نكت يا ناس نكت

[AudiQ7]

يا باشا ...
الراجل وضح فى الاول المقصود بكلمه صعيدى و كمان اعتذر و قال ان الموضوع منقول كده ...
و على فكره انا بتعامل فى شغلى مع صعايده كتير جدا ...
منهم الكويس و منهم الوحش زى اى حد عادى يعنى ...و على فكره فى معزه خاصه بينى و بينهم ..
يا ريت متزعلش من كلامى ...
و خلينا نضحك بقى و اعتبر انه بيقول واحد مصرى مش واحد صعيدى ...

يا سيدي الفاضل .. يكتب اللي هوه يقصده .. الناس القديمه قالت مثل كويس: قالت كلمه الراجل زي الطلقه ... اذا قالها مايعرفش يسحبها ..
الواحد يكون دقيق في كلامه بس مش اكتر و يتفادي الاستهتار بالشخص اللي قدامه ..
انا هاشرحلك بس موقف بسيط :
دلوقتي زي ما انت شايف النكت ماهاش اول ولا اخر .. اذا خصصتها علي الصعايده في ناس بتصدق .. او علي الاقل"بتنفض للصعايده لان دول شكلهم كذا و بيضربوا بيهم المثل في كذا"
اذا تم تغيير صعيدي دي لمصري ... فالعربي هايفكر نفس التفكير ... اذاغيرها لعربي .. فالاجنبي هايفكر نفس التفكير ... البني ادم واحد مايفرقش جنسه او دينه او شكله ..
لو قلت نكت علي الصعيدي الصعيدي هايزعل .. لو قلت نكت علي المصري المصري هايزعل .. لة قلت نكت علي البوذي البوذي هايزعل .. لة فلتها علي الهندي هايزعل برضه ..
اللي عاوز يقول نكته يتفادي تخصيصها علي فئه معينه من الناس .. و يستبدلها ب "واحد" .. مثال :

النكته الاولي :
واحد بيدهن الحيطة .. قالوله حط جرنال تحتيك .. قالهم لأ أنا كده طايل كويس

النكته التانيه :
واحد بالغلط دخل متحف للفن الحديث
توقف عند احد اللوحات وسأل أحد المنظمين جنبه
ايه الشكل المرعب ده، هو ده الفن اللي بتسموه حديث؟
رد المنظم : دى مراية يا أستاذ

النكته مش هاتفقد معناها و هاتتفادي الغلط في الناس ..

توضيح بسيط : انا مش زعلان بس دي مباديء .. انا مابغلطش في حد و مش عاوز حد يغلط فيا .. مش اكتر من كده ..

تحياتي ...

[KHALED AYMAN]

يا سيدي الفاضل .. يكتب اللي هوه يقصده .. الناس القديمه قالت مثل كويس: قالت كلمه الراجل زي الطلقه ... اذا قالها مايعرفش يسحبها ..
الواحد يكون دقيق في كلامه بس مش اكتر و يتفادي الاستهتار بالشخص اللي قدامه ..
انا هاشرحلك بس موقف بسيط :
دلوقتي زي ما انت شايف النكت ماهاش اول ولا اخر .. اذا خصصتها علي الصعايده في ناس بتصدق .. او علي الاقل"بتنفض للصعايده لان دول شكلهم كذا و بيضربوا بيهم المثل في كذا"
اذا تم تغيير صعيدي دي لمصري ... فالعربي هايفكر نفس التفكير ... اذاغيرها لعربي .. فالاجنبي هايفكر نفس التفكير ... البني ادم واحد مايفرقش جنسه او دينه او شكله ..
لو قلت نكت علي الصعيدي الصعيدي هايزعل .. لو قلت نكت علي المصري المصري هايزعل .. لة قلت نكت علي البوذي البوذي هايزعل .. لة فلتها علي الهندي هايزعل برضه ..
اللي عاوز يقول نكته يتفادي تخصيصها علي فئه معينه من الناس .. و يستبدلها ب "واحد" .. مثال :

النكته الاولي :
واحد بيدهن الحيطة .. قالوله حط جرنال تحتيك .. قالهم .....
.......
....
...

تحياتي ...

انا فهمت قصدك ...
انا على فكره لما قلت يقول مصرى بدل صعيدى كان قصدى انه يتكلم علينا كلنا لاننا كلنا اخوات و مفيش فرق بينا ...
و رأيك اصح من رأيى ...
و عموما حصل خير ...
و على فكره والله الصعايده دمهم خفيف جدا انا لما بروحلهم ببقى هموت من الضحك ..

[Goodle]

الحمد لله إن الموضوع عدى
وشكرا لصاحب الموضوع لرسم الابتسامة على وجوههنا
والاحترام لجميع الأعضاء

[نور القمر]

عادي ايه المشكلة لما نكتب موضوع فيه نكت على الصعايدة
النكت دي بتقال في كل مكان وبنقولها لبعض للفرفشة والهزار
مش لازم ناخد الموضوع بالحساسية دي والدنيا كلها عارفه ان النكت لا تنطبق على شخصية الصعيدي بجد
وبعدين ما ياما مواضيع اتكتبت فيها نكت على الصعايدة اشمعنه الموضوع ده الي مزعلكم اوي
على فكرة انا صعيدية وافتخر اني صعيدية وعجباني نكت الصعايدة اللي في الموضوع وضحكتني اكتر من اي نكت تانية

[نور القمر]

في نكته قريتها هنا من فترة عجباني اوي
بيقولك مرة واحدة صعيدي بعد ما خلص جيش فكر يعمل مشروع راح فتح كشك شرطة عسكرية

[hegazi_arc]

علي فكرة انا لما قلت هبل كان قصدي النكت اللي عملتلها اقتباس مش صاحب الموضوع ...دي اول حاجه
تاني حاجه انا اعتراضي مش ان صاحب الموضوع بيقول مرة واحد صعيدي او غيره...مع ان ده برضه ضايق ناس
انا معنديش مانع ننكت ونضحك بس محدش يلخبط في الكلام و يدخل ربنا في الموضوع .....
المجالات كثيرة و متنوعه في اني اقول نكت وضحك
فامجيش اتزنق في ركن فيه شبهه واقعد انكت
والنكت اللي انا عملت لها اقتباس باين فيها الموضوع ده جدا
وفي حديث بيقول فيما معناه ان الشخص يلقي كلمة لا يلقي لها بالا (يعني مش واخد بله من اللي قاله)تلقي به في جهنم سبعين خريف
ايه رايكم بقي في اللي بيقول كلمة و هو واعي و عارف معناها كويس
و النكته اللي اقصدها بالكلام ده هي رقم 7
عشان كده قلت للاخ صاحب الموضوع الجامد يقرا كويس اللي بينقله
وطبعا اللي مش مقتنع بالكلام ده او حاسس اني بهول هو حر

[Mohamed.Raafat]

علي فكرة انا لما قلت هبل كان قصدي النكت اللي عملتلها اقتباس مش صاحب الموضوع ...دي اول حاجه
تاني حاجه انا اعتراضي مش ان صاحب الموضوع بيقول مرة واحد صعيدي او غيره...مع ان ده برضه ضايق ناس
انا معنديش مانع ننكت ونضحك بس محدش يلخبط في الكلام و يدخل ربنا في الموضوع .....
المجالات كثيرة و متنوعه في اني اقول نكت وضحك
فامجيش اتزنق في ركن فيه شبهه واقعد انكت
والنكت اللي انا عملت لها اقتباس باين فيها الموضوع ده جدا
وفي حديث بيقول فيما معناه ان الشخص يلقي كلمة لا يلقي لها بالا (يعني مش واخد بله من اللي قاله)تلقي به في جهنم سبعين خريف
ايه رايكم بقي في اللي بيقول كلمة و هو واعي و عارف معناها كويس
و النكته اللي اقصدها بالكلام ده هي رقم 7
عشان كده قلت للاخ صاحب الموضوع الجامد يقرا كويس اللي بينقله
وطبعا اللي مش مقتنع بالكلام ده او حاسس اني بهول هو حر

أنا معاك في النقطة دي

لأنه ما يصحش اننا بأي حال من الاحوال ننكت على الدين ( و الحديث المذكور واضح و صريح)
عازين نهرج نهرج في أي حاجة ماعدا الدين ( و رحم الله من استمع فأطاع )

[mrghost]

جامدين جدا شكرا

[KHALED AYMAN]

علي فكرة انا لما قلت هبل كان قصدي النكت اللي عملتلها اقتباس مش صاحب الموضوع ...دي اول حاجه
تاني حاجه انا اعتراضي مش ان صاحب الموضوع بيقول........
...........
....

أنا معاك في النقطة دي

لأنه ما يصحش اننا بأي حال من الاحوال ننكت على الدين ( و الحديث المذكور واضح و صريح)
عازين نهرج نهرج في أي حاجة ماعدا الدين ( و رحم الله من استمع فأطاع )

خلاص يا جماعه حصل خير و فعلا معاكو حق فى ان الهزار فى الدين مينفعش ...
يلا بقى قولولنا نكته حلوه بقى ههههههه

[eng.octooo]

ههههههههههههههههههه بس انا اصلى صعيدى

[Bossy_Fadl]

ميرسي ليك Mobitek علي النكت

عن جد كنت هامووووووووت من الضحك

خصوصا دي

اتنين مساطيل طينة طلبت معاهم ان اول واحد هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها

طبعا مش لاقي كلام اوصف بيه الهبل ده
ياريت قبل ما نبعت حاجة نقرائها كويس
او لو بطلنا استظراف يبقي احسن واحسن
ياريت الادارة لو تمسح اللخبطه ديه و تدي حاجه
علي الماشي للعضو الجامد

و هي دي طريقه النصح اللي حضرتك بتنصح بيها العضو (الجامد)؟

(الهبل) و ( الاستظراف) و (الادارة تيجي تدي حاجة عالماشي للعضو الجامد)؟

يعني انا المفروض لما اجي انصح حد بشي انا شايفه من وجهة نظري انو غلط يبقي لازم اسلوبي يبقي ارقي بكتير اوي من اسلوبه (مع العلم ان العضو الفاضل صاحب الموضوع ماغلط بشي غير انه يمكن مافهم او ما اخد باله انو النكتين دول ممكن يكون فيهم شبهه دينيه)

ظريفه اوي عن جد طريقه النصح و الانتقاد دي

تخلي الواحد يصر علي غلطه مهما كان غلطان

يعني حضرتك ممكن جدا لما تشوف شي زي ده تقول لصاحب الموضوع مثلا ياريت حضرتك تحذف النكتتين دول عشان فيهم شبهه و شكرا لحضرتك و خلاص.

يعني تبقي طريقه النصح نفسها كويسه تخلي الانسان اللي قدام حضرتك يتقبل كلامك بصدر رحب.

ربنا يهدينا جميعا

و احترامي و تقديري للجميع

[جمال]

في نكته قريتها هنا من فترة عجباني اوي
بيقولك مرة واحدة صعيدي بعد ما خلص جيش فكر يعمل مشروع راح فتح كشك شرطة عسكرية

لا يا نور النكته دى اصلا على المنايفه ( اهل المنوفية ) مش الصعايده , ولا انتى بتخافى تتكلمى على المنايفة

[Bossy_Fadl]

لا يا نور النكته دى اصلا على المنايفه ( اهل المنوفية ) مش الصعايده , ولا انتى بتخافى تتكلمى على المنايفة

لا يا جدو جمال نور صح

بليز لا تنكر الحقيقه

فعلا النكته كانت عن الصعايده مش المنايفه

اصلها لو عن منايفه معناها شو راح يكون يعني؟

[جمال]

لا يا جدو جمال نور صح

بليز لا تنكر الحقيقه

فعلا النكته كانت عن الصعايده مش المنايفه

اصلها لو عن منايفه معناها شو راح يكون يعني؟

اصل المنايفه معروف عنهم حبهم الشديد للخدمة العسكرية , حتى لما يسيبو الجيش يلزقو فيه حتى بكشك شرطة عسكرية

[نور القمر]

لا يا نور النكته دى اصلا على المنايفه ( اهل المنوفية ) مش الصعايده , ولا انتى بتخافى تتكلمى على المنايفة

اذاً اللي كتب النكتة هنا قبل كدة في نايل بيحرف النكت ويزورها
وبعدين انا اخاف من المنايفه ليه
كدة كدة مش هنطول منهم حاجه :POINTI~2[2]: