لينوكس اكس بى (تحفه تستحق التجربه)

[itsonlyme]

الأخ الفاضل توت عنخ معلش انا عارف انى دوشتك وشغلتك معايا.لو تكرمت انا عندى هارد ديسك خارجى بس لما وصلته باللابتوت الأوبونتو مش عارف يفتحه.ماذا أفعل؟وشكراً مقدماً

غريبة، مع أنه المفروض يتعرف عليه لوحدة.
طيب ماركة الهارد الخارجي ايه وموديله؟

[Ayman_52]

اهلا بالاستاذ ايمن
بص ياباشا موضوع اللينكس ده ممتع زى الجين2........ بالاضافه انه مفتوح المصدر يعنى مجاااااااااانى بالكامل
انت ممكن تبدأ تتعرف عليه عن طريق اسطوانه لايف
جرب ال ubuntu

http://www.ubuntu.com/getubuntu/download

اختار النسخه اللى تنفع مع جهازك وجرب

استاذ/حسيــن....البروتونى الاصيل

الف الف شكر ياباشا عاللينك...وانا فعلا ماكنتش اعرف اى حاجه النظام ده...ومتابع مع حضراتكم التطورات.

هو انا لو نزلت نظام اللينكس ..الويندوز هيتحذف؟؟
وايه الحاجات اللى لازم اعرفها عن استخدامه؟؟(معلش اصلى ماليش فيه خالص*_*)

[tutankhamoun]

يا جماعة أنا بشكر كل اللي رد و إن شاء الله هافتح موضوع منفصل و هانزل مواضيع مفيدة على المدونة ...
أنتظروني في خلال الكام يوم القادمين إن شاء الله و أعذروني لإنشغالي الشديد اليومين دول .
أخوكم توت

[alaaeldinfarid]

غريبة، مع أنه المفروض يتعرف عليه لوحدة.
طيب ماركة الهارد الخارجي ايه وموديله؟

الهارد الخارجى ماركته توشيبا 100 جيجا

[MomoMedo]

محدثكم من لينكس مينت
اول يوم ليا مع اللينكس
انطباعي الاول انه لا يقل عن الويندوز في شئ
ولكني لم اجد ما يجعلني استخدمه بدلا من الويندوز سوى انه مجاني..
كل ما فعلته حتى الان قمت بتشغيل فايرفوكس وقمت بكتابه هذا الرد بعد اضافة اللغة العربية و تنصيب بعد التعريفات الخاصة بكرت الشاشة و الشبكة
لي استفسار صغير ..
هل يمكن اضافة خطوط ويندوز للينكس؟؟
حيث انني اشعر بأني غريب مع استخدام هذه الخطوط
ولكن بوجه عام مينت جيد جدا .. ولم اشعر بأي صعوبة في استخدامه حتى الان
بس صعبان عليا نسخة الفيستا الاصلية الموجودة على الجهاز بجانب المينت D:
وعموما اذا كان الامر كذلك يفترض انها ستكون اخر نسخة ويندوز اصلية امتلكها طالما هناك لينكس ( اتمنى ذلك)

واي استفسار انا في الخدمة مع اني احتاج من يساعدني

بس بجد بجد فرحان اني خرجت من اطار ميكروسوفت حتى ولو لوقت قصير


ياااااااااااااااااه بقالي كتير اوي مكتبتش فصحى مش فصحى اوي يعني

[MomoMedo]

هو انا لو نزلت نظام اللينكس ..الويندوز هيتحذف؟؟

لا لا مش هيتحذف انا منزل الاتنين مع بعض واللينكس بيشوف الهارد كله بس الويندوز ميقدرش يشوف البارتيشن بتاع اللينكس

[eng.octooo]

هوة استخدامة سهل ولا اية ؟

[itsonlyme]

محدثكم من لينكس مينت
اول يوم ليا مع اللينكس
انطباعي الاول انه لا يقل عن الويندوز في شئ
ولكني لم اجد ما يجعلني استخدمه بدلا من الويندوز سوى انه مجاني..
كل ما فعلته حتى الان قمت بتشغيل فايرفوكس وقمت بكتابه هذا الرد بعد اضافة اللغة العربية و تنصيب بعد التعريفات الخاصة بكرت الشاشة و الشبكة
لي استفسار صغير ..
هل يمكن اضافة خطوط ويندوز للينكس؟؟
حيث انني اشعر بأني غريب مع استخدام هذه الخطوط
ولكن بوجه عام مينت جيد جدا .. ولم اشعر بأي صعوبة في استخدامه حتى الان
بس صعبان عليا نسخة الفيستا الاصلية الموجودة على الجهاز بجانب المينت D:
وعموما اذا كان الامر كذلك يفترض انها ستكون اخر نسخة ويندوز اصلية امتلكها طالما هناك لينكس ( اتمنى ذلك)

واي استفسار انا في الخدمة مع اني احتاج من يساعدني

بس بجد بجد فرحان اني خرجت من اطار ميكروسوفت حتى ولو لوقت قصير


ياااااااااااااااااه بقالي كتير اوي مكتبتش فصحى مش فصحى اوي يعني

ألف ألف مبروك على تنزيل اللينوكس. أهلا بك في نادي مستخدمي اللينوكس.

بالنسبة لخطوط الويندوز، ممكن تخلي اللينوكس يستخدمها.

اكتب الأمر ده

sudo apt-get install msttcorefonts

الأمر ده حيتزل معظم خطوط مايكروسوفت اللي معظم المواقع بتستخدمها.

[itsonlyme]

طبعاَ أنت حتكتب الأمر ده في سطر الأوامر.
ممكن تجيب سطر الأوامر بانك تدوس Alt+F2
بعدين تكتب gnome-terminal.

بعد ما تكتب الأمر حيطلب الباسورد بتاعتك وبعدين حيحمل ملفات من النت. بعد ما يخلص اعمل log out بعدين ادخل تاني.

[MomoMedo]

thnx ya basha

[itsonlyme]

thnx ya basha

أيوة يعني اشتغلت ولا لأ.
جرب مواقع زي العربية ومصراوي. المواقع دي شكلها بيبقى قبيح مع الخطوط ال default، بس لما تشغل خطوط الويندوز، بيبقوا زي ما بيظهروا في الويندوز بالظبط.

في طريقة تانية بس معقدة شوية عشان تنقل خطوط الويندوز من الفيستا على جهازك للينكوس. ساعتها كل الخطوط بتاعت كل المواقع حتبقى تمام. قل لي لو عايزني أقولك على الطريقة.

[alaaeldinfarid]

طبعاَ أنت حتكتب الأمر ده في سطر الأوامر.
ممكن تجيب سطر الأوامر بانك تدوس Alt+F2
بعدين تكتب gnome-terminal.

بعد ما تكتب الأمر حيطلب الباسورد بتاعتك وبعدين حيحمل ملفات من النت. بعد ما يخلص اعمل log out بعدين ادخل تاني.

شكراً ياباشا انا عملت الخطوات اللى حضرتك قلتها على نسخة الاوبونتو والخطوط نزلت وكله تمام.

[MomoMedo]

يوة يعني اشتغلت ولا لأ.
جرب مواقع زي العربية ومصراوي. المواقع دي شكلها بيبقى قبيح مع الخطوط ال default، بس لما تشغل خطوط الويندوز، بيبقوا زي ما بيظهروا في الويندوز بالظبط.

في طريقة تانية بس معقدة شوية عشان تنقل خطوط الويندوز من الفيستا على جهازك للينكوس. ساعتها كل الخطوط بتاعت كل المواقع حتبقى تمام. قل لي لو عايزني أقولك على الطريقة

انا كنت بكلمك من الويندوز
المهم لما دخلت عاللينكس وجربت مشتغلتش بدخل السطر ولما بيطلب الباسوورد باجي اكتب مش راضي يكتب حاجة خالص

[itsonlyme]

انا كنت بكلمك من الويندوز
المهم لما دخلت عاللينكس وجربت مشتغلتش بدخل السطر ولما بيطلب الباسوورد باجي اكتب مش راضي يكتب حاجة خالص

هههههه. انت بس اكتب الباسورد ودوس enter.
هو مش حيكتب حاجة وانت بتكتب الباسورد. لا نقط ولا نجوم ولا حاجة. ده نوع من الأمان الزائد عشان حتى لو في حد بيشوفك وانت بتكتب الباسورد مايقدرش يعرف هي كام حرف حتى!

[marsguy]

الموقع ده فيه مناقشه موضوعيه عن أفضلية اللينوكس عن الويندوز

http://www.whylinuxisbetter.net/

هايعجبكم إن شاء الله