استفسار عن هدايا عيد الام للمدرسات

[osamaesm]

كل سنه وانتا طيبين بمناسبه عيد الام

مش عارف اقول ايه بصراحه الواحد يعمل ايه في هدايا عيد الام للمدرسات في المدرسه عند الولد دي اول سنه بصراحه يكون عندي حد في المدرسه
مراتي الله يكرمها بتقولي اعمل حسابك الولد عنده 7 مدرسات غير الدادات مش عارف اعمل ايه
واحد صاحبي قلي تجيب لكل واحده ورده وشكرا علي كده
واحد تاني قالي براويز من الموسكي كل واحد ب 10 بلبل
وانا بصراحه مش عارف وناس كتير بتقولي نفض
هو اصلا كفايه امي وحماتي
فاياريت لو حد عنده افكار كويسه بص برده معقوله
وشكرا

[نور القمر]

انا عن نفسي مكنتش بجيب لمدرساتي الا للمدرسة اللي بحبها بس وحاسة انها تستحق
ومع اولادي مش بقولهم هاتو او متجبوش للمدرسات
لانهم لو حاسين ان في مدرسة منهن تستحق هايفتكروها من نفسهم من غير تدخل مني علشان ميتعلموش النفاق
يعني نصيحتي نفض طبعا
اما لو عايز تجيب طبعا حاجة رمزية زي وردة وخلاص مش كفاية مصاريف المدرسة والدروس علينا

[badry]

نفض يا باشا....بلاش كلام فاضى....

و خد بالك لو عملتها السنة دى تبقى فتحت على نفسك فتحة فى حاجات تانية فى المستقبل....

[badry]

و بعدين انا ضد انى ادى ابنى علشان يجيب هدية لحد...

لو هو عايز يحوش من مصروفه و يجيب ... او يرسم رسمه او يغنى اغنية...

عشان يحس بمعنى الهدية...

[osamaesm]

بعدين انا ضد انى ادى ابنى علشان يجيب هدية لحد...

لو هو عايز يحوش من مصروفه و يجيب ... او يرسم رسمه او يغنى اغنية...

عشان يحس بمعنى الهدية

مش عارف انا نفسي انفض
بس بصراحه الولد صغير kg1 فاكيد مش هينفع يجيب من مصروفه
لانه اصلا مش بياخد مصروف

[badry]

ممكن يرسم او يلون رسمه و يديها للميس...

و ممكن الرسمه تتبروز ببرواز بسيط...و هو ده يكون الهدية الفعلية...

بس كده الولد يحس انه قدم هدية هو اللى عملها...

و الأهم..الميس تفهم ان الهدية من الولد و هو اللى رسمها...حتى لو اهله هما اللى بروزوها...

عشان الميسات ميحسوش ان اهل الولد هما اللى جايبين الهدية...الا لو انت عايزهم يفهموا كده و يتعودوا على كده...

[NaviGator_13]

وردة صغيرة وخلاص

[wesam_salom]

نفض طبعا

هات الهديه لابنك

وخليه يديها لوالدته

علشان يتعود على كده لما يكبر

انما المدرسين والمدرسات مبقوش يستاهلوا فى رأيى

لانهم مش اباء وامهات

دول كل همهم فى المرتب والدروس وازاى يقلبوا اولياء الامور

وخلاص لغوا من المنهج كلمه قم للمدرس وفه التبجيلا

خلوها اقعد قدام المدرس واديه التأبيجه

[mohmd76]

وردة وريح دماغك
كما ان الازمة العالمية واثرها بدأ فى الظهور

[nabil246]

بعض افكاررخيصة

لو عايز تجيب هدايا للمدرسات، إليك بعض الأفكار للهدايا الرخيصة:
كارت تهنئة
تماثيل صغيرة -ميداليات طريفة - منبهات صغيرة- اطقم اقلام- علبة طباشير مستورد - وردة (تباع بالمكتبات داخل قرطاس باغة شفاف ومعها كارت صغير لكتابة الأسم).....
فاترينات المكتبات بها افكار كثيرة.
وفى جميع الأحوال لا تنس إرفاق كارت او ورقة بها إسم الطفل وفصلة.

[LONLY]

على حسب نوع المدرسة يعنى لو هيعملوا ليه مشاكل علشان ما جبش هدية يبقى خلاص هات وأمرك لله لو ما بيعملوش مشاكل يبقى يجيب لو فى ميس بيحبها أو داده
أصل أنا و أنا صغير كنت فى مدرسة تجريبى لغات حكومى كان الموضوع بيتنبه علينا قبلها بكام يوم و إللى ما يجبش هدية فى عيد الأم تبقى حكايته حكاية ويعامل معاملة أبن البطة السوداء وبعد كده غيرنا الشقة فانقلت فى مدرسة تانية خاصة محترمه جدا ما كنش فى حد بيجيب سيره الكلام ده خالص و لو أنت عايز تجيب لحد من المدرسات أو الدادات ده موضوعك ولو ما جبتش عادى

[AhMeD EzZ]

انا كنت بجيب دهب للمدرسات الي بحبهم و الباقي كاسات او اطباق كدة

[eng.octooo]

احلى وابسط هدايا
هى

مصحف صغير ب 5 : جندى
دبدوب صغير ميدالية ب 2.5 من محلات 2.5
علاقة تليفون (الى بتتعلق فى التليفون ودى ظريفة مع السيدات) ب 2:3 جندى
وحاجات كتيييير

[osamaesm]

شكرا لكل الناس
هي شكلها هترسي علي ورده لكل واحده

[MoDyBeNz2008]

بص بلاش الموضوع دة

لأنك هتفتح على نفسك فتحة سودة مش هتعرف تقفلها تاني

و لو عايز تجيب هات حاجة بسيطة دبدوب صغير - وردة - ميدالية للموبايل ولو العيال بيركبوا اوتوبيس للمدرسة اوعى تنسى المشرفة و اكيد السواق دة ممكن تديله 10 جنيه

و اوعى تنسى تلفها و تجيب شطة حلوة لكل مدرسة

مش قلتلك فتحة سودة