موضوع فعلا أصبح ظاهر.....هل ترضى بهذا المنظر ..طيب تعمل أيه لو شفته بعينك ...؟؟

[AHMEDCAR]

*********

الحمد لله ان ربنا ماقبضش روحك و انت بتعمل الذنب كده

كنت هاتقابله يوم القيامه و انت على المنظر كده اتقى الله

[deee]

بردو الموضوع ده حرية شخصيييييييييييييييييييية ........
اى حد بيعمل حاجة زى كده (شخصية) مش معناها انه بيقول للناس بوصوا عليا ....
طالما مش عاجبك المنظر يبأه متبصش (ولا هو عاجبك اوى ولازم تركز معاه لحد متلبس فى العربية اللى ادامك) ..
وبفرض انه عاجبك ده برده ميدكش الحق انك تبص عليه اصلاً ..
بالنسبة للواحدة الغلبانة اللى حضرتك مش هتسيبها عشان الولد اللى بيضحك عليها .. هل هى عينت حضرتك انك تكون المحامى بتاعها ؟؟
او انت الفتوة اللى بتحمى البلد من الرزيلة ؟؟؟؟؟؟
ثم إيه علاقة غلبانة او شريرة بالموضوع ده .. دى حاجة ترجعلها !!!!
والعيل اللى بيضحك عليها ده .. إنت ليه بتجزم بإنه بيضحك عليها ..
وحتى لو .. انا احشر نفسى فى حاجة زى كده لييييييييييييييه ؟!!!!!!!!
وبيتهيألى يعنى لما امى او اختى او بنتى متشوفش حاجة زى كده فى الشارع مش هتشوفها فى التليفزيون .. وبطريقة اكثر (تفصيلاً) والموقف من اوله لآخره !!!!!!!!!!!!!!!!!!!!!!!!!!!!!!!!!!!



مصرررررررررررر .. للخلف دُر . :)

[د.أحمد سمير]

مش هاتكلم عن موقف الدين لأن موقف الدين واضح وصريح ومش محتاج كلام ..
أنا هاتكلم عن فكرة الضبط الاجتماعي .. وهي مسألة وجود قيم وتقاليد متعارف عليها يقوم أفراد المجتمع جميعهم على حمايتها وتساندهم فيها أجهزة الدولة ..
الناس اللي بيقولوا حرية شخصية هم نفسهم اللي بيقولوا على جارك الهولندي اللي بلغ عنك البوليس علشان حطيت كراكيب على سطح بيتك انت .. وجه البوليس وعملك مشكلة كبيرة .. بيقولوا شوفوا التحضر شوفوا الأدمية ، شوفوا احترام الجمال وتقديس النظافة .
والناس دول نفسهم هم اللي بيقولوا على الشخص اللي بيعمل محضر لجاره علشان عنده كلب بيهوهو طول الليل عنده حق ..
هم نفسهم اللي بيقولوا إن أي حد مركب زينون بيعمي بيه الناس ولا بيعمل غرز نموذج للهمجية ولازم ينضرب في ميدان عام ....الخ

وكل دولة في العالم لها مقاييس للفعل المباح وغير المباح ، يعني لو حد قلع هدومه في الطريق بيخش السجن مش بيقولوا حرية شخصية وده في دول أوربا وأمريكا .. ولو حد مشي مع زوجته وهي كاشفة وشها في السعودية هاياخد على دماغه .. وما بين هذا وذاك ، وما بين حدود الحرية المتاحة والمقبولة تتحدد مستويات الفعل المطلوب للضبط الاجتماعي ..
الخلاصة إن كل وطن وأمة فيه حدود واضحة للضبط الاجتماعي ومعايير للسلوك المقبول وغير المقبول ..
أما نحن فلماذا نعجز أو على الأقل نختلف في هذا الأمر
الفكرة يا إخواني في الاجتزاء والتبرير لعدم القيام بأي دور في عملية الضبط الاجتماعي ..
الاجتزاء .. إنك بتركز على ظاهرة فاسدة وتترك غيرها من الظواهر ، فتركز على الأفعال الفاضحة دون أفعال الغش والإيذاء المتعمد ، والفساد ، وقلة الضمير .
والتبرير .. إنك بتقيس فعل شاذ الناس لا تقاومه بفعل شاذ تاني يبقى المفروض الناس برضه لا تقاومه .. كانت اتشطرت على الفعل الأولاني

والاتنين للأسف غلط ..
مبررات عدم القيام بدورك في الضبط الاجتماعي ممكن تكون منطقية .. لأن الولد اللي بتنصحه ممكن يكون قليل الأدب ، ممكن يكون بلطجي .. الناس مش هتساندك لأ هيتفرجوا عليك حتى لو بتموت .. الشرطة مش هتهتم بيك ولا بكلامك ولا حتى هتتحرك لو حصلك تهديد ما ، الإسعاف مش هتيجي لو اتغزيت مطواه في جنبك ..الخ

طيب .. خلونا نبص للموضوع من وجهة نظر عملية بحتة ..
*لو سكن جنبك في الشقة اللي جنبك تماماً قوادون .. وبقت شقة دعارة هتقول دي حرية شخصية ..
* طيب لو سكن جنبك جماعة إرهابية شايفهم بيدخلوا سلاح وقنابل هتسكت ..
* طيب لو شفت بعينك جريمة قتل أو اغتصاب هتسكت .
* طيب لو اتعرض عليك شقة فوق كبارية بسعر كويس هتشتري
وكتير وكتير من المواقف المماثلة ..

أنا شايف إن الحل في ظل غياب الحماية عند النصح إنك تتبع مبدأ الغلاسة الذي نتبعه أثناء القيادة ..
يعني لما بالاقي حد ماشي عكسي بحط عربيتي قدامه وأجبره إنه يعدل نفسه أو يرجع أو يمشي في نص الشارع ..
لما حد بيعميني بنوره باخليه يعدي واعلى النور في مرايته واسنتر نفسي وراه لحد ما يتعلم الأدب ..

يبقى الحل : تمشي وراهم وتنور العالي .. تغلس عليهم وتزنق علشان يفوقوا .. لو وقفت جنبهم تطلع الموبايل وتصورهم ، ما طالما دي حرية شخصية وهم مش هاممهم الفضيحة خلاص يتصوروا ويتجرسوا على اليوتيوب والفيس بوك ..
أعتقد بمثل هذه الأمور ممكن المسألة تخف شوية ونبقى عملنا اللي علينا وفق أقل الأمور خطورة ..
تقبلوا خالص مودتي

[Rembrandt]

بردو الموضوع ده حرية شخصيييييييييييييييييييية ........
اى حد بيعمل حاجة زى كده (شخصية) مش معناها انه بيقول للناس بوصوا عليا ....
طالما مش عاجبك المنظر يبأه متبصش (ولا هو عاجبك اوى ولازم تركز معاه لحد متلبس فى العربية اللى ادامك) ..
وبفرض انه عاجبك ده برده ميدكش الحق انك تبص عليه اصلاً ..
بالنسبة للواحدة الغلبانة اللى حضرتك مش هتسيبها عشان الولد اللى بيضحك عليها .. هل هى عينت حضرتك انك تكون المحامى بتاعها ؟؟
او انت الفتوة اللى بتحمى البلد من الرزيلة ؟؟؟؟؟؟
ثم إيه علاقة غلبانة او شريرة بالموضوع ده .. دى حاجة ترجعلها !!!!
والعيل اللى بيضحك عليها ده .. إنت ليه بتجزم بإنه بيضحك عليها ..
وحتى لو .. انا احشر نفسى فى حاجة زى كده لييييييييييييييه ؟!!!!!!!!
وبيتهيألى يعنى لما امى او اختى او بنتى متشوفش حاجة زى كده فى الشارع مش هتشوفها فى التليفزيون .. وبطريقة اكثر (تفصيلاً) والموقف من اوله لآخره !!!!!!!!!!!!!!!!!!!!!!!!!!!!!!!!!!!



مصرررررررررررر .. للخلف دُر . :)

اعتقد الراجل لما كتب الموضوع كان هدفة الحفاظ على الزوق العام والموضوع ملوش اى علافة خالص بلحرية الشخصية دة اسمة انحلال اخلاقى وازا لم نتكاتف جميعا لايقاف هذة الظاهرة الدخيلة على مجتمعنا سيتفشى هذا الوباء السرطانى حتى يصل الى اقرب الاقربين ليك وفى هزة الحالة سيختلف رد حضرتك بكل تأكيد
كلام حضرتك اجد فية دعوة صريحة للفجور والزنا بأسم الحرية الشخصية
ارجو ان يتسع صدرك لكلامى

[أبو إياد]

اول امبارح الساعه 3 الفجر باتمشى انا وصاحبى بالعربيه فى جامعه الدول وانا من عادتى لما اسوق بالليل والدنيا فاضيه احب اتمشى كده على مهلى اخرى 40كم ولقيت عربيه بتعدينى كان اتنين شباب ادام وبنت ورا فى النص وحاضنه الكرسين وبيتكلموا المهم عينى جت فى عنيها لقتها بعتيتلى بوسه :k8: قولتلها انتى مجنونه يابت المهم اللى كان سايق ماخدش باله فماشى عادى وسبقنى الهم حصلته ووقفته قولتله ينفع كده ياعنى الحاجه اللى راكبه ورا دى سورى فى التعبير بقا (بتبصق ) قلقيت صوتها على اللى معايا قالها عيب يا ماما انتى مع رجاله ياريت ماسمعش حسك طبعا الشباب اساسا فوجئوا بالحوار راح قايل معلش ياشباب وحقوقوا عليا
صدقونى اساسا البنات اللى من النوعيه دى اساسا ماتشرفش وتفضحك فى اى حته فالبعد عنهم مكسب والقرب منهم
وربنا يرحمنا

[احمدعبدالعزيز]

الإخوة الفضلاء اللي بيعارضوا صاحب الموضوع على طرحه

بحجة إن دي حاجة شخصية أو هو حر

حريته تكون في بيته

ليه أمي أو أختي أو زوجتي أو بنتي تشوف الباشا وهو بيمارس حريته في الشارع

ليه أسيب واحدة غلبانه يضحك عليها حتة عيل بحجة الحب وبعد كده يرميها زي الكلاب وبعد كده تولع في نفسها

ليه أسيب واحد زي ده يشجع على نشر الفساد في المجتمع

ليه لما الواحد يجي يتكلم في حاجة نقوله أنت بتكلم في دي والناس بتموت على الدائري والفساد منتشر في البلد هي علاقة دي بدي
هو أنت لما بتيجي تقول نكته حد بيقول لك انت بتقول نكته وسايب الناس بتموت

ليه سايبين أحاديث النبي صلى الله عليه وسلم

عن حذيفة عن النبي صلى الله عليه وسلم قال { والذي نفسي بيده لتأمرن بالمعروف ولتنهون عن المنكر أو ليوشكن الله عز وجل أن يبعث عليكم عذابا من عنده ثم تدعونه فلا يستجاب لكم } رواه الترمذي وحسنه . ومعنى أوشك أسرع .

وعن جرير رضي الله عنه مرفوعا { ما من قوم يكون بين أظهرهم من يعمل بالمعاصي هم أعز منه وأمنع لم يغيروا عليه إلا أصابهم الله عز وجل بعذاب } رواه أحمد وغيره .

وعن أبي بكر الصديق قال { يا أيها الناس تقرءون هذه الآية { يا أيها الذين آمنوا عليكم أنفسكم لا يضركم من ضل إذا اهتديتم } . وإني سمعت رسول الله صلى الله عليه وسلم يقول : إن الناس إذا رأوا الظالم فلم يأخذوا على يديه أوشك أن يعمهم الله تعالى بعذاب منه } إسناد صحيح رواه جماعة منهم أبو داود والترمذي والنسائي .

وبعد كل ده لازم نسكت

ماهي البلد مليانه فساد واليهود بيقلوا في الفلسطينين وأمريكا في العراق
احنا بقى نقعد جنب الحيطه ونسمع الزيطه
وعلى حرقة الدم
ده أحسن حل

احسن تعليق فعلا ربنا يبارك فى حضرتك ويكتر من امثالك

[powerofhelll]

*********

فعلا
انت راجل علي خلق جدا و ان شاء الله ربنا هيكرمك كرم ان الله مع الصابرين

[أبو إياد]

فعلا
انت راجل علي خلق جدا و ان شاء الله ربنا هيكرمك كرم ان الله مع الصابرين

حبس من شهر الى 3 سنوات حسب الواسطه

[yooyaa]

السلام عليكم

يا جماعة كل واحد بيعمل حاجة صح أو غلط عواقبها على دماغه... اتنين بيبوسو بعض فى العربية أنا ماليش دعوا نهائياً .. حريتهم الشخصية.. ميهمونيش فى حاجة.. أنا مش وصى على الناس ولا أحسن منهم أصلاً عشان أعين نفسى قاضى للحكم على فلان و علان.. و حتى لو كفرة برضه ماليش دعوا انما واحد راكن عربيته و فجأة راح طالع فى نص الشارع من غير اشارة ولا يحزنون يهمنى لأن غلطته تؤثر عليا و على السائقين .. حتى لو كان شيخ و بدقن.

معظم المصريين كل واحد محسسك انه قاضى يحكم على الناس و يصنفهم...
كل واحد يخليه فى نفسه و فى حياته... تانى حاجة محدش يفرض معتقاده على حد .. يعنى أنا لو مسلم مفرضش رأيى على بقيت الناس .. اسلامك يا حبيبى لا يعطيك الحق أو ينصبك حكماً على الناس...
و بعدين عندى سؤال بسيط جداً
هوا دا اللى انتو فالحين فيه ؟؟؟؟؟
البلد خربانة و الشوارع زى الزفت و لا فى خدمة صح و لا شرطة صح و لا مستشفيات محترمة فى متناول الشعب... و سايب كل دا .... تركت كل مشاكلنا و مزعلك قوىىىىىىى البنت الى بتبوس الولد.

فعلاً تفكير جامد ... و فعلاً لو العيال بطلت تبوس فى العربيات البلد دى هتتصلح....
عجبى...

[MMamdouh]

حرية شخصية ايه بس يا جدعان؟؟؟؟ الكلام دة لو بيعمل كدة فى بيتة... الشارع دة مش ملك اللى جابوة عشان يعمل كدة

حد فى الناس بتوع الحرية الشخصية يرضى ان حاجة زى كدة تحصل فى الشارع و امة او اختة تشوفها؟؟؟؟؟؟؟؟؟؟؟؟؟؟؟

MMamdouh

[deee]

يا سيدى انا لا بشجع على الزنا ولا الفجور ولا الكلام اللى حضرتك تفضلت بيه ده ...
هو انا عشان مبحشرش نفسى فى شئون الاخرين أبأه بشجع على الانحلال .. انا مش فاهم !!!!!!!!
دلوقتى واحد بيبوس واحدة فى (عربيته) انا مااااااااااااالى ..
هل انا عمده البلد ؟؟
هل انا ممثل للقانون ؟؟
هل انا فتوة المنطقة ؟؟
هل كل واحد من الشعب ماضيلى على ورقه بتقول إنى ليا الحق أعاقب الناس بمزاجى ؟؟؟؟؟؟؟
بلاش الكلام الكبير ده وبشجع على الانحلال وعلى البطيخ !!!!
مش لما اشوف واحد بيبوس واحدة فى (عربيته) للمرة التانية (عربيته) انا كده انجرحت فى اعز ماأملك ..
لو الناس بطلت تبوس فى عربياتها .. المعكسات هتخلص ؟؟
التحرشات هتنتهى ؟؟؟
الاغتصاب هيتوقف ؟؟؟؟؟؟؟
البنات هيبطلوا يمشوا فى الشوارع ؟؟؟؟
بالنسبة لو واحد قواد ساكن فى جنبى وقلبها شقة دعاره ..
المفروض إنى أنزل بسنجة مثلاً واروح أغُزه وأغُز كل اللى موجود فى الشقة ؟؟
اعزل من الشقة عشان على مالاقى شقة زيها يفوت 50000 سنة (مرحباً بك فى المحروسة) ..
هو مش فيه حاجة إسمها جهات تنفيذية للقانون ؟؟؟؟؟؟؟؟؟؟؟؟؟؟؟
ولا إحنا عايشين فى غابة زينا زي إنتوا فاهمين ...
يعنى لما اشوف ناس (بتموت) فى طابور عيش .. وساعتها أعمل (عبيط) ولا كأنى شايف حاجة مع إن إنت شايف جريمة فى حق الانسانية .. يبأه ده عادى .. ولما حد يبوس حد وتشوفوا خلاص دمك هيفور والجلالة تلعب دورها !!!! أمركوا عجيب بصراحة ........
بالنسبة لو سكن جنبى جماعة إرهابية .. د قصة تانية يا محترم .. المقارنة هنا غير عادلة بالمرة .. إنت هتجيبلى إرهاااااااب وقنابل زى بوووووووووووووسة .... ياخى حرام عليك ..!!!!!!!!

جريمة إغتصاببببببببببببببببب...............
أهو ده بأه إللى انا اشك إن حضرتك عارف عنه اى شئ ....
كتيررررررررررر شافوا بنات بتتخطف وعملوا نفسهم ولا كأنهم سمعوا ولا شافوا حاجة .. ويقولك ياعم وانا مالى ......
والغريب إنك ياسبحان الله نفسسسسس الشخص يشوف واحد بيبوس واحدة فى عربيته يقولك إززززززززززززززاى شرفىىىىىىىىىى عرضىىىىىىىىىىىى وشوية كلام كبير ولطيف كده من اللى المصريين مشهورين بيه .........
لو إتعرض عليا شقة فوق كباريه بسعر كويس .. وإمكانياتى تتناسب معاها ومعنديش اى إختيارات .. أيوة هسكن فيها (مرحباً بك فى المحروسة تانى) ............
إذا كانت بلدك هى اللى مدياها تصاريح مزاولة الانشطة بتاعتها انا المفروض اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ومع ذلك مش شايف انهم ضرونى فى حاجة ....
وعلى رأى عادل إمام .. لو كل واحد عزل عشان فوقيه واحدة رقاصة البلد كلها هتبات فى الشارع ....

أعتقد إن الامثلة اللى بتقولها دى وإن واحد جاى ماشى عكسى وانا تغلس عليه ده حقك .. لأنه ضرك مش كده ولا إيه ؟؟
حد بيزنق عليك بالعربية تغلس عليه انا معاك لأنه ضرك ..
واحد جارك بينشر غسيله والمية بتغرقك برده حقك .. لأنك متضرر ..
وهكذا وهكذا وهكذا ..
إنما واحد مجاش نحيتك ... ولا ضرك فى اى شئ ..
حضرتك تنورله العالى ليه ؟؟؟؟؟؟؟؟؟؟؟؟؟؟؟ انا مش فاهم ...
تروح كمان وتصوره عشان ايه ؟؟؟؟؟؟؟؟؟؟؟؟؟؟؟؟؟؟؟؟؟؟ هتروح ترفع عليه قضية ...... الموضوع مأثر فيك اوى كده ؟؟؟ البوسة مفعولها جامد اوى كده ؟؟؟؟؟؟؟؟؟ خلاااااااااااااص الجنس هو شغلنا الشاغغغغغغغغغل ..
شاب يشوف واحدة وواحد بيحبوا بعض .. يروح مغلس عليهم .. وتوصل لحد الخناقات وتحصل مصايب .. وبلااااااااااااااااااااوى ...
ده كله ناتج من ايه ؟؟؟؟؟
لو قلتلى عشان التدين والعادات والتقاليد والكلام ده .. يبأه حضرتك بتضحك على نفسك .....
الكلام ده كله وراه حقد ونفسنة وغل نتيجة الكبت اللى موجود عنده ورفضه إن حد بيحظى بالحب ده وهو ملوش فيه !!!!!!!!!
حد فى الشارع ماشى يسب الدين .. بتكلمه ؟؟؟ لأ طبعاً ... ومش انت بس لأ ده حال البلد كلها ..
حد بيشتم بأشنع الالفاظ حد بيكلمه ؟؟؟ لأ بردو ... والغريبة بردو إنها بتبأه ادام أختك وأمك وأبنك !!!!!!!!!!!!!!!!
سبحان الله ...

مصرررررررر ... للخلف دُرررررررررررر :)

[mahmoudzaied]

دى علامة من علامات يوم القيامة
ان الفاحشة والمنكر تنتشر فى الشوارع
اصلا انا مش هتكلم على البيوت لانها منتشرة فيها الحاجات دى من زمان
من نت ودش وافلام واغانى وكليبات
الشوارع فعلا بقت ظاهرة
والمشكلة ان لو واحد اتكلم معاهم وقلهم كدة عيب وحرام هيطلعوك انت اللى غلطان ويشتم فيك
والناس اللى بتقول قانون المرور الجديد وبند بيحبس الناس
يا جدعان دا فعل فاضح فى الطريق العام
هيا العربيات دى بتمشى فوق السطوح ولا فى الشارع الموضوع مش محتاج قانون مرور جديد دا شارع
الموضوع محتاج ظابط يكون عندو ضمير ويلم الناس دى بقى
دا لو عملو حاملة تروح المقطم بليل وربنا ليطلع ب 10 او 15 قضية (دا غير اللى هيهرب)
احنا فى بلد الواسطة والمحسوبيات
واللى بيعمل كدة يبقى مترباش ومعرفش ايه الصح وايه الغلط وايه الحلال وايه الحرام وكمان ظهرو مسنود

احنا فى اخر زمن
وربنا يحسن ختامنا جميعا

[Terrible_DaRsH]

لا زالت السلبية تعم على المصريين ..
و احلى جملة بنسمعها (( وانا مالى يا عم )) .
مفيش فايدة :(

[أحمد سالم]

انا مره كنت راجع من مدينة نصر وطالع المقطم
من ناحية الحى السابع المهم الشارع اللى انا ماشى فيه كله معسكرات للجيش وبعديه على طول سور طويل مقابر ومكان فاضى خالص
المهم لقيت عربيه ماشية فى نص الطريق وكأن اللى سايقها نايم
معديت منه وبصيت عليه لقيته فى وضع مخل مع البنت اللى قاعده معاه قدام ونسى خالص انه سايق هو كل اللى عامله مخلى العربيه ماشيه فى نص الطريق ومهدى السرعه وشغال قلة أدب
والمكان اصلا اللى احنا ماشيين فيه نصه مظلم الكشافات مش شغاله يعنى ممكن اى عربيه تكون جيه بسرعه وتخبطة
وهو ولا عامل حساب اى حاجه انا والله ساعتها فكرت اصوره واصور العربيه بس قلت حرام الفضايح
ولو بقى عايزين تشوفو قلة الادب بعينها فى العربيات يبقى على الكوبرى بتاع المطار
هتلاقى باليل عربيات فخمه واقفه وكله بيعمل زى بعضه وزى مايكون انهم بيتحامو فى بعض
ومش معقوله ان الحكومه مناتعرفش الحكايه دى بالذات على الكوبرى ده لانه مشهور بالحكايه دى
لاكن اهو هتقول لمين ولا هتعمل ايه
حسبى الله ونعم الوكيل

[د.أحمد سمير]

لن أكلف نفسي عناء الرد على هذا الأسلوب في الحوار ..
الذي أفهمه ويفهمه الجميع
أن هذا الفعل محرم شرعاً
أن هذا الفعل مجرم قانوناً
أن وجهة نظر العلم المتعلقة بالضبط الاجتماعي قلتها
أن كل الدول تحترم عادتها وتقاليدها وتضع أساليب للضبط الاجتماعي
أن الرأي العام في هذا الموضوع من الأعضاء ضد هذه الظاهرة

يبقى الشرع والقانون والعلم وتجارب الناس كلهم ، ورأي الأغلبية لا قيمة لهم في مقابل وجهة نظر لازم تتفرض علينا بالعافية ..
والغريب أن من يتكلم عن الحرية هو أول من يستخدم أساليب تستهدف الحجر على رأي الآخرين ووجهات نظرهم ..
لأ فعلاً ديمقراطية وحرية صحيح