خناقات بسبب البنات

[fady.bekatcho]

يا جماعة فى حاجة بتدات تنتشر اوى اليومين دول

الشباب بقوا بيخناقوا كتير اوى بسبب البنات

ولاسباب معلش يعنى تافة
يعنى بنت تيجى تقول لصحبها دا بصلى بصة مش حلوة يروح متخانق معاة

دا مش عارف وقف فى طريقى يروح يتخانق معاة

والى بيضر فى الاخر الولد مش البنت

وفى حالات كتير بتوصل لموت

وحصلت لواحد نعرفة من كام سنة ومات والتانى دخل السجن

ولسة بكلم صحبى حالا فى معهد فى الزقازيق

يقلى ان حصلت خناقة بسبب البنات ووالواد توفى ( الله يرحمة ) فى قلب المعهد

انتوا اية رايكم فى الكلام دة

[ASKAFRAWY]

الفضا يعمل اكتر من كدة!!يعنى معلش هى التفاهة وصلت لحد كدة!وبعدين ما اليبص يبص هو يعنى داخل معاها الجامع!
الحادثة الحصلت قبل كدة كانت فى night club وغلى ما اعتقد ان مش دى الرجوله لان اساسا البنت المعاك ماتستهلش انك تموت نفسك عشانها!

[Sherif Khalifa]

والله لو البنت بتحب الولد فعلا مش هتدخلة فى مشاكل بسبب بصة ولا كلمة مش عاجباها

دا شغل بنات هايفة

[eslam_wega]

اولا طبعا بشكرك على الموضوع الجميل ده
انا رايى ان الاختلاط من الاول هو الى غلط يعنى انا مش بعترف بحاجة اسمها صداقة بين الولد والبنت
تقولى حب اصدقك تقولى صداقة بيقا بنتحك على بعض ولان الحب ده حاجة مينفعش تجرى وراها لازم الحب هو الى يجيلك يبقا بالتالى علاقتك بالبنات تبقا سطحية ومش هيحصلك اى مشاكل او اى استغلال
وانا مقتنع 100 % ان مش هلقى الحب غير بعد الخطوبة او الجواز ان شاء الله
بس لازم يكون فى توافق من الاول طبعا عشان كدا مش بتعب نفسى بالحوارت دى
ودى وجهة نظرى والله اعلم

[fady.bekatcho]

فعلا عندكم حق كل دا شغل ناس تافة

لان بسبب البنت الى عملت المشكلة

ادى واحد توفى الله يرحمة طبعا

وواحد ولا اتنين ضاع مستقبلة وممكن يكون فى ناس تانية حصلتهم عاهات

لية كل دة من البداية

ولية اصلا الشباب عملوا فى نفسهم كدة

كل دا علشان يطلع علية انة راجل لو الرجولة بالخناقات كان زمان مصر ولعت فى نفسها

[Ayman_52]

الفضا يعمل اكتر من كدة!!يعنى معلش هى التفاهة وصلت لحد كدة!وبعدين ما اليبص يبص هو يعنى داخل معاها الجامع!
الحادثة الحصلت قبل كدة كانت فى night club وغلى ما اعتقد ان مش دى الرجوله لان اساسا البنت المعاك ماتستهلش انك تموت نفسك عشانها!

+1000000

تافهه...وفهم خاطىء لمعنى الرجوله

بجد فى عقول بنات كتيره بتكون فى منتهى الهيافه والتافهه...وهى عشان بتبقى عاوزه اهتمام ممكن تعمل اى حاجه ...ومش عامله فى حسابها ايه اللى ممكن يترتب عليه؟؟؟

[fady.bekatcho]

مع احترامى لاريك طبعا اخى eslamwega

بس فعلا ساعت بتبقى فى صداقات بين ولد وبنت وما بتحصلش مشاكل

ودا فية منة كتير

[SeiffoZ]

دى عيال هبلة فاكرين إنه بالعنف هتعرف تحل كل حاجة

[eslam_wega]

مع احترامى لاريك طبعا اخى eslamwega

بس فعلا ساعت بتبقى فى صداقات بين ولد وبنت وما بتحصلش مشاكل

ودا فية منة كتير

صح كلامك طبعا
بس فى الاخر بتلقب بحب وبيكون فى اسباب انهم ميقدروش يكملوا مع بعض ويترتب على ده فترة من الكابة

[fady.bekatcho]

فعلا فى اوقات كتير بتقلب بحب

بس هقلك على حاجة

انا مثلا لما بتعرف على حد بعزة جدا

واعرف بنات وبجد اكتر من اخواتى

معنى كدة انى احب كلة

لا دا حسب مشاعر الانسان

ولا انت اية رايك

[eslam_wega]

معك حق
بس لو انا مش عايش حالة حب وعندى اصحاب بنات مش بايدى لازم هحب واحدة منهم حب بجد مش صدقة
وفى بردوا شباب بتبقى بتحب وبيقولك انا احب ددى ودى ودى كمان انا قلبى كبير ويشيل كتير (تحس انه بيلعب حديد وواقف فى جيم )
واهم من كل ده وانت وانا عارفين كويس ان اصلا علاقة الصداقة دى بتكون محرمة
ده يعنى لو احنا ماشين على الدين لكان الصراحة احنا وانا اولهم بنخط سطر ونسيب عشرة على فكرة انا مبسوط بالكلام معك جدا

[Sameh]

عارفين الحيوانات بتعمل إيه ؟؟ الذكور بتتخانق برضوا بس علشان التناسل والتكاثر ، لأن الذكر الأقوى هيجيب نسل أقوى وكدة يحفظ النوع ويحصل إنتقاء طبيعى للسلالة الأقوى

أما البنى آدميين بيتخانقوا عشان منظرة وعشان بصة وعشان واحدة مافيش بينه وبينها أى حاجة أصلاً ، والبيه اللى بيتخانق عشان الهانم هو نفسه مايقدرش يظهر معاها قدام أهلها ! أما البنات بقا (المستوى الواقع أوى) بيسخنوا الشباب (الهايف أوى) عشان يتخانق عشانهم عشان يحسوا بأنوثة مفتقدة !! ونادراً ماتشوف حد محترم بيتخانق عشان واحدة محترمة لأن غالباً المحترمين دول مابيحطوش نفسهم فى مواقف غير محترمة ولا بيروحوا أماكن غير محترمة

[eslam_wega]

عارفين الحيوانات بتعمل إيه ؟؟ الذكور بتتخانق برضوا بس علشان التناسل والتكاثر ، لأن الذكر الأقوى هيجيب نسل أقوى وكدة يحفظ النوع ويحصل إنتقاء طبيعى للسلالة الأقوى

أما البنى آدميين بيتخانقوا عشان منظرة وعشان بصة وعشان واحدة مافيش بينه وبينها أى حاجة أصلاً ، والبيه اللى بيتخانق عشان الهانم هو نفسه مايقدرش يظهر معاها قدام أهلها ! أما البنات بقا (المستوى الواقع أوى) بيسخنوا الشباب (الهايف أوى) عشان يتخانق عشانهم عشان يحسوا بأنوثة مفتقدة !! ونادراً ماتشوف حد محترم بيتخانق عشان واحدة محترمة لأن غالباً المحترمين دول مابيحطوش نفسهم فى مواقف غير محترمة ولا بيروحوا أماكن غير محترمة

100 100 يا سامح

[lancerevolution]

شباب هايف و بنات أهيف أنا بستحقر هذا النوع من الخناقات و حتى ما بحبش أتفرج عليه "من هوايتى الفرجة على الخناقات" و بيكون السبب إيه كلم البت بتاعتى "على أساس إنك جايبها منين" عاكس البت بتاعتى " إشتريتها بكام عشان أشترى واحدة" و تلاقيه هو نفسه واقف يعاكس ما الى ماترضاهوش لنفسك ماترضاهوش لغيرك أنا عن نفسى بقول ممكن يبقى فى صداقة بين و لد و بنت إنما حب معتقدش بيبقى حقيقى "دا فى فترة الجامعة" الإتنين الحبيبة دول "الولد و البنت " دايما تلاقيهم فشلا فى الدراسة أو مقضينها معارف أو غش لأنهم مضيعين وقتهم فى التليفون

[Abdo_Eldesokey]

كفاية عليه إنه هيقابل ربنا يقله أنا مت علشان بنت كنت ماشي معاها ومليش أي علاقة شرعية بيها ... تخيلوا الوضع هيكون ازاي ؟

ربنا يغفرلهم ويرحمهم