Tweet
الحمد لله النهاردة إتخلصت من النمر المؤقتة و حطيت لوحة من الجداد: (ع ر ب) 
الحمد لله انها ما طلعتش حروف من نوعية (ط ب ق) و (م ط ب) و كده
طبعا مع طول اليوم و الإجراءات خرجت كالعادة ببعض التأملات و المشاهدات اللي حابة إني أشرككوا معايا فيها
العطلة كانت جامدة أوي.. قضيت هناك 4 ساعات في تغيير رخصة من مؤقتة للجديدة بس، من غير لا دفع ضريبة و لا فحص و لا شهادة بيانات و لا أي حاجة من دي، بس العطلة ماكانتش من الزحمة، إنما كانت من إستعمال الكمبيوتر. أيييييييييوه.. التكنولوجيا اللي المفروض بتيسر الإجراءات كانت أكبر عامل النهاردة في تعطيل أي إجراءات. الموظفين يا عيني مش عارفين يتعاملوا مع الكمبيوتر و لا يمسكوا الماوس و حالتهم حالة.. فعلا صعبوا علية النهاردة اوي. و بالتالي الوقت اللي بيقضوه مع العميل الواحد تقريبا بيتضاعف
الموظفة المسكينة اللي كانت ماسكة ورقي فيه اتنين من زمايلها كانوا غايبين من الشغل و هي اللي ماسكة ورق ناس كتير لوحدها.. فعلا فضلت حوالي 5 ساعات متواصلين واقفة على رجلها من غير ما تفكر تقعد ثانية او تشرب لها حتى كباية شاي، و الطوابير قدامها كله مستعجل و كله عايز يمشي و كله مش عاجبه بطء الأداء. فعلا فعلا بعد ما خلصت كان نفسي أدخل لها و أشد على إيديها و أقول لها كان الله في عونك.
بعد ما قضيت طول اليوم في انتظار و طوابير و دخول طوابير و خروج من طوابير.. أقدر أقولها و بكل ثقة ان المصريين مايعرفوش يعني ايه طابور
من كتر الانتظار على الشباك و الوقوف بالساعة و زيادة و بعدين الانتظار قرابة الساعتين عشان استلام الرخصة الناس خلاص عرفت أشكال بعضها كويس و يمكن الأسامي كمان.. طبعا مش عشرة؟
مرور عبود من جوه نضيف نسبيا بس كئيب و السجاير عمتني طول الوقت.. فعلا أكتر حاجة ضايقتني في اليوم، بعد الانتظار الطويل طبعا.
تمن اللوحات 110 جنيه.. كاتبين في الكعب اللي دفعت بيه: 100 جنيه رسوم تطوير.. تطوير ايه بأه؟ هو ده السؤال
مافيش في المرور اختراع إسمه لوحات إرشادية.. أي حد بيسأل أي حد و أي حد بيجاوب على أي سؤال سواء عارف إجابته أو مش عارفها.. و أغلب الإجابات فتي في فتي و الموظفين اللي ع الشبابيك مش بيجاوبوا على أسئلة حد عشان قدامهم طابور طويل عريض من الناس اللي بيخلصوا لهم مصالحهم.. يعني كله بيخبط في كله و الحكومة بتسقف
لاحظت وجود عدد من السيدات اللي سنهم كبير نسبيا في المرور بيطلعوا ورق.. مش متخيلة الستات دي بتسوق الصراحة. ممكن يكون ورق العربية بإسمهم بشكل ما و ده اللي جابهم المرور؟
أهم حاجة بأه إني الحمد لله مش هاروح المكان ده تاني قبل 5 أشهر من الآن، و ده في حد ذاته مريحني نفسيا
الحمد لله انها ما طلعتش حروف من نوعية (ط ب ق) و (م ط ب) و كده
طبعا مع طول اليوم و الإجراءات خرجت كالعادة ببعض التأملات و المشاهدات اللي حابة إني أشرككوا معايا فيها
العطلة كانت جامدة أوي.. قضيت هناك 4 ساعات في تغيير رخصة من مؤقتة للجديدة بس، من غير لا دفع ضريبة و لا فحص و لا شهادة بيانات و لا أي حاجة من دي، بس العطلة ماكانتش من الزحمة، إنما كانت من إستعمال الكمبيوتر. أيييييييييوه.. التكنولوجيا اللي المفروض بتيسر الإجراءات كانت أكبر عامل النهاردة في تعطيل أي إجراءات. الموظفين يا عيني مش عارفين يتعاملوا مع الكمبيوتر و لا يمسكوا الماوس و حالتهم حالة.. فعلا صعبوا علية النهاردة اوي. و بالتالي الوقت اللي بيقضوه مع العميل الواحد تقريبا بيتضاعف
الموظفة المسكينة اللي كانت ماسكة ورقي فيه اتنين من زمايلها كانوا غايبين من الشغل و هي اللي ماسكة ورق ناس كتير لوحدها.. فعلا فضلت حوالي 5 ساعات متواصلين واقفة على رجلها من غير ما تفكر تقعد ثانية او تشرب لها حتى كباية شاي، و الطوابير قدامها كله مستعجل و كله عايز يمشي و كله مش عاجبه بطء الأداء. فعلا فعلا بعد ما خلصت كان نفسي أدخل لها و أشد على إيديها و أقول لها كان الله في عونك.
بعد ما قضيت طول اليوم في انتظار و طوابير و دخول طوابير و خروج من طوابير.. أقدر أقولها و بكل ثقة ان المصريين مايعرفوش يعني ايه طابور
من كتر الانتظار على الشباك و الوقوف بالساعة و زيادة و بعدين الانتظار قرابة الساعتين عشان استلام الرخصة الناس خلاص عرفت أشكال بعضها كويس و يمكن الأسامي كمان.. طبعا مش عشرة؟
مرور عبود من جوه نضيف نسبيا بس كئيب و السجاير عمتني طول الوقت.. فعلا أكتر حاجة ضايقتني في اليوم، بعد الانتظار الطويل طبعا.
تمن اللوحات 110 جنيه.. كاتبين في الكعب اللي دفعت بيه: 100 جنيه رسوم تطوير.. تطوير ايه بأه؟ هو ده السؤال
مافيش في المرور اختراع إسمه لوحات إرشادية.. أي حد بيسأل أي حد و أي حد بيجاوب على أي سؤال سواء عارف إجابته أو مش عارفها.. و أغلب الإجابات فتي في فتي و الموظفين اللي ع الشبابيك مش بيجاوبوا على أسئلة حد عشان قدامهم طابور طويل عريض من الناس اللي بيخلصوا لهم مصالحهم.. يعني كله بيخبط في كله و الحكومة بتسقف
لاحظت وجود عدد من السيدات اللي سنهم كبير نسبيا في المرور بيطلعوا ورق.. مش متخيلة الستات دي بتسوق الصراحة. ممكن يكون ورق العربية بإسمهم بشكل ما و ده اللي جابهم المرور؟
أهم حاجة بأه إني الحمد لله مش هاروح المكان ده تاني قبل 5 أشهر من الآن، و ده في حد ذاته مريحني نفسيا
Comment