حد جرب برنامج UC mas ؟

[ehabradwan]

حد جرب لاولاده يدخلهم برنامج us mas ده بتاع تنمية قدرات الطفل . انا عندي كام سؤال لو حد جربه :
1- هل البرنامج فعلا مجدي يعني ابني هيطلع عبقرينو
2- مدة البرنامج اد ايه ؟ و هل في تعارض مع مواعيده و مواعيد الدراسة الطبيعية
3- هل هو برنامج تقيل على الاطفال ولا جذاب و خفيف
4 - التكلفة كام
شكرا مقدما

[tmedhat]

انا دخلت ابنى الصغير فى اليو سى ماااس تبع المدرسة

140 جنية فى الشهر

لسة اول درس

اعتقد انو حيكون مفيد لقدرات الطفل

لاتتردد

[marsguy]

بصراحه في حاجه محيراني أوي

مش حوالي سنه أو 10 شهور الجرايد كتبت إن اليوسيماس ده طلع نصب وإنه بيرفع القدرات العقليه للأطفال بس وهما في البرنامج لكن لو بطلوه القدرات دية بترجع عادية.

أنا فاكر إن اللي كان مدخل اليوسيماس ده قال بنفسه في الجرايد إنه نصب على الناس وخدعهم.

إزاي بقى الموضوع ده رجع تاني؟

[marsguy]

ممكن نشوفوا الروابط دية:

http://www.masrawy.com/News/Egypt/Politics/2008/June/16/yousi_math.aspx

http://www.youm7.com/News.asp?NewsID=28151&SecID=97&IssueID=0

[ehabradwan]

انا مش فاهم حاجة
في ناس مؤيدو وناس معترضة في الاخبار اللي عن يوسي ماس
وبعدين ازاي يبقى نصب و بيتعمله اعلانات لحد دلوقتي

[elassar2010]

نا اعرف ان فى يو سى ماس وفى برنامج تانى نفس الاسم مع اختلاف حروف قليلة
يعنى فى واحد اصلى والتانى تقليد ونصب

[marsguy]

نا اعرف ان فى يو سى ماس وفى برنامج تانى نفس الاسم مع اختلاف حروف قليلة
يعنى فى واحد اصلى والتانى تقليد ونصب

يا ريت تدورلنا على معلومات زياده عن الموضوع ده يا باشا

[itsonlyme]

بص يا أستاذ ايهاب.

البرنامج بيعلم الطفل مهارات وليس قدرات.
بمعنى أنه لا ينمي ذكاء الطفل. هو مجرد يعلمه طرق للعمليات الحسابية باستخدام اجهزة مثل أباكوس وهي مهارة اشبه بمهارة يدوية.

في فرق بين المهارات (مثل المهارات اليدوية) والقدرات (خاصة الذهنية).

ملحوظة: ده كان رأيي قبل ما أقرأ المقال في "اليوم السابع". المقال قال نفس الكلام تقريباً.