فيتو على سبعاوى

[Imhotep]

عفوا يا سبعاوى على ال signature بتاعك و فيتو على امتناعك عن المشاركة فى المنتدى الاجتماعى...... شارك فى اللى يعجبك و اللى ميعجبكش متشاركش فيه..... رد على الرأى اللى يعجبك واللى ميعجبكش خليه يمر مرور الكرام و غالبا هتلاقيه يدخل فى غياهب النسيان لو كان مستفز او غير مبنى على اساس منطقى ..... ايضا لا تتجنب المواجهة و تصحيح المفاهيم، فهذا واجب على كل صاحب تفكير منطقى ...... وفى النهاية هى مقارعة للحجة بالحجة.... بدون ديماجوجية (وياريت محدش يسأل يعنى ايه ديماجوجية، لان الاجابة هى نوع من انواع البطيخ السريلانكى)

[wesam_salom]

والله عنده حق


هى ناقصه غم

محدش جاى يقول نكته

غم غم غم بس

[sh23]

*هو الأخ العزيز / سبعاوي له رأي شخصي وعبر عنة في توقيعه ؛ وهذا الرأي يستوجب الاحترام
*كمان هو لم يلزم أحد برأية ؛ يبقي أنت تزعل لية
* سؤال بسيط للأخ/mahora لماذا الحجر علي أراء اللآخرين ؟ كمان من أمتي في المنتدي حد له إستخدام حق الفيتو

[Imhotep]

*هو الأخ العزيز / سبعاوي له رأي شخصي وعبر عنة في توقيعه ؛ وهذا الرأي يستوجب الاحترام
*كمان هو لم يلزم أحد برأية ؛ يبقي أنت تزعل لية
* سؤال بسيط للأخ/mahora لماذا الحجر علي أراء اللآخرين ؟ كمان من أمتي في المنتدي حد له إستخدام حق الفيتو

اذا عرف السبب بطل العجب..... وحيثيات الفيتو هى ان المهندس/خالد الذى لم اتشرف بعد بمعرفته لكنى استمتعت بكثير من اراؤه المبنية على تفكير منطقى ممتع ومعلوماته الغزيرة فى العديد من المجالات، و رغبته فى مساعدة الاخرين فى المواضيع المختلفة، اقول ان سبعاوى احد الشخصيات التى ان غابت ستترك فراغا لا يمكن تعويضه بسهولة، وبالتالى سيخسر المنتدى الاجتماعى اراؤه الممتعة و سخريته اللاذعة سواء هنا او فى مدونته لاننا هنا جميعا نعتز بوجوده...... اذا الفيتو يأتى من منطلق الاعتزاز بوجود سبعاوى ولا شئ غير ذلك، وهو فيتو محبة و اعتزاز وليس فيتو من بتوع اشرائيل و امريكا

[نور القمر]

اذا عرف السبب بطل العجب..... وحيثيات الفيتو هى ان المهندس/خالد الذى لم اتشرف بعد بمعرفته لكنى استمتعت بكثير من اراؤه المبنية على تفكير منطقى ممتع ومعلوماته الغزيرة فى العديد من المجالات، و رغبته فى مساعدة الاخرين فى المواضيع المختلفة، اقول ان سبعاوى احد الشخصيات التى ان غابت ستترك فراغا لا يمكن تعويضه بسهولة، وبالتالى سيخسر المنتدى الاجتماعى اراؤه الممتعة و سخريته اللاذعة سواء هنا او فى مدونته لاننا هنا جميعا نعتز بوجوده...... اذا الفيتو يأتى من منطلق الاعتزاز بوجود سبعاوى ولا شئ غير ذلك، وهو فيتو محبة و اعتزاز وليس فيتو من بتوع اشرائيل و امريكا

اضم صوتي لصوت مهورة
وفيتو يا سبعاوي

[Matrix_Reloaded]

معاك ياسبعاوى وانا كمان لا بشارك ولا انا مشارك فى المنتدى الإجتماعى ده
اقولهالكم ولا تقولوها انتم
الأعضاء ماعندهمش فقه الإختلاف ولا الإدارة عندها فكرة التفاهم

ربنا يستر على الكلمتين دول اللى هما اول وأخر مشاركة ليا فى المنتدى الإجتماعى
-----------------
إدارة المنتدى تتحاور مع الجميع وتتفاهم مع الجميع سواء تابعت ذلك بنفسك أو لم تتابعه...
فما هو سبب هذا الإتهام وما هى أدلتك؟
وإذا كان الأعضاء والإدارة لا يعجبونك فما سر إهتمامك بالموضوع؟
ولماذا تنكر إشتراكك فى أكثر من موضوع بالمنتدى الاجتماعى وتدعى أنك لا تشارك فيه؟
فى إنتظار ردك

إ م -6

[wesam_salom]

معاك ياسبعاوى وانا كمان لا بشارك ولا انا مشارك فى المنتدى الإجتماعى ده
اقولهالكم ولا تقولوها انتم
الأعضاء ماعندهمش فقه الإختلاف ولا الإدارة عندها فكرة التفاهم

ربنا يستر على الكلمتين دول اللى هما اول وأخر مشاركة ليا فى المنتدى الإجتماعى

المشكله مش بس الاختلاف بين الناس

اصل احنا شبعنا من النكد اللى بننكده على نفسنا علشان اللى عايش بره مبسوط ينكد علينا ويسم بدننا

انا كل ما اغلط وارجع المنتدى استحمل يومين وبعد كدة بدنى يتسم واسيبه، بس شكلى المرادى مش راجع تانى

دى مشاركه من المنتدى العام

واضح كده انه متضايق شويه

[aif]

لا اعتقد ان سبعاوي زعل عشان اختلاف الرأي ...
لأن ببساطة ياما حصل خلافات في الرأي بين سبعاوي وزملاء آخرين ... سواء في الإجتماعي او في مجال السيارات ....
سبعاوي زعل من استخدام الآيات القرآنية لترجيح رأي وإضفاء الصبغة الدينية عليه ....
يعني صاحب الرأي مؤمن والباقي مش مؤمنين .....
هو ده اللي زعله
....
لكن انا مش متخيل الاجتماعي من غير مواضيع سبعاوي واسلوبه الفريد .....
انا متضامن مع صاحب الموضوع في الفيتو ..... لأني بأعتبر سبعاوي مش ملك نفسه فقط ..... سبعاوي ملكية عامة .... سبعاوي بتاعنا كلنا ....

وبعدين لما سيادتك ماتدخلش الاجتماعي ..... اعمل ايه انا في الملوخية اللي جبناها وغسلناها وقطفناها و خرطناها وفورناها وعملنالها التقلية المتينة وشهقنالها .. وطشششششش.... وبعدين تقوللي انا مش داخل عندكم ..... الموضوع مش بالبساطة دي يا سبعاوي .....

[Imhotep]

لا اعتقد ان سبعاوي زعل عشان اختلاف الرأي ...
لأن ببساطة ياما حصل خلافات في الرأي بين سبعاوي وزملاء آخرين ... سواء في الإجتماعي او في مجال السيارات ....
سبعاوي زعل من استخدام الآيات القرآنية لترجيح رأي وإضفاء الصبغة الدينية عليه ....
يعني صاحب الرأي مؤمن والباقي مش مؤمنين .....
هو ده اللي زعله
....
لكن انا مش متخيل الاجتماعي من غير مواضيع سبعاوي واسلوبه الفريد .....
انا متضامن مع صاحب الموضوع في الفيتو ..... لأني بأعتبر سبعاوي مش ملك نفسه فقط ..... سبعاوي ملكية عامة .... سبعاوي بتاعنا كلنا ....

وبعدين لما سيادتك ماتدخلش الاجتماعي ..... اعمل ايه انا في الملوخية اللي جبناها وغسلناها وقطفناها و خرطناها وفورناها وعملنالها التقلية المتينة وشهقنالها .. وطشششششش.... وبعدين تقوللي انا مش داخل عندكم ..... الموضوع مش بالبساطة دي يا سبعاوي .....

هو ده الكلام وهو ده قصدى بالتحديد من الموضوع.....

[itsonlyme]

عشان بس الناس تفهم انتو بتتكلموا عن ايه
ده توقيع الأستاذ خالد (المعروف بسبعاوي)

[Dr Ahmed]

ممكن تبعتوا له على الخاص بكل مشاعركم وآرائكم

لكن بصراحة مش عارف فايدة المناقشة دى إيه وإيه علاقتها بإتهام الإدارة بعدم التفاهم كأن فيه أعضاء مستنية أى دخلة مناسبة أو غير مناسبة لعمل فرقعة والسلام

وأخيرا سبعاوى بيغير توقيعه باستمرار ومش بعيد يكون غير توقيعه قبل مايشوف الموضوع دا أساسا

[Imhotep]

ممكن تبعتوا له على الخاص بكل مشاعركم وآرائكم

لكن بصراحة مش عارف فايدة المناقشة دى إيه وإيه علاقتها بإتهام الإدارة بعدم التفاهم كأن فيه أعضاء مستنية أى دخلة مناسبة أو غير مناسبة لعمل فرقعة والسلام

وأخيرا سبعاوى بيغير توقيعه باستمرار ومش بعيد يكون غير توقيعه قبل مايشوف الموضوع دا أساسا

السبب اللى انا عملت علشانه الموضوع انى لاحظت انه سبعاوى غير توقيعه الى ذلك الاعلان عن مقاطعة الاجتماعى..... و اعتقد ان "الخاص" هنا لن يكون وافيا لان سبعاوى من الشخصيات العامة ال popular فى المنتدى التى تحبها الناس و تحترمها بسبب اراؤها حتى بدون معرفة شخصية فعلية..... وهذا هو الحاصل فى حالتى مع سبعاوى..... هو صديق عبر الاثير من خلال الافكار والاراء و التحليلات المشتركة فى المواضيع المختلفة.
اما بخصوص الادارة فلها الحرية فيما تفعل حسب رؤيتها لتطبيق قوانين المنتدى و ان كانت هناك ملاحظة صغيرة هى انه كل شوية نلاقى عضو يستودعنا الله و يعلن انسحابه من المنتدى..... و احد الاصدقاء الاعزاء وهو الدكتور اليشع اختفى فى ظروف غامضة بدون اى تفسير من اى احد و لاحظت مرة انه مكتوب تحت اسمه Banned يعنى ممنوع..... طب اتمنع امتى و ليه و ازاى؟ الله و اعلم..... فلو استمر الامر هكذا فى استمرار انسحاب من نعتز بوجودهم بيننا ممن لهم وجود عزيز على قلوبنا و اسهامات جلية و جليلة للمنتدى و اعضاؤه، فمن سيتبقى اذن، ومن سيعوض هذا الغياب و الفراغ الذى يتركه هؤلاء الاعضاء؟

[Dr Ahmed]

احد الاصدقاء الاعزاء وهو الدكتور اليشع اختفى فى ظروف غامضة بدون اى تفسير من اى احد و لاحظت مرة انه مكتوب تحت اسمه Banned يعنى ممنوع..... طب اتمنع امتى و ليه و ازاى؟ الله و اعلم..... فلو استمر الامر هكذا فى استمرار انسحاب من نعتز بوجودهم بيننا ممن لهم وجود عزيز على قلوبنا و اسهامات جلية و جليلة للمنتدى و اعضاؤه، فمن سيتبقى اذن، ومن سيعوض هذا الغياب و الفراغ الذى يتركه هؤلاء الاعضاء؟

يافندم لو حضرتك متابع كنت هتعرف كم المشاكل اللى عملها والعضويات اللى دخل بيها- على الأقل راجع قسم الشكاوى ، مافيش حد بيبقى باند إلا لأسباب قوية ، ومش عارف بصراحة أى حاجة عن الفراغ اللى حضرتك بتتكلم عنه

أما بخصوص أخونا العزيز سبعاوى فأحيانا لأسباب مؤقتة يغير المرء توقيعه ويراجع تفكيره فيغيره مرة أخرى، وتوقيع سبعاوى تم تغييره من يوم أو أتنين, يعنى الأفضل نسيبه الأول لحد ما السبب اللى خلاه يكتب التوقيع (يبرد) وبعد كده هو هيرجع زى ماكان !

[Imhotep]

يافندم لو حضرتك متابع كنت هتعرف كم المشاكل اللى عملها والعضويات اللى دخل بيها- على الأقل راجع قسم الشكاوى ، مافيش حد بيبقى باند إلا لأسباب قوية ، ومش عارف بصراحة أى حاجة عن الفراغ اللى حضرتك بتتكلم عنه

أما بخصوص أخونا العزيز سبعاوى فأحيانا لأسباب مؤقتة يغير المرء توقيعه ويراجع تفكيره فيغيره مرة أخرى، وتوقيع سبعاوى تم تغييره من يوم أو أتنين, يعنى الأفضل نسيبه الأول لحد ما السبب اللى خلاه يكتب التوقيع (يبرد) وبعد كده هو هيرجع زى ماكان !

انا لا احتاج لمراجعة قسم الشكاوى لانى اعلم انه من المؤكد ان لديكم اسبابكم الوجيهة و انا قلت فى مشاركتى السابقة ان الادارة (لها الحرية فيما تفعل حسب رؤيتها لتطبيق قوانين المنتدى). اما الفراغ الذى اتكلم عنه فاعتقد ان scan سريع حضرتك ممكن تعمله للموضوعات الهادفه و المشاركين فيها و قيمة اراؤهم، ساعتها ستعرف ما اقصد.
لكنى اتفق معك فيما يخص اخونا سبعاوى، كل الموضوع انى حبيت ان اوضح له على الملأ مدى تمسكنا بوجوده، واعتراضنا على مقاطعته للاجتماعى للابد، واعتقد انى لم اكن وحدى فى اظهار هذا الشعور- رغم احترامنا الكامل لرغبته الاعتزال، ولو الى حين وهذا هو ما نحرص عليه، ان الاعتزال يكون الى حين وليس مستديم.

[Dr Ahmed]

كل الموضوع انى حبيت ان اوضح له على الملأ مدى تمسكنا بوجوده، واعتراضنا على مقاطعته للاجتماعى للابد،

أؤيدك طبعا فى هذه الجزئية وأتمنى أن يصل هذا الموضوع للأستاذ سبعاوى ليعرف بعض من مشاعر أعضاء المنتدى نحوه وشكرا لك.