكس وصل لحد هنا..

العبد لله بيستخدم لينوكس من 6 سنين ونص ولله الحمد :d

والظاهر ان في ناس هنا تعرفني و أعرفها ولكن بمعرفات تانية وفي اماكن تانية :d :d

Long Life Linuxxxxxxx.

هههههههههههههه.
أنا برضو بستخدم اللينكس من 6 سنين. ويمكن نكون نعرف بعض معرفة تانية في مكان تاني :)

فين أيام linux-egypt وانشقاق eglug. أيام جميلة!

[mazagngi2010]

شكراااااااااااااااااااااااااااااااا

[itsonlyme]

طيب سؤال يمكن يكون سازج يعني

بالنسبة لمستخدم الانترنت العادي مش المبرمج مثلا

اللينكس ممكن يكون مناسب ليه
يعني مسنجر اغاني افلام الكلام دة كله مش هحس اني مخنوق وانا عاللينكس؟

ممكن أوي. كتير جداً من مستحدمين اللينكش مش مبرمجين ولا حاجة. بس الموضوع عايز يكون عندك حب استطلاع ورغبة في التجربة.

وانسى الفيروسات وانسى التهنيج وانسى البرامج الكتير اللي متقلة الجهاز ..... الخ.

[r0xer]

المهم متكونش تبع المنشقين؟ :d

ممكن أخمن انك راجل ديباني من طريقة كلامك. مظبوط؟

:d

[MomoMedo]

المهم متكونش تبع المنشقين؟ :d

ممكن أخمن انك راجل ديباني من طريقة كلامك. مظبوط؟

:d

مش فاهم ولا كلمة
عموما انا بنزل مينت
وبدور ازاي اشغل الفوتوشوب عليه عشان مقدرش اعيش من غيره
و طبعا Microsoft Expression Web 2
هلاقيله بديل مش كدة؟

[RED_OCTOBER_IV]

دي مش نسخة ويندوز جديدة، ده نظام تشغيل مختلف تماماً. لا انصحك باستخدامة كحل سريع لمشكلة في جهازك.

انت فرمط الهارد ونزل ويندوز من جديد. عمر ما الفايرس حيفضل في الرام. كل حاجة في الرام بتروح أول ما تعمل shutdown أو reboot. بس الفايرس ممكن يفضل في باقي تقسيمات partitions بتاعت الجهاز.

أنت نزل ويندوز من جديد ونزل anti-virus واوعى تخش على باقي ال partitions اللى عندك قبل لما تعمل scan للجهاز كله. ممكن أوي يكون في فايرس في ال paritions التانية وأول لما تخش عليها يجيلك الفايرس من جديد ويبقى معملناش حاجة.

أولاً شكراً لأهتمام حضرتك وردك على سؤالى ثانيا ً حضرتك بتقول أنزل نسخة ويندز عاديه وبعدين أنزل توزيعه اللينكس ؟ طب هو لما هنزل اللينكس من على الموقع هيبقى عامل ازاى..؟ برنامج بصطبه عادى ولا ايه .... الى أعرفه إن الينكس ده حاجه زى الويندوز كده ..او الماك دى أنواع أنظمه تشغيل .. وهل اللينكس لازم ينزل على نسخه ويندوز ؟؟ ... أنا أسف أنا عارف إنى غبى بس أرجو تستحملونى

[MTAK]

طيب كويس و الله
المنتدى عندى خبراء فى الموضوع ده
افيدونا افادكم الله

يعنى عايزين الخلاصة

مواقع و منتديات اللينوكس بصراحه توهت الواحد
ما بين مليون اصدار
و تلاقى ناس طالعه باصدار السما
و بعديهم ناس مش طايقاه

انا عارف ان لكل واحد متطلباته

و لكن العمليه مشتته

و اعتقد ان احنا هنا معظم متطلباتنا متشابهه

فيا ريت الخلاصه

افيدونا افادكم الله

[MTAK]

الساده الافاضل خبرائنا و معلمينا فى المستقل القر يب ان شاء الله

حتى لا تفهم انها دعوة اتكاليه و عايزين كل حاجه على الجاهز

ما قصدته من المشاركه السابقة هو المساعدة فى الاختيار للتوزيعه
و تعليم اولى الخطوات

و بعد كده وسع السكه
و ليس انى اريد من أ الى ى
---
يعنى مثلا انا نزلت دليل المستخدم للمنت و الاوبنتو ووووو
بس عايز واحد يشيل عنى على الاقل مشاكل البداية
اصل العمليه مش ناقصة مشاكل خاصة انه نظام تشغيل لن اعتمد عليه لانتاج ما يفيدنى فى عملى مثلا

و شكرا

[itsonlyme]

المهم متكونش تبع المنشقين؟ :d

ممكن أخمن انك راجل ديباني من طريقة كلامك. مظبوط؟

:d

أكيد من المنشقين.
تخمينك قريب. أنا آركاوي نسبة ل archlinux من ست سنين.

[itsonlyme]

أولاً شكراً لأهتمام حضرتك وردك على سؤالى ثانيا ً حضرتك بتقول أنزل نسخة ويندز عاديه وبعدين أنزل توزيعه اللينكس ؟ طب هو لما هنزل اللينكس من على الموقع هيبقى عامل ازاى..؟ برنامج بصطبه عادى ولا ايه .... الى أعرفه إن الينكس ده حاجه زى الويندوز كده ..او الماك دى أنواع أنظمه تشغيل .. وهل اللينكس لازم ينزل على نسخه ويندوز ؟؟ ... أنا أسف أنا عارف إنى غبى بس أرجو تستحملونى

لأ أنت فهمت كلامي غلط. أنا نصحتي كانت انك تفضل تستخدم الويندوز و ماتحولش على اللينكس لمجرد أن جالك فايرس معين.

بس لو حضرتك عايز تقلب للينكس يبقى أهلا وسهلا ويا مرحبا.

اللينكس مابينزلش جوه الويندوز. ده بينزل في partition لوحده والويندوز مش بيشوفه.

[itsonlyme]

الساده الافاضل خبرائنا و معلمينا فى المستقل القر يب ان شاء الله

حتى لا تفهم انها دعوة اتكاليه و عايزين كل حاجه على الجاهز

ما قصدته من المشاركه السابقة هو المساعدة فى الاختيار للتوزيعه
و تعليم اولى الخطوات

و بعد كده وسع السكه
و ليس انى اريد من أ الى ى
---
يعنى مثلا انا نزلت دليل المستخدم للمنت و الاوبنتو ووووو
بس عايز واحد يشيل عنى على الاقل مشاكل البداية
اصل العمليه مش ناقصة مشاكل خاصة انه نظام تشغيل لن اعتمد عليه لانتاج ما يفيدنى فى عملى مثلا

و شكرا

لا تقلق. حضرتك كيميائي وجيولوجي وأول حاجة عملتها انك نزلت دليل المستخدم و بحثت وقرأت في المنتديات والمواقع المتخصصة. يعني رجل مُمَنهج ومش حتقابل مشاكل ان شاء الله.

بعدين كونك مش حتستخدم اللينكس في الشغل ده أدعى انك تاخد راحتك في التجربة والخطأ للتعلم.

عموماً ابتدي بمنت. ممكن تجرب ال livecd من غير مايكون في خوف من أية أخطاء.

[aliabutaleb]

للمهتمين
ولكن للأسف في الإسكندرية فقط

[Ahmed Selim]

طيب سؤال لشباب ال Linux الجامدين

حد يعرف أزاى أشغل فودافون USB مودم موديل Huwawii E272 على ubuntu ؟؟؟؟

أنا بدور على النت بقالى شوية بس أنا لسه خام فى ال linux و أن كنت شغال بقالى سنتين على Suse و RHEL بس بعمل فيهم حاجات معينة و معنديش وقت أقراء فيهم كويس.....وال ubuntu لسه منزله أمبارح.......