ياتري بعد ما اتجوزت نفسك الزمن يرجع بيك تاني (الموضوع احصائي)

[mohamed_rhem]

بعد سنتين ولا ثلاثه الله اعلم بعددهم في اغلال الزوجية تفتكر لو الزمن رجع بيك فلاش باك للخلف
كنت حتقدم علي الخطوة المش محسبوبه ده ولا برضه كنت حتقول وايه يعني اهه شر لابد منه

اما لو كنت لاقدر لك الله سعيد ومبسوط

قولنا ايه ايه الحاجه اللي خلتك سعيد او احكلنا علي اكتر حاجه بتغيظك

غير المتزوجون يمتنعون (يا بختهم)

[amrico]

ياراجل ليه الكلام الجامد ده بس
الحمد لله انا بقالي متجوز 4 سنين وربنا رزقني بولدين ودول أحلى حاجة حصلتلي في حياتي
إللي يقولك الجواز كبت حريات وغم وبهدلة أنا لا أتفق معاه في الرأي
نسأل نفسنا إيه هي المتع إللي ممكن تكون فقدتها بعد الجواز
مثلا الخروج مع أصحابك
أكيد اصحابك دول من سنك وفي بعضهم اتجوز أو لو ماكانوش مسيرهم هايتجوزوا وفعلا هاتبعد عنهم لو ماكنتش متجوز بما انك الوحيد إللي فاضي فيهم

ياجماعة الإنسان لما يتجوز في متعه جديدة لازم يحس بيها
وهي متعة العطاء و إسعاد الأخرين
لا شئ يقدر بإنك تشوف السعادة في عيون ابنك لما تجيبله لعبة جديدة
ولا لما يكون ربنا رازقك بزوجة صالحة وبتخططوا مستقبلكم مع بعض
متعة كبيرة طبعا مايحسش بيها أي واحد عازب
الحمد لله انا شايف حياتي بقت أحسن بعد الجواز

وأسف للإطالة

==
عمرو
==

[ahmed_bq]

ياراجل ليه الكلام الجامد ده بس
الحمد لله انا بقالي متجوز 4 سنين وربنا رزقني بولدين ودول أحلى حاجة حصلتلي في حياتي
إللي يقولك الجواز كبت حريات وغم وبهدلة أنا لا أتفق معاه في الرأي
نسأل نفسنا إيه هي المتع إللي ممكن تكون فقدتها بعد الجواز
مثلا الخروج مع أصحابك
أكيد اصحابك دول من سنك وفي بعضهم اتجوز أو لو ماكانوش مسيرهم هايتجوزوا وفعلا هاتبعد عنهم لو ماكنتش متجوز بما انك الوحيد إللي فاضي فيهم

ياجماعة الإنسان لما يتجوز في متعه جديدة لازم يحس بيها
وهي متعة العطاء و إسعاد الأخرين
لا شئ يقدر بإنك تشوف السعادة في عيون ابنك لما تجيبله لعبة جديدة
ولا لما يكون ربنا رازقك بزوجة صالحة وبتخططوا مستقبلكم مع بعض
متعة كبيرة طبعا مايحسش بيها أي واحد عازب
الحمد لله انا شايف حياتي بقت أحسن بعد الجواز

وأسف للإطالة

==
عمرو
==

انتا قولت نفس اللي كنت عايز اقوله بالمللي
خصوصا موضوع الاطفال ... انا عندي بنتي فعلا من اجمل الحجات اللي حصلتلي في حياتي

[analyzer]

يا ساده الجواز ده قدر محتوم لا يمكن تغييرة
يعنى يرجع الزمن ميرجعش هو ليك زوجه محدده مش هتتجوز غيرها
و لا خلاف ان الزواج نعمه من نعم الله علينا وكذلك النعمة الاكبر هى الاولاد والبنات خاصه الخلف الصالح منهم

بسم الله الرحمن الرحيم " المال والبنون زينة الحياة الدنيا " صدق الله العظيم

[amrico]

انتا قولت نفس اللي كنت عايز اقوله بالمللي
خصوصا موضوع الاطفال ... انا عندي بنتي فعلا من اجمل الحجات اللي حصلتلي في حياتي

ربنا يخليهالك ويسعدك بيها
هي عندها كام سنة عشان ممكن يكون عندي عرسان ليها
انا عندي كريم 3 سنين
ومحمد 3 شهور

==
عمرو
==

[mohamed_rhem]

كلام زي الفل اللاطفال دول نعمة من ربنا

بس انا عايز واحد يقولي علي تعمة واحده صافية مفيهاش منغصات

طبعا الضحكة من ابنك ولا بنتك بالدنيا بس هل انت طول الوقت مستمتع بيها هل طول الوقت ابنك سعيد حتي انت مزاجك بيبقي علي طول كويس!!

[ahmed_bq]

ربنا يخليهالك ويسعدك بيها
هي عندها كام سنة عشان ممكن يكون عندي عرسان ليها
انا عندي كريم 3 سنين
ومحمد 3 شهور

==
عمرو
==

ينهر ابيض بيجيلها عرسان من دلوقتي
بنتي اسمها شهد وعندها 8 شهور لسه ..

[mohamed_rhem]

طيب مفيش حد عنده عروسة لاياد ابني الكبير عنده 18 شهر وعربيه كهربائية بالريموت وام بي 3
وصورته في التوقيع

مستني الردوووووووووووووووود

[abdalla45]

السلام عليكم طبعا مفيش احسن من الاستقرار الجواز دا نعمه ربنا انعم بيها علينا تجنبا للشهوات والشبهات وعشان يعصمنا من الخطأ ومن لم يستطع فليصم

[amrico]

ينهر ابيض بيجيلها عرسان من دلوقتي
بنتي اسمها شهد وعندها 8 شهور لسه ..

ربنا يخليهالك يا أبو شهد
في الحالة دي هاتكون كبيرة على محمد (عنده 3 شهور)
ممكن تنفع لكريم وعلى فكرة كريم عنده عربية لاندكروزر بالكهربا والريموت ومن غير نمر أتوبيس خاص

==
عمرو
==

[amrico]

كلام زي الفل اللاطفال دول نعمة من ربنا

بس انا عايز واحد يقولي علي تعمة واحده صافية مفيهاش منغصات

طبعا الضحكة من ابنك ولا بنتك بالدنيا بس هل انت طول الوقت مستمتع بيها هل طول الوقت ابنك سعيد حتي انت مزاجك بيبقي علي طول كويس!!

يعني إللي مش متجوز هو إللي مستمتع بحياته طول الوقت
أكيد لأ

==
عمرو
==

[Ahmed Samy]

لو الزمن رجع بيا ألف مرة
مش هاتمنى زوجة أفضل من بنت الأصول اللي ربنا كرمنى بيها
ولا هاتمنى حياة أفضل من اللي ربنا معيشني فيها
الحمد لله

الزواج أغلال لمن يريد أن يراه أغلالا

و جنة لمن يرغب ان يعيشها

الرك عليك في الأول

[mohamed_rhem]

لو الزمن رجع بيا ألف مرة
مش هاتمنى زوجة أفضل من بنت الأصول اللي ربنا كرمنى بيها
ولا هاتمنى حياة أفضل من اللي ربنا معيشني فيها
الحمد لله

الزواج أغلال لمن يريد أن يراه أغلالا

و جنة لمن يرغب ان يعيشها

الرك عليك في الأول

اسمحلي احيك علي الرد ده

[wesam_salom]

لا تعليق

[أبو إياد]

مااجمل ان يكون لديك انسان
يسال عنك ان غبت ........ يقترب منك اذا بعدت
مااجمل ان يكون لديك فى الدنيا انســــــــــــــــــــــــان
يخاف عليك ..... يحــــــــبك
يرعاك ... يشاركك الفرح والسعاده.....والالم
مااجمل ان تندمج ارواحكم معا .....فتصبحوا قلبا وعقلا واحدا
تفرحون معا.... تحزنون معا ...... وتتألمون معــــا
مااجمل ان يكون لديك انســـــــــــــــــــــــــــــــان
يحسن الظن بك ويغفر لك ان اخطأت .... ويلتمس لك العذر ان له اسأت
مااجمل ان يحفظ غيبتك ... ويدافع عنك... ويقطع لسان من يتكلم عليك
مااجمل ان يكون لديك انســـــــــــــــــــــــــــــان
يشدد من ازرك ان ضعفت
ويشجعك ان جبنت...ينصحك ان اخطأت
مااجمل ان يكون لديك انســـــــــــــــــــــــــــان
كاتما للسر............ .حافظا للعهد
وفيا للوعد ............ ....... صادق اللسان والقلب
فاذا كنت تملك هذا الشخص ...... فهنيئا لك به ......... فقد ربحت
فحافظ عليه كعينيك واحمد الله على نعمته عليك
انسان كهذا فى هذا الزمان الذى نعيشه كنز مفقود
اذا وجدته لا تجعله يضيع منك هباءا
ومااجمل ان يكون لديك انســـــــــــــــــــــــــــــــــان فى الدنيا