ست ب 10000000000000000000000000000000000 واحد من اياهم

[Hossam_Hassan]

استقالة وزيرة الصحة الكويتية بعد حريق بمستشفى


معصومة المبارك هي أول امرأة تتولى منصبا وزاريا في الكويت (رويترز-أرشيف)
قدمت وزيرة الصحة الكويتية معصومة المبارك استقالتها من منصبها إلى رئيس مجلس الوزراء الشيخ ناصر المحمد الأحمد الصباح.

وتأتي استقالة الدكتورة معصومة المبارك بعد يوم من حريق في أحد المستشفيات الرئيسية أدى إلى مقتل شخصين.

يشار إلى أن الوزيرة كانت على وشك الرد على استجواب تقدم به النواب الإسلاميون في مجلس الأمة في وقت لاحق اليوم السبت.

يشار أيضا في هذا الصدد إلى أن معصومة المبارك هي أول امرأة تتولى منصبا وزاريا في تاريخ الكويت.
---------------------------------------------------

بالمناسبة دى يا ريت نقراء الفاتحة على ضحايا العبارة و قصر الثقافة و قطار الصعيد و كفاية كده علشان نلاقى وقت للقمة العيش

[goodwave]

السلام عليكم

يا أستاذ حازم لا أدري هل اتفق معك إنها بميت راجل ولا إنها ما تستاهلش المقارنة حتى بطفل صغير مش راجل!؟ وعلى فكرة العدل والرحمة وارواح الناس مافيهاش راجل وست!

المهم...... انا بردة سمعت الخبر على راديو سوا النهاردة وكان تعليقي الوحيد هو حسبي الله ونعم الوكيل في هذة المرأة وفي نظام الحكم الكويتي بالكامل! عندهم لما الوزير او الوزيرة يعمل مصيبة يقوم يستقيل وبكدة يفلت من العقاب ولا يقع تحت طائلة القانون ابدا!

وكمان اي حد بيمسك منصب في الحكم عندهم إما يكون من العائلة المالكة او من اقرباء العائلة المالكة وده سبب التدهور السياسي الخطير بالذات في الكويت التي تريد ان تفتح اعينها على الديموقراطية "المتأمركة"! ولكن هيهات هيهات...............

ممكن تقولي إن نفس الشئ بيحصل في مصر! دة صحيح بس الوزير اللي بيخطأ بعد ما يستقيل او يخرج من الوزارة بيلاقي اللي نصبينلة المشنقة وبيحاكموه!

الخلاصة مش شايفها بميت راجل ولا بنص راجل حتى إلا إذا كان عندها تصريح او مبرر اخر للاستقالة!

[Hossam_Hassan]

أختلف معاك كل الأختلاف فى كل النقاط اللى حضرتك قلتها لعدة أسباب:

1 - الأستقالة اعتراف بالخطاء و أكيد ده احسن من التثبت بالكرسى على جثث المواطنين.
2 - الكويت بها حياة نيابية و ديمقراطية كاملة و حتى لو الحكم فى عيلة واحدة فده لانها بلد صغير و العائلات و العشائر لها وزنها السياسى.
3 - قولى مين عندنا اتحاسب فى السلطة أو بره السلطة؟

[محمد المشد]

ياجماعة بلاش اختلاف ! سواء استقالت او لم تستقيل لهذا السبب نحن لدينا غراء مصرى يثبت الفرد على الكرسى ولا يمكن له ان يتتعتع عنه مهما عمل او قال او شىء اخر !!!!!!!!!!
وعموما ديمقراطية الكويت افضل من ديمقراطية مصر ففى مصر ليس لنا اى مصدر للامل فى تحسين الاوضاع ! وخاصة فى ظل وجود رؤؤساء تحرير ما زالوا يكتبون كأننا فى عصر النعيم والهنا ، واتمنى ان يفيقوا من الغيبوبة الشديدة لهم ويروا ما يراة الشعب من واقع مؤلم ، طبعا انا اتكلم عن الاهلام الهادف بتاعنا الذى جاء بنا للوراء
وحتى المعارضة فى مصر سيئة ومستأنسة ولا قيمة لها وارجعوا الى تعينات الشورى سوف تروا ما اراة

[PRO-DRIVE]

حد شاف مجلس الامه كان حصل فيه ايه من نص سنه كدا ؟؟

[goodwave]

انا مقدر تعا طفك مع هذة السيدة لانة ممكن إنك تكون بترى فيها نموذج تخلى عن كرسية نتيجة إهمال! ولكن من تسبب في الاهمال وهل من الممكن ان تنتظر في كرسيها لإصلاح الاهمال ومين قالك إنها إستقالت لوحدها مش بعد ضغط من الحكومة والعائلة المالكة! ولو سمحت بلاش نقول إن الكويت بتتمتع بحياة نيابية وديموقراطية كاملة لاني (لحد علمي) ما شوفتش دة في اي دولة عربية!
والكويت بالذات انتشر فيها موضوع إستقالة الوزرا بعد إتهامهم في بعض الفضائح المالية والفساد! وهذا تكرر موءخرا اكثر من مرة في مجلس الامة الكويتي!

اما عن الموقف الاخلاقي اعترافا منها بالذنب فممكن تعمل زي الوزراء اليابانيين الذين يقتولون انفسهم وهو ما يطلقون علية hara-kiri وهو انهم بيقتلوا انفسهم بايديهم لاعترافهم بالذنب وطلبهم ميتة مشرفة بعد مالحق بهم من عار الجريمة التي ارتكبوها في حق الشعب! ده حقيقة مش خيال! ديننا الحنيف حرم قتل النفس انا عارف بس حبيت اقول ان في طرق اكبر للاعتراف بالذنب من الاستقالة !

[AlmAhAtmA]

و الله انا عندي الاستقاله احسن

مش احسن من وزير الثقافه اللي في عهده مات 3 من اصحابي و واحد منهم والدتوا اتشلت لما شافت جثته
ولا القطار ولا مستشفي الاطفال :arrow:
بس يمكن الوزراء عندنا مش بيستقيلوا علشان لو استقالوا مش حيلاقوا وزراء كفايه يمسكوا الوزارات ما انتوا عارفين احنا بلد طيبه و محسوده و عليها العين و مصايبها كتير :lol:

[Hossam_Hassan]

يعنى هى لازم تنتحر علشان تعترف انها غلطانة؟ و كمان انا عن تجربة اقدر اقولك ان الكويت فيها حياة نيابية و ديمقراطية تحترم و مفيش غير لبنان اللى ممكن تقارن بيها بالنسبه للدول العربية فى نزاهة الأنتخابات و على فكرة، كونها تعتبر نفسها مسئولة عن أى خطاء فده بحد زاته داعى لأحترامها و عدم محاولة تشويه موقفها الشجاع.

[محمد المشد]

حد شاف مجلس الامه كان حصل فيه ايه من نص سنه كدا( اقتباس )


على فكرة هو الان اسمة مجلس الشعب حيث ان لفظ مجلس الامة الغى منذ عهد الرئيس الراحل انور السادات

[PRO-DRIVE]

انا اقصد اللي في الكويت مش اللي في مصر اللي في الكويت اسمه مجلس الامه حتي الان