اوصف العضو اللي قبلك

[نور القمر]

صحيح معظمنا ما نعرفش بعضنا على الحقيقه
لك اكيد من خلال المنتدى كل عضو قدر يرسم شخصية لعضو تاني في خياله ممكن تكون الشخصية دي متبلورة في صفات معينة حاستها فيه ومش بالضرورة يكون احساسك مظبوط 100 %
ايه رأيكم نلعب لعبة جديدة كل واحد يدخل يوصف العضو اللي قبله بصفة هو حاسسها فيه بعيدا عن صفاته الشكلية او ملامحه
وممكن العضو الموصوف يرد يقولنا صح بنسبة كام في المية او ما يردش زي ما هو عايز

[msobhy]

نور القمرانسانه رقيقة جدا - مواضعها جامده مووووت
باختصار انسانه من الزمن القديم

[RED_OCTOBER_IV]

أبو مروان باشا .... بيحب الاستقرار .. وأكيد بيعشق حاجه إسمها مروان .. ربنا يخليهولك .

[RED_OCTOBER_IV]

وبالمناسبه ... نور القمر .. بتحب تتكلم بالمنطق .. صريحه ... طموحه .. ولما بتحط فى دمغها حاجه مش بتكسل عنها .

[msobhy]

أبو مروان باشا .... بيحب الاستقرار .. وأكيد بيعشق حاجه إسمها مروان .. ربنا يخليهولك .

كلام سليم 100%
انا فعلا عرفت معنى كلمة عشق وحب وخوف وحنان لما ربنا كرمنى بمروان
وبالمناسبة فى البشمهندس عبد الرحمن برضو (32 يوم)
بس برضو هو مروان وبس صاحبى وابنى واخويا وكل حاجة فى الدنيا
وربنا يخليك يا باشا على الكلام الجميل

[جمال]

وحضرتك انسان مجامل
وسريييييييع الرد
طبعا انا قصدى على ابو مروان
طلع فى اعضاء كتير بنفس السرعة
لغاية ما كتبت الرد كان فيه 4 ردو

[نور القمر]

نور القمرانسانه رقيقة جدا - مواضعها جامده مووووت
باختصار انسانه من الزمن القديم

شكرا ليك طبعا مدام مدح هقولك صح 100 % حتى لو غلط ههههههههه بس عموما الرقه صفات بنات حواء عموما حتى ان كان في البعض بعيد شكلا وموضوعا عن الرقة

ربنا يخلي مروان وعبد الرحمن ويحفظهم من كل شر

وبالمناسبه ... نور القمر .. بتحب تتكلم بالمنطق .. صريحه ... طموحه .. ولما بتحط فى دمغها حاجه مش بتكسل عنها .

صريحة صراحة ممكن تؤلم اللي قدامي احيانا بعتبرها صفة سلبية فيا وبحاول اغيرها
طموحة وبحاول احقق احلامي
بس كسولة فوق ما تتصور

ابو مروان اب حنون وانسان اجتماعي بيحب تكوين صداقات جديدة

ريد اكتوبر هاديء مجامل

[نور القمر]

وحضرتك انسان مجامل
وسريييييييع الرد
طبعا انا قصدى على ابو مروان
طلع فى اعضاء كتير بنفس السرعة
لغاية ما كتبت الرد كان فيه 4 ردو

استاذ جمال واستاذ مدحت بحس انهم زي المرحوم بابا ربنا يديكم الصحة وطول العمر
حازم لكن بحنان وعطوف ..شخصية جادة لكن ما يمنعش وجود بعض القفشات الظريفة في الوقت المناسب

[جمال]

استاذ جمال واستاذ مدحت بحس انهم زي المرحوم بابا ربنا يديكم الصحة وطول العمر
حازم لكن بحنان وعطوف ..شخصية جادة لكن ما يمنعش وجود بعض القفشات الظريفة في الوقت المناسب

يا بنت الايه !!!! :10D5C8~1107::10D5C8~1107:
ايه الالمعية دى كلها
اخجلتم تواضعنا

[aif]

يا بنت الايه !!!! :10D5C8~1107::10D5C8~1107:
ايه الالمعية دى كلها
اخجلتم تواضعنا

البشمهندس جمال
راجل منظم ... تفكيره منظم ... واكيد عربيته منظمة برضه
عنده إصرار .... يرفض الاستسلام للواقع .... عنده قدرة كبيرة على التكيف مع من حوله وما حوله ..... وبأحبه في الله

[bee]

البشمهندس جمال
راجل منظم ... تفكيره منظم ... واكيد عربيته منظمة برضه
عنده إصرار .... يرفض الاستسلام للواقع .... عنده قدرة كبيرة على التكيف مع من حوله وما حوله ..... وبأحبه في الله

شخصية بجد محترمة .. أولى اهتماماته الدين حسب ما انا مكون فكره .. خفيف الظل .. اجتماعي (بمعني بيحب اسرته وعائلته واصدقاءه)..
خدووووووووم

[msobhy]

وحضرتك انسان مجامل
وسريييييييع الرد
طبعا انا قصدى على ابو مروان
طلع فى اعضاء كتير بنفس السرعة
لغاية ما كتبت الرد كان فيه 4 ردو

الف شكر على ردك الجميل يا استاذ جمال
واذا كنت انسان مجامل فأكيد احنا بنتعلم من حضرتك

[MoDyBeNz2008]

bee
فنان موهوب خفيف الظل شقي مش اجتماعي اوي بس مش بيعيش في عزلة عملي خفيف الحركة

[جمال]

البشمهندس جمال
راجل منظم ... تفكيره منظم ... واكيد عربيته منظمة برضه
عنده إصرار .... يرفض الاستسلام للواقع .... عنده قدرة كبيرة على التكيف مع من حوله وما حوله ..... وبأحبه في الله

أرسل أصلا بواسطة جمال
يا بن الايه !!!!
ايه الالمعية دى كلها
اخجلتم تواضعنا


وانا كمان بحبك فى الله

[bee]

bee
فنان موهوب خفيف الظل شقي مش اجتماعي اوي بس مش بيعيش في عزلة عملي خفيف الحركة

مممممم ليا الشرف انك رديت عليا يا باشا
بس انت عرفت موضوع مش احتماعي اوى ده منين ؟؟

عموما يعني الدور عليا
مودي باشا ..
اجتماعي .. بيحب السيارات .. متعاون ومتفاني في خدمة الغير .. مش متاكد من دي بس حاسسها بيحب القراءة في المجالات الي بيحبها ..