قصة جديدة من تأليف أعضاء المنتدى.. خيال علمى ياناس

[Dr Ahmed]

أنا هربت من المختبر المريخى الماسونى، كانوا بيعملو فيه تجارب على استنساخ بشر خارقين بصفات تجمع بين أقوى مافى كل كوكب مع زيادات آلية بمعدن التيتانيوم الخارق..كان الهدف الأول تعويض فاقدى الأعضاء وانتاج عمالة كونية قوية، لكن التجارب خدت مسار تانى وبقى هدفها دلوقت انتاج جيوش من المخلوقات الخارقة لإحتلال الأرض وبعدها المجرة والقضاء على كل أعداء السامية..

وقتلوا أبى وأمى..
وفريت منهم وتبعونى وحبسونى فى الدولاب ده وانا بنزف لحد ما أموت لولا انكم جيتم فى الوقت المناسب..

بايو: الظاهر انها هتكون أجازة سعيدة يا رجالة...

وفجأة ينفجر حائط ويقتحم الحجرة كائن آلى بشع و..............

[goodwave]

وفجأة ينفجر حائط ويقتحم الحجرة كائن آلى بشع و..............

ويقول إسبتوا مكانكم يا نيل موتورية وإلا لكم عذاب ومدافع وصواريخ! انتم السبب في الطفرة التي حدثت في عالم السيارات وانتم السبب في ان شركة ابو الفتوح وتوكيلها اغلقت ابوابها بعد فشل السيارات الصيني التي ظللتم تحاربوها وتكشفوا عيوبها!

ويسئل الدكتور معاذ بلهجة يشوبها الخوف والقلق وانت بقى مين واية مهمتك؟؟؟؟؟

ويرد المخلوق الالي البشع انا الجهاز ABOUL FOTOUH 3000 والذي انتجتني الشركة للقضاء على كل النيل موتورية الذين زاد عددهم في بداية القرن ال22 الي 50 مليون مما يهدد الفساد في صناعة السيارات!

وبحركة ماكرة وخفيفة يطير كريم منير في الهواء ويخرج موبايلة النوكيا موديل سنة -- xf4500 3010 والمزود باشعة ليزر فتاكة وقنابل موجهة بحجم حبة العدس ويدمر الكلئن الالي في الحال!

يشعر الاعضاء ببعض الارتياح ثم يخيم صمت رهيب على المكان.....................

[Dr Ahmed]

ثم يخيم صمت رهيب على المكان يدوم لدقائق...
تلاقت أعين المصيفون الخمسة ثم نظروا إلى الفتاة الآلية الضحية وإلى العملاق المدمر ثم صاح حسام....

حاسبووووووووووووا

وارتمى الجميع على الأرض فى نفس اللحظة التى مر فيها صاروخ نفاث من الحائط المدمر ليخرج من نافذة الحائط المقابل...

ينظر بايو إلى المركبة التى أطلقت الصاروخ وتتبعه الفتاة لتقول: هم دول... هم دول الجنود الخارقين... اهربوا بحياتكم....

يضغط حازم على زرار بريموت سيارته فتأتى فى لحظة ويقفز فيها الجميع ومعهم الفتاة الآلية قبل أن تشحن المركبة المهاجمة الصاروخ الجديد...

وينطلق حازم....

[mbluethunder]

وينطلق حازم بسيارته الصاروخيه ويناور ويراوغ الصاروخ الألكتروني الموجه إلى أن أصاب المدمر العملاق بطريقه ذكيه للغايه ومعها شعروا جميعا بالأرتياح وهنا بدأ كريم يتكلم ولكن ظهرت شاشه ألكترونبه بلازميه على الزجاج الأمامي للسياره وظهرت صورة صديقهم محمد علاء وبدأ يقول :

م.علاء: آيه ياجماعه أنا بقالي حوالي نصف ساعه بدور عاليكوا ومش لقيكوا خالص
كريم رد : معليشي يامحمد أصل الأحداث كلها أتلخبطت من ساعة ماجينا هنا
حسام : تخيل يامحمد أننا شوفنا فتاه روبوت ولسا مخلصين على عملاق مدمر من بتوع ابو الفتوح

محمد بعد ما أستمع للأحداث كلها من الأصدقاء :

يجماعه ماتنسوش أننا في مهمه سريه للغايه والمهمه ده كلفتنا بيها جهاز المخابرات المصريه الكونيه بالأشتراك مع وكاله نايل موتورز العالميه وكان الهدف الأساسي القضاء نهائيا على سطوة جهاز أبو الفتوح وسيطرته على صناع السيارات في الكون والمهمه ده أنتحاريه وطبعا إنتو عارفين كويس أن موضوع المصيف ده كان للتمويه علشان جهاز أبو الفتوح ليه أعين كتير وممكن يدمر الفريق وهو في طريقه .

على العموم روحوا للبيت الأمن رقم 1 وأنا هتناقش مع جهاز المخابرات هنا وهاحصلكم علطول وياريت تبعتولنا تقرير كل نصف ساعه لأن الأحداث كده دخلت في نطاق جديد

كريم : ربنا يستر يامحمد واضح جدا أن المهمه ده صعبه جدا وأن أبو الفتوح كبر أسطوله جامد جدا

م.علاء: يجماعه أنتوا تم إختياركوا من ملايين الأشخاص علشان تقوموا بالمهمه ده وطبعا ماتنسوش أن فيه ناس كتير بتساعدكوا ووقفه جانبكوا

حسام : ماتقلقشي يامحمد كل نصف ساعه هانبعت تقرير للجهاز وللوكاله

وهنا أغلقت الشاشه الألكترونيه وتلفت الأصحاب تجاه بعضهم البعض وقال حسام

يجماعه أحنا لازم نضع كل تركيزنا أننا نقتص من أسطول أبو الفتوح وأول حاجه أننا نتوصل للمركز الرئيسي بتاعه

حازم بعد تفكير عميق : أعتقد يجماعه إننا لازم نستعين بالفتاه ونضمها إلى الفريق بتعنا لأنها ممكن تفيدنا

رددت الفتاه وقالت :.............

[Dr Ahmed]

(أبوالفتوح تانى!!! القصةاللى فاتت كانت كلها اسبرانزا وأبو الفتوح .. المرة دى مفروض بنكشف مؤامرة الماسونية لإنتاج جيش خارق يقضى على أعداء السامية والفتاة هى الخيط)
(إيه رأيكم نمشى فى أى طريق.. طريق أبو الفتوح وللا طريق الجيش الخارق؟؟؟؟ .. ياريت أعرف رأيكم )

[hazem_khidr]

نمشي في اتجاه الجيش يا دكتور هو احنا مفيش شغلانه ورانا غير ابو الفتو ح ولا ايه :D

[Dr Ahmed]

بس لما يسمح لنا المهندس محمد علاء..

[Nader]

كفاااااااية اسبرنزا وابو الفتوح.....ممكن نقلب على غبور :D بهزر.

[hazem_khidr]

كفاااااااية اسبرنزا وابو الفتوح.....ممكن نقلب على غبور :D بهزر

:mrgreen: :mrgreen: :mrgreen: :mrgreen: :mrgreen: :mrgreen:

[mbluethunder]

بس لما يسمح لنا المهندس محمد علاء..

يادكتور أحمد أنا ماعنديش مانع خالص الموضوع جميل جدا وخاصه الخيال العلمي اللي مبني على أساسه أنا حاولت أكمل الأحداث ذي مادخل فيها goodwave وعلى العموم أنا هاعيد صياغة أخر مقطع عملته حسب المطلوب وحضرتك ممكن تمسح المقطع الخير اللي انا عملته عن أبو الفتوح :
---------------------------------------------------------
وينطلق حازم بسيارته الصاروخيه ويناور ويراوغ الصاروخ الألكتروني الموجه إلى أن أصاب المدمر العملاق بطريقه ذكيه للغايه ومعها شعروا جميعا بالأرتياح وهنا بدأ كريم يتكلم ولكن ظهرت شاشه ألكترونبه بلازميه على الزجاج الأمامي للسياره وظهرت صورة صديقهم محمد علاء وبدأ يقول :

م.علاء: آيه ياجماعه أنا بقالي حوالي نصف ساعه بدور عاليكوا ومش لقيكوا خالص
كريم رد : معليشي يامحمد أصل الأحداث كلها أتلخبطت من ساعة ماجينا هنا
حسام : تخيل يامحمد أننا شوفنا فتاه روبوت ولسا مخلصين على عملاق مدمر من بتوع الماسونيه

محمد بعد ما أستمع للأحداث كلها من الأصدقاء :

يجماعه ماتنسوش أننا في مهمه سريه للغايه والمهمه ده كلفتنا بيها جهاز المخابرات المصريه الكونيه بالأشتراك مع وكاله نايل موتورز العالميه وكان الهدف الأساسي القضاء نهائيا على سطوة ملك الماسونيه العملاق والذي عرفت مؤخرا أنه بيبني جيش عملاق مكون من آليات متطوره للغايه وعايز يستخدمها للسيطره على الأرض والكواكب المحيطه والمهمه ده أنتحاريه وطبعا إنتو عارفين كويس أن موضوع المصيف ده كان للتمويه علشان جهاز الملك ليه أعين كتير وممكن يدمر الفريق وهو في طريقه كمان خالي بلكوا أن فيه أجهزة مخابرات صديقه بتشاركنا في المهمه ده وممكن يتصادف أنكم تقبلوا حد منهم

على العموم روحوا للبيت الأمن رقم 1 وأنا هتناقش مع جهاز المخابرات هنا وهاحصلكم علطول وياريت تبعتولنا تقرير كل نصف ساعه لأن الأحداث كده دخلت في نطاق جديد

كريم : ربنا يستر يامحمد واضح جدا أن المهمه ده صعبه جدا وأن الملك ده أسطوله جامد جدا

م.علاء: يجماعه أنتوا تم إختياركوا من ملايين الأشخاص علشان تقوموا بالمهمه ده وطبعا ماتنسوش أن فيه ناس كتير بتساعدكوا ووقفه جانبكوا

حسام : ماتقلقشي يامحمد كل نصف ساعه هانبعت تقرير للجهاز وللوكاله

وهنا أغلقت الشاشه الألكترونيه وتلفت الأصحاب تجاه بعضهم البعض وقال حسام

ياجماعه أحنا لازم نضع كل تركيزنا أننا نقتص من أسطول هذا الملك وأول حاجه أننا نتوصل للمركز الرئيسي بتاعه والذي يصنع فيه آليات جيشه العملاق

حازم بعد تفكير عميق : أعتقد يجماعه إننا لازم نستعين بالفتاه ونضمها إلى الفريق بتعنا لأنها ممكن تفيدنا جدا في مهمتنا ده

رددت الفتاه وقالت :.............

[eng_elnaggar]

ردت الفتاه وقالت: طبعا انا كنت اتمنى اني اكون معاكم في مهمتكم لتدمير هذه المملكة الطاغية لكن للأسف يا جماعة زى ما انتوا عارفين انا مش بشرية يعني انسان آلي وفيه برنامج سامتائي انا متبرمجه عليه وممكن في اى لحظة يكتشفوا اني من فريقكم لأن البرنامج ده بيسمح لفريق المبرمجين التابعين للملك الطاغي انه يكتشف مكاني في اى وقت وبالتالي انا هأكون نقطة ضعفكم اللي بيها ممكن يكتشفوا مكانكم في اى وقت.

كريم: طيب انا عندي فكرة !!! انتي ممكن ترجعي تاني لمكانك في الجيش الملكي وتحججي بأى حجة وتكوني انتي عيننا هناك في وسط الجيش الملكي الماسوني السنترفيشي.

الفتاه: فعلا دي فكره ممتازة وهنخلي وسيلة اتصالنا بالجهاز ده. وقامت باخراج شيئ صغير جدا في حجم حبة الارز وقالت: خلي الجهاز ده معاكم وهيكون هو وسيلة اتصالنا.

معاذ: احنا ما عرفناش اسمك ايه؟
الفتاه: انا فتحية 45 :lol:
حسام: فتحية :shock: عموما اهلا بيكي يا فتحية وربنا يفتحها في وشنا ونخلص المهمة دي على خير :lol:

وودعها الاصدقاء وبعد ان تركتهم وانطلقت فتحية 45 الى مكانها بالجيش الماسوني السنترفيشي واعتدل حازم لقيادة السيارة مرة اخرى فاجأهم كريم بسؤال لم يكن على البال ولا على الخاطر وقال: ..................

[Dr Ahmed]

فاجأهم كريم بسؤاله:
عارفين أنا ليه ما قلتش لكم على سر الرحلة قبل ما نطلع؟

أجابوا: ليه ياكريم أفندى؟

كريم : لأنى كنت متأكد من ولائكم لمصر .. مصر خالتكم.. مصر اللى شربتوا من ميتها المعدنية وكلتوا من بسكوتها.. مصر اللى ماشية فى قلوبكم زى الصمام الصناعى...
بايو والمجموعة: كفاية بقى أحسن هنعيط

كريم:أنا طبعا عارف وطنيتكم ، وأنا مجهز ومخطط للمهمة كويس، ومعانا من الأجهزة الحديثة والأسلحة ما يكفى لتدمير كوكب صغير.. زى ما شفتم مع العملاق الآلى لما فجرته بقنبلة موجهة من الموبايل..

بايو: والخطوة الجاية إيه ياريس..
كريم: احنا هنمشى ورا تردد فتحية لأنهم هيلاقوها أكيد وياخدوها لقلعتهم السريةاللى قدروا يخبوها من أعين أعتى أجهزة المخابرات الشمسية والقمرية..
وسيبكم من الجهاز اللى بتقول عليه.. عارفين ليه؟؟
معاذ: ليه؟؟
كريم: لأنه جهاز تجسس يعرفوا هم بيه مكاننا ويقدروا يفجرونا عن بعد..

بايو: تقصد إيه يا كريم؟؟
كريم: أقصد ان فتحية دى تمثيلية من جيش الماسونية سابوها فى دولاب حجرتنا علشان يستدرجونا ويعرفوا أسرارنا..
بايو: طب وسبت فتحية ليه؟
كريم: أنا لزقت فى قفاها جهاز تتبع لا يمكن كشفه حتى بلآشعة الكلبية... أما الجهاز اللى سابته معانا فهحطه على أقرب صرصار مريخى ويبقوا يمشوا وراه..

ههههههههههههههههههههههه
ويضحك الجميع

ويبدأ كريم فى استقبال تردد فتحية.....

[eng_elnaggar]

جامدة قوي يا دكترة الاشعة الكلبية دي :mrgreen: :mrgreen: :mrgreen:
هههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههه ههههههههههههههه

موتتني من الضحك

[PAYOO]

ويبدأ كريم فى استقبال تردد فتحية..... وفي هذه اللحظه أتصل حفناوي بالمجموعه لمعرفة أخر الأخبار فقال له كريم على ما تم فعله مع فتحية45
صمت حفناوي لبرهة من الزمن ثم قال :- يعني فتحية متبرمجه من عندهم ؟
كريم :- أيوه يا ميمو
حفناوي :- أممممممممم ... طيب طيب سيبولي الموضوع ده أنا هاعمل هاك عليها وأحطلها برنامج تجسس صغير يخلينا نعرف كل الأوامر إللي بتتلقاها فتحية45 قي نفس لحظة تلقيها الأوامر
هنا تدخل بايوو وقال:- طيب ونبي بسرعة يا حفناوي قبل ما تيجي سنة 4700 ونكون عجزنا وتكون الحرب الكونيه الرابعة قامت
حفناوي :- ماتقلقش يا معلم أنا هاظبط كل حاجه بس خطوه خطوه أنا عارفك على طول مستعجل كده
بايوو :- ولا يهمك بس على أي حال أنا حطيت للبنت دي في عنيها عدسات لازقه بكاميرا ترسل لينا كل شيئ بتشوفه البنت لحظه بالحظه وجهاز الأستقبال معيا في التواليت المحمول بتاعي

هنا ضحك الجميع وقالوا له :- يخرب بيت شيطانك يا بايوو
وسأله كريم :- أشمعنى حطيت جهاز الأستقبال في التواليت المحمول بتاعك يا بايوو ؟
بايوو:- عشان ..........

[Dr Ahmed]

بايو: علشان اللى يشوفنى فاتحه يستحى ومايشكش فى اللى انا بعمله .. تمويه يعنى...

كريم : ماشاء الله على التكنولوبيا!! يعنى دلوقت فتحية فيها جهاز تتبع فى قفاها وكاميرا فى عينها ومن تردد دماغها هنعمل هاكينج على نظامها!!

صاح بايو: شششششششششششش
وفتح تواليته المحمول ليستقبل ماذا ترى عيون فتحية!!

ورأى عجبا......