لأصحاب الخبرة فى الشبكات اللاسلكية

[Hacker5]

انا ان شاء الله هاعمل شبكة Wireless و عايز اعرف هاتكلف كام و ايه الاجهزة المستخدمة
و عايز اعرف يعنى اكسيس بوينت و يعنى ايه انتينا و نانو ستيشن و باور ستيشن

و عايز اجيب راوتر كويس بسعر معقول
علما نا المسافة بينى و بين المشتركين مش هاتبقى كبيرة قوى هو يادوبك شارع سوريا و شار وادى النيل فى المهنسين

و التركيب ازاى و كدة

ياريت اى حد عنده خلفية عن اى حاجة يعرفنى

[moh_kamal67]

فيه راوترات بتبقى نازلة من شركة سيسكو ، اللى بتعمل سيرفرات الانترنت ، دى احسنهم اسمها لينك سيس ، وفيه نيت جير محترمة برضه ، ثم دى لينك ، دى الماركات ، وكل ماركة المهندس اللى هايبيعهالك هايشرحلك ايه الازم
انا جربت اللينك سيس فى الدخول على الانترنت ادائه رائع فى الاسلكى وقوى جدا

[Hacker5]

انا برضو اسمع ان TP Link كويس جدا و مش غالى أيه رأى حضرتك

[medo55]

TP Link لسه جديد مبئالوش سنتين او تلاته علشان كدا سعره رخيص وعايز يعمل اسم ليه , انا جربت منه سويتشات بس مكانتش برضو اد كدا لانها عايز الي يحافظ عليها اوي يعني تحسس عليها في الاستخدام ويكون اندور كمان مش اوت دور

وزي ما تفضل الاستاذ محمد قال افضل الانواع وصراحه برشح لك برضو الانواع الي قالك عليها Dlink وايرليس و 4 بورت LAN انا كنت شاريه اصلا بحوالي 330 جنيه من سنتين ونص يعني النهارده اقل من كدا بكتييير وكنت شاريه من المول في المهندسين بتاع سوق الكمبيوتر ( تقريبا )

بخصوص المسافات وانك تركب نانو ستيشن و باور ستيشن :D ماعنديش علم صراحه ان شاء الله حد يدخل ويرد عليك بيهم

[itsonlyme]

شارع سوريا وشارع وادي النيل؟ أنت بتتكلم بالشوارع؟

ال Wi-Fi المنزلي يادوبك تلقطه العمارة اللي في وشك على طول.

في Wi-Fi بعيد المدى بس ده محتاج مقوي اشارة وآريال زي بتاع التلفزيون

http://en.wikipedia.org/wiki/Long-range_Wi-Fi

[Hacker5]

شكرا يا جماعة بس يعنى ايه indoor و outdoor
و يعنى كدة الاشاره متوصلش من سوريا لوادى النيل ولا ايه؟

[msobhy]

حضرتك عن تجربة هات 3com وبرضو عن تجربة الباقى كله عك
بالنسبة لمسافات طويلة يبقى لازم تحدد المسافة قد ايه بالظبط بالاضافة لوجود موانع اسمنتيه أو معيقات اشاره
وبرضو عن تجربه لو مكان واحد يفضل ولو عايز الدنيا تشتغل صح لو المسافة كبيره شوية لازم تزود access point
برضو انا خبرتى مش جامده قوى ممكن حضرتك تدور على النت على المواضيع ديه

[mramzy]

شكرا يا جماعة بس يعنى ايه indoor و outdoor

يعنى استعمال داخل المنزل او خارجه يعنى المؤثرات المحيطه المشس ودرجه الحرار والغبار دى كلها مؤثرات تاثر على الجهاز ولازم يكون مجهز للعمل فى الجواء المفتوحة

[Hacker5]

الف شكرا يا جماعة

[aratux]

نصيحة بلاش الموضوع ده
إنت كدة بتحط نفسك فى موقع مسائلة لأن دى قضية
طيب لو واحد من المشتركين بتوعك عمل حاجة مخالفة؟؟ سواء سياسة أو دعارة أو نصب؟
مين هايتاخد فيها؟؟
حضرتك طبعا

إبعد عن الشر و غنيله نصيحة

[analyzer]

انت عايز تشتغل قانونى ولا من تحت الستار
لو عايز قانونى هات تصريح من المركز القومى لتنظيم الاتصالات
وبكده هتقدر تعمل شبكه كبيرة تجيبلك فلوس كتير جدا

[Hacker5]

يا جدعان انا مش عاملها بغرض المسكب احنا عملين فى العمارة عندنا شبكة سلكية و ناس صحابنا فى الشارع اللى ورانا عايزين يدخلو معانا و طبعا مش هانعرف نمد سلك عشان المظهر العام و المسافة طويلة

اما بالنسبة لحوار القضية انا فاهم الموضوع و كدة كدة الراوتر مش هايكون عندى و انا حذرت الشخص اللى اقترح ان الراوتر يكون عنده بالموضوع دة و قالى مافيش مشاكل هو حر بقى