إعـــــــلان

Collapse

.

,
See more
See less

اروح لــــميــــن(منقول)

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    اروح لــــميــــن(منقول)

    أروح لمين؟



    إحنا في البلد دي مالناش كبير..

    أنا أقصد يعني في أوقات الحوادث الفردية ..تحس إن الواحد كده لوحده وعامل زي اليتيم اللي ما رحش معاهم رحلة دريم لاند بتاع كل سنة ..
    أتحدث عن ثقافة الشكاوى..
    في بلدنا الحبيب إذا كنت مواطن من المواطنين الخايبين اللي بيؤمنوا بالحل السلمي لجميع المشكلات

    ( و الكلام ده مابيبقاش أخلاق و تربية ده بيبقى بعيد عنك قصر ديل وأنيميا و سوء تغذية)

    ..إذا كنت واحد من دول فاطمئن عمرك ما هتلاقي حد يغيتك و لا يجيبلك حقك الضايع حتى لوماكنتش من المؤمنين بالحكمة الخالدة اللي بتقول
    (إبعد عن القضايا لتتبهدل يا ضنايا)

    و نفسك و منى عينك تعمل شكوى في حد ..برضه مش هتعرف

    مش مصدقني ..طب فكر كده ..لو كنت في ميكروباص و قرر السواق أن يشترك في الحملة القومية الشعبية (4 ورا) و ظلما و بهتانا حبيت تعترض ..تروح لمين؟..

    لو سواق التاكسي فجأة قرر يرميك في وسط الشارع عشان سولت لك نفسك الدنيئة إنك تديله جنيه فضة وسط أجرته المضروبة غالبا في 3 ..عايز تستعيد كرمتك المتكعورة على الأسفلت ..تروح لمين؟..

    أكلت في يوم قشر بطيخ مقلي على إنه سبيط و قطع من الكانتلوب مسمينها أناناس والغشاشين الظلمة اللي مش هيوردوا على جنة و لاعلى نار ************************
    سمعت سارينة عربية إسعاف و من قلبك الرهيف إنحرفت توسعلها الطريق و خبطت في عامود و بعدها إكتشفت إن العربية فاضية و كل الحكاية إن السواق كان عايز يركن عشان ينزل يجيب سندوتش حواوشي ..عايز تشتكيه ..تروح لمين؟..

    لقيت موس حلاقة في رغيف عيش و ضميرك صمم إنك لازم ترجعه لصاحبه (أمال دي أمانه) ..تروح لمين؟..

    بدأت تلاحظ إن ودانك مش بتطول بالمعدل الطبيعي و كذا مرة مراتك تقولك إن صوت نهيقك و انت نايم ما بقاش زي الأول ..شاكك في صاحب المخبز اللي جنبكوا ليكون بيغش في الدقيق و بطل يضيف نسبة علف الحيوانات اللي مقرراها الوزارة ..تروح لمين؟..

    جيرانك بدأوا يلاحظوا إختفاء جماعي للحمير في المنطقة المحيطة بمحل الكفتة اللي على أول الشارع و انت عايز تمنعهم يبلغوا و يحرموك من سندوتش الكباب و الكفتة أبو 75 قرش ..تروح لمين؟ ..

    جالك إنهيار عصبي و تصاب بكوابيس مستمرة بعد مشاهدتك لإعلان (ممدوح فرج) للتخسيس و خايف تفتح التليفزيون من يوميها ليمد إيده يجيبك من قفاك..تروح منه فين و لمين؟..

    جارك عامل فرح بنته و معلي صوت الميكروفون عشان يسمع حبايبه في زحل و حبايب العريس في المريخ ..نفسك ترفع سماعة التليفون و تطلب النجدة ..لكن على مين؟..مش أنا مرة عملتها؟..الظابط قاللي إقفلي الشبابيك ..لما قلتله الدنيا حر و هنتخنق ..قاللي إعمل جمعية و إشتري تكييف ..آه و النعمة زي ماباقولك كده ..

    غني معايا بقى و بصوت عالي و من غير ما حد ما يرد علينا إحنا الإتنين..أروح لمين و أقول يامين ..ينصفني منك ..ينصفني منك.



    سيدي الفاضل لقد خالفتم العديد من قواعد وقوانين المنتدي
    1: كتابه بالاحمر
    2: نقل بدون كتابه ان الموضوع منقول او ذكر المصدر
    لن يتم فرض اي عقوبه عليكم باعتبار حسن نيتكم في كتابه الموضوع
    برجاء عدم تكرار مثل هذه المخالفات
    تم تعديل العنوان ولون الكتابه
    يرجى مراجعة قواعد المنتدى
    مشرف فرعي 1
    [CENTER][SIZE="2"][B][FONT="Comic Sans MS"]عضو 6 ابريل و افتخر !

    6 Of April Member & Proud ! [/FONT][/B][/SIZE][/CENTER]
    الكلمات الدلالية (Tags): dvd, font, nile, اروح, اللي, الي, بدون, بيع, تعديل, تكييف, جير, حوادث, دى, ريس, سول, شار, شكوى, صوت, ضيف, عايز, عربية, عمة, عن, في, قطع, قلب, كل, لــــميــــنمنقول, مع, من, مين, نار, هي
  • #2
    روح لله اللى خلقنى وخلقك وتاكد ان من اسماوه الحسنى العليم فهو يعلم الغيب افلا يعلم ماوقع فى ملكه .
    [B][SIZE=4][COLOR=magenta][SIGPIC][/SIGPIC][/COLOR][/SIZE][/B]

    Comment

    • #3
      الله أكبر
      من كل شئ
      أسأل الله ان يهدينا ان شاء الله
      [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
      [COLOR="Olive"]قال رسول الله صلى الله عليه وسلم :[/COLOR]
      [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

      Comment

      • #4
        لله الامر من قبل ومن بعد
        اللهم الهمنا الصبر على ما نعانيه
        وجعلناكم شعوبا وقبائل لتعارفوا

        Comment

        • #5
          اميـــــــــــــــــــــــــــــــــــــــــــــــ ن يارب العالمين
          [CENTER][B] :penguin4: [/B][B][SIZE=4]
          [/SIZE][/B][/CENTER]

          Comment

          • #6
            المشاركة الأصلية كتبت بواسطة Ezzat-fayek مشاهدة المشاركة
            أروح لمين؟



            إحنا في البلد دي مالناش كبير..

            أنا أقصد يعني في أوقات الحوادث الفردية ..تحس إن الواحد كده لوحده وعامل زي اليتيم اللي ما رحش معاهم رحلة دريم لاند بتاع كل سنة ..
            أتحدث عن ثقافة الشكاوى..
            في بلدنا الحبيب إذا كنت مواطن من المواطنين الخايبين اللي بيؤمنوا بالحل السلمي لجميع المشكلات

            ( و الكلام ده مابيبقاش أخلاق و تربية ده بيبقى بعيد عنك قصر ديل وأنيميا و سوء تغذية)

            ..إذا كنت واحد من دول فاطمئن عمرك ما هتلاقي حد يغيتك و لا يجيبلك حقك الضايع حتى لوماكنتش من المؤمنين بالحكمة الخالدة اللي بتقول
            (إبعد عن القضايا لتتبهدل يا ضنايا)

            و نفسك و منى عينك تعمل شكوى في حد ..برضه مش هتعرف

            مش مصدقني ..طب فكر كده ..لو كنت في ميكروباص و قرر السواق أن يشترك في الحملة القومية الشعبية (4 ورا) و ظلما و بهتانا حبيت تعترض ..تروح لمين؟..

            لو سواق التاكسي فجأة قرر يرميك في وسط الشارع عشان سولت لك نفسك الدنيئة إنك تديله جنيه فضة وسط أجرته المضروبة غالبا في 3 ..عايز تستعيد كرمتك المتكعورة على الأسفلت ..تروح لمين؟..

            أكلت في يوم قشر بطيخ مقلي على إنه سبيط و قطع من الكانتلوب مسمينها أناناس والغشاشين الظلمة اللي مش هيوردوا على جنة و لاعلى نار *********************

            سمعت سارينة عربية إسعاف و من قلبك الرهيف إنحرفت توسعلها الطريق و خبطت في عامود و بعدها إكتشفت إن العربية فاضية و كل الحكاية إن السواق كان عايز يركن عشان ينزل يجيب سندوتش حواوشي ..عايز تشتكيه ..تروح لمين؟..

            لقيت موس حلاقة في رغيف عيش و ضميرك صمم إنك لازم ترجعه لصاحبه (أمال دي أمانه) ..تروح لمين؟..

            بدأت تلاحظ إن ودانك مش بتطول بالمعدل الطبيعي و كذا مرة مراتك تقولك إن صوت نهيقك و انت نايم ما بقاش زي الأول ..شاكك في صاحب المخبز اللي جنبكوا ليكون بيغش في الدقيق و بطل يضيف نسبة علف الحيوانات اللي مقرراها الوزارة ..تروح لمين؟..

            جيرانك بدأوا يلاحظوا إختفاء جماعي للحمير في المنطقة المحيطة بمحل الكفتة اللي على أول الشارع و انت عايز تمنعهم يبلغوا و يحرموك من سندوتش الكباب و الكفتة أبو 75 قرش ..تروح لمين؟ ..

            جالك إنهيار عصبي و تصاب بكوابيس مستمرة بعد مشاهدتك لإعلان (ممدوح فرج) للتخسيس و خايف تفتح التليفزيون من يوميها ليمد إيده يجيبك من قفاك..تروح منه فين و لمين؟..

            جارك عامل فرح بنته و معلي صوت الميكروفون عشان يسمع حبايبه في زحل و حبايب العريس في المريخ ..نفسك ترفع سماعة التليفون و تطلب النجدة ..لكن على مين؟..مش أنا مرة عملتها؟..الظابط قاللي إقفلي الشبابيك ..لما قلتله الدنيا حر و هنتخنق ..قاللي إعمل جمعية و إشتري تكييف ..آه و النعمة زي ماباقولك كده ..

            غني معايا بقى و بصوت عالي و من غير ما حد ما يرد علينا إحنا الإتنين..أروح لمين و أقول يامين ..ينصفني منك ..ينصفني منك.




            ترحب الخطوط الملتويه المصريه بالرحله القادم علي متنها مواطنين جدد
            و تهنئهم بسلامه الوصول ( و كل سنه و كل راكب طيب فاهمين؟!!!)
            و تعلنهم بترك كافه الامال بانصلاح الحال
            و القبله جهه القبه لو حد عايز يعلي في المحروسه
            و نحذر انفسنا و اياكم من الشكوي و الثوره و الحريه و الديمقراطيه
            و من منكم يريد الراحه فنحن نريد له جنه الاخره ولا ندخر جهدا في ذلك سواء من خلال تكفير ذنوب الساده المواطنين يوميا و علي مدار الساعه او من خلال رحلات شحن جماعيه في عبارات او طائرات و مؤخرا و لأول مره في العالم تأخذ رحلتك الي الاخره و انت في بيتك و لك في ذلك خياران : الاول رجم بالصخور و الدفن تحتها
            الثاني اشتياق سطح العماره لسطح الارض

            و نهنيء الساده المواطنين و نبشرهم بأننا في المحروسه نعمل 24 ساعه في اليوم لضمان وصول كافه الخدمات للمواطن

            Comment

            • #7
              اسف علي مخالفة القوانين
              [CENTER][SIZE="2"][B][FONT="Comic Sans MS"]عضو 6 ابريل و افتخر !

              6 Of April Member & Proud ! [/FONT][/B][/SIZE][/CENTER]

              Comment

              • #8
                على المتضرر اللجوء لله سبحانه وتعالى
                وحسبي الله ونعم الوكيل
                [mshosh2][url=http://www.postimage.org/][img]http://s3.postimage.org/z1xf3bakp/image.jpg[/img][/url][/mshosh2]
                [CENTER][B][I][FONT="Arial Black"]Mahmoud Fayed[/FONT][/I][/B][/CENTER]

                Comment

                • #9
                  يكفى قول حسبي الله ونعم الوكيل ..

                  Comment

                  السابق template التالي
                  Working...
                  X